Fréttablaðið - 14.10.2004, Side 16

16 14. október 2004 FIMMTUDAGUR
Fara úr þriðjungi í fjórðung:
Konum fækkar í blaðamannastétt
FJÖLMIÐLAR Konum fækkaði mikið
í blaðamannastétt milli áranna
2002 og 2003 ef marka má tölur
um aðild að Blaðamannafélagi Ís-
lands og Félagi fréttamanna.
Fækkunin nam tæpum 28 prósent-
um, meðan körlum fjölgaði um
tæp 11 prósent, að því er fram
kemur í nýrri skýrslu Hagstof-
unnar, Konur og karlar 2004. Árið
2003 voru 128 konur í félögunum
tveimur á móti 406 körl-
um. Í fyrra voru konur
því tæpur fjórðungur fé-
lagsmanna, en voru um
þriðjungur fyrir.
Róbert Marshall, for-
maður Blaðamannafé-
lags Íslands, segir þróun-
ina koma á óvart. „Það er
full ástæða til að vera
vakandi fyrir þessu og
sjá hvort eitthvað í um-
hverfinu valdi því að
þessi viðsnúningur hafi
átt sér stað. Auðvitað
viljum við að þeir sem vinna á
fjölmiðlum endurspegli samfélag-
ið sem þeir lýsa. Á fjölmiðlum á
að starfa fólk af báðum kynjum, á
ólíkum aldri og með ó-
líkan bakgrunn. Það er
hið æskilega ástand.“
Róbert telur varla að
launamunur kynjanna
skýri fækkun kvenna
því að jafnaði muni bara
um 20 þúsund krónum á
mánaðartekjum karla og
kvenna. „Þó þetta sé
ekkert til að hrópa húrra
fyrir er víða meiri mun-
ur á milli launa kynj-
anna,“ segir hann.
- óká
Rótleysið eykst
með degi hverjum
Lítil hætta er talin á að kennaraverkfallið leiði til brottfalls á meðal grunnskólanema. Sérfræðingar ótt-
ast þó að ákveðinn hluti nemenda muni eiga í vaxandi erfiðleikum eftir því sem líða tekur á verkfallið.
KENNARAVERKFALL Erfitt er að segja
nákvæmlega til um áhrif kennara-
verkfallsins á grunnskólanemend-
ur. Ekki er talið að til brottfalls
muni koma á meðal þeirra en hins
vegar óttast sérfræðingar að eftir
því sem lengra líður á verkfallið
muni rótleysi barnanna aukast.
Nokkur dæmi voru um að ung-
lingar skiluðu sér ekki í skólann
þegar verkfalli grunn- og fram-
haldsskólakennara lauk vorið 1995.
Jón Torfi Jónasson, prófessor í
uppeldis- og menntunarfræði við
Háskóla Íslands, segir erfitt að
segja hvaða þættir höfðu þar mest
áhrif því gera má ráð fyrir að
einhverjir nemendur hefðu hætt
námi þótt ekki hefði komið til verk-
falls. Hættan á að unglingar flosni
upp úr grunnskólanámi sé hins
vegar lítil þar sem skólaskyldan
veiti þeim ákveðið aðhald.
Hákon Sigursteinsson, deildar-
stjóri sálfræðideildar Fræðslumið-
stöðvar Reykjavíkur, tekur í svip-
aðan streng og bendir á að fyrst
verkfallið er að hausti til sé hættan
á brottfalli minni þar sem meiri
tími sé til að vinna upp námsefni
vetrarins, t.d. fyrir samræmd próf.
