Fréttablaðið - 24.09.2004, Blaðsíða 10

10 24. september 2004 FÖSTUDAGUR
HERMENN Á VAKT
Um 300 sýrlenskir hermenn yfirgáfu
Líbanon í gær. Öryggisráð Sameinuðu
þjóðanna hefur krafist að allir 20.000
sýrlensku hermennirnir í Líbanon verði
kallaðir heim en Sýrlendingar hyggjast að-
eins kalla 3.000 hermenn heim.
VERKFALL Verkfall kennara hefur
ekki áhrif á 6. bekk Sk í Flataskóla.
Hann er eini bekkur skólans sem
stundar nám í fjarveru grunnskóla-
kennara og sá eini á landsvísu sem
fær kennslu í skólum sveitafélag-
anna. Ástæðan er sú að bekknum
kennir stundakennari um mánaðar-
skeið meðan umsjónarkennari
þeirra er í leyfi.
Sigurveig Sæmundsdóttir
skólastjóri segir börnin 25 ánægð
með skólaveruna. „Kennsla hefur
gengið vel þessa daga sem verk-
fallið hefur staðið yfir. Þau fá að-
eins kennslu umsjónarkennara en
ekki hjá öðrum kennurum þannig
að það myndast eyður hjá þeim í
stundartöflunni,“ segir Sigurveig.
Svava Pétursdóttir, formaður
verkfallsstjórnar kennara, segir
leiðbeinendur í meira en 33 pró-
senta starfi í stéttarfélagi kennara
og því í verkfalli. „Víðsvegar eru
stundakennarar sem kenna tvo til
fjóra tíma á viku og eru ekki félags-
menn í Félagi grunnskólakennar-
ara. Þeir eru því ekki í verkfalli.
Þeir kenna kannski tvo til fjóra tíma
á viku en skólastjórar gætu hafa
fellt þá tíma niður,“ segir Svava.
Í Flataskóla læra börnin ís-
lensku, stærðfræði, samfélagsfræði
og um tölvur hjá umsjónarkennar-
anum. Þau missa af verknámsgrein-
unum s.s. íþróttum og tónmennt. ■
KENNARAR FUNDA
Á töflunni má sjá útreikninga kennara. Þeir
funda hér án launanefndar sveitarfélag-
anna í Karphúsinu.
Undanþágunefnd:
Afgreiddi
eina beiðni
af tólf
VERKFALL Ein beiðni af tólf var af-
greidd hjá undanþágunefnd sveitar-
félaganna og kennara vegna kenn-
araverkfalls á fjögurra klukku-
stunda fundi gær. Henni var hafnað.
„Undanþágubeiðnin var ekki
vegna fatlaðra barna,“ segir Sigurð-
ur Óli Kolbeinsson, sviðstjóri lög-
fræðisviðs Sambands íslenskra
sveitarfélaganna. Ekki sé hægt að
greina hverjum hafi verið hafnað að
svo stöddu.
„Í því tilfelli var ekki um neitt
neyðarástand að ræða heldur
snérist það meira um fjárhagslega
hagsmuni,“ segir Sigurður.
Sigurður segir að af beiðnunum
ellefu sem eftir séu þurfi fjórar
frekari útskýringa. Sumar þeirra
hafi ekki borist frá atvinnurekend-
um sem sé frumskilyrði þess að
þær verði afgreiddar.■
KJARABARÁTTA Samninganefnd
kennara hyggst ekki funda með
launanefnd sveitarfélaganna
fyrr en nýtt tilboð liggur á borð-
inu. Launanefnd sveitarfélag-
anna ætlar ekki að leggja fram
tilboðið fyrr en umræður hafa
farið fram milli þeirra og kenn-
ara. Fyrsta fundi deilenda eftir
að til verkfalls kennara kom lauk
á tólfta tímanum í gærmorgun.
Næsti fundur hefur verið boðað-
ur eftir tæpa viku.
Finnbogi Sigurðsson, formað-
ur Félags grunnskólakennara,
segir tilboði launanefndarinnar
ekki hafa verið hnikað um senti-
metra frá því í vor.
