Fréttablaðið - 20.11.2004, Page 6

6 20. nóvember 2004 LAUGARDAGUR
Umhverfis- og heilbrigðisstofa Reykjavíkur:
Varar við uppsöfnun mengunarefna
UMHVERFISMÁL Send var út viðvör-
un vegna uppsöfnunar mengunar-
efna í Reykjavík í gær.
Það var Umhverfis- og heil-
brigðisstofa Reykjavíkur sem
benti á að vegna logns og frost-
hörku ætti sér stað meiri uppsöfn-
un mengunarefna í Reykjavík
þessa dagana en venjulega.
„Fólki sem er með öndunar-
færaörðugleika og öðrum sem
telja sig verða fyrir óþægindum
af þessum sökum er ráðlagt að
halda sig sem mest innandyra í
dag,“ sagði í tilkynningu frá stofn-
uninni. „Þá eru ökumenn beðnir
að draga úr akstri eins og kostur
er og minnt er á að bíll í lausa-
gangi mengar. Útlit er fyrir að
veðurfar haldist óbreytt fram á
morgundaginn og því ekki reikn-
að með að mengunarefnin í lofti
minnki fyrr en með morgundegin-
um. Ekki er um hættuástand að
ræða fyrir fullfrískt fólk.“ - jss
Árleg hækkun skatta á
meðalfjölskyldu 25 þúsund
Borgarfulltrúi Sjálfstæðisflokksins segir skattahækkanir borgarinnar fjölskyldufjandsamlegar.
Þær séu heldur ekki í anda kosningaloforða Reykjavíkurlistans. Forseti borgarstjórnar segir
hækkanirnar skárri kost en skuldaaukningu eða niðurskurð á þjónustu.
SKATTAR Skattahækkanir Reykja-
víkurlistans munu auka skatt-
greiðslur dæmigerðrar reyk-
vískrar fjölskyldu um 25 þúsund
krónur á ári. Þetta er mat Kjart-
ans Magnússonar, borgarfulltrúa
Sjálfstæðisflokksins.
Í fjárhagsáætlun meirihluta
borgarstjórnar fyrir næsta ár er
gert ráð fyrir 2,6 prósenta hækk-
un útsvars og 7,8 prósenta hækk-
un fasteignaskatts. Útsvarið verð-
ur þá komið í hámark samkvæmt
lögum sem er
13,03 prósent.
Kjartan sagði
í umræðum í
borgarstjórn í
vikunni að eftir
því sem skattar
hækkuðu þyrfti
fólk að vinna
meira til að
halda sömu lífs-
kjörum. Þar af
leiðandi gæfist
minni tími til
fjölskyldulífs.
Skattahækkanir
R-listans væru
því beinlínis fjölskyldufjandsam-
legar.
Þá rifjaði Kjartan upp kosn-
ingaloforð borgarfulltrúa R-list-
ans um að skattar yrðu ekki
hækkaðar undir þeirra stjórn.
Fyrir kosningar árið 1998 hafi
frambjóðendur hans meira að
segja lofað að lækka þá.
Hækkun fasteignaskatts er
tímaskekkja miðað við þróun á
fasteignamarkaði að mati
Kjartans. „Á síðustu árum hefur
húsnæðisverð í borginni hækkað
mikið og það hefur skilað sér í
hærri greiðslum fasteignaskatts í
borgarsjóð,“ sagði hann. „Þetta
hefur leitt til þess að fasteigna-
skattar Reykvíkinga hafa hækkað
gífurlega á síðustu árum og það er
því tímaskekkja að ætla sér
einnig að hækka skattprósentuna
eins og R-listinn gerir nú.“
Árni Þór Sigurðsson, forseti
borgarstjórnar, segir að fyrir
kosningar 1998 hafi R-listinn
gefið loforð um að holræsagjöld
myndu lækka og staðið hafi verið
við það. Hins vegar hafi engin lof-
orð verið gefin um þetta í kosn-
ingunum árið 2002. Hvorki um
hækkun né lækkun. „Við töldum
skynsamlegast að hækka þessi
gjöld nú til að standa undir út-
gjöldum sem eru að bætast á okk-
ur í stað þess að skera niður þjón-
ustu eða auka skuldir,“ segir Árni.
Varðandi hækkun fasteignaskatts
segir Árni að skatturinn hafi
lækkað mjög á undanförnum
árum vegna hækkunar fasteigna-
mats. Þess vegna hefðu tekjur
borgarsjóðs af fasteignaskatti
minnkað á ákveðnu tímabili en nú
sé verið að leiðrétta það.
ghg@frettabladid.is
Kísiliðja:
Óska eftir
aðgerðum
IÐNAÐUR Verkalýðsfélag Húsavík-
ur hefur óskað eftir mótvægis-
aðgerðum af hálfu stjórnvalda
vegna lokunar Kísiliðjunnar við
Mývatn um næstu mánaðamót.
Í ályktun frá félaginu segir
að fyrir liggi að lokunin muni
hafa gríðarleg áhrif á samfélag-
ið í Mývatnssveit og nærliggj-
andi byggðir. Ljóst sé að tugir
manna muni missa vinnuna 1.
desember. Því skorar félagið á
ráðamenn að opna augun fyrir
vandanum sem blasi við en
undrast um leið að ekki hafi ver-
ið gerð áætlun til að mæta
honum. - ghg
VEISTU SVARIÐ?
1Hvaða erlenda hljómsveit heldur tón-leika hér á landi á sunnudag?
2Í hvaða bæjarfélagi á að stofnaíþróttaakademíu?
3Hvar eru lífsgæðin best samkvæmtThe Economist?