Þeir Jón Torfi og Hákon eru hins
vegar sammála um að því lengra
sem verkfallið dragist, því meira
rót komist á líf barnanna. Hákon
leggur því áherslu á að foreldrar
skipuleggi tímann fyrir börnin á
meðan á því stendur þannig að þau
búi við einhverja reglu. „Þetta verð-
ur hins vegar erfiðara eftir því sem
börnin verða eldri því stundum vilja
þau ekki lifa eftir rútínu,“ bætir
hann við. Jón Torfi segir að búast
megi við að rótleysið geti varað tals-
vert umfram þann tíma sem verk-
fallið stendur vegna þess tíma sem
það tekur að koma reglu á daglegt
líf á ný. „Fyrir sum börn skiptir
þetta engu máli en fyrir þau sem á
mestum aga þurfa að halda getur
verið hætta á ferðum.“
Einhver dæmi eru um unglinga
sem lifa í óreglu í verkfallinu og
munu til dæmis einhverjir þeirra
hafast við í húsakynnum gömlu
Hraðfrystistöðvarinnar við Mýr-
argötu í Reykjavík. Þeir Jón Torfi
og Hákon segja báðir að ákveðinn
hópur unglinga sé í meiri hættu
en aðrir og með honum verði að
fylgjast. Of snemmt sé hins vegar
að segja til um áhrif verkfallsins á
þann hóp.
sveinng@frettabladid.is
SPRENGJULEIT
Starfsmenn bandaríska sjóhersins tóku
þátt í sprengjuleitinni með mönnum Land-
helgisgæslunnar.
Reykjanes:
Gæslan í
sprengjuleit
LANDHELGISGÆSLAN Mikið fannst af
sprengifimum hlutum, sprengju-
brotum, skotfærum og púðri í leit
sem Landhelgisgæslan stóð fyrir
á svæðinu norðvestur af Stapa-
felli á Reykjanesi í síðustu viku.
Svæðið er merkt með skiltum en
ekki afgirt.
Landhelgisgæslan segir að 25
starfsmenn vopnadeildar varnar-
liðsins hafi tekið þátt í leitinni.
Í tilkynningu Landhelgisgæslunar
segir að slíkar leitir séu gerðar
reglulega á æfingasvæðum
og sprengjueyðingarsvæðum
varnarliðsins á Reykjanesi. „Á
þessu ári hefur Landhelgisgæslan
staðið fyrir leit á svæðinu í
kringum Kleifarvatn, Vogaheiði
og Stapafell með góðum
árangri. Fundist hafa yfir 100
hlutir sem hefur verið eytt.“
- óká
ÖLLU SKIPTIR AÐ HAFA NÓG FYRIR STAFNI
Þessir ungu Siglfirðingar sitja ekki með hendur í skauti í verkfallinu en þó má búast við að þeir hlakki til að byrja aftur í skólanum.
FR
ÉT
TA
B
LA
Ð
IÐ
/V
IL
H
EL
M
FÉLAGSMENN Í BLAÐAMANNA-
FÉLAGI ÍSLANDS OG FÉLAGI
FRÉTTAMANNA 2000 TIL 2003*
Fjöldi Hlutfall
Ár Konur Karlar Konur Karlar
2000 176 348 34% 66%
2001 172 341 34% 66%
2002 177 367 33% 67%
2003 128 406 24% 76%
Heimild: Hagstofa Íslands, Konur og karlar 2004.
RÓBERT MARSHALL
Formaður Blaðamanna-
félags Íslands telur ólík-
legt að kynbundinn
launamunur skýri fækk-
un kvenna í stétt blaða-
og fréttamanna.
Finnar lokuðu vefsvæði:
Fengu hrós
frá Rússum
MOSKVA, AP Finnsk stjórnvöld lok-
uðu í gær vefsvæði sem helgað var
málstað tsjetsjenskra skæruliða, og
uppskáru í kjölfarið hrós frá stjórn-
völdum í Moskvu. Vefurinn hafði
áður verið vistaður í Litháen en
stjórnvöld þar lokuðu honum eftir
þrýsting frá Rússum.
„Við metum það mikils hversu
skjótt finnsk stjórnvöld brugðust
við,“ sagði í yfirlýsingu frá rúss-
neska utanríkisráðuneytinu í gær.
