Fréttablaðið - 24.09.2004, Blaðsíða 50

34 24. september 2004 FÖSTUDAGUR
goddi.is, Auðbrekka 19, 200 Kópavogi, sími 544 5550
• Getum útvegað verktaka til
lagningar
• Vönduð vinna
• Vandað efni
• Alltaf ódýrastir
Ný sending komin af bræðslu
þakpappa frá þekktustu þakpappa-
verksmiðju Finnlands
goddi.is, Auðbrekka 19, 200 Kópavogi, sími 544 5550
KATEPAL þakflísar skapa kórónu
hverrar byggingar.
Yfir 60 ára reynsla um allan heim.
Viðhaldsfrítt.
Mjög auðveld lagning á margbrotin þök.
Ekkert tjörumak.
Fallegar þakflísar
goddi.is Auðbrekka 19 kópavogi sími 544 5550
Geymsluvandamál úr sögunni
Frábær bjálkageymsluhús sem
leysa geymsluvanda
sumarbústaða og garðeigenda.
Seljum síðustu húsin með stórlækkuðuverði.
Gullfalleg bjálkahús ca. 54 fm
með 13 fm verönd á ótrúlegu
verði aðeins kr. 1.590.000,-
Upplýsingar: Goddi ehf.
Auðbrekku 19, 200 Kópavogur. sími 544 55 50
Helsinki bjálkahús
FH-ingar eru ekki að missa aðstoðarþjálfarann sinn til Dundee United:
Dundee vill starfa með FH
Eftir miklu að slægjast
Undanúrslit í Visa-bikarkeppninni fara fram um helgina. KA getur
hefnt ófara sinna gegn FH og 1. deildarlið HK mætir Keflavík.
FÓTBOLTI Um helgina fara fram und-
anúrslitaleikirnir í Visa-bikar-
keppni karla en nýlunda er að
úrslitakeppnin fari fram að loknu
Íslandsmótinu. Á laugardaginn
mæta Íslandsmeistarar FH liði
KA á Laugardalsvelli og degi
síðar fer fram seinni leikurinn
milli HK og Keflavíkur.
Aðeins er tæp vika síðan FH
sigraði lið KA fyrir norðan 1-2 og
tryggði sér með því Íslandsmeist-
aratitilinn en dæmdi um leið lið
KA til setu í fyrstu deildinni að
ári. Verður því um athyglisverðan
leik að ræða enda gefst norðan-
mönnum gullið tækifæri til að
hefna sín svo um munar. Þorvald-
ur Örlygsson, þjálfari KA, segir
liðið reiðubúið í leikinn og vilja
innan þess til sigurs. „Okkur
hefur gengið mjög bærilega í bik-
arkeppnum hingað til án þess þó
að hafa náð að klófesta bikarinn
sjálfan en með sigri gegn FH
gefst tækifæri til þess á ný.“
Heimir Guðjónsson, fyrirliði
FH, segir sína menn komna niður
úr skýjunum eftir sigurinn í
Landsbankadeildinni og eftir
miklu sé að slægjast með sigri
enda hafi FH líkt og KA aldrei
unnið bikarkeppni áður. „Við vit-
um að hverju við göngum gegn
KA og það segir sig sjálft að við
förum ekki út á völl nema til að
sigra og komast alla leið í úrslit-
in.“
Athyglisvert er að fari FH alla
leið og vinni bikarinn einnig munu
annað hvort HK eða Keflavík
spila í Evrópukeppni félagsliða
þar sem Íslandsmeistararnir
munu spila í undankeppni Meist-
aradeildarinnar.
Það er því meira í húfi fyrir
sigurvegarann í leik HK og Kefla-
víkur en eingöngu að komast í úr-
slit bikarkeppninnar. Það vegur
ekki þungt á Gunnari Guðmunds-
syni, þjálfara HK, sem segir enga
pressu fyrir leikinn. „Það er frá-
bær árangur að komast í undan-
úrslitin og miklu lengra en við
þorðum nokkurn tíma að vona.
