Fréttablaðið - 24.09.2004, Blaðsíða 14

14 24. september 2004 FÖSTUDAGUR
MADRÍDARTÍSKA
Pasarela Cibeles-tískusýningunni í Madríd,
höfuðborg Spánar, lauk í gær. Meðal
þess sem mátti sjá þar var þessi hönnun
Jose Miro.
Kannast ekki við neitt hass
Tvíburabræðurnir Rúnar Ben Maitsland og Davíð Ben Maitsland stóðu í Héraðsdómi Reykja-
víkur í gær við fyrri yfirlýsingar og neituðu öllum ásökunum um stórfellt smygl á hassi. Við
vitnaleiðslu kváðust þeir annað hvort lítið muna eða neituðu að tjá sig.
DÓMSMÁL Tvíburabræðurnir Rún-
ar Ben Maitsland og Davíð Ben
Maitsland neituðu öllum ásökun-
um um stórfelldan innflutning á
hassi við aðalmeðferð máls á
hendur þeim við Héraðsdóm
Reykjavíkur í gær.
Rúnari er gefið að sök að hafa
staðið að innflutningi á alls 27
kílóum af hassi frá Þýskalandi í
ellefu ferðum, með burðardýrum,
árið 2002. Davíð bróðir hans er
ákærður fyrir að hafa tekið við 23
kílóum af umræddu hassi. Þjóð-
verjinn Claus Friehe játaði fyrir
dómi í maí að hafa flutt inn sjö
kíló af hassinu, en hann var upp-
haflega ákærður ásamt Rúnari og
Davíð. Við játninguna og dóm yfir
honum í kjölfarið var þáttur hans
klofinn frá málinu.
Rúnar á að hafa keypt efnið til
innflutnings frá Þjóðverjanum
Reinhold Schröder, sem var ný-
lega dæmdur í sex ára fangelsi í
Þýskalandi fyrir fíkniefnamis-
ferli. Jafnframt voru þá dæmdir
til fangelsisvistar tveir einstak-
lingar sem játuðu að hafa unnið
sem burðardýr á hassi til Íslands.
Við vitnaleiðslur þar kom fram að
Rúnar og Davíð hefðu staðið að
innflutningi hassins.
Enginn Þjóðverjanna fékkst
framseldur til þess að bera vitni í
málinu hér, en eitt burðardýr-
anna, Vibekke Vollet, bar vitni í
gegnum síma. Þar sagðist hún
hafa afhent Davíð alls sjö kíló af
hassi í þremur ferðum hingað til
lands. Aðspurð sagðist hún þó
ekki geta gert greinarmun í sjón á
þeim Rúnari og Davíð, sem eru
eineggja tvíburar.
Skemmst er frá því að segja að
Rúnar og Davíð vísuðu því alger-
lega á bug að þeir hefðu staðið að
slíkum innflutningi. Svöruðu þeir
spurningum ákæruvaldsins ýmist
á þann veg að þeir myndu ekki
eftir eða að þeir könnuðust ekki
við lykileinstaklinga og efnisatriði
málsins. Einnig neituðu þeir oft að
tjá sig. Voru meðal annars spilaðar
fyrir þá símaupptökur, oft með
röddum sem hljómuðu svipaðar
þeirra eigin. Sögðust þeir þó ekki
kannast við þær raddir.
Verjandi byggir vörn sína á því
að einungis er um yfirlýsingar
sakamanna í Þýskalandi að ræða,
en að engin áþreifanleg sönnunar-
gögn, eins og til dæmis umrætt
hass eða óeðlilegar færslur fjár-
muna, hafi fundist.
Rúnar Ben var dæmdur í fimm
ára fangelsi þann 25. júní í fyrra
fyrir þátttöku á innflutningi á um
900 grömmum af sterku am-
fetamíni og tæpu kílói af kanna-
bisefnum og situr því á Litla
Hrauni um þessar mundir. Hann á
að baki alls tíu refsidóma frá ár-
inu 1990 fyrir fíkniefnabrot,
þjófnað og skjalafals.
gs@frettabladid.is
Sveitarsjóðir:
Fjármál 23
sveitarfélaga
undir smásjá
SVEITARSTJÓRNARMÁL Eftirlitsnefnd
með fjármálum sveitarfélaga
hefur sent bréf til 23 sveitarfélaga
vegna bágrar fjárhagsstöðu
þeirra. Þar á meðal eru Hafnar-
fjörður, Mosfellsbær, Reykjanes-
bær, Hveragerði, Blönduós, Dal-
vík, Árborg og Vestmannaeyja-
bær. Nefndin grípur til þessa ráðs
eftir að hafa kannað ársreikninga
sveitarfélaganna frá því í fyrra
með hliðsjón af fjárhagsáætlun
þessa árs. Skoðaðir voru ársreikn-
ingar 101 sveitarfélags.
Í bréfinu er óskað eftir upplýs-
ingum um hver þróunin hafi verið
í fjármálum sveitarfélaganna á
árinu í samanburði við fjárhags-
áætlanir og hvernig þær ætli að
bregðast við vandanum. Þeim var
gefinn tveggja mánaða frestur til
að svara erindinu. ■
– hefur þú séð DV í dag?
