Fréttablaðið - 18.12.2004, Qupperneq 31

Tafl gengur út á að finna sér and-
stæðing og vinna hann í leiknum,
skák og mát. Þetta er í rauninni
barátta um yfirburði eins og ljónin
sem þenja út bringuna í frumskóg-
inum og glefsa í andstæðinga.
Ást er allt önnur barátta, allt
önnur íþrótt. Þar er ekki fundinn
andstæðingur heldur einhver sem
stendur með manni í gegnum súrt
og sætt. Félaga sem getur jafnvel
bætt upp á þá vankanta sem maður
býr yfir. Þar á engin valdabarátta
sér stað. Þetta fjallar um það að
hleypa einstaklingi eins nálægt
sálartetrinu eins og mögulegt er án
hjálpar nútímalæknisfræði.
Nú er Davíð Oddsson búinn að
veita Bobby Fisher leyfi til að
dveljast á Íslandi. Hann mun ef-
laust þá fara hringferð um landið
og tefla við mann og annan. Sýna
yfirburði sína og fá sér kannski
eina pylsu með sinnepi eins og Bill
Clinton gerði í sumar. En kann
Bobby á ást? Manni af úkranískum
uppruna sem er giftur íslenskri
konu var vísað úr landi nú á dögun-
um. Ástæðan fyrir því eru nýsam-
þykkt útlendingalög sem kveða á
um að ef útlendingur er yngri en
24 ára þá er honum meinað land-
vistarleyfi þrátt fyrir að vera gift-
ur Íslendingi. Það sorglega er að
hann verður 24 ára á næstu mán-
uðum en það er ljóst að þau hjónin
munu fagna því afmæli í gegnum
msn eða þá bréfadúfur. Það mætti
ætla að þegar nýbökuðu hjónin
stóðu við altarið að þá hefði konan
sagt „úps, baneitrað frumvarp
Björns Bjarnasonar nr.749! Við
hefðum átt að gifta okkur aðeins
fyrr, en við höfðum bara ekki efni
á því.“ Aldurstakmarkið 24 ár var
töfrað fram úr jakkaerminni á ein-
hverjum sjálfstæðismanninum og
kastað fram með furðulegum rök-
um. Koma í veg fyrir málamynda-
hjónaband og mansal? Hvernig er
eiginlega hægt að alhæfa svona og
setja alla undir sama hatt? Með
þessu er verið að fremja mannrétt-
indabrot. Það sem gleymdist að
taka inn í myndina eru þau tilfinn-
ingabönd sem lögin munu höggva á
þegar ástvinur er fjarlægður með
lögregluvaldi og sendur úr landi
frá móður sinni og eiginkonu.
Bobby er þó að koma galar skák-
heimur Íslands yfir allan heiminn.
Skák er ágætisíþrótt en íþróttin
að elska og að finna sálufélaga
sinn er töluvert erfiðari. Það er
skák sem endar aldrei þar sem
jafningjar tefla á jafnréttisgrund-
velli. Þar er ekki takmarkið að
skáka og máta hinn aðilann til að
sýna yfirburði sína heldur að hefja
hinn aðilann upp til skýjanna.
Kyssa hvert einasta spor sem við-
komandi tekur á lífsbrautinni og
semja um jafntefli á hverju ein-
asta kvöldi undir kertaljósi og
rauðvínsglasi. Það mætti segja að
tafl úkraníska mannsins og ís-
lensku konunnar hans hafi breyst
töluvert þessa dagana. Vanhugsuð
lög um útlendinga sem voru sam-
þykkt í maí á þessu ári af Alþingi
hefur sagt skák og mát á heila fjöl-
skyldu á landinu. Ef Bobby Fisher
fréttir af þessu þá kannski vill
hann ekki koma eftir allt saman,
svo mikið hefur íslenskt þjóðfélag
breyst með nýjum útlendingalög-
um.
Höfundur er formaður Félags
ungra framsóknarmanna í Reykja-
vík.
