Fréttablaðið - 09.12.2004, Blaðsíða 44
Ljósmyndarinn
Börkur Sigþórsson
er maðurinn á bak
við margar af
þekktustu auglýs-
ingamyndum und-
anfarinna ára. Hann
hefur líka leikstýrt
tónlistarmyndbönd-
um fyrir meðal ann-
ars Mínus, Maus og
Quarashi og gerði á
dögunum samning
við umboðsskrif-
stofu í Lundúnum
og er því eins og
jójó á milli Íslands
og Bretlands. Marta
María Jónasdóttir
hitti hann á köldum
desembermorgni og
fékk að vita allan
sannleikann.
Ég hef verið að einbeita mér mestað tónlistarmyndböndum upp ásíðkastið og hef verið með ann-an fótinn í Lundúnum síðan í
febrúar á þessu ári. Í Lundúnum er ég á
skrá sem leikstjóri hjá framleiðslufyrir-
tæki Oil Factory. Aðalfókusinn er á það
þó ég sé alltaf að ljósmynda inni á milli
og þá er ég mest að vinna við auglýs-
ingaljósmyndun,“ segir Börkur Sig-
þórsson, sem er búinn að vera með
myndavélina á lofti síðan hann var tólf
ára gamall. Foreldrar hans eiga stóran
þátt í því en þau gáfu honum fyrstu
myndavélina, sem var diskfilmuvél af
bestu gerð.
„Upprunalega notaði ég hana til að
taka myndir og mála eftir þeim. En svo
hætti ég að mála en ljósmyndaáhuginn
jókst bara og jókst. Þegar ég var 13 ára
fékk ég mjög góða 35 mm vél og eftir
það varð ekki aftur snúið.“ Allan
menntaskólann var Börkur heltekinn af
ljósmyndadellu og strax eftir útskrift
byrjaði hann að starfa sem ljósmyndari.
„Það má eiginlega segja að ég hafi
byrjað að vinna sem prófessional ljós-
myndari þegar fyrsta plata Mínus kom
út árið 1999. Stefnan var alltaf að fara í
nám en mér fannst mappan mín aldrei
nógu góð og efnið sem ég var með í
höndunum ekki fullnægjandi til að
komast inn í góða skóla. Vinnan vatt
svo upp á sig og áður en ég vissi af var
ég farinn að vinna allt of mikið.“
Miðstöð glamúrsins
Sumarið 2003 hélt Börkur á vit ævin-
týranna og lét námsdrauminn rætast.
Ferðinni var heitið til borgar englanna,
L.A. „Ég var í „workshop“ í tónlistar-
myndbandaleikstjórn í tvo og hálfan
mánuð. Þetta var mjög strangt nám og
ég lærði alveg heilmikið,“ segir Börkur,
sem komst á samning í Lundúnum eft-
ir að námskeiðinu lauk. „L.A. er svona
borg sem maður annað hvort elskar eða
hatar. Hún getur alveg virkað á fólk
eins og steinsteypuferlíki því hún er svo
stór. Þar er engin miðja heldur margir
miðbæir. Mér fannst hún skemmtileg
enda þekki ég mikið af fólki þar og
borgin býður upp á rosalega margt. Þó
að stereótýpíska ímyndin af L.A. sé
glamúr, yfirborðskenndur lífsstíll og
sílikon býr miklu meira þarna undir.
Það er til dæmis mikil gróska í menn-
ingunni sem gerir það að verkum að
hún laðar að sér mikið af snillingum.
Ég hitti til dæmis fleiri Íslendinga í
L.A. en fólk sem er fætt þarna og upp-
alið. Það lítur út fyrir að fólkið sem
fæðist þar flytji þaðan en fólkið sem býr
þar sé aðflutt. Það var gaman að fá að
upplifa L.A. sem nafla skemmtana- og
afþreyingariðnaðarins,“ segir hann og
viðurkennir að hafa tékkað svolítið vel á
djamminu.
Stoltur af Reykjavík Guesthouse
Börkur var alls ekki ókunnur kvik-
myndaheiminum þegar hann hélt út til
L.A. því hann hafði þegar gert kvik-
mynd í fullri lengd ásamt vinum sínum
Unni Ösp Stefánsdóttur leikkonu og
Birni Thors. Þetta var kvikmyndin
Reykjavík Guesthouse.