Svörin eru á bls. 66
edda.is
„Aðdáunarvert framtak“
30%
afsláttur
1. sæti
Ævisögur og endurminningar
Félagsvísindastofnun
1. – 15. nóv.
„Hressilegt andsvar við þeirri
mynd sem dregin hefur verið
upp af arabískum konum
undangengin ár og um leið
aðdáunarvert framtak í þá átt
að reyna að stemma stigu við
fordómum og arabahatri.“
- Sigríður Albertsdóttir, DV
„ ... prýðilega góð bók, bæði
skemmtileg og fræðandi.“
- Guðrún Margrét Guðmundsóttir, Mbl.
Rússnesk stjórnvöld:
Hefja sölu
hluta Yukos
RÚSSLAND, AP Rússnesk yfirvöld
hafa tekið
ákvörðun um
nauðungarsölu á
hlut Yukos í
stærstu fram-
l e i ð s l u d e i l d
fyr ir tækis ins ,
Yugansknefte-
gaz. Söluverðið
rennur í ríkissjóð
upp í greiðslu
skatta sem
skattayf irvöld
segja fyrirtækið
og forsvarsmenn
þeirra hafa svikist um að borga.
Steven Thede, starfandi for-
stjóri Yukos, kallaði ákvörðunina
þjófnað skipulagðan af stjórn-
völdum til að jafna um þá vegna
pólitískra mála. Hann sagði ólög-
legt samkvæmt rússneskum lög-
um að byrja á sölu nauðsynlegra
hluta fyrirtækisins, samanber
framleiðsludeildina. ■
LEIKSKÓLAR Hækkun leikskóla-
gjalda í Reykjavík er óréttlát í ljósi
þess að henni er ekki ætlað að
mæta auknum útgjöldum. Þetta
segir Dögg Proppé Hugosdóttir,
varaformaður Félags ungs fólks í
Vinstri grænum.
Hækka á leikskólagjöld hjá
námsmönnum um 42 prósent, eða
um tæpar 10.000 krónur á mánuði,
ef aðeins annað foreldrið er í námi.
Í grein sem Dögg ritar á heima-
síðu félagsins segir að forsvars-
menn Leikskóla Reykjavíkur beri
það fyrir sig að hækkunin sé vegna
þess að námsmenn séu nú betur
staddir en þeir voru þegar núver-
andi gjaldskrá var ákveðin. Sér-
staklega vegna afnáms tekjuteng-
ingar maka hjá Lánasjóði íslenskra
námsmanna.
Dögg spyr hvaða námsmaður
hafi fengið 10.000 króna kjarabæt-
ur frá lánasjóðnum í einu lagi og
hvort það sé ómögulegt að náms-
menn fái að njóta þeirra kjarabóta
sem þeir fái. Hún segir að hækk-
unin gangi gegn kosningaloforðum
Vinstri grænna í síðustu alþingis-
kosningum um frían leikskóla og
því hljóti flokkurinn að hafa verið
beygður til að sætta sig við hækk-
unina í borginni.
- ghg
FROSTSTILLUR
Í frosti eins og var í gær voru ökumenn beðnir um að draga úr akstri eins og þeir gætu og
minntir á að bíll í lausagangi mengar.
Félag ungs fólks í Vinstri grænum:
Óréttlát hækkun leikskólagjalda
LEIKSKÓLAGJÖLD HÆKKA
Varaformaður Félags ungs fólks í Vinstri grænum segir hækkunina ganga gegn kosninga-
loforðum flokksins.
SKATTAHÆKKANIR SVEITAR-
FÉLAGA FRÁ 1998 TIL 2005.
Reykjavíkurborg 1,79%
Seltjarnarneskaupstaður 1,22%
Garðabær 1,22%
Akureyrarkaupstaður 1,19%
Mosfellsbær 1,15%
Hafnarfjarðarkaupstaður 0,99%
Kópavogsbær 0,95%
KJARTAN
MAGNÚSSON
Borgarfulltrúi Sjálf-
stæðisflokksins seg-
ir skattahækkanir R-
listans fjölskyldu-
fjandsamlegar.
FASTEIGNASKATTAR HÆKKA
Borgarfulltrúar Sjálfstæðisflokks segja að hækkun fasteignaskatta nú sé tímaskekkja vegna þess að fasteignaverð hafi hækkað gríðarlega
á undanförnum árum sem hafi leitt til mikillar hækkunar á tekjum fyrir borgarsjóð.
FR
ÉT
TA
B
LA
Ð
IÐ
/G
VA
HÖFUÐSTÖÐVAR
YUKOS
Skattayfirvöld birtu
fyrirtækinu 400
milljarða króna
skattareikning.
Hrútafjörður:
Fé fórst í
eldsvoða
ELDSVOÐI Tugir fjár drápust þegar
eldur kom upp í hlöðu við bæinn
Hrútatungu í botni Hrútafjarðar í
gærkvöld. Fjárhús var í enda
hlöðunnar og þar var um hundrað
fjár þegar eldurinn kom upp.
Heimamönnum tókst að bjarga
einhverju af fénu en nokkur fjöldi
kinda fórst í eldinum.
Slökkvilið frá Búðardal, Borð-
eyri og Hvammstanga var kallað
á vettvang og fólk á næstu bæjum
kom einnig á staðinn til að hjálpa
til við slökkvistarfið. Um 20 stiga
frost var og ár í nágrenninu því
ísilagðar. Það gerði erfitt fyrir
með að ná í vatn og þurftu menn
að brjóta ísinn til að verða ekki
uppiskroppa með vatn. -bþg