Fréttablaðið - 23.06.2004, Blaðsíða 25

Við hvetjum lesendur til að senda okkur
línu og segja skoðun sína á fréttum
blaðsins, viðhorfum sem birtast í blaðinu
eða leggja orð í belg um málefni líðandi
stundar. Bréf skulu vera stutt og gagnorð,
50–200 orð að lengd. Ritstjórn áskilur
sér rétt til að stytta aðsent efni.
Vinsamlega sendið efnið í tölvupósti á
netfangið greinar@frettabladid.is.
17MIÐVIKUDAGUR 23. júní 2004
Andlýðræðislegt aðhald
Ríkisstjórn Bush hefur í tíð sinni tekist
einstaklega vel að blanda saman
óskyldum hugtökum og hræra þeim svo
duglega saman þangað til merkingin
týnist. Sem dæmi, þá er öll gagnrýni á
Bush kölluð: „America-bashing“ eða
„Anti-Americanism“. Það er því orðið
and-lýðræðislegt að veita framkvæmda-
valdinu aðhald!
Jens Sigurðsson á politik.is
Stríð á misskilningi byggt?
Þar sem engin haldbær rök hafa verið
fyrir innrásinni í Írak er tímabært að
spyrja á hvaða forsendum þessi styrjöld
var háð. Varla var hún háð á þeim for-
sendum að Saddam Hussein væri ógn
við heimsbyggðina og Írak öxulveldi
hins illa, þar sem Bandaríkjastjórn
sprengdi nánast allt sem sprungið gat á
rúmum tveimur mánuðum án þess að
hermenn Saddams fengju rönd við
reist.
Dagur Snær Sævarsson á murinn.is.
Einhver nýr perraskapur?
Markaðshneigð (e. market orientation)
má lýsa sem einkenni á fyrirtækjamenn-
ingu, sem birtist þannig að starfsmenn
leggja sig fram við að veita viðskiptavin-
inum, sem mestan ávinning af viðskipt-
um sínum við fyrirtækið. Markaðs-
hneigð má einnig lýsa sem hegðun er
styður markaðsáhersluna (e. marketing
concept).
Þórhallur Örn Guðlaugsson á efna-
hagsmal.hi.is.
Múraðir deili auðnum
Sá voldugi og vel stæði sinnti ekkert hin-
um fátæka og hunsaði því ábyrgð sína.
Hundarnir hins vegar sleiktu sár hins
ólánssama Lasarusar. Svo kom dauðinn
að óvörum. Báðir létust. Lasarus féll í ei-
lífðarfaðm Abrahams, sem merkir að hon-
um farnaðist vel, fékk góða heimkomu í
ríki himinsins. Hinn ríki var ólánssamur og
leið kvalir handan grafar.
Sr. Sigurður Árni Pétursson í sunnu-
dagshugvekju 13. júní á neskirkja.is.
Í þá gömlu góðu daga
Mér hefur alltaf þótt heldur gaman að
koma í Vopnafjörð. Þangað kom ég fyrst
með Halldóri Ásgrímssyni og Agli Heið-
ari Gíslasyni, þáverandi framkvæmda-
stjóra Framsóknarflokksins, þegar ég var
formaður SUF fyrir tíu árum. Við dvöld-
um þar heila helgi á kjördæmisþingi
framsóknarmanna á Austurlandi. Það
var heldur fámennt þing ef ég man rétt
en líklega þeim mun skemmtilegra. Það
var gaman að njóta leiðsagnar Halldórs
á leiðinni og um Vopnafjörð. Ég á ýms-
ar góðar minningar á ferðalögum með
Halldóri á þessum tíma.
Guðjón Ólafur Jónsson á hrifla.is
AF NETINU
Útsölusta›ir Málningar: Byko Kópavogi • Byko Hringbraut • Har›vi›arval Krókhálsi • Litaver Grensásvegi • Byko Hafnarfir›i
Málningarbú›in Akranesi • Byko Akranesi • Axel fiórarinsson, málarameistari, Borgarnesi • Verslunin Hamrar, Grundarfir›i
Litabú›in Ólafsvík • Núpur byggingavöruverslun Ísafir›i • Vilhelm Gu›bjartsson, málarameistari, Hvammstanga
Verslunin Eyri, Sau›árkróki • Byko Akureyri • Verslunin Valberg, Ólafsfir›i • Byko Rey›arfir›i • Verslunin Vík, Neskaupsta›
Byko Selfossi • Mi›stö›in Vestmannaeyjum • Byko Keflavík • Rúnar Sig. Sigurjónsson, málarameistari, Grindavík
Vaskur eða tekjuskattur?
