Fréttablaðið - 04.04.2004, Blaðsíða 4

4 4. apríl 2004 SUNNUDAGUR
Ertu sátt(ur) við hækkun á afnota-
gjöldum Ríkisútvarpsins?
Spurning dagsins í dag:
Ætlarðu á tónleikana með Metallica?
Niðurstöður gærdagsins
á www.frett.is
70%
30%
Nei
Já
Kjörkassinn
Farðu inn á frett.is og segðu þína skoðun
frétt.is
Íslendingar aðstoða í Afganistan:
Flutningavél send
með hjálpargögn
AFGANISTAN Halldór Ásgrímsson ut-
anríkisráðherra greindi frá því á al-
þjóðaráðstefnu um enduruppbygg-
ingu Afganistans, sem nýlokið er í
Berlín, að íslensk stjórnvöld væru
reiðubúin að taka þátt í frekari
flutningi hjálpargagna til landsins,
en Íslendingar hafa veitt aðstoð við
friðargæsluaðgerðir NATO í
Afganistan með flutningi á gögnum
þangað.
Flutningavél verður send í næsta
mánuði með lyf, sjúkrarúm og fleiri
hjálpargögn frá Íslandi til að að-
stoða íbúa í Afganistan sem eiga um
sárt að binda vegna stríðsátaka. Ís-
lendingar taka einnig við stjórn al-
þjóðaflugvallarins í Kabúl 1. júní
næstkomandi, en um 500 manns
munu starfa undir stjórn þeirra.
Alls er gert ráð fyrir að fimmtán Ís-
lendingar starfi samtímis við stjórn
flugvallarins, en þetta er umfangs-
mesta verkefni sem íslenska friðar-
gæslan hefur tekið að sér og búist
er við að það taki eitt til tvö ár. ■
Óprúttinn áróður á
erlendri grund
Stjórnarformaður Landsvirkjunar gagnrýnir virkjanaandstæðinga fyrir áróður.
Hann gerir greinarmun á þeim og náttúruverndarsinnum. Náttúrurverndarsamtök
Íslands segja ummælin lágkúruleg.
VIRKJANAMÁL „Náttúruverndarsam-
tök Íslands hafa tekið þessi ummæli
til sín en ég nefndi aldrei náttúru-
verndarsamtök í ræðu minni. Ég
nefndi virkjanaandstæðinga og ég
tel að þar sé munur á,“ segir Jó-
hannes Geir Sigurgeirsson stjórnar-
formaður Landsvirkjunar.
Náttúrverndarsamtök Íslands
hafa sent frá sér
harðorða ályktun
vegna ræðu sem
Jóhannes Geir
hélt á samráðs-
fundi Landsvirkj-
unar 2. apríl síð-
astliðinn. Þar
sagði hann að
harður áróður
virkjanaandstæð-
inga hefði haft
þau áhrif að stór
norræn verktaka-
fyrirtæki hefðu
horfið frá því að
bjóða í fram-
kvæmdir við
Kárahnjúkavirkj-
un.
„Það var því öðru fremur hópur
hörðustu virkjanaandstæðinga á Ís-
landi sem með óprúttnum áróðri á
erlendri grund varð þess valdandi
að einungis barst viðunandi tilboð
frá einu fyrirtæki í verkið,“ segir
Jóhannes Geir.
Í ályktun Náttúruverndarsam-
taka Íslands segir: „Það gegnir
furðu að forystumenn Landsvirkj-
unar skuli enn – ári eftir að fram-
kvæmdir hófust við Kárahnjúka-
virkjun – berja lóminn vegna bar-
áttu íslenskra og alþjóðlegra nátt-
úrusamtaka gegn virkjuninni. Ásak-
anir hans á hendur náttúruverndar-
fólki eru tilhæfulausar og lágkúru-
legar.“
„Nátturverndarsamtök hafa
miklu hlutverki að gegna í um-
ræðu um svona mál. Ég hef ekkert
við andstöðu og baráttu náttúru-
verndarfólks að segja en ég get
haft ákveðnar skoðanir á vinnu-
brögðum manna þegar þeir starfa
samkvæmt því að tilgangurinn
helgi meðalið og tilgangur virkj-
anasinna virðist vera að stöðva
framkvæmdir við Kárahnjúka,“
segir Jóhannes Geir.
Í ræðu sinni sagði Jóhannes Geir
einnig að það væri á margan hátt
auðveldara að eiga samskipti við
verktaka úr nánasta menningar-
heimi en þá sem koma lengra að.
