Fréttablaðið - 18.12.2004, Síða 2

2 18. desember 2004 LAUGARDAGUR
Nígeríumaður tekinn með kókaín í Leifsstöð:
Fíkniefnin hafa
skilað sér niður
FÍKNIEFNI Nígeríumaðurinn sem
tekinn var á þriðjudagskvöld í
Leifsstöð með ætlað kókaín í far-
angri og innvortis er talinn hafa
verið með 300 til 450 grömm af
efninu. Fíkniefnunum var pakk-
að í hátt í fimmtíu misstórar
kúlur sem maðurinn hafði bæði
gleypt og geymt í endaþarmi.
Maðurinn skilaði síðustu
kúlunum úr líkamanum í gær.
Nákvæmt magn efnisins er ekki
vitað en það mun liggja fyrir
eftir helgi. Eins verður þá búið
að sannreyna hvort ekki sé
örugglega um kókaín að ræða.
Upp komst um manninn eftir að
pakkningar með hvítu efni
fundust í bakpoka hans við toll-
skoðun. Greinilegt var að pakkn-
ingarnar höfðu áður verið
geymdar innvortis en hann hefur
þurft að skila þeim í flugvélinni
á leiðinni til landsins.
Líkur má leiða að því að mað-
urinn sé svokallað burðardýr.
Samkvæmt heimildum blaðsins
beinist rannsókn málsins því
meðal annars að því að finna
móttakendur efnanna hér á
landi.
- hrs
Ekkja Ragnars Björnssonar:
Þakkar fyrir
stuðninginn
MOSFELLSBÆR Ásta Jónsdóttir,
ekkja Ragnars Björnssonar,
mannsins sem lést eftir líkams-
árás í Mosfellsbæ um síðustu
helgi, biður blaðið um að koma á
framfæri þökkum fyrir hönd fjöl-
skyldunnar til allra þeirra sem
veitt hafa henni ómældan stuðn-
ing á síðustu dögum.
„Ég vil þakka af alhug öllu því
yndislega fólki sem hefur stutt
okkur fjölskylduna undanfarna
viku. Þetta er búið að bera okkur
hálfa leiðina. Sérstaklega vil ég
þakka starfsfólki Landspítalans,“
segir hún.
- ghs
FRÁ ÓHAPPINU
Mikil mildi þykir að enginn slasaðist.
Óskráður tankbíll valt:
Í rannsókn
lögreglu
LÖGREGLUMÁL Mál óskráða tank-
bílsins sem valt með fullfermi af
sandi á Miklubraut í fyrrakvöld er
til rannsóknar hjá lögreglunni í
Reykjavík og verður að öllum
líkindum kært.
Engan sakaði við óhappið en
sandur dreifðist um víðan völl og
olía lak úr bílnum, og þurfti
slökkvilið Reykjavíkur að hreinsa
hana upp. Umferð um Miklubraut
raskaðist um tíma vegna óhapps-
ins. ■
Yfirtaka á BN bankanum:
Komnir með
90 prósent
VIÐSKIPTI Eigendur yfir níutíu pró-
senta hlutafjár í norska bankan-
um BN bank hafa samþykkt
yfirtökutilboð Íslandsbanka. Til
stendur að krefjast innlausnar
hlutafjár þeirra sem ekki hafa
gengið að tilboðinu.
Íslandsbanki tilkynnti í gær að
frestur hluthafa til að ganga að
yfirtökutilboðinu yrði framlengd-
ur um tvær vikur.
Kaup Íslandsbanka eru háð
skilyrðum stjórnvalda en nú
þegar er frestur samkeppnisyfir-
valda í Noregi til athugasemda
runninn út. Engar athugasemdir
bárust þaðan.
- þk
„Það gæti verið að eitthvert barnabarn-
anna fái svoleiðis. Ég á tíu barnabörn
og þriðja langafabarnið er á leiðinni,
þannig að það eru töluverðar líkur á því
að eitthvert þeirra fái Fischer-Price.“
Sæmundur Pálsson, fyrrverandi lögregluþjónn
og tvistari, er vinur Bobbys Fischer og hefur barist
ötullega fyrir því að Fischer fái landvistarleyfi á
Íslandi.
