Fréttablaðið - 09.12.2004, Blaðsíða 83
FIMMTUDAGUR 9. desember 2004
Guðfeður síðrokksstefnunnar, gít-
arsveitin Slint, hefur ákveðið að
taka upp þráðinn að nýju eftir
meira en tíu ára dvala. Breiðskíf-
ur sveitarinnar, Tweez (1989) og
Spiderland (1991), höfðu mikil
áhrif á lopahúfugítareigendur hér
á landi sem og annars staðar.
Sveitin leikur ósungið gítarný-
bylgjurokk þar sem flóknar gítar-
línur og frumlegar taktpælingar
ráða ríkjum. Óhætt er að fullyrða
að sveitin hafi haft mikil áhrif á
íslenskar sveitir á borð við Botn-
leðju og Kimono.
Sveitin leikur á tónleikahátíð-
inni All Tomorrows Party í Bret-
landi í febrúar og leggur svo af
stað í tónleikaferðalag um Evrópu
áður en hún snýr aftur heim til
Bandaríkjanna. Liðsmenn sveitar-
innar hafa aldrei verið mikið
fyrir glys og glamúr og bókuðu
nokkra tónleika á litlum stöðum
um Bretland án þess að auglýsa
þá neitt sérstaklega. Áhuginn er
slíkur að það seldist upp á alla
þeirra á mettíma.
Einn liðsmannana ákvað að
vera ekki með. Í þessari endur-
reistu Slint eru því gítarleikarinn
David Pajo (úr Papa M og Zwan),
Brian McMahan og Britt Walford.
Það er Íslandsvinurinn Will
Oldham, betur þekktur sem
Bonnie Prince Billy, sem heldur
utan um All Tomorrows Party að
þessu sinni. Það má því ætla að
íslenskir tónlistarmenn séu æstir
í miða. ■
Umsjón: BIRGIR ÖRN STEINARSSON. biggi@frettabladid.is
SLINT Sveitin er að vakna úr tíu ára dvala og hyggst fara í tónleikaferðalag.
Destiny's Child: Destiny Full-
filled
„Fjórða eiginlega plata Destinyís Child er allt og
ekkert. Mettir aðdáendur, en bætir líklegast ekki
nýjum í hópinn. Tími fyrir Beyoncé að einbeita sér
alfarið að sólóferlinum?“
BÖS
Manhattan - Manhattan
„Þessi þröngskífa er eingöngu smá blóðbragð af
steikinni sem verður í boði þegar Manhattan stígur
næsta skref og býr til sína fyrstu breiðskífu.“
SJ
Fræbbblarnir - Dót
„Þrælskemmtilegur pakki. Fræbbblarnir hafa engu
gleymt og halda sig við grípandi pönk“
MT
U2: How to Dismantle an At-
omic Bomb
„Besta plata U2 í háa herrans tíð. Mörg prýðileg
lög þar sem The Edge fer á kostum. „
FB
Bizzart - Ear Drung
„Á Ear Drung heyrist glögglega að það er hægt að
gera fullt af spennandi hlutum í hiphop-tónlistinni
þó svo að yfirborðið sé jafn ónýtt og raun ber
vitni. Bizzart er kjörinn listamaður fyrir unnendur
hiphops sem vilja heyra eitthvað öðruvísi.“
SJ
Johnny Hiland
- Johnny Hiland
„Gítarleikur kappans er ansi smekklegur á köflum
og er hratt plokk (“chicken-picking“) hans aðal. En
Steve Vai hefði mátt sleppa því að vera með og
skilja líka hinn drepleiðinlega frænda sinn Billy
Sheehan eftir heima. Þökk sé þeim er þessi plata
nánast ónýt.“
SJ
Kalli Bjarni: Kalli Bjarni
„Var að vonast eftir betri plötu frá Kalla Bjarna. Góð
lög inn á milli en oftast virkar hann á villigötum. „
FB
The Stills: Logic Will Break
Your Heart
„Frumraun Íslandsvinanna í The Stills er svo sem
ágæt, en lítið meira en það. Letilegt indírokk fyrir
þá sem hafa gaman að Coldplay og þannig sveit-
um.“
BÖS
The Blood Brothers: Crimes
Seattlerokksveitin Blood Brothers er beittari í rokk-
inu en hnífsoddur brúðarinnar í Kill Bill. Frábær
rokkplata sem grúskarar verða að tékka á.
BÖS
The Zutons: Who Killed The
Zutons?
„Sigursveit Mercury-verðlaunanna í ár kemur frá
Liverpool. Stuðboltar sem leika sjóræningjarokk að
hætti The Coral.“
BÖS
Mugison: Mugimama, is this
monkey music?
„Frábær plata, vafalítið ein sú allrabesta á árinu.
Innlifun Mugison heillar mann upp úr skónum.“
FB
Eminem: Encore
„Miðið hjá Eminem er orðið aðeins skakkt. Encore
er fín, en ekkert meira en það. Lögin eru enn gríp-
andi, og flæðið óaðfinnanlegt en spaugið heldur
þunnt. Best tekst honum upp á alvarlegri nótun-
um. Meistari Eminem á að geta gert betur en
þetta!“
BÖS
Swan Lee: Swan Lee
„Danski poppdúettinn Swan Lee á líklegast eftir að
missa af lestinni, þrátt fyrir að hafa gefið út alveg
ágætis frumraun. Of mikið popp fyrir grúskaranna, og
kemur úr of undarlegri átt fyrir Bylgjupopparanna.“
BÖS
Stina Nordenstam: The World
is Saved
„Sænska skammdegisdrottningin Stina Nor-
denstam skilar af sér sinni bestu plötu í mörg ár.
Ekki láta þessa renna fram hjá ykkur.“
BÖS
Ske: Feelings are Great
„Fín plata frá Ske og mun heilsteyptari en sú síð-
asta. Létt og sykurhúðað poppið hittir vel í mark.“
FB
Green Day: American Idiot
„Green Day skilar frá sér metnaðarfullri plötu, í
dulargervi söngleiks, eftir fjögurra ára bið. Þeir
hljóma nákvæmlega eins og áður. Aðdáendur eiga
eftir að pissa í brækurnar af fögnuði. Okkur hinum
gæti ekki verið meira sama um American Idiot.“
BÖS
[ SMS ]
UM NÝJUSTU PLÖTURNAR
Hot Chip: Coming On Strong
„Ein áhugaverðasta raftónlistarplata ársins, aðal-
lega vegna stórkostlegra lagasmíða og sálarfullra
söngvara. Tónlistarárið þitt verður ekki fullkomnað
fyrr en þú hefur tékkað á þessari plötu Hot Chip.“
PLATA VIKUNNAR
Slint snýr aftur
» BETRI SJÓNVARPSDAGSKRÁ Á FIMMTUDÖGUM