Fréttablaðið - 09.12.2004, Blaðsíða 22
22 9. desember 2004 FIMMTUDAGUR
Farþegum sem fara um flugstöð Leifs
Eiríkssonar hefur fjölgað um 20 pró-
sent á milli áranna 2003 og 2004.
Höskuldur Ásgeirsson er framkvæmda-
stjóri stöðvarinnar.
Hver er skýringin? Íslendingar ferðast
meira því ódýrara er orðið fyrir þá ferð-
ast. Bandaríkjamenn ferðast líka meira
en þeir gerðu í kjölfar 11. september
2001 og þá hefur erlendum ferða-
mönnum til landsins fjölgað.
Hvað þýðir þetta fyrir reksturinn?
Tekjurnar aukast á árinu í hlutfalli við
farþegafjöldann. Þetta hefur því mjög
jákvæð áhrif á reksturinn..
Býstu við að fjölgunin muni halda
áfram? Okkar spár gera ráð fyrir tæp-
lega tíu prósenta aukningu á næsta ári.
Er útlit fyrir að stækka þurfi flug-
stöðina enn frekar? Við erum að
stækka móttökusalinn en því lýkur um
áramótin. Á næsta ári verður brottfar-
arsvæðið á annarri hæðinni stækkað.
Framkvæmdir ársins 2004 og 2005
munu kosta 2,5 milljarða króna.
HÖSKULDUR ÁSGEIRSSON
Íslendingar
ferðast meira
FJÖLGUN FARÞEGA Í LEIFSSTÖÐ
SPURT & SVARAÐ
Ánægja hefur ríkt hér á landi
með útkomu íslenskra unglinga í
Pisa-könnuninni margumræddu,
sérstaklega í stærðfræði og þá
sér í lagi hjá stúlkunum. Góð út-
koma er vissulega ánægjuleg til-
breyting frá fyrri áföllum í könn-
unum um stærðfræðikunnáttu
íslenskra skólabarna.
Jákvæð umræða er yfirvöldum
menntamála í hag og auðvitað
eiga og mega menn vera
ánægðir með það sem vel er
gert. Það er samt spurning hvort
ekki beri að líta á niðurstöður
könnunarinnar með gagnrýnum
augum.
Í norrænum samanburði kemur
Ísland ekkert sérstaklega vel út.
Finnar standa allra þjóða lang-
best en Norðmenn eru
hundóánægðir með slaka út-
komu. Þeir eru í 22. sæti í
stærðfræði eða í meðallagi í
hópi 41 þjóðar. Íslendingar
koma þar ágætlega út, eru í
14. sæti meðan Danir og Svíar
standa verr en Íslendingar.
Í lestri eru Norðmenn í 12.
sæti en Íslendingar í því 20.
Þetta þýðir að íslenskir ung-
lingar eru bara í meðallagi í
lestri miðað við 41 þjóð. Danir
eru örlitlu skárri en við en
bæði Finnar, Svíar og Norð-
menn eru miklu betri. Í nátt-
úruvísindum eru Íslendingar
næstlélegastir af Norðurlanda-
þjóðunum, eru í 21. sæti –
sem sagt með miðlungsþekk-
ingu – meðan Norðmenn eru í 28. sæti.
Í opinberri umræðu er því stíft haldið
fram að Íslendingar komi vel út úr
könnuninni. Bent er á að hinar þjóðirn-
ar – nema Finnar – fái versnandi út-
komu og Pisa könnunin hafi fókusinn
á stærðfræði þetta árið. Íslendingar séu
að bæta sig. Í stærðfræði. Stelpurnar
hér standi upp úr. Sumsé: Horft á já-
kvæðu punktana.
Það breytir því ekki að Íslendingar
koma ekkert sérstaklega vel út þótt ekki
komum við jafn smánarlega út og
Norðmenn. Íslenskir unglingar hafa ekki
nema miðlungsþekkingu í náttúruvís-
indum og lestri þó að þeir lendi í 14.
sæti í stærðfræði.
Þetta er allt spurning um metnað, gagn-
rýni og hvaða kröfur við gerum til skóla-
kerfisins og sjálfra okkar.