Strákarnir fá nú að njóta þess að
vera án allrar pressu og kannski
að það hjálpi þó Keflavík sé
sterkara liðið á pappírnum.“
Bæði Keflavík og HK unnu
sína síðustu leiki stórt. Keflavík
vann Fram 6-1 í Landsbankadeild-
inni og HK sigraði Stjörnuna með
sama markahlutfalli í fyrstu
deildinni. Bæði lið hafa enn
fremur komist þetta langt í bikar-
keppninni án þess að hafa fengið
mark á sig. albert@frettabladid.is
KOMDU MEÐ BIKARINN, ÉG Á HANN! Fyrirliði KA, Atli Sveinn Þórarinsson, slæst hér um VISA-bikarinn við Heimi Guðjónsson, fyrir-
liða FH. Þessi lið mættust einnig um síðustu helgi er FH varð Íslandsmeistari en þeir sendu KA niður í 1. deildina á sama tíma.
FR
ÉT
TA
B
LA
Ð
IÐ
/S
TE
FÁ
N
HVAÐ GERIR HK? HK hefur komið liða
mest á óvart í bikarnum í ár. Þeir gerðu
sér meðal annars lítið fyrir og slógu
bikarmeistara ÍA út úr keppninni. Þeir
mæta Keflavík á sunnudag.
FÓTBOLTI Orðrómur hefur gengið
þess efnis að aðstoðarþjálfari FH,
Leifur Garðarsson, sé á leið til
Dundee United þar sem hann átti
að taka við unglingastarfi félags-
ins. Þjálfari félagsins, Ian McCall,
segir aftur á móti í samtali við
breska fjölmiðla í gær að ekkert
sé hæft í þeim sögusögnum. Aftur
á móti er Dundee að ræða við FH
varðandi samstarf með leik-
mannasamskipti.
„Við erum að skoða möguleik-
ann á að fara í samstarf við FH,“
sagði McCall, sem lék eitt sinn
með FH og kynntist þá Leifi en
þeir hafa haldið góðu sambandi
síðan. „Ég þekki Leif vel frá því
ég var á Íslandi en hann er ekki á
leið til okkar. Það gæti aftur á
móti verið gott fyrir báða aðila að
fara í samstarf. Við gætum til að
mynda fengið lánaða menn hvort
frá öðru ef félögin missa 2-3
menn í meiðsli. Það myndi gefa
ungum og efnilegum leikmönnum
tækifæri til þess að næla sér í
mikilvæga reynslu,“ sagði
McCall.
Annars er það einnig að frétta
af FH-ingum að enn bætist í hóp
þeirra félaga sem hafa áhuga á
hinum stórefnilega Emil Hall-
freðssyni. Lið í Bretlandi eru
farin að sýna honum aukinn áhuga
og Everton, Crewe og Dunfermline
eru meðal þeirra liða sem
talin eru hafa áhuga á Emil. Norska
liðið Tromsö er einnig sagt hafa
áhuga á að fá Emil í raðir sínar. ■
Enska knattspyrnusambandið styður Sven-Göran:
Hefur fullan stuðning
FÓTBOLTI Það líður vart vika án þess
að bresku blöðin tali um að Sven-
Göran Eriksson sé að yfirgefa
enska landsliðið til þess að taka
við einhverju félagsliði. Þessi
saga er kviknuð enn eina ferðina
eftir að þjálfarastaðan hjá Real
Madrid losnaði.
Bresku blöðin gáfu það í skyn í
gær að Eriksson myndi taka við
Real en nú er forráðamönnum
enska knattspyrnusambandsins
nóg boðið. Þeir tjáðu sig um málið
í gær og sögðu að Eriksson hefði
fullan stuðning sambandsins og
væri því ekki á förum.
„Þessar endalausu dylgjur eru
ekkert að hjálpa okkur. Þess
vegna teljum við okkur knúna til
þess að lýsa því yfir að Eriksson
hefur fullan stuðning enska knatt-
spyrnusambandsins,“ sagði í yfir-
lýsingu enska knattspyrnusam-
bandsins í gær.
Eriksson hefur gert gott betur
og lýst því yfir að hann hafi engan
áhuga á að taka við stjórnar-
taumunum hjá Real. ■
EKKI TIL DUNDEE Ekkert
verður af því að Leifur
Garðarsson fari til Skotlands.