Fréttablaðið - 18.12.2004, Side 77

LAUGARDAGUR 18. desember 2004 61
Einvígi á milli
Shevchenko og
Nedved
... Juventus og AC Milan mætast í
Tórínó í kvöld
„Einu skiptin þegar mér líður sæmilega á
Delle Alpi er þegar Milan kemur í heim-
sókn og völlurinn er troðfullur,“ segir Ant-
onio Cabrini, fyrrum vinstri bakvörður
Juventus og ítalska landsliðsins til fjölda
ára og í hópi leikjahæstu manna fyrir lið
og þjóð. Cabrini þykir Alpavöllur „eins og
tóm dós“ og hljómburður þar „álíka
spennandi og í almenningsþvottahúsi“.
Völlurinn er
enda ein mis-
heppnaðasta
hönnun síðari
tíma og barðist
Juventus á
tímabili fyrir því
að fá gamla
bæjarvöllinn,
Stadio Comm-
unale, opnaðan
á nýjan leik en
á þeim velli unnu Cabrini og félagar sína
stærstu sigra þótt ekki rúmaði hann fleiri
gesti en 30.000 og þætti hvorki módern
né þægilegur. Eftir áralangt þjark hillir
undir að Juventus og Tórínó fái nýjan leik-
vang en hefð er fyrir því á Ítalíu að sveit-
ungar deili leikvangi og man ég ekki í
svipinn eftir öðru nafntoguðu félagi en
Bari sem á eigin leikvöll.
Gæfan hliðholl Juve
Cabrini ætti þó að geta brosað í gegn-
um tárin í kvöld og náð að berja í sig
sæmilega stemmingu í kuldanum í
Tórínóborg þegar Juventus tekur á móti AC
Milan í leik sem gæti haft mikil áhrif á gang
mála næstu mánuðina. Juventus hefur
óvænt leitt deildina nánast frá upphafi og
landað hverjum sigri á fætur öðrum. Í
sveita síns andlits mætti segja um marga
þá sigra því þetta hafa verið sigrar vinnu-
semi, aga og heppni. Auðvitað áttu menn
von á liðinu sterku til leiks eins og alltaf í
haust en flestir bjuggust við að það tæki
Fabio Capello nokkurn tíma að slípa liðið
til auk þess sem nokkuð var um manna-
breytingar og hópurinn yfir það heila
kannski ekki jafn breiður og hjá flestum
öðrum stórliðum. En flest hefur gengið í
haginn og munar þar mest um að vörn
liðsins er líklega sú sterkasta í Evrópu um
þessar mundir. Þar hafa leikið manna best
Lillian Thuram sem loks fær að leika sem
miðvörður eins og hann kýs sjálfur í stað
þess að leika í stöðu bakvarðar eins og
Marcello Lippi taldi honum hollast. Félagi
hans í miðverðinum, Fabio Cannavaro,
hefur einnig fundið sitt gamla form en
hann var heillum horfinn þær tvær leiktíð-
ir sem hann lék með Inter og lauk vist hans
þar með frjálsri sölu í sumar, sem þótti
með ólíkindum fyrir jafn góðan leikmann á
besta aldri.
Milan komið á skrið
Ekki hefur Juventus eignast marga nýja
vini í haust fyrir fagran leik. Litlum ljóma
stafaði né lengstum af Milan þótt þar hafi
menn braggast svo mjög upp á síðkastið
að andar köldu ofan í hálsmál Juvemanna
og gæti toppspilið snúist Milan mjög í hag
nái liðið að sigra í kvöld. Mesta athyglin
verður á þremur mönnum; Andriy
Shevchenko, nýkrýndum knattspyrnu-
manni ársins í Evrópu, Pavel Nedved sem
valinn var í fyrra og Fabio Capello sem
klæðst hefur hempum beggja liðanna sem
leikmaður og þjálfari. Capello mætir nú
Milan í fyrsta sinn sem þjálfari Juve og þótt
hann hafi mætt sínu gamla liði áður sem
stjórnandi Roma verður þetta svolítið
öðruvísi því aðdáendur félaganna hatast
og svo lét Capello svo margt ófagurt út úr
sér um núverandi vinnuveitendur sína
þegar hann stýrði Milan og Roma að það
er eiginlega alveg kostulegt að hann skuli
hafa verið ráðinn til liðsins. Hafa ítalskir
sjónvarpsstöðvar klippt saman skemmti-
lega búta um orðahnippingarnar og sýnt
duglega síðustu daga. Aðdáendur Milan
vilja sýna kvislingnum Capello í tvo heim-
ana í kvöld. Framherjinn fjölhæfi
Schevchenko hefur alltaf reynst mikill stór-
leikjamaður. Sama má segja um
fyrrum handhafa gullknattarins
Pavel Ned-
ved og leik-
urinn hefur því
sums staðar verið
persónugerður sem
uppgjör þessara
tveggja snillinga.