SPURNING DAGSINS
Sæmundur, ætlarðu að gefa Fischer-
Price í jólagjöf?
Landhelgisgæslan:
Níu sóttu um
forstjórann
STÖÐUVEITINGAR Níu sóttu um stöðu
forstjóra Landhelgisgæslu Ís-
lands en umsóknarfresturinn
rann út á fimmtudag. Þeir eru
Ásgrímur Lárus Ásgrímsson,
deildarstjóri; Friðrik Jónsson,
sendiráðunautur; Georg Lárus-
son, forstjóri Útlendingastofnun-
ar; Halldór Ólafur Zoega,
forstöðumaður; Kristján Björn
Garðarsson, forstjóri; Lárus Jó-
hannsson, fyrrverandi yfirdeild-
arstjóri; Magnús Gunnarsson,
fjármálastjóri; Pálmi Jónsson,
stýrimaður og Rafn Sigurgeir Sig-
urðsson, sjómaður. ■
Þórður Óskarsson læknir á Art Medica:
Blóðgjöf og eggjagjöf tvennt ólíkt
HEILBRIGÐISMÁL Blóðgjafir og eggja-
gjafir til tæknifrjóvgunar er tvennt
ólíkt. Kona sem gefur egg til tækni-
frjóvgunar þart að ganga í gegnum
margvíslegar prófanir, óþægindi og
kostnað, að því er Þórður Óskarsson
læknir á tæknifrjóvgunarstöðinni
Art Medica segir. Blóðgjöfin tekur
aðeins 15 - 20 mínútur. Hann gagn-
rýnir samanburð Sigurðar Guð-
mundssonar landlæknis á þessu
tvennu.
„Fyrst þarf konan að koma í tvö
viðtöl,“ sagði hann. „Hún þarf að
koma í skoðun, fara í blóðprufur,
rannsókn sem felst í sónarskoðun
og taka þarf ræktanir. Þetta eru
nokkrar heimsóknir. Heildartími
meðferðarinnar sjálfrar er svo um
einn mánuður. Hún þarf að koma í
nokkur skipti á þeim tíma. Þá er
meðal annars verið að örva eggja-
stokkana með nefúða og einni
sprautu á dag. Inni í miðju því tíma-
bili eru sótt egg. Þá er konan deyfð
og gert inngrip. Því fylgir vinnutap,
því hún vinnur klárlega ekki þann
dag og líklega ekki þann næsta
heldur.“
Þórður sagði að konur gætu
fengið þrýstingseinkenni í kvið við
lyfjaörvun, svo og eymsli eftir
eggjatöku og blöðrumyndun á eftir
sem síðan jafnaði sig. Ekki væri
sjálfsagt að konur leggðu allt þetta
á sig og greiddu sjálfar fyrir það
með vinnutapi, ferðalögum og sín-
um tíma til að geta gefið einhverj-
um sem þær þekktu ekkert, egg til
tæknifrjóvgunar.
- jss
Óbyggðanefnd:
Kröfur fyrir
norðan
ÞJÓÐLENDUR Geir H. Haarde fjár-
málaráðherra hefur fyrir hönd
ríkisstjórnar-
innar afhent
óbyggðanefnd
kröfur um
þjóðlendur á
Norðaustur-
landi. Meðal
annars er gerð
krafa til Mið-
fjarðarheiðar,
Öxarfjarðar-
heiðar og af-
rétta milli
Jökulsár í
Fljótsdal og sýslumarka í austri
Þetta er fimmta svæðið sem
óbyggðanefnd tekur til meðferðar
og fjármálaráðherra gerir kröfu í.