31LAUGARDAGUR 18. desember 2004
Útlendingalögin segja skák og mát
AF NETINU
Ekki eyland í hagkerfinu
Annað atriði sem vill ekki síður gleymast
er að Ísland er ekki eyland í hagkerfi
heimsins. Aðgangur að menntafólki er
orðinn mun meiri en áður og eru fyrir-
tæki í síauknum mæli farin að sækja í
þjónustu menntafólks af svæðum þar
sem laun eru lægri, til Indlands sem
dæmi. Einnig hefur alþjóðavæðingin
það í för með sér að hægt er að selja
þjónustu frítt á milli landa, t.d. ráðgjafa-
þjónustu og eru mörg dæmi þess á
Norðurlöndunum að hálaunamenn
stofni fyrirtæki í skattaparadísum og selji
svo þjónustu sína til fyrirtækisins í
heimalandinu, sem þarf þar með ekki að
greiða nema brot af því sem það þyrfti
annars til að viðkomandi starfsmaður fái
sömu útborgun, sem er jú sú tala sem
allir horfa í, ekki brúttólaunin.
Gestur Guðjónsson á timinn.is
Kaup á skopteikningum
Þeir Halldór Ásgrímsson og Sigmund Jó-
hannsson hafa nú samið um að ríkið
eignist þær þjóðmálamyndir sem sá síð-
arnefndi hefur teiknað og birt síðustu
fjörutíu árin eða svo. Myndirnar eru um
tíu þúsund og þykir forsætisráðuneytinu
þær vera „á sinn hátt aldarspegill þjóðar-
innar og má með þeim skoða sögu ís-
lenskra stjórnmála, atvinnulífs og menn-
ingar“. Það má til sanns vegar færa þótt
það réttlæti ekki að skattfé sé notað til
þess að koma myndunum í opinbera
eigu. Vefþjóðviljinn er auðvitað andvígur
opinberum umsvifum og sú skoðun
blaðsins þarf ekki að koma á óvart. Það
sem hins vegar kemur svolítið á óvart í
umræðu um þessi kaup, er það að ýms-
ir, sem yfirleitt gera engar athugasemdir
við svokölluð listaverkakaup eða álíka
starfsemi hins opinbera, láta nú eins og
Halldór Ásgrímsson sé orðinn galinn.
Vefþjóðviljinn á andriki.is
Samfylkingin í megrun
Annars er brandari vikunnar sá að Sam-
fylkingin er komin í megrun. Hún er
loksins búin að finna sér gott baráttu-
mál. Hún vill banna auglýsingar á „óholl-
um mat og drykk“ í sjónvarpi fyrir klukk-
an níu á kvöldin. Allt er þetta gert í nafni
þess að unga kynslóðin sé að springa úr
spiki. Ég verð að segja eins og er að
Snickers-stykkið stendur enn í mér við
þessa hugmynd. Lög gegn offitu og næt-
urnasli. Kjósum Samfylkinguna og setj-
um allt í reglugerðir og lög. Mér fannst
það gott hjá Þráni Bertelssyni rithöfundi
þegar hann sagði í pistli á baksíðu
Fréttablaðsins að „nýja leyniþjónustan
gæti haft af því tekjur að fylgjast með
holdafari landsmanna“. Offita Vestur-
landabúa er stærsta heilbrigðisvandamál
síðari tíma. Það verður hins vegar ekki
leyst með því að banna auglýsingar á
sælgæti, slátri og pylsum fyrir klukkan
níu á kvöldin.
Jón G. Hauksson á heimur.is
Sigurður Kári, boð og bönn
Sigurður Kári Kristjánsson alþingismaður
mætti í Sunnudagsþáttinn um daginn og
lýsti furðu sinni yfir þingsályktunartillögu
Samfylkingarinnar þess efnis að leitast
eigi við að banna auglýsingar á „óholl-
um“ mat fyrir klukkan níu á kvöldin.
Sagði hann þetta hina mestu neyslustýr-
ingu og svo framvegis. Sem er rétt. Þetta
er fráleit hugmynd hjá þessum ágætu
þingmönnum. Sigurður Kári má minnast
orða sinna um boð, bönn og neyslustýr-
ingu næst þegar hann tekur þátt í að
hækka skatta á áfengi og tóbak.
Sævar Guðmundsson á uf.is
HÁKON SKÚLASON
UMRÆÐAN
BOBBY FISCHER
TIL ÍSLANDS
30-31 Umræðan 17.12.2004 14:43 Page 3