„Ég er afskaplega stoltur af því að
hafa gert þessa kvikmynd þó deila megi
um afraksturinn. Þetta var einn mesti
skóli sem ég hef gengið í gegnum. Þeg-
ar við gerðum myndina hafði ég ekkert
komið nálægt kvikmyndagerð og þurfti
því að læra allt á einu bretti.“
Börkur hefur einnig unnið fyrir
Ragnar Bragason og hann tók til dæm-
is heimildarmyndina Love Is In the Air
sem sýnd var í Sjónvarpinu á dögunum.
En myndin fjallar um útrás íslenskra
leikara þegar þeir settu upp Rómeó og
Júlíu í Lundúnum.
„Mér finnst forréttindi að fá að
vinna við þetta því þetta er fyrst og
fremst sérstakt áhugamál hjá mér. Það
er bæði kostur og galli því ég á það til
að festast í vinnunni. En svo er þetta
fjölbreytilegt. Ég er alltaf að kynnast
nýju fólki og mér finnst gaman að færa
mig á milli miðla. En það sem mér
finnst kannski mest heillandi við þetta
er að ég er með ástríðu fyrir myndræn-
um miðlum. Ég fæ útrás fyrir það sem
býr innra með mér og gef mig 100 pró-
sent í starfið.“
Vinnan hans Barkar er skorpuvinna.
Hann á það til að vinna allan sólar-
hringinn en svo koma kannski tveggja
vikna eyður inni á milli. „Ég hef gert
mikið af því í gegnum tíðina að taka
prívatmyndir fyrir mig þegar það er
dauð stund. Þá framkvæmi ég það sem
mig langar að gera í stað þess að vera
undir hælnum á auglýsanda eða öðr-
um.“ Og þegar dauðu stundirnar koma
segist hann rækta garðinn sinn með því
að horfa á kvikmyndir, lesa bækur, kafa
og ferðast.
„Mér finnst mjög gaman að þvælast
um Ísland, en það er einhvern veginn
þannig með áhugamálin, ég næ alltaf að
tengja þau vinnunni. Það er endalaust
hægt að sækja sér innblástur í það sem
maður hefur gaman af.“
Eins og jójó á milli landa
Börkur starfar hjá fyrirtækinu Oil Fact-
ory í Lundúnum. Það kallar á stöðug
ferðalög en þegar hann er á Íslandi
starfar hann fyrir Sagafilm ásamt því að
reka eigið fyrirtæki sem hann kallar B
myndir.
„Yfirleitt fæ ég einhvern ramma til
að vinna eftir en að öðru leyti hef ég
frjálsar hendur. Þetta er í fyrsta lagi
handritsskrif. Maður hlustar á tónlistina
og skoðar hljómsveitina og þá spretta
hugmyndirnar fram. Ég gerði tvö
myndbönd úti í vor en svo skaut ég eitt
myndband hérlendis í síðasta mánuði.
Þá kom breska bandið hingað og svo fer
eftirvinnslan fram í báðum löndunum.“
En skyldi vera hægt að gera mynd-
band við lag sem manni finnst leiðin-
legt?
„Ég held að myndbandið verði aldrei
betra en lagið. Mín kenning er sú að ef
lagið er ekki að gera sig þýðir ekkert
fyrir mig að reyna að gera myndband við
það. Þetta er bara eins og að elda mat. Ef
hráefnið er ekki gott verður maturinn
ekki góður þó þú notir öll heimsins
krydd og eldir af alúð. Ég hafna alveg
miskunnarlaust verkefnum ef ég er ekki
að fíla lögin.“
Heimurinn er fullur af snillingum
„Ég er mjög ánægður með Sprite-
herferðina sem ég myndaði og svo hefur
Íslenski dansflokkurinn verið skemmti-
legur kúnni í gegnum tíðina. Í fyrra hélt
F2 10 9. desember 2004 FIMMTUDAGUR
FR
ÉT
TA
B
LA
Ð
IÐ
/E
.Ó
L.
Bára Hólmgeirsdóttir er flott fyrirsæta. Börkur myndaði leikarana í Hárinu fyrir auglýsingar sýningarinnar.
Börkur Sigþórsson „Ég hafna alveg miskunnarlaust verkefnum ef ég er ekki að fíla lögin.“
Diskfilmuvél
markaði upphafið