„Það hlýtur að liggja í augum
uppi að við bíðum þar til þeir
sýna einhvern lit,“ segir Finn-
bogi. „Það sem liggur á borðinu
hjá þeim núna er nákvæmlega
það sama og í vor og ástæða þess
að við greiddum atkvæði um
verkfall.“
Birgir Björn Sigurjónsson
segir launanefnd sveitarfélag-
anna hafa komið með nýtt tilboð
á fund kennara á sunnudag. Um
það hafi ekki verið rætt.
„Ég held að báðar samninga-
nefndirnar hafi gengið eins langt
og þær treystu sér til á sunnu-
dag. Sáttasemjari bað báða
hópana um að hittast á mánudag-
inn og fara í opna umræðu um
hvaða leiðir væru mögulegar í
stöðunni. Kennararnir sögðu að
kröfur þeirra væru ófrávíkjan-
legar og höfnuðu viðræðum.
Þeir sögðu að ekki kæmi til
neinna viðræðna fyrr en við
legðum fram nýtt tilboð. Þar
stendur málið,“ segir Birgir.
Launanefndin sé öllum stundum
tilbúin til viðræðna við kennara.
Ásmundur Stefánsson ríkis-
sáttasemjari segir mikinn
ágreining um efnisdrög samn-
Ósanngjarnt verkfall:
Álag eykst
eftir verkfall
kennara
VERKFALL „Mér finnst ósanngjarnt
að verkfallið bitni á okkur. Þegar
skólinn byrjar aftur verður miklu
meira að læra. Þjóðfélagið á alveg
að geta borgað kennurum fínan
pening svo þau geti kennt okkur
krökkunum,“ segir Þór Örn
Flygenring nemi í sjöunda bekk.
Þór kom ásamt bróður sínum
Sigurði Stefáni og félaga þeirra
Sigurði Maríasi Sigurðssyni í hús
Fréttablaðsins til að mótmæla
verkfalli kennara.
„Ég er smeykur um að þetta
lendi á mér seinna,“ segir Þór. Und-
ir það taka Sigurður Stefán og Sig-
urður Marías og segja ósanngjarnt
að námsálagið aukist þegar verkfall
leysist. Þeir eru í fimmta bekk.
„Ég hef ekkert getað lært því
bækurnar voru allar í geymslu í
skólanum og við máttum ekki taka
þær með heim. Ég myndi lesa þær
ef ég væri með þær heima,“ segir
Sigurður Stefán. ■
6. BEKKUR SK
Fengu afleysingakennara í mánaðarleyfi umsjónarkennara síns. Hann er ekki í Félagi
grunnskólakennara og börnin mæta því í skólann og eru ánægð með það.
Kennsla í grunnskólanum Flataskóla í Garðabæ:
25 nemendur í
fullu bóknámi
MÓTMÆLA VERKFALLI KENNARA
Sigurður Marías mótmælir ásamt félögum
sínum Þór Erni og Sigurði Stefáni verkfalli
kennara sem þeir segja lenda á þeim og
auka námsálag þegar kennsla hefst að nýju.
FR
ÉT
TA
B
LA
Ð
IÐ
/T
EI
TU
R
Langt í úrlausn
kennaraverkfalls
Samningsnefnd kennara ætlar ekki að funda með launanefnd sveitarfélaganna fyrr en nýtt tilboð
liggur á borðinu. Launanefndin ætlar ekki að leggja fram nýtt tilboð fyrr en umræður hafa farið fram.
MÆTA EINBEITTIR Á ÁRANGURSLAUSAN FUND
Finnbogi Sigurðsson, formaður Félags grunnskólakennara, Sigfús Grétarsson, formaður
samninganefndar Skólastjórafélagsins, og á milli þeirra Birgir Björn Sigurjónsson, formaður
launanefndar sveitarfélaganna, á leið á fyrsta samningsfundinn frá því að verkfall skall á.
FR
ÉT
TA
B
LA
Ð
IÐ
/S
TE
FÁ
N