Fréttablaðið - 09.12.2004, Blaðsíða 82
„Christmastime has come
There'll be toys for everyone
Cause christmastime has come for you“
- Jólin hjá Billy Corgan og félögum hans í Smashing Pumpkins snerust greinilega
um pakkana, eins og viðlag Christmastime gaf til kynna.
38 9. desember 2004 FIMMTUDAGUR
Í spilaranum hjá ritstjórninni
Hot Chip: Coming on Strong, Nancy Sinatra: Nancy Sinatra, The Polyphonic
Spree: Together We're Heavy, The Futureheads: The Futureheads og Dizzee
Rascal: Showtime.
Hljómsveitin Jagúar
gaf nýverið út tvær
breiðskífur, Hello,
Somebody! og
Dansaðu fíflið þitt,
dansaðu!
Fönkhljómsveitin Jagúar hlýtur
að vera duglegasta hljómsveit
landsins fyrir þessi jól. Þeir eru
ekki með eina, heldur tvær plötur
á jólamarkaðinum og nýta öll
tækifæri til þess að láta bera á
sér. Þeir eru, ásamt Mugison, til-
nefningarkóngar á Íslensku tón-
listarverðlaununum. Þær fengu
þeir fyrir plöturnar Hello,
Somebody, sem er eiginleg þriðja
breiðskífa þeirra, og Dansaðu,
fíflið þitt, dansaðu! sem þeir gera
með djassdoktornum Tómasi R.
Einarssyni.
Ekki smeykur við sönginn
Stærsta breytingin á nýju plötu
Jagúar er að í þetta skiptið eru
lögin skreytt með söng Samúels J.
Samúelssonar sem hingað til
hefur látið sér nægja að blása í
básúnuna sína. Hann setur sig í
ýmis hlutverk á plötunni, allt frá
bræðrunum í Bee Gees niður í
Barry White. Söngurinn fellur
þannig eins og dúnsæng ofan á
tóna sem eru þónokkuð slípaðri og
bragðsætari en áður.
„Þetta er náttúrlega bara meiri
poppplata en áður,“ útskýrir
Sammi. „Fyrsta platan okkar var
barn síns tíma og önnur platan
meira leitandi i margar áttir.
Þannig varð hún tilraunakenndari
fyrir vikið. Síðustu þrjú ár erum
við svo búnir að vera að hanna nýj-
an hljóm. Þetta er afraksturinn.“
Sammi segist ekki hafa verið
smeykur við að syngja áður en
hann ákvað að stíga almennilega í
frontarahlutverkið og hleypa
raddböndum sínum inn í dýra-
garðsbúr Jagúarsins. „Þetta var
smá múr sem ég þurfti að brjóta.
Við erum búnir að vera að spila
þetta söngprógramm núna í tvö
ár. Ég hafði rosalega gott af þeim
tíma til þess að fá að spreyta mig
á þessu áður en við tókum þetta
upp. Þetta bara æxlaðist svona.
Það var bara ekki fílingur fyrir
því að fá einhvern utanaðkomandi
inn í sveitina. Ég er bara þakk-
látur fyrir það traust sem félagar
mínir hafa sýnt mér í þessu.“
Sendibílar og ódýr mótel
Sammi útsetti svo nokkur lög
Tómasar fyrir Listahátíð Reykja-
víkur í vor. Haldnir voru tónleikar
í Nasa með 14 manna hljómsveit
og þeir hljóðritaðir. Uppistaðan að
þeirri sveit voru liðsmenn Jagúar.
Útkoman er nú platan Dansaðu,
fíflið þitt, dansaðu! Sveitin fær
þrjár tilnefningar fyrir hana á
Íslensku tónlistarverðlaunum í
flokki djasstónlistar. Svo tvær til-
nefningar til viðbótar fyrir Hello
Somebody!, þar á meðal í flokkn-
um Poppplata ársins.
Fram að jólum verður Jagúar á
fullu við að kynna nýju plötuna.
Strax eftir jól, eða daginn fyrir
gamlársdag, 30. des, heldur sveit-
in svo heljarinnar tónleika á
Gauki og Stöng. Eftir áramót
verður svo hoppað upp í bát og
stefnt til fjarlægra landa.
„Samstarfsfólk okkar úti hefur
verið að bíða eftir þessari plötu,“
segir Sammi og viðurkennir að
þekkja lítið til hvernig hlutir
virka úti. „VIð höfum samt spilað
mikið úti í Bretlandi, Belgíu og
Hollandi og alltaf fengið góðar
viðtökur. Þetta er náttúrlega
rándýrt með sex manns að fljúga
yfir Atlantshafið. Það hefur ekki
verið mikill glamúr á þessu hjá
okkur. Bara sendibílar sem við
keyrum sjálfir og svo gist á ódýr-
um mótelum. Maður leggur þetta
á sig í von um að einhver bíti á.“
Sammi er svosem vanur hark-
inu, enda er hann einn af fáum
tónlistarmönnum á Klakanum
sem getur talist atvinnumaður.