Þeir sem telja sig hafa eignarrétt
á landsvæði sem fellur innan
kröfusvæðis ríkisins þurfa að lýsa
kröfum sínum skriflega fyrir
óbyggðanefnd innan þriggja mán-
aða. -ghg
SMOKKAR MEÐ KÓKAÍNI
Fíkniefnunum var pakkað í hátt í fimmtíu
misstórar pakkningar sem maðurinn
gleypti og geymdi í endaþarmi.
KOSTNAÐUR OG ÓÞÆGINDI
Þórður Óskarsson læknir á tæknifrjóvgunarstöðinni Art Medica segir ekki sjálfsagt að
konur leggi á sig óþægindi og kostnað við að gefa egg til tæknifrjóvgunar.
Tveir dæmdir í 15
mánaða fangelsi
Sigurjón Gunnsteinsson og Salvar Halldór Björnsson voru í gær dæmdir í fimm-
tán mánaða fangelsi hvor fyrir kókaíninnflutning. Dómnum þótti ljóst að efnin
hefðu verið ætluð til sölu og að þeir félagar hefðu staðið saman að innflutningnum.
DÓMSMÁL Salvar Halldór Björns-
son og Sigurjón Gunnsteinsson
voru dæmdir í Héraðsdómi
Reykjaness í fimmtán mánaða
fangelsi hvor, fyrir innflutning á
tæpum 325 grömmum af kókaíni.
Fíkniefnin komu þeir með frá
Amsterdam í Hollandi í byrjun
desember fyrir ári síðan.
Við komuna til
landsins voru
þeir klæddir í
k e p p n i s g a l l a
hnefaleikamanna
merktum Íslandi
og íslenska fán-
anum þannig að
ætla hefði mátt
að keppnismenn
væru á ferð. Báð-
ir hafa játað á sig
innflutninginn, en segja efnin
hafa verið til eigin nota og að
hvor beri bara ábyrgð á sínum
hluta. Sigurjón var með 49
grömm af kókaíni falin í sokkum
sínum og um 100,3 grömm í enda-
þarmi. Salvar var hins vegar með
165,6 grömm í endaþarmi. Efnin
sögðust þeir hafa keypt í fyllerís-
rugli. Dómurinn féllst á það með
ákæruvaldinu að þeir hafi í sam-
einingu staðið að fíkniefnakaup-
unum. Jafnframt taldi dómurinn
fíkniefnin ætluð að verulegu
leyti til sölu hér á landi í hagnað-
arskyni en magn efnisins var
mikið og var það mjög hreint.
Skilorðsbinding kom ekki til álita
vegna eðlis og alvarleika brot-
anna sem mennirnir frömdu í
sameiningu.
Báðir neituðu þeir Salvar og
Sigurjón því að hafa farið utan
með það að markmiði að smygla
kókaíni í miklu magni til lands-
ins. Þeir segja aðaltilgang farar-
innar hafa verið að kaupa
hnefaleikabúnað fyrir mann sem
ætlaði að setja upp æfingastöð í
Hveragerði. Þeir keyptu hnefa-
leikaæfingabúnað fyrir nálægt
því 150 þúsund krónur og kókaín
fyrir tæp 800 þúsund.
Salvar var einnig sakfelldur
fyrir tollalagabrot þar sem hann
greiddi ekki toll af 45 boxhönsk-
um og þremur höfuðhlífum, sam-
tals að verðmæti um 85 þúsund
krónur. Sagðist hann hafa staðið
einn að þeim innflutningi en
Sigurjón var einnig ákærður
fyrir sama brot.
hrs@frettabladid.is
SALVAR HALLDÓR BJÖRNSSON
Skilorðsbinding kom ekki til álita vegna eðlis og alvarleika brotanna sem mennirnir
frömdu í sameiningu.
,,Magn
efnisins var
mikið og
var það
mjög
hreint.
FR
ÉT
TA
B
LA
Ð
IÐ
/E
.Ó
L.
GEIR H. HAARDE
Fjármálaráðherra
hefur gert kröfur um
þjóðlendur á Norð-
austurlandi.
02-03 17.12.2004 20:55 Page 2