Bara miðlungsþekking
FBL GREINING: UMRÆÐAN UM PISA KÖNNUNINA
Vitni gjörbreytti framburði
þegar nafnleynd var aflétt
Börkur Birgisson neitar nær öllum sakargiftum í málatilbúnaði á hendur honum. Honum er
meðal annars gefið að sök að hafa reynt að drepa mann með öxi á veitingastaðnum A. Hansen í
ágúst síðastliðnum. Hann játar á sig brot á vopnalögum.
Aðeins eitt vitni af sjö hélt sig við
kröfu um nafnleynd í sakamáli á
hendur Berki Birgissyni, en hann
er ákærður fyrir að hafa ráðist á
mann með öxi á veitingastaðnum
A. Hansen í Hafnarfirði 31. ágúst
síðastliðinn. Nafnleyndin hafði
áður verið samþykkt fyrir dómn-
um, en Hæstiréttur hafnaði nýlega
kröfu ákæruvaldsins um að Börkur
yrði látinn víkja úr dómsal á meðan
vitnaleiðslur færu fram. Þótti
flestum vitnum því nafnleyndin til
lítils, enda kom fram að Börkur
þekkir þann sem hélt sig við nafn-
leyndina bæði með nafni og í sjón.
Vitni sögðu mörg hver að lög-
reglan hefði við skýrslutökur boðið þeim vitnaleynd samkvæmt ný-
samþykktum lögum frá Alþingi og
því hafi leyndin almennt verið
þegin. Rannsóknarlögreglumaður-
inn sem rannsókninni stýrði kom
fyrir dóminn og bar að nokkur
vitni hefðu lýst því yfir að þau ótt-
uðust hefndaraðgerðir frá Berki og
því falast eftir vitnavernd. Því hafi
verið tekin ákvörðun um að upp-
lýsa öll vitnin um þennan mögu-
leika og greina frá því að einhverj-
ir hefðu valið þennan kost. „Og
undir þessum kringumstæðum
gefur næstum allt stafrófið vitni,“
sagði Kristján Jósepsson, verjandi
Barkar og taldi rannsókn málsins
hafa verið „í skötulíki,“ vegna þess
að ómögulegt hafi verið að spyrja
eitt vitni út í þátt annarra vitna,
þar sem allir væru auðkenndir með
bókstöfum.
Gjörbreytti framburðinum
Engu að síður var það svo að
eitt vitnanna gjörbreytti fram-
burði sínum frá því sem hann bar
við skýrslutökur hjá lögreglu. Sá
sagðist hafa greint lögreglu frá
atburðarás sem hann hafði eftir
öðrum, en vildi nú fyrir réttinum
segja satt og rétt frá því sem hann
hafi sjálfur orðið vitni að. Hann
lýsti því hvernig hann hafi verið á
tali við kunningja sinn, en þá
heyrt bæði læti og öskur. Vitnið
sagðist hafa séð þann sem fyrir
árásinni varð útataðan í blóði og
Börk, sem ákærður er fyrir árás-
ina, skammt frá. Hann sagði það
hafa verið fyrir áeggjan föður
sína að hann greindi nú ekki frá
öðru en því sem hann hefði sjálfur
séð. Það var á vitninu að skilja að
eftir árásina hefði tekið sig upp
nokkur æsingur meðal vina þess
sem fyrir árásinni varð og því
frekar verið bætt við, en dregið
úr, í vitnisburði hjá lögreglu.
Himinn og haf ber í milli í frá-
sögn þeirra sem segjast hafa orð-
ið fyrir árás Barkar á A. Hansen
og svo aftur frásögn hans sjálfs.
Af framburði vitna, auk þeirra
tveggja sem bera áverka eftir
árásina, má ráða að Börkur hafi
komið inn á veitingastaðinn, hald-
ið beina leið upp á efri hæð eftir
stutt orðaskipti við ungann mann
sem staðfesti að þar væri fórnar-
lambið að finna. Þegar upp þröng-
an stigann var komið, mun Börkur
hafa komið nánast í flasið á mann-
inum sem ráðist var á þar sem
hann sat ásamt félögum sínum
gegnt stigaopinu í sófa undir súð á
veitingastaðnum. Þá á Börkur að
hafa ráðist að honum og slegið í-
trekað með öxinni, að minnsta
kosti tvö högg í höfuð þannig að
brotnaði inn í ennisholu og svo í
handarbak og læri. Einnig er öxin
sögð hafa slæmst í höfuð félaga
mannsins sem reyndi að ganga á
milli þannig að hann fékk skurð
sem gekk niður í brjósk eyrans.
