Fréttablaðið - 14.01.2005, Síða 8

8 14. janúar 2005 FÖSTUDAGUR
Um 71 lítri af áfengum drykk á ári á hvern landsmann yfir sextán ára:
Sala áfengis eykst um átta prósent milli ára
ÁFENGISNEYSLA Sala áfengis jókst
um tæp átta prósent í verslun-
um ÁTVR milli
áranna 2003 og
2004. Nær sext-
án milljónir
lítra af áfengi
seldust í fyrra
í verslununum.
Þar selst um 75
prósent af á-
fengi sem neytt
er í landinu.
Samdráttur
er í sölu sterkra
vína en léttvín
vegur um 93
prósent af allri
sölu vínbúðanna
í lítrum talið. Hver landsmaður,
sextán ára og eldri, drekkur um 71
lítra af áfengum drykk á ári.
Höskuldur Jónsson, forstjóri
ÁTVR, segir að þrátt fyrir um átta
prósenta aukningu sölumagns hafi
tekjurnar einungis aukist um
fjögur prósent. „Það þýðir að við
erum að selja meira af ódýrari
drykkjum en áður var.“
Þegar horft er í hreinan vínanda
sem hver landsmaður yfir fimmtán
ára neytir sést að neysla áfengis-
magns hefur aukist. Árið 1990
drakk hver þeirra 5,24 lítra af alkó-
hóllítra árið 1990 en 6,14 lítra árið
2000 og 6.52 árið 2003, samkvæmt
tölum Hagstofunnar. – gag
AKRASKJANNI
Sjaldséð fiðrildi á Íslandi berast hingað
einkum með ávaxtasendingum, blómum
og trjám.
Fiðrildi:
Óvæntur
jólagestur
FERÐALÖG Fáséð fiðrildi á Íslandi
fannst í íbúðarhúsi á Hornafirði 8.
janúar síðastliðinn og er talið að það
hafi borist til landsins með jólatré
af erlendum uppruna, Norðmanns-
þin. Björn Arnarson, fugla- og fiðr-
ildaáhugamaður á Höfn, fékk fiðr-
ildið í hendur og segir hann að um
sé að ræða akraskjanna eða Pieris
rapae. „Fiðrildið er enn lifandi en
ég held að það eigi ekki langt eftir.
Ég hef verið að bera í það sykur og
fleira en það virðist ekki nærast,“
sagði Björn. - kk
1Hvaða leikkona hefur verið valin semupprennandi stjarna?
2Hvað er lagt til að loðnukvótinn auk-ist um mörg tonn?
3Hvað er stórt hlutfall Íslendinga taliðþjást af skammdegisþunglyndi?
SVÖRIN ERU Á BLS. 30
VEISTU SVARIÐ?
Göngur fiska og hrygning:
Ræðst af sjávarhita
eða tunglstöðu
SJÁVARÚTVEGUR „Ef raunin er sú að
hrygningarfiskur sé fyrr á ferð-
inni hefði mér nú fundist nær-
tækast að tengja það skilyrðum
í hafinu, svo sem sjávarhita,“
segir Björn Ævarr Steinarsson,
fiskifræðingur og sérfræðingur
Hafrannsóknastofnunar í þorski
og botnfiskum, en greint var frá
því í byrjun vikunnar að smá-
bátasjómenn í Reykjavík teldu
fisk koma fyrr inn til hrygningar
en áður. Þá þótti sjómönnum
rauðmagi vera snemma á ferð-
inni, en hann kemur á undan grá-
sleppunni til að helga sér svæði
áður en hann frjóvgar egg henn-
ar.
Björn segir sýnatökur í jan-
úar að hefjast, en lauslegar fyrir-
spurnir bendi til að göngur kunni
að vera eitthvað fyrr á ferðinni.
„Þær geta hins vegar verið
breytilegar um einhverjar vikur
frá ári til árs. Sumir sjómenn eru
með þá skýringu að þetta tengist
páskum, sem hlýtur þá aftur að
tengjast tunglstöðu. Að óathug-
uðu vil ég ekki fullyrða um það,
en finnst þó líklegra að þetta
tengist öðrum breytingum í haf-
inu,“ sagði hann.