Missti þrjár
dætur og sex
barnabörn í
DNA-rannsókn
Dæturnar
hafna pabba
sínum og afa
barnanna
HAFNARFJÖRÐUR
Fjölmennasta sveitarfélagið sem fékk bréf
frá eftirlitsnefndinni vegna bágrar fjárhags-
stöðu.
STJÓRNMÁL Útreikningar á aukn-
ingu útgjalda umhverfisráðu-
neytisins í frétt í gær byggðust
á röngum upplýsingum. Fyrir
misskilning fékk Fréttablaðið
rangar upplýsingar hjá Fjár-
sýslu ríkisins um útgjöld ráðu-
neytisins 1999. Útgjöld ráðu-
neytisins hafa að sönnu þrefald-
ast þann tíma sem framsóknar-
menn hafa farið með umhverfis-
ráðuneytið frá 1995 en ekki í
ráðherratíð Sivjar Friðleifsdótt-
ur eins og sagði í fréttinni.
Beðist er velvirðingar á þessu.
Hafa ber í huga að verkefni
hafa færst til ráðuneytisins frá
1995 og nægir að nefna bruna-
mál, úrvinnslusjóð, ofanflóða-
sjóð og endurvinnslu.
Magnús Jóhannesson, ráðu-
neytisstjóri umhverfisráðuneyt-
isins segir raunar að miðað við
fjárlög1999 hafi útgjöldin verið
2.730 milljónir króna og 3.899
milljónir króna á verðlagi þess
árs. Sé tekið tillit til hækkunar
verðlags frá janúar 1999 til jan-
úar 2004, láti nærri að raun-
hækkun á útgjöldum ráðuneyt-
isins nemi um 480 milljónum
króna á þessu tímabili eða rúm-
lega 14%.
„Þessa hækkun á útgjöldum
ráðuneytisins má að stærstum
hluta rekja til stofnunar Úr-
vinnslusjóðs“ segir Magnús Jó-
hanesson. „Sjóðurinn tók til
starfa 1. janúar 2003 og er ætlað
að kosta förgun á úrgangi og
standa undir skilagjaldi á bif-
reiðum (um 550 milljónir króna)
og hækkunar á skilagjaldi á ein-
nota umbúðum (um 250 milljón-
ir króna), en á móti kemur rúm-
lega 400 milljón króna tíma-
bundin lækkun á útgjöldum
Ofanflóðasjóðs árið 2004.“ ■
Í HÉRAÐSDÓMI
Rúnar Ben Maitsland, með lambhúshettu á höfði, neitaði öllum sakargiftum við aðalmáls-
meðferð í gær. Hið sama gerði tvíburabróðir hans, Davíð Ben Maitsland, sem huldi andlit
sitt með tímariti á meðan ljósmyndari Fréttablaðsins tók myndir. Verjendur bræðranna
eru lögmennirnir Ólafur Sigurbjörnsson og Jón Egilsson.
FR
ÉT
TA
B
LA
Ð
IÐ
/G
VA
MAGNÚS JÓHANNESSON
Hækkun á útgjöldum má að miklu leyti
rekja til stofnunar Úrvinnslusjóðs.
Útgjöld umhverfisráðuneytis:
Þreföldun hjá Framsókn en ekki Siv
Myndarlegt framlag Velferðarsjóðs barna:
Börn Sri og frændsystkin fengu styrk
FÉLAGSMÁL Þrjú börn Sri Rahmawati
og þrjú fóstursystkin þeirra fengu
hvert og eitt styrktarframlag að
upphæð 100 þúsund krónur í gær.
Það var Ingibjörg Pálmadóttir,
framkvæmdastjóri fyrir hönd Vel-
ferðarsjóðs barna, sem afhenti
börnunum sparisjóðsbækur með
upphæðinni.
„Við erum mjög þakklát fyrir
þann samhug sem við höfum fund-
ið,“ sagði Nana Mardina, móðir og
móðursystir barnahópsins, við af-
hendinguna í gær. Hún þakkaði
jafnframt fyrir þá dýrmætu aðstoð
sem fjölskyldan hefði fengið.
Í máli Ingibjargar kom fram
að sama upphæð yrði lögð inn á
bækur barnanna ár hvert næstu
þrjú árin, að minnsta kosti. Síðan
yrði málið endurskoðað í heild
sinni. Þessir fjármunir væru ætl-
aðir til að börnin ættu þess kost
að stunda íþróttir, tómstundir og
annað það sem börn þörfnuðust.
Þessi átta manna fjölskylda býr í
mjög lítilli íbúð, en börnin eru á
aldrinum tveggja til fimmtán ára.
Yfir stendur fjársöfnun til styrktar
þeim, sem velunnarar fjölskyldunn-
ar standa fyrir, svo hún megi kom-
ast í viðunandi húsnæði. Þá verður
sérstakur söfnunardagur 2. október.
Númer söfnunarreikningsins er
0139-05-64466 á kennitölu 130147-
4109. ■
STUÐNINGSFRAMLÖG
Ingibjörg Pálmadóttir, framkvæmdastjóri Velferðarsjóðs
barna, ásamt börnunum sex sem hún afhenti hverju um
sig eitt hundrað þúsund krónur í gær. Á myndinni er
einnig Nana Mardina, móðir og móðursystir barnanna.