Sagðist hafa varið sig
Börkur segir hins vegar svo
frá að strax við komuna inn á veit-
ingastaðinn hafi ungi maðurinn
sem hann átti orðastað við sagt að
Börkur væri dauðans matur því
uppi á efri hæðinni væri sá sem
Börkur á að hafa ráðist á. Í stað
þess að yfirgefa staðinn hélt
Börkur upp á efri hæðina og segir
að þar hafi meint fórnarlamb
ráðist á sig með félögum sínum.
Hann hafi náð að snúa út úr hend-
inni á honum bareflið sem notað
til að berja frá sér í blindni. Hann
hafi svo fleygt vopninu í andlit
forsprakka hinna og lagt á flótta
þegar hann hafi gert sér grein
fyrir að sá hafi meiðst.
Verjandi Barkar segir margt
styðja frásögn hans, bæði sé hall-
inn á súðinni á veitingastaðnum
það mikill að hann hefði tæpast
getað veitt áverkana nema hinn
hefði komið fram á móti honum.
Þá hafi ekki verið nein lífsýni að
finna á öxinni sem fannst heima
hjá Berki og því ekkert sem sann-
aði að henni hafi verið beitt. Á
móti kemur þó að eitt vitni bar að
sá sem ráðist var á hafi setið á
meðan átökin fóru fram. Allt
gerðist þetta á örskotsstund, en
mat vitna var að árásin hafi verið
yfirstaðin á 10 til 30 sekúndum.
Sigurður Óli Sigurðsson, eig-
andi A. Hansen, segir veitinga-
staðinn hafa skaðast af þessu máli
öllu og jafnvel dæmi um að fólk
hafi afpantað borð vegna þess.
„Auðvitað er þetta bara eins og
hver önnur óheppni að fá þetta
inn á staðinn, en svona mál geta
komið upp hvar sem fólk er að
skemmta sér,“ en á staðnum er
rekið bæði veitingahús og svo
knæpa á kvöldin.
Auk ákærunnar fyrir árásina á
A. Hansen í ágúst tínir ákæru-
valdið til fjölda annarra kæra.
Nokkrar líkamsárásir, sú elsta frá
því í október í fyrra, umferðar-
lagabrot og brot á vopnalögum
fyrir að hafa í vörslu sinni á heim-
ili sínu byssu án leyfis. Börkur
neitar sök í öllum málum nema að
hann játar á sig vopnalagabrot
fyrir byssueignina. Sigríður Jó-
sepsdóttir, saksóknari í málinu,
segir Börk ekki hafa sýnt neina
iðrun og með vísan í fordæmi fyr-
ir Hæstarétti fer hún fram á 4 til
6 ára fangelsisdóm yfir Berki
fyrir tilraun til manndráps.
„Hending ein réði því að ekki fór
verr,“ sagði hún.
Börkur er samkvæmt úrskurði
í gæsluvarðhaldi þar til dómur
fellur, en þó ekki lengur en til 30.
desember. ■
ÓLI KRISTJÁN ÁRMANNSSON,
BLAÐAMAÐUR
Í DÓMSSAL
AÐALMEÐFERÐ VEGNA
ÁRÁSAR MEÐ ÖXI Á VEIT-
INGASTAÐNUM A. HAN-
SEN Í ÁGÚSTLOK.
Á VETTVANGI ÁRÁSARINNAR
Börkur Birgisson kemur á eftir lögmanni sínum, Kristjáni Jósepssyni, út af veitingastaðn-
um A. Hansen í Hafnarfirði í gær, þar sem fór fram vettvangsskoðun dómara vegna árásar
sem Berki er gefið að sök að hafa framkvæmt með exi, 31. ágúst síðastliðinn.
SIGURÐUR ÓLI SIGURÐSSON
Eigandi veitingastaðarins A. Hansen óttast
að staðurinn fái á sig óverðskuldað óorð
vegna átaka sem hann segir að hefðu get-
að átt sér stað hvar sem er.