Fréttablaðið - 09.12.2004, Blaðsíða 10

10 9. desember 2004 FIMMTUDAGUR
BÝÐUR NÝRA TIL SÖLU
Nýra til sölu stendur á blaðinu sem þessi
fatlaði maður í Peking, höfuðborg Kína,
heldur á. Mikið er um að fátækir Kínverjar
bjóði líffæri til sölu til að vinna sig upp úr
fátækt. Fyrir nýra má fá hátt í fjórar millj-
ónir króna.
Leyniþjónustumenn urðu vitni að
fangamisþyrmingum í Bagdad:
Föngum misþyrmt
eftir Abu Ghraib
BANDARÍKIN Bandarískir hermenn
héldu áfram að misþyrma föngum
í Írak eftir að komið var upp
um fangamisþyrmingar í Abu
Ghraib-fangelsi síðasta vor. Þetta
kemur fram í skjölum sem gerð
voru opinber í fyrradag að kröfu
bandarísku mannréttindasam-
takanna American Civil Liberties
Union.
Meðal þess sem greint er frá í
skjölunum er að tveimur starfs-
mönnum leyniþjónustu varnar-
málaráðuneytisins hafi verið hót-
að hefndum ef þeir greindu frá
misþyrmingum á föngum í
Bagdad sem þeir urðu vitni að í
júní, mörgum vikum eftir að upp
komst um atburðina í Abu Ghraib.
Frá þessu var greint í The New
York Times í gær.
Fyrr í vikunni komst AP-frétta-
stofan yfir skjöl sem sýna að
bandaríska alríkislögreglan, FBI,
setti sig upp á móti þeim aðferð-
um sem hefur verið beitt í Guant-
anamo þar sem hundruðum fanga
frá Mið-Austurlöndum er haldið.
FBI sagði að óþarfa hörku væri
beitt og að upplýsingarnar sem
fengjust þannig væru óáreiðan-
legar. ■
Einstaklingur ætlar
í mál við olíufélag
Fjöldi einstaklinga hefur haft samband Neytendasamtökin vegna áhuga á að
krefja olíufélögin um skaðabætur vegna verðsamráðs. Óánægður viðskipta-
vinur til margra ára segir olíufélag hafa haft af sér um 300.000 krónur.
Vígamenn í Írak sækja stuðning sinn út fyrir landamærin:
Fjármögnuð
frá Sýrlandi
ÍRAK Vígamenn í Írak njóta mun
meiri stuðnings frá Írak en áður var
talið, að sögn bandarískra leyni-
þjónustumanna sem Washington
Post ræddi við. Þeir segja að fyrr-
um stuðningsmenn Saddams
Hussein hafi fundið sér hæli í Sýr-
landi og noti það til að dæla pening-
um til vígamanna og veita þeim
annan stuðning.
Niðurstöðu sína byggja leyni-
þjónustumenn á upplýsingum sem
fengust í Falluja, Bagdad og víða í
súnníþríhyrningnum. Þeir segja að
þar hafi komið fram að háttsettir
ráðamenn í Baathflokki Saddams
safni fjármunum frá fólki í Sádi-
Arabíu og Evrópu til að fjármagna
baráttuna gegn íröskum yfirvöldum
og erlendum hersveitum í landinu.
Vísbendingar hafa komið fram
sem gefa til kynna að hluta barátt-
unnar gegn yfirvöldum sé stjórnað
af fyrrum ráðamönnum Íraks, bú-
settum í Sýrlandi.
„Í Sýrlandi er að finna fólk sem
er illmenni, flóttamenn frá lögum
og rétti, leifarnar af veldi Saddams
sem vilja endurvekja hina illræmdu
ógnarstjórn hans,“ sagði Ghazi
al-Yawar, forseti Íraks, í viðtali við
Washington Post. ■
VERÐSAMRÁÐ Tæplega þrjátíu ein-
staklingar hafa haft samband við
Neytendasamtökin og lýst yfir
áhuga á þátttöku í skaðabótamáli
gegn olíufélögunum vegna verð-
samráðs.