Jóhannes Geir segir að þessi orð
megi ekki skilja svo að hann telji að
heppilegra hefði verið að ná samn-
ingum við norræn verktakafyrir-
tæki. „Þarna skiptir þekking og
reynsla með heilborun gríðarlega
miklu máli og þar er Impregilo al-
gjörlega á heimavelli. Heilborun er
þeirra fag. Hins vegar finnst manni
ekki nógu gott þegar ekki berst
nema eitt tilboð sem er undir kostn-
aðaráætlun eins og þarna var,“ seg-
ir Jóhannes Geir.
kolla@frettabladid.is
HALLDÓR BLÖNDAL
Halldór Blöndal, fyrrverandi samgönguráð-
herra, mælir fyrir tillögu um nýjan há-
lendisveg.
Tillaga fyrir Alþingi:
Nýr há-
lendisvegur
SAMGÖNGUR Lögð hefur verið fram á
Alþingi tillaga um nýjan hálendisveg
milli Borgarfjarðar og Skagafjarðar
en slíkur vegur mun stytta leiðina
milli Reykjavíkur og Akureyrar um
rúmlega 40 kílómetra. Áætlaður
kostnaður er um 4,5 milljarðar króna
og er gert ráð fyrir að framkvæmd-
in verði boðin út utan vegaáætlunar
og verði fjármögnuð að hluta eða
öllu leyti með veggjöldum. Ef af
verður mun vegurinn liggja um
Hallmundarhraun í Borgarfirði, yfir
Stórasand og niður í Norðurárdal í
Akrahreppi í Skagafirði. ■
Skuldabréf:
Á alþjóða-
markað
VIÐSKIPTI Frá og með næsta mánu-
degi verða íslensk skuldabréf
skráð í erlendu uppgjörsmiðstöð-
inni Clearstream. Þetta er breyt-
ing sem aðilar á fjármálamarkaði
hafa beðið eftir um nokkurt skeið.
Talið er að viðskipti með ís-
lensk skuldabréf í uppgjörsmið-
stöðinni auki mjög viðskipti með
íslensk skuldabréf á erlendum
mörkuðum enda er skráning
skuldabréfa á viðurkenndum al-
þjóðlegum mörkuðum skilyrði
fyrir því að margir stórir fjárfest-
ingarsjóðir geti átt viðskipti með
bréfin. ■
Ariel Sharon útilokar ekki að ráða Arafat af dögum:
Arafat lætur sér
fátt um finnast
JERÚSALEM, AP Ariel Sharon, for-
sætisráðherra Ísraels, segir það
ekki útilokað að Ísraelar ráði
Yasser Arafat, leiðtoga Palest-
ínumanna, af dögum. Sama gild-
ir um líbanska skæruliðafor-
ingjann Hassan Nasrallah.
Arafat lýsti því yfir við blaða-
menn í gær að hann kippti sér
ekki upp við hótanir Sharons.
Þjóðarleiðtogar margra ríkja
hafa gagnrýnt Sharon fyrir um-
mæli sín og þar á meðal Banda-
ríkjamenn.
Í viðtölum við ísraelska fjöl-
miðla sagði Sharon að Arafat
væri hindrun á veginum til frið-
ar og hann yrði aldrei óhultur.
„Hver sá sem drepur gyðinga,
skaðar ísraelskan ríkisborgara
eða fær annað fólk til að drepa
gyðinga er brennimerktur,“
sagði Sharon.
Sharon segist vonast til að
Ísraelar geti hörfað algerleg frá
Gaza-ströndinni og afnumið
fjórar landnemabyggðir á Vest-
urbakkanum innan árs. Sharon
segir að endanleg ákvörðun um
brotthvarfið frá hernumdu
svæðunum verði í höndum
Likud-flokksins og ætlar hann
að bera málið undir atkvæði inn-
an flokksins þegar hann snýr
aftur frá Bandaríkjunum eftir
miðjan mánuðinn. ■
KABÚL
Íslensk stjórnvöld ætla að aðstoða við uppbyggingarstarfið í Afganistan með því að senda
flutningavél með ýmis hjálpargögn handa þeim sem eiga um sárt að binda.
ARIEL SHARON
Forsætisráðherra Ísraels segir að Yasser
Arafat, leiðtogi Palestínumanna, geti ekki
verið öruggur um líf sitt.
UNNIÐ VIÐ KÁRAHNJÚKAVIRKJUN
Jóhannes Geir segir á margan hátt auðveldara að eiga samskipti við verktaka úr nánasta menningarheimi en þá sem koma lengra að.
JÓHANNES GEIR
Jóhannes Geir segir
að harður áróður
virkjanaandstæð-
inga hafi haft þau
áhrif að stór nor-
ræn verktakafyrir-
tæki hafi horfið frá
því að bjóða í fram-
kvæmdir við Kára-
hnjúkavirkjun.