Enda þarf oft augna-
blikssnilld til að
rjúfa múra varna
sem skellt geta í
nær órjúfanlegan
lás.
EINAR LOGI
VIGNISSON
Strákarnir úr 70 mínútum árita í dag.
KOMINN Í VERSLANIR SKÍFUNNAR
Laugavegi 26 • Kringlunni • Smáralind
Skífan Kringlunni 14.00 - 15.00
Skífan Smáralind 16.00 - 17.00Áritunartilboð
3.999,-
Besta úr 70 mínútum 1 fylgir spilinu!
Bestu og verstu markverðirnir í úrvalsdeildinni:
Dudek betri en Kirkland
FÓTBOLTI Mikið hefur verið skrafað
um hið mikla markvarðavanda-
mál innan herbúða Liverpool en
liðið hefur tapað allnokkrum
stigum þennan veturinn á mark-
mannsklúðri, nú síðast hjá Jerzy
Dudek gegn Portsmouth. En
merkilegt nokk, sé tölfræðin
skoðuð kemur í ljós að Pólverjinn
er mun betri milli stanganna en
Chris Kirkland.
Samkvæmt Optastats, sem
heldur utan um tölfræði í úrvals-
deildinni, er Dudek meðal þeirra
átta bestu séu varin skot skoðuð.
Dudek hefur 74 prósenta hlutfall
en félagi hans hjá Liverpool,
Kirkland, er aðeins með 48 pró-
sent. Dudek hefur þannig aðeins
fengið á sig sex mörk í sjö leikjum
en Kirkland ein þrettán í tíu leikj-
um.
Sé listinn skoðaður nánar kem-
ur í ljós að besti markvörðurinn
það sem af er tímabilinu er Gabor
Kiraly hjá Crystal Palace. Hefur
hann varið 81 prósent af þeim
skotum sem komið hafa á mark
Palace í vetur en næstur honum,
einnig með 81 prósent en færri
skot á sig, kemur markvörður
Man. United, Roy Carroll. Einnig
er Jens Lehmann, markvörður
Arsenal, neðarlega í hópnum með
62 prósent og er því auðveldara að
skilja þá ákvörðun Arsene Weng-
er að taka hinn spænska Manuel
Almunia fram yfir hann. ■
CHRIS KIRKLAND Tölfræðin sýnir svo
ekki verður um villst að Jerzy Dudek er
talsvert betri en Kirkland.
Keppni í alpagreinum:
Björgvin og
Kristján féllu
ALPAGREINAR Skíðamennirnir Björg-
vin Björgvinsson frá Dalvík og
Kristján Uni Óskarsson frá Ólafs-
firði féllu báðir úr keppni á svig-
móti sem fram fór í Obereggen á
Ítalíu í vikunni. Það var á þessum
sama stað sem skíðakappinn
Kristinn Björnsson náði þriðja
sæti á Evrópubikarmóti fyrir
nokkrum árum síðan en þeim
Björgvini og Kristjáni tókst ekki
að fylgja í snjóför hans.
Hlutirnir gerast þó hratt í
skíðaheiminum um þessar mundir
og spenna þeir félagar aftur á sig
skíðin nú um helgina þegar keppt
verður aftur á Ítalíu. ■
76-77 (60-61) SPORT 17.12.2004 20:02 Page 3