Neytendasamtökin hafa beðið
fólk sem hefur safnað viðskipta-
nótum vegna bensínkaupa frá
1991 um að tilkynna það til sam-
takanna. Jóhannes Gunnarsson,
formaður Neytendasamtakanna,
segir að nú séu starfsmenn sam-
takanna að fá sendar nótur þessa
hóps til að kanna hvort þær séu
nothæfar. Ef þær reynist það
muni sérfræðingar fara yfir mál-
ið og kanna hvort hægt verði að
stefna olíufélögunum. Hann telur
líkurnar á því hafa aukist upp á
síðkastið. Hins vegar verði ekki
farið af stað ef það verði fyrir-
fram talið vonlaust að olíufélögin
verði dæmd til að greiða skaða-
bætur. Stjórn samtakanna tekur
ákvörðun um þetta á næstunni.
Jóhannes biður fólk um að hafa
samband við Neytendasamtökin
ef það hafi safnað sama nótum
vegna bensínkaupa og hafi áhuga
á að láta samtökin reka fyrir sig
hugsanlegt skaðabótamál.
Kristinn Þórhallsson tók til
máls á fundi Neytendasamtak-
anna í fyrrakvöld um olíusamráð-
ið. Hann segist hafa verið trúr
viðskiptavinur Olís í gegnum tíð-
ina en ætli sér í mál gegn félaginu
vegna verðsamráðs. Hann segist
hættur að versla við olíufélögin
sem tóku þátt í verðsamráðinu.
Hann á kvittanir og mánaðar-
uppgjör vegna viðskipta sinna við
Olís frá því árið 1993 og fram til
2001. Kristinn er meðlimur í
Neytendasamtökunum og hann
hefur snúið sér til þeirra eftir að-
stoð.
Eftir að hafa farið yfir
viðskiptakvittanirnar áætlar
Kristinn að olíufélagið hafi haft af
honum um 300.000 krónur með
samráðinu frá 1993 og þangað til
upp komst um það. „Ég er ákveð-
inn í að fara með þetta mál alla
leið þrátt fyrir að það kunni að
taka mig nokkur ár því að ég vil
sjá réttlætinu fullnægt. Mér er
sama hvort ég fái eitthvað út úr
þessu fjárhagslega því að þetta er
eingöngu réttlætismál.“
ghg@frettabladid.is
BARN FÉLL Í SKOTHRÍÐ
Barn og lögreglumaður létu
lífið þegar vígamenn réðust
á lögreglustöð í Samarra í
gærmorgun. Barnið lenti á
milli í skothríð vígamanna
og lögreglumanna.
LÁTIÐ OKKUR Í FRIÐI
Ghazi al-Yawar, forseti
Íraks, var harðorður í garð
Írana þegar hann sakaði þá
um að skipta sér af írösk-
um stjórnmálum og sagði
þeim að skipta sér ekki af
komandi kosningum í Írak.
Al-Yawar sagði Írana þjálfa
menn sér hliðholla og dæla
í þá fé til að tryggja sér
hliðholla ríkisstjórn í
Bagdad.
■ ÍRAK
jólagjöf
Hugmynd að
fyrir hann
Smáralind
Sími 545 1550
Glæsibæ
Sími 545 1500
Kringlunni
Sími 575 5100
www.utilif.is
Liðatreyjur
Jólatilboð,5 gerðir.
Verð áður 7.990 kr.
Verð 4.990 kr.
– hefur þú séð DV í dag?
GERA SAMNING
UM MEGRUN
BÍLSTJÓRANNA
Stjórn Hreyfils
í stríð
við offitu
FBI-SKJÖL UM MISÞYRMINGAR
Skýrsla FBI lýsir fangamisþyrmingum í
Guantanamo, meðal annars því að kona
greip um kynfæri fanga og kreppti að til
að fá hann til að tala.
SÆRÐUR MAÐUR FLUTTUR Á SJÚKRAHÚS
Bandarískir leyniþjónustumenn segja nýjar upplýsingar sýna fram á að fyrrum íraskir ráða-
menn hafi komið sér fyrir í Sýrlandi og dæli þaðan peningum til vígamanna í Írak.
JÓHANNES GUNNARSSON
Formaður Neytendasamtakanna segir tæp-
lega þrjátíu einstaklinga hafa boðist til að
afhenda samtökunum nótur vegna við-
skipta sinna við olíufélögin. Möguleikar á
málsóknum eru til skoðunar.