Fréttablaðið - 13.11.2004, Síða 36

Aprilia-sporthjól
Bílatorg.is og Aprilia á Íslandi hafa gert með sér samkomulag um um-
boðssölu Aprilia-sporthjólanna. Bílatorg mun annast umboðssöluna og
hægt er að skoða verðskrá og panta hjólin í gegnum vefsíðuna bilatorg.is.[ ]
REYNSLUAKSTUR
Ekta fyrir stórfjölskylduna
Mitsubishi Grandis er rúmgóður og þægilegur í akstri.
Fyrir ekki svo mörgum árum þótti
ekki tiltökumál að hrúga 4-5 börn-
um í aftursæti bíla, halda svo
jafnvel á einu, og bílbelti – þau
voru ekki fyrir venjulegt fólk. Í
dag hafa tímarnir svo sannarlega
breyst. Hinn almenni neytandi
gerir miklar kröfur um að öryggi
farþega í bílum sé sem mest, og
það hefur að sjálfsögðu kallað á
stærri bíla, þar sem hver og einn
farþegi hefur gott pláss og er
tryggilega festur í bílbelti.
Svokallaðir fjölnotabílar eru
hluti af þessari þróun. Stórir bílar
með örugg sæti fyrir marga far-
þega. Það er örugglega markaður
fyrir þessa bíla hér á landi því þó
að fólk eignist færri börn en áður
hefur samsettum fjölskyldum
fjölgað. Samanlagður fjöldi barna
í fjölskyldu er kannski fjögur eða
fimm og þá dugar enginn venju-
legur bíll til.
Mitsubishi Grandis er einn
þeirra bíla sem svara þessari þró-
un. Hann er sjö manna, stór og
mikill. Farangursrýmið er ekki
upp á marga fiska þegar öll sætin
eru í notkun en það stækkar til
mikilla muna þegar aftasta sæta-
röðin hefur verið lögð niður.
Mjög gott er að setjast upp í
Grandisinn, sætin eru afar þægi-
leg og bíllinn er mjög lipur þrátt
fyrir stærðina. Útsýnið er líka
gott úr bílnum vegna þess hversu
hátt er setið. Hann er óneitanlega
mjög stór, fyrst þegar litið er í
baksýnisspegilinn fær maður
hálfgert áfall, bíllinn er svo lang-
ur. Það venst hins vegar furðu
fljótt og ýmislegt er gert til að
gera manni akstur á þessu stóra
farartæki þægilegri. Hliðarspegl-
arnir eru til dæmis mjög stórir og
hjálpa ökumanni við aksturinn.
Bíllinn hefur „blöðrulag“ eins og
algengt er með stærri fjölnota
bíla. Þetta þýðir að langt er frá
ökumanni og fram í rúðu en ein-
nig að ökumaður sér ekki fram-
enda bílsins, sem hlýtur að teljast
galli.
Vélin í Grandisnum er 2,4 lítra
165 hestafla bensínvél. Bíllinn er
afar kraftmikill, sjálfskiptur með
möguleika á beinskiptingu, mjög
þægilegur í akstri innanbæjar og
eins og klettur á vegi þegar lengra
er ekið. Reyndar er staðsetningin
á skiptistönginni nokkuð furðu-
leg, hægra megin í mælaborðinu,
þar að auki hreyfist gírinn til vin-
stri og hægri, ekki bara upp og
niður. Þetta venst þó fljótt.
Bíllinn eyðir 13 á hundraði í
innanbæjarakstri, segir á heima-
síðu innflytjanda, en hann virðist
þó eyða meira í hinu dæmigerða
skaki á milli húsa í Reykjavík.
sigridur@frettabladid.is steinunn@frettabladid.is
Mitsubishi Grandis er flottur bíll fyrir stórar fjölskyldur. Hann er þægilegur í akstri og
kraftmikill.
Hækkun á hámarkshraða á norskum vegum hefur ekki
fjölgað slysum. Árið 2001 var gerð sú tilraun að hækka hám-
arkshraða á tveimur vegum til reynslu. Margir voru fullir
efasemda um þessa áætlun og héldu að slysum myndi fjöl-
ga. Ný skýrsla sýnir að svo er ekki að því er kemur fram í
norska blaðinu Aftenposten. Áður var 90 km hraði á klukku-
stund hæsti hámarkshraði á þjóðvegum landsins. Nú hefur
100 km hraði verið leyfður á fleiri vegum, skilyrði er þó að
þeir séu í mjög góðu ástandi.
Hámarkshraði hækkar
Slysum fjölgar ekki
Hámarkshraði á íslenskum vegum er 90 km á klst.

Smáauglýsingasíminn er 550 5000