Fréttablaðið - 17.06.2004, Blaðsíða 29
■ ÞETTA GERÐIST
21FIMMTUDAGUR 17. júní 2004
1837 Strong Vincent fæðist í Waterford
í Pennsylvaníu. Strong Vincent var
hetja Gettysburg-bardagans en
hann starfaði áður sem lög-
fræðingur.
1923 Enrico Ferrari vinnur fyrsta
kappakstur sinn. Hann keyrði Alfa
Romeo.
1953 Sovétmenn brjóta á bak mótmæli
gegn stjórnvöldunum í Austur-
Berlín.
1972 Starfsmenn Nixon-framboðsins
eru handteknir fyrir rán. Þetta
markar upphaf Watergate-
málsins.
1986 Söngkonan Kate Smith deyr, þá
79 ára.
1994 O.J. Simpson er handtekinn eftir
að hafa reynt að flýja handtöku.
Leikarar og
stórmeistarar
til Kanada
Hópur Íslendinga, sem sam-
anstendur af leikurum Þjóðleik-
hússins og stórmeisturum í skák,
er á leið til Kanada í tilefni af 100
ára afmæli heimastjórnarinnar og
60 ára afmæli lýðveldisins.
Leikararnir flytja dagskrána
„New Iceland’s Saga“ eftir Böðvar
Guðmundsson í Winnipeg og Gimli
á morgun og á föstudag. Rekur hún
sögu fjölskyldu sem tekur sig upp
frá Íslandi og heldur vestur um
haf til Kanada. Gunnar Eyjólfsson,
Jóhann Sigurðarson, Kjartan Guð-
jónsson, Nanna Kristín Magnús-
dóttir, Ragnheiður Steindórsdóttir
og Þórunn Lárusdóttir flytja dag-
skrána ásamt Bergþóri Pálssyni
óperusöngvara og Þorsteini Gauta
Sigurðssyni píanóleikara.
Á sama tíma fer fram í
Winnipeg skákmót og munu fimm
íslenskir stórmeistarar taka þátt í
því, þeir Helgi Ólafsson, Helgi
Áss Grétarsson, Jóhann Hjartar-
son, Jón L. Árnason og Þröstur
Þórhallsson. Auk þess mun Helgi
Áss Grétarsson tefla fjöltefli í
Gimli 19. júní. Á þjóðhátíðardag-
inn verður síðan athöfn við styttu
Jóns Sigurðssonar. Þar flytur
Gunnar Eyjólfsson leikari kvæði
og sungnir verða þjóðsöngvar
landanna. ■
GUNNAR EYJÓLFSSON
Gunnar mun flytja kvæði í Winnipeg á
þjóðhátíðardegi Íslendinga.
Þegar menningarhátíðin Bjartir
dagar var opnuð í Hafnarfirði um
síðustu helgi var afhjúpað stórt
mósaíklistaverk á vegg bókasafns
bæjarins, sem stendur við Strand-
götu.
„Ég fékk þessa hugmynd, að
gera stórt mósaíkverk utan á
Bókasafnið til þess að lífga svo-
lítið upp á bæinn,“ segir Alice
Olivia Clarke, listamaðurinn sem
gerði verkið.
Hún bar þessa hugmynd undir
bæði bæjaryfirvöld og forstöðu-
mann safnsins, sem hrifust af og
fengu hana til að hrinda verkinu í
framkvæmd.
„Þetta er nærri fjórtán fer-
metra verk og mikil vinna liggur
að baki. Ég fékk Straum til afnota
í janúar en hef verið að vinna í
þessu verki síðan í fyrra. Ég vildi
gera þetta allt saman sjálf og
skar meira að segja sjálf niður
hverja einustu flís.“
Uppistaða myndverksins, sem
nefnist Bókaflæði, er fjórar stór-
ar bækur, sem jafnframt minna á
hafið sem er ekki langt undan.
„Mig langaði til að tengja bæk-
urnar við hafið því það fyrsta sem
þú sérð þarna er hafið og höfnin.“
Alice er frá Kanada en hefur
búið hér á landi í tólf ár. Hún flutti
hingað með manni sínum, Kára
Eiríkssyni arkitekt, og eiga þau
tvö börn.
Hún hefur haldið sýningar á
verkum sínum bæði hér og í
Noregi, og hafa margir vafalaust
tekið eftir mósaíkverki eftir hana
sem er á veitingastaðnum Vega-
mótum. ■
ALICE OLIVIA CLARKE
Hún gerði nærri fjórtán fermetra mósaíkverk sem nú prýðir Bókasafn Hafnarfjarðar.
FRÉTTAB
LAÐ
IÐ
/STEFÁN
MÓSAÍK
LISTAMAÐURINN
ALICE OLIVIA CLARKE
■ kom með hugmynd að stóru
mósaíkverki fyrir vegg Bókasafns Hafnar-
fjarðar. Bæjaryfirvöld hrifust af hugmyndinni
og verkið var afhjúpað um síðustu helgi.
Bjó til bókaflóð fyrir
Hafnarfjörð