Þar kom jafnframt fram að rúss-
nesk stjórnvöld myndu áfram reyna
að koma í veg fyrir að hryðjuverk-
menn notuðu slík vefsvæði til að
koma áróðri sínum á framfæri. ■
M
YN
D
/L
AN
D
H
EL
G
IS
G
Æ
SL
AN
/A
D
R
IA
N
K
IN
G
M
YN
D
/A
P
SÉRSVEITIN ÆFIR
Suður-kóreskir sérsveitarmenn æfðu við-
brögð við hryðjuverkaárás í miðborg Seúl í
gær. Mikill viðbúnaður hefur verið í Suður-
Kóreu eftir að hryðjuverkamenn sögðu að
landið væri skotmark vegna stuðnings við
Íraksstríðið.
GERARD G. ROGAN
Verður að öllum líkindum framseldur til
Bretlands þar sem hann mun svara fyrir
sprengjutilræðið fyrir átta árum.
Spánn:
IRA-maður
handtekinn
MADRÍD, AP Lögreglan á Spáni til-
kynnti í gær að hún hefði hand-
tekið meðlim Írska lýðveldis-
hersins (IRA) sem eftirlýstur var
fyrir sprengjutilræði sem varð
breskum herforingja að bana.
Norður-Írinn Gerard G. Rogan
var handtekinn í fyrrakvöld á
ferðamannastaðnum Tenerife á
Kanaríeyjum. Hann er grunaður
um að hafa staðið að sprengjutil-
ræði skammt frá Belfast árið
1996. Ári eftir tilræðið lýsti IRA
yfir vopnhléi.
Rogan verður leiddur fyrir
dómara í Madríd og líklegt er að
hann verði framseldur til Bret-
lands. ■
STOKKHÓLMUR, AP Krufning hefur
leitt í ljós að Christer Pettersson,
meintur morðingi Olofs Palme,
lést af völdum höfuðáverka sem
hann hlaut er hann fékk flog að
lokinni mikilli áfengisdrykkju og
datt á höfuðið.
Pettersson lést á Karolinska
sjúkrahúsinu í Stokkhólmi 29.
september en þá voru tvær vikur
liðnar frá því að hann var fluttur
þangað með alvarlega höfuðá-
verka. Niðurstöður krufningar
þykja útiloka að honum hafi verið
ráðinn bani en Petterssen hafði
lengi átt við flogaveiki að stríða.
Endanleg niðurstaða krufningar
mun liggja fyrir innan fárra
vikna.
Pettersson var sakfelldur fyrir
morðið á Olof Palme, þáverandi
forsætisráðherra, í undirrétti en
hann var síðar sýknaður vegna
skorts á sönnunargögnum. Palme
var skotinn til bana í miðbæ
Stokkhólms 28. febrúar 1986.
Ekkja Palme, Lisbet, bar kennsl á
Pettersson sem skotmanninn
fyrir dómi. Morðvopnið hefur
hins vegar aldrei fundist og málið
telst enn óupplýst. ■
Finninn fljúgandi
í vondum málum:
Kærður fyrir
hnífsstungu
HELSINKI, AP Finninn Matti Nykänen,
sigursælasti skíðastökkvari sög-
unnar, hefur verið ákærður fyrir til-
raun til manndráps í sumarbústað
norður af Helsinki. Skíðastökkvar-
inn á yfir höfði sér allt að níu ára
fangelsi verði hann fundinn sekur.
Er Nykänen, sem gekk undir
nafninu Finninn fljúgandi, grunað-
ur um að hafa lagt til 57 ára
kunningja síns með hnífi.
Kunningi Nykänens hlaut ekki
alvarleg sár af stungunni.
Nykänen var í mars dæmdur í
fjögurra mánaða skilorðsbundið
fangelsi í mars fyrir að misþyrma
og ógna konu sinni með hnífi. ■
Krufning á meintum morðinga Olofs Palme:
Ekkert saknæmt við
dauða Petterssons
M
YN
D
/A
P
CHRISTER PETTERSSON
Sakfelldur en síðar sýknaður af
Palme-morðinu.
16-17 13.10.2004 18:52 Page 2