Hann hefur unnið mikið við það að
útsetja strengi og blásturshljóð-
færi fyrir aðra, auk þess sem
hann kemur oft fram með Jagúar
og öðrum sveitum. „Ég er kannski
ekki alveg atvinnu-, en ég hef ekki
unnið almennilega dagvinnu frá
því að ég kláraði tónlistarskólann.
Ég tók ákvörðun um að gera það
ekki. Ég hef verið heppinn líka og
fengið skemmtileg verkefni. Ég
hef getað borgað reikningana
vegna þess að ég hef tekið flest
það sem dettur inn á borð. Ég hef
svo gaman af tónlist að ég finn
alltaf skemmtilega fleti á flestum
verkefnum.“
Um dugnaðinn hefur Sammi
þetta að segja að lokum: „Það er
enginn annar sem gerir hlutina
fyrir mann, ef maður hrindir
þeim ekki af stað sjálfur. Ef mað-
ur vill að eitthvað verði gert,
verður maður að sjá til þess að
það verði gert. Það þýðir lítið að
sitja bara heima.“
biggi@frettabladid.is
Frá Bee Gees til Barry White
Inni í Fréttablaðinu
í dag
MEÐ KÓNGINUM Jagúar hitaði upp fyrir sálarkónginn James Brown á tónleikum hans í Laugardalshöll í haust.
Aðdáendur Stereophonics geta
kætt sig við þær fréttir að sveit-
in hefur fundið nýjan trommara.
Þeir ráku stofnmeðliminn
Stuart Cable í fyrra og kenndu
metnaðarleysi í garð sveitarinn-
ar um. Þetta var mikið áfall
fyrir marga aðdáendur, því Stu-
art hefur verið litríkur út feril
sveitarinnar. Nýji trommarinn
er frá Argentínu og heitir Javier
Weyler. Honum kynntust þeir í
heimalandi hans, þegar liðs-
mönnum var boðið í partí þar
eftir tónleika.
„Við vorum á skemmtistað og
eigandinn bauð okkur í lokað
partí þar sem var fullt af hljóð-
færum, og allir máttu spila,“
segir Kelly Jones í viðtali við
NME. „Hann var þar og okkur
leist vel á hann.“
Sveitin vinnur nú að næstu
plötu sinni, sem verður gefin út á
næsta ári. Hún hefur vinnuheitið
Language, Sex, Violence, Other? ■
Raveonettes grefur
upp gamlar hetjur
Danski rokkdúettinn The Raveo-
nettes hefur eytt síðustu átta
mánuðum í New York að hljóðrita
nýja breiðskífu. Sveitin hefur
verið vaxandi nafn í Bandaríkjun-
um frá því að hún gaf út plötu sína
Chain Gang of Love í fyrra.
Þau Sharin Foo og Sune Rose
taka á móti mörgum gestum á
nýju plötunni, en þau hafa lagt sig
fram við það að grafa upp gamlar
nýbylgjurokkshetjur á borð við
Martin Rev úr Suicide, Ronnie
Spector og Maureen Tucker úr
Velvet Underground. Nýja platan
verður töluvert léttari en þær
tvær eldri, og nánast án fuzz-box-
ins sem hingað til hefur einkennt
gítarhljóm sveitarinnar.
Platan kemur út snemma á
næsta ári og heldur sveitin í tón-
leikaferð um Evrópu í byrjun
mars. ■
[ TOPP 20 ]
X-IÐ 977 - VIKA 30
INTERPOL
Evil
FRANZ FERDINAND
This Fire
A PERFECT CIRCLE
Imagine
GREEN DAY
Boulevard Of Broken Dreams
SNOW PATROL
How To Be Dead
JET
Look What You’ve Done
THE THRILLS
Not For All The Love In The World
GOOD CHARLOTTE
Predictable
SNOW PATROL
How To Be Dead
MAUS
Over Me Under Me
THE LIBERTINES
What Became Of The Likley Lads
SOLID I.V
Dogs
FUTUREHEADS
Meantime
THE USED
Take It Away
BRAIN POLICE
Mr. Dolly
THE BRAVERY
Honest Mistake
U2
All Because Of You
THE MUSIC
Breaking
SLIPKNOT
Vermillion
JAN MAYEN
Ninja Ninja
1
2
3
4
5
6
7
8
9
10
11
12
13
14
15
16
17
18
19
20
THE RAVEONETTES Sveitin
hefur unnið hörðum höndum
við að hljóðrita nýja breiðskífu.
STEREOPHONICS Trommarinn Stuart
Cable var rekinn í fyrra en sveitin hefur
fundið nýjan trommara.
Stereophonics finnur trommara