EF VALIÐ STENDUR Á MILLI lækkunar
tekjuskattshlutfalls og virðisaukaskatts-
hlutfalls, þá er ljóst að fleiri myndu njóta
góðs af lækkun virðisaukaskatts.
Í UMRÆÐU UM hugsanlegar skattalækk-
anir ríkisstjórnarinnar hefur hvort tveggja
verið nefnt, lækkun tekjuskatts einstak-
linga eða lækkun virðisaukaskatts. Því er
ekki úr vegi að skoða hver áhrifin eru af
hvorri aðgerð um sig á okkur skattgreið-
endur. Áður hef ég reyndar rætt að ríkis-
stjórnin eigi alls ekki að leggja út í skatta-
lækkanir á þessum tíma nema draga enn
meira úr útgjöldum.
MEST HEFUR VERIÐ RÆTT um lækkun á
hinu almenna skattþrepi tekjuskatts ein-
staklinga sem nú er 25,75%. Í staðgreiðslu
bætist við 12,83% útsvar sem rennur til
sveitarfélaga. Væri tekjuskattshlutfallið
lækkað myndi það hafa þau áhrif að ráð-
stöfunartekjur þeirra einstaklinga sem
greiða tekjuskatt myndu óneitanlega
hækka og bæta þar með afkomu þeirra.
Lækkunin myndi væntanlega einnig lækka
verð á ýmissi þjónustu og þar með hafa
áhrif til lækkunar verðbólgu. Staðreyndin
er hins vegar sú að innan við helmingur
framteljenda greiðir einhvern tekjuskatt.
Því myndi lækkun á skatthlutfalli tekju-
skatts ekki nýtast nema hluta framteljenda
og síst þeim sem hafa hvað lægstar tekjur.
ÖNNUR LEIÐ VÆRI að hækka frádráttarlið-
ina og vil ég þar nefna persónuafsláttinn.
Persónuafsláttur er nú 27.496 krónur á
mánuði sem þýðir að skattleysismörkin eru
71.270 krónur á mánuði. Hækkun á per-
sónuafslætti myndi nýtast mun fleiri ein-
staklingum en lækkun almenna skattþreps-
ins og nýtast best þeim sem eru með tekj-
ur nálægt núverandi skattleysismörkum.
LÆKKUN VIRÐISAUKASKATTS myndi aft-
ur á móti nýtast öllum. Það myndi leiða til
lægra vöruverðs, svo framarlega sem sam-
keppni er næg, og lækka framfærslu-
kostnað heimilanna. Spurningin er þá
hvernig lækkunin myndi skiptast á milli
skattþrepa. Almenna skattþrepið er sem
kunnugt er 24,5%. Í lægra skattþrepinu,
sem er 14%, eru matvörur, afnotagjöld út-
varps, gisting, blöð, tímarit og bækur auk
rafmagns og kostnaðar við húshitun. Sam-
kvæmt vísitölu neysluverðs bera um 20%
af útgjöldum meðalheimilis 14% virðis-
aukaskatt. Því myndi lækkun almenna
þrepsins nýtast meðalheimilinu betur, en
ef skattalækkunin ætti að nýtast hinum
tekjulægstu ætti hún að beinast að lægra
skattþrepinu, en þar eru matvælin.
HVAÐA LEIÐ ER LÍKLEGT að ríkisstjórnin
velji? Ef valið stendur á milli lækkunar
tekjuskattshlutfalls og virðisaukaskattshlut-
falls, þá er ljóst að fleiri myndu njóta góðs
af lækkun virðisaukaskatts. Frá sjónarhóli
ríkisins er vænlegra að lækka tekjuskattinn,
því hægt er að lækka hann um mun fleiri
prósentustig en virðisaukaskattinn fyrir
sömu upphæð. Sé ríkisstjórninni hins vegar
annt um hagstjórn myndi hún fresta skatta-
lækkunum til að draga úr þenslu, sem kem-
ur öllum vel þegar til lengdar lætur, og und-
irbúa skattalækkanir þegar verr árar.
ÞJÓÐARBÚSKAPURINN
KATRÍN ÓLAFSDÓTTIR
HAGFRÆÐINGUR