Fréttablaðið - 17.06.2004, Blaðsíða 14
14 17. júní 2004 FIMMTUDAGUR
FÓTBOLTAÆÐI
Áhrifa Evrópumótsins í fótbolta gætir langt
út fyrir mörk álfunnar. Í Taílandi keppast
búðareigendur við að tengja búðir sínar
æðinu eins og sjá má á þessum starfs-
manni í stórmarkaði í Bangkok.
Setja upp skilti til að vara við ögðum:
Hugleiða gerð nýrrar laugar
NÁTTÚRUFAR Ólafur Örn Haralds-
son, forseti Ferðafélags Íslands,
segir að sem fyrr verði sett upp
skilti við Landmannalaugar þar
sem fólk verði varað við hættunni
sem stafað getur af blóðögðulifr-
um. „Við höfum bent fólki á þetta
með ýmsum hætti þarna inn frá.
Við höfum ekki fundið leiðir til að
útrýma blóðögðulirfunum en þó
gert tilraunir til að halda þessu
niðri með því að hreinsa laugina,“
segir Ólafur og vísar til þess að í
samráði við Umhverfisstofnun
hafi verið hreinsað upp slý í Land-
mannalaugum. „Ekki losnum við
við endurnar og treystum okkur
ekki til að ráðast til atlögu við
náttúruna til að uppræta milli-
hýsilinn,“ sagði hann og taldi blóð-
ögður í Landmannalaugum komn-
ar til að vera. Ólafur bætir við að
fram hafi komið hugmyndir um
að útbúa mætti öðruvísi bað-
aðstöðu í Landmannalaugum.
„Þetta eru ekki hugmyndir Ferða-
félagsins og hefur ekki einu sinni
verið rætt við Umhverfisstofnun,
úti í bæ hef ég heyrt hugmyndir
um að setja upp manngerða laug
með náttúrlegu umhverfi, sem
svo mætti hleypa úr og skola. Þar
með losnaði maður alveg við
þennan millihýsil,“ sagði Ólafur,
en ítrekaði að ekki yrði ráðist í
neinar framkvæmdir í Land-
mannalaugum nema í góðri sam-
vinnu við Umhverfisstofnun. ■
Afar varasamur
sundmannakláði
Sundmannakláði getur mögulega valdið taugaskaða. Sníkjudýrin sem valda kláðanum er að
finna víða í vötnum og laugum þar sem endur halda til. Í Landmannalaugum eru uppi
hugmyndir um að útbúa nýja laug, lausa við óværuna.
SNÍKJUDÝR Ekki eru uppi sérstakar
ráðagerðir hjá Ferðafélagi Ís-
lands til að losna við blóðögður í
Landmannalaugum sem valda
svonefndum sundmannakláða.
Hins vegar hefur verið stungið
upp á því að búin verði til ný laug
sem hægt væri að tæma til að
sníkjudýrin nái ekki fótfestu í
henni. Blóðögðurnar leggjast á
andfugla, en geta líka villst í fólk
og valdið verulegum óþægindum
þegar lirfur þeirra bora sér leið
inn undir húðina. Karl Skírnisson,
dýrafræðingur á Tilraunastöð Há-
skólans að Keldum, segir
að ögður þær sem er að
finna í Landmannalaugum
séu að auki „taugasæknar
í öndum“ og að komið hafi
fram í tilraunum á músum
að þær hafi ferðast allt
upp í mænu í þeim. „Þær
geta því flakkað eitthvað
eftir taugum í spendýrum.
Þess vegna höfum við, til
að gæta alls öryggis, ráð-
lagt fólki að vera ekki að
útsetja sig fyrir þessum
lifrum,“ segir Karl og
bætir við að þótt ögðurnar
nái ekki fullum þroska í
fólki og lifi ekki nema í
einhverja daga, gætu
margar lirfur þýtt mögu-
legan taugaskaða.
Karl segir að blóðögður
þessar sé að finna nokkuð
víða í vötnum þar sem
mikið er af andfuglum og
vatnabobbum, en eðlilega
valdi þær ekki vandkvæðum nema
þar sem fólk baðar sig. Hann segir
að losna megi við blóðögðurnar úr
laugum og vötnum með því að
rjúfa lífsferil hennar. „Þá þarf að
taka einhvern hlekkinn úr lífsferli
sníkjudýrsins. Annaðhvort þarf þá
að fjarlægja millihýsil eða loka-
hýsil, annaðhvort snigla eða endur.
Ekki svo að skilja að drepa eigi
fuglinn, enda er þarna friðland að
fjallabaki,“ sagði hann, en taldi um
leið líklegt að Ferðafélag Íslands
vildi grípa til einhverra þeirra
ráða sem gerðu ferðafólki kleift að
halda áfram að lauga sig í Land-
mannalaugum án þess að eiga á
hættu að steypast út í tugum eða
hundruðum kláðabóla. Karl segir
að bólunum geti fylgt ofsakláði og
þær orðið nokkuð stórar. „Þeir sem
fá svona útbrot vildu mikið gefa
fyrir að hafa ekki farið ofan í vatn
þar sem lirfur halda sig.“
olikr@frettabladid.is
Meintir hryðjuverka-
menn:
Fjórtán
handteknir
PARÍS, AP Franskir lögreglumenn
handtóku fjórtán manns, í ná-
grenni Parísar, sem þeir gruna
um tengsl við íslömsk hryðju-
verkasamtök.
