Fréttablaðið - 27.02.2004, Blaðsíða 43

23FÖSTUDAGUR 27. febrúar 2004
Galdurinn við þessi buff ermeðal annars sá að þau fara
frosin beint á pönnuna. Þú bara
annaðhvort átt þau í frysti eða
kaupir þau á leiðinni heim,“ segir
Eymundur Magnússon, bóndi í
Vallanesi á Héraði, og bendir á
nýja skyndirétti sem hann er
byrjaður að fjöldaframleiða undir
vörumerkinu Móðir jörð. Þetta
eru byggbuff og rauðrófubuff úr
lífrænu hráefni, krydduð og soð-
in. Hann segir auðvelt að hita þau
í örbylgju eða ofni en ljúffengust
verði þau af pönnunni. „Þá verða
þau stökkt eins og buff eiga að
vera,“ segir hann. Þriðji rétturinn
er byggsalat. Undirtitillinn á því
er tabúlé. „Dóttir mín, sem hefur
farið víða um heim, er höfundur
uppskrifta. Hún vill kalla þetta
tabúlé,“ segir Eymundur til skýr-
ingar.
Hráefnið í réttina er að mestu
ræktað í Vallanesi. Það sem
keypt er til viðbótar er allt líf-
rænt ræktað, jafnvel smæstu
kryddagnir, að sögn Eymundar.
„Það greinir þessa rétti frá öðr-
um vörum á markaðinum,“ segir
hann. Salatið er fryst líka en er
fljótt að þiðna á borðinu á meðan
aðalrétturinn er eldaður. „Það er
líka hægt að grípa það með sér á
morgnana í vinnuna og þá er það
orðið þítt í hádeginu ef fólk vill
létta máltíð,“ bendir hann á.
Framleiðsluvörur Eymundar
í Vallanesi eru löngu orðnar
þekktar, grænmeti, bygg og olí-
ur. Þær eru allar merktar Móður
jörð.
En hvenær skyldi hann hafa
byrjað að þróa skyndibitana?
„Það eru örugglega tvö ár síð-
an við byrjuðum, ég og dóttir
mín, Þórunn. Hún er listakokkur
og höfundur uppskrifta. Þetta er
rökrétt framhald af því sem ég
hef verið að gera. Maður byrjar
í jörðinni og svo vex maður upp
og vill flullkomna hlutina.“
Hann segir marga hafa ráð-
lagt honum að hafa heldur vinnsl-
una á höfuðborgarsvæðinu en
hann langi að skapa störf við
framleiðsluna fyrir austan og
tengja hana við Vallanes. ■
Tryggvi Harðarson, bæjarstjóriá Seyðisfirði, stundaði nám í
Kína og hefur prófað ýmsa ný-
stárlega rétti. „Þar borða menn
hunda. Glóðasteiktur hundur þyk-
ir alveg ágætis réttur, en þetta er
aðallega kóreaskur siður. Ég hef
fengið mér hunda á kóreöskum
veitingastöðum. Þessir litlu voru
ágætir.
Svo hef ég prófað slöngukjöt,
sem mér fannst svolítið skrítið
fyrst. Þetta minnti mann að sumu
leyti á kjúklingakjöt. Ég borðaði
alls konar tegundir, allt frá smá-
slöngum niður í smáorma. Kín-
verjar borða líka silkiorma, þeir
eru fínir í súpur. Þeir eru líka
þurrkaðir og notaðir sem snakk
og eru ágætir þannig. Ég borðaði
líka kattakjöt, turtildúfur og
fleira gómsætt. Ég var nú ekkert
hrifinn af kattakjötinu.“
Tryggvi neitar því ekki að hann
hafi stundum óað við því að
smakka þessa rétti. „Maður tók
bara vel af hrísgrónum og brenni-
víni með til að fá kjarkinn. En ég
ætlaði að smakka þetta. Mér
finnst gaman að prófa eitthvað
nýtt. Það eru mismunandi venjur í
hinum ýmsu löndum og ég hef til
dæmis prófað hrátt selspik á
Grænlandi. Þegar maður ferðast
er hluti af því að kynnast matar-
menningunni. Mörgum útlending-
um finnst til dæmis spennandi að
fá kæsta skötu á Íslandi því það er
matur sem þeir nálgast ekki ann-
ars staðar.“
Tryggvi var í fjögur ár í Kína og
kynntist því matarmenningunni
talsvert. „Kínverskur matur er
mjög svæðisbundinn og mörg mis-
munandi eldhús til eftir héruðum
og landshlutum. Ég var farinn að
finna mér mína uppáhaldsrétti
sem gátu komið víðs vegar að. Hér
heima elda ég alltaf kínverska
rétti af og til, þótt það taki sinn
tíma.“ Tryggvi segist þó aldrei
hafa komist það langt að matreiða
hunda eða ketti sjálfur. ■
Perlan:
Ostrur og
krabbar
Sjávarréttaveisla Perlunnar er aðverða árviss viðburður á útmán-
uðum. Hún hefst 4. mars og stendur
til 12. mars. Á því tímabili verður
sjávarréttahlaðborð á hverju kvöldi
í þessu virta veitingahúsi á hita-
veitutönkunum í Reykjavík. Þar
getur fólk valið úr einum þrjátíu
réttum, bæði köldum og heitum.
Flestir byggjast þeir á íslensku hrá-
efni úr hafinu í kring um okkur en
framandlegar tegundir fiska fljóta
þó innan um. Ostrur og kanadískir
krabbar eru þar á meðal. Þetta er 5.
árið í röð sem Perlan efnir til slíkr-
ar veislu og hún hefur ávallt laðað
að sér fjölda gesta. ■
Íslenskir skyndiréttir úr lífrænu hráefni:
Frosin buffin fara
beint á pönnuna
BÓNDI OG HUGSJÓNAMAÐUR
Eymundur pakkar vörunni í litríkar teningslaga umbúðir.
TRYGGVI HARÐARSON
Hefur marga fjöruna sopið og meðal ann-
ars borðað hunda, ketti og slöngur.
Skrítnasti maturinn:
Litlu hundarnir fínir en ekkert varið í kattakjöt
Uppskrift frá Móður jörð:
Indverskt naan-brauð
200 g byggmjöl
250 g hveiti, helst óbleikjað
1 dós hrein jógúrt
1 msk. hrásykur
1/2 msk. salt
2 msk. sesamfræ
50 g þurrger
Leysið þurrgerið upp í 1 lítra af vatni ef
það er notað. Hrærið öllu hráefninu sam-
an. Hnoðið deigið og rúllið því í lengju
og skerið í 2 cm þykkar sneiðar. Fletjið í
1/2 cm þykkar kökur og steikið á pönnu
eins og klatta eða pönnukökur. Berið
fram með íslensku smjöri.