Meðal þeirra fjórtán sem voru
handteknir er íslamskur klerkur
og nokkrir fylgismenn hans. Hald
var lagt á skammbyssur og búnað
sem mennirnir notuðu til að falsa
opinber skjöl.
Samkvæmt frönskum lögum
um varnir gegn hryðjuverkum
getur lögregla haldið mönnum í
þrjá sólarhringa án þess að kæra
þá. ■
TÆKNIHÁSKÓLI ÍSLANDS
Um 80% nemenda féll í áfanga á fyrra
önn þriðja árs í rekstrardeild skólans.
Önnur 60% féllu í öðrum áfanga
hjá sama kennara.
Allt að 80% lokaársnema féll:
Prófniður-
stöður
í skoðun
TÆKNIHÁSKÓLINN Niðurstöður prófa
í tveimur áföngum Tækniháskóla
Íslands eru í skoðun eftir að 80%
nemenda féllu í öðrum þeirra og
60% í hinum. Sami kennarinn ken-
ndi báða áfangana og voru nem-
endurnir á fyrri önn lokaárs í
rekstrardeild.
Stefanía Katrín Karlsdóttir,
rektor Tækniháskóla Íslands, seg-
ir á fjórða tug nemenda hafa ver-
ið í hvorum áfanganum fyrir sig.
Hún segir málið í skoðun. „Niður-
staða verður birt innan örfárra
vikna.“ Stefanía segir vikurnar
ekki verða mikið fleiri en þrjár.
„Það er sérfræðihópur sem vinn-
ur að því að skoða þetta mál og ég
bíð eftir niðurstöðu þeirrar
vinnu.“ ■
Nágrannar Íraks:
Styðja stjórn
ISTANBÚL, AP Nágrannaríki Íraks og
Egyptar að auki lýstu í gær stuðn-
ingi við bráðabirgðastjórn Íraks.
Yfirlýsingin er hluti af þeirri al-
þjóðlegu viðurkenningu sem
stjórnin sækist eftir. Viðurkenn-
ing innan lands og utan er mikil-
væg forsenda fyrir því að takast
megi að koma á friði í landinu.
Samtök íslamskra ríkja sam-
þykkti í gær ályktunartillögu þar
sem stuðningi er lýst við bráða-
birgðastjórnina og kvatt til þess
að Írökum yrði veitt aðstoð við
enduruppbyggingu landsins. Bú-
ist er við að tillagan verði sam-
þykkt á þingi samtakanna í dag. ■
ÓLAFUR ÖRN HARALDSSON
Formaður Ferðafélags Íslands segir að
hreyft hafi verið við hugmyndum um að
búa til nýja laug við Landmannalaugar, þar
sem fólk gæti verið laust við blóðögður.
NASABLÓÐAGÐA
Blóðögður eru sníkjudýr sem alla jafna leggjast á
andfugla. Blóðögðurnar koma úr vatnakuðungum
sem eru millihýsill þeirra og bíða þess í vatninu
að komast í endur sem þar halda til.
STOKKÖND MEÐ UNGA
Blóðögður eru sníkjudýr sem leggjast á andfugla, en geta einnig valdið fólki óþægindum
og jafnvel verið varasamar. Ögður af þessu tagi er að finna víða um land, en óþæginda af
þeirra völdum verður helst vart síðsumars og svo fram eftir vetri þar sem laugar eru heitar.
Ánægðustu viðskiptavinirnir!
Viðskiptavinir Sparisjóðsins eru
þeir ánægðustu í bankakerfinu
samkvæmt Íslensku ánægjuvoginni
Útlán eru háð lánareglum SPH
Viltu gera draumaferð þína að veruleika?
• Hagstæðari kjör en á raðgreiðslu-
samningum
• Lán til allt að 4 ára
• 50% afsláttur af lántökugjaldi til 1.9.2004
Þú getur fengið allar nánari upplýsingar
á www.spk.is eða hjá þjónustufulltrúum okkar
FERÐALÁN SPK
Sími 515 1950 • www.spk.is
■ LÖGREGLUFRÉTTIR
ÓK GEGN EINSTEFNU Ökumaður
sem ók gegn einstefnu á Hafnar-
stræti frá Austurvegi og til
vesturs á Ísafirði var stöðvaður
af lögreglu. „Honum var vorkunn
að hafa tekið beygju, sem annars
er bönnuð, þar sem ekkert um-
ferðarmerki bannar slíkan
akstur. Er þarna við bæjaryfir-
völd að sakast að koma ekki um-
ferðarmerkinu á sinn stað aftur
eftir að það var ekið niður í
vetur,“ segir á vef lögreglunnar.