- óká
BJÖRN ÆVARR STEINARSSON
Björn Ævarr segir suma sjómenn tengja
göngur fiska við páskana, þannig að ef
páskar séu snemma á árinu, eigi það
sama við um fiskinn.
FÍKNIEFNI Kókaínið sem fannst um
borð í Hauki ÍS í Bremerhaven var
allt í ferðatösku yngri Íslendings-
ins sem situr nú í gæsluvarðhaldi í
Þýskalandi. Hassið var falið í far-
angri þess eldri en mennirnir hafa
báðir verið úrskurðaðir í sex mán-
aða gæsluvarðhald.
Robert Dütsch, upplýsingafull-
trúi hjá tollinum í Hamborg, segir
að rannsókn málsins miðist meðal
annars að því að finna seljendur
fíkniefnanna í Þýskalandi. Hann
vill því ekkert segja frekar um
málið eins og t.d. upplýsingar sem
leitt gætu til handtöku seljendanna
því þannig gæfi hann þeim upplýs-
ingar um leið. Enn er þó verið að
rannsaka efnin á rannsóknarstofu
þar sem fingrafara og annarra
vísbendinga er leitað á pakkning-
unum. Í samtali við Nordsee Zeit-
ung í Bremerhaven segir Dütsch
að talið sé að Íslendingarnir hafi
borgað rúmar átta milljónir fyrir
fíkniefnin.
Robert Dütsch segir þýska toll-
inn fylgjast sérstaklega með ferð-
um skipa og flugvéla til Íslands,
Noregs, Svíþjóðar og Finnlands þar
sem verðlag sé almennt mjög hátt í
þessum löndum. Hann segir að til
þessara landa sé reynt að smygla
tóbaki, áfengi og fíkniefnum.
Skipstjóri Hauks ÍS í Þýska-
landsferðinni hlaut fangelsisdóm í
Suður-Ameríku árið 1997 fyrir að
vera með fjórtán kíló af kókaíni.
Hann fékk tuttugu mánaða dóm og
þurfti að sitja inni í tíu mánuði. Þá
átti að þingfesta ákæru á hendur
honum, í Héraðsdómi Reykjavíkur
í gær, fyrir að hafa tæplega 180
kannabisplöntur í sinni vörslu.
Hins vegar tókst ekki að birta
honum ákæruna og var mál-
inu því frestað. Dütsch sagð-
ist aðspurður ekki hafa haft
hugmynd um að skipstjórinn
hefði setið inni fyrir kóka-
ínsmygl en hann fékk að
sigla skipinu heimleið-
is til Íslands eftir að
leitað hafi verið í
Hauki ÍS.
Fram kemur í Nordsee Zeitung
að Íslendingarnir virðist ekki hafa
átt von á því að leitað yrði í skipinu
þrátt fyrir að mjög gjarnan sé
leitað í fiskiskipum. Það hafi mátt
sjá á því hversu illa efnin voru fal-
in. Heimildarmaður Fréttablaðsins
segir hæpið að mennirnir hafi fjár-
magnað kaup efnanna sjálfir. Eins
vill hann meina að nokkur hluti
áhafnarinnar hafi áður komið við
sögu lögreglu.
Eiríkur Böðvarsson, eigandi
Hauks ÍS, segist hafa vitað um
dóminn sem skipstjórinn hafi
hlotið í Suður-Ameríku fyrir
kókaínsmyglið. Eiríkur segir
hann þó aðeins vera afleysinga-
skipstjóra í þessum túr en
að öllu jöfnu sé hann
stýrimaður.
hrs@frettabladid.is
HÖSKULDUR
JÓNSSON
Segir alla umfjöllun
um vín hafa áhrif á
söluna. Hún aukist
ekki en fólk velji það
sem auglýst sé.
2004 2003 % Breyting
Þús. lítra Þús. lítra
Lagerbjór 12.263 11.295 8,6%
Rauðvín 1.628 1.468 10,9%
Hvítvín 602 512 17,7%
Rósavín 107 112 -4,5%
Freyðivín 107 101 5,3%
Styrkt vín 65 67 -4,3%
Romm 63 69 -8,2%
Brennivín og vodka 285 299 -4,7%
Snafs 33 36 -7,2%
Líkjör 99 103 -3,5%
Annað: 692 707
Samtals: 15.939 14.770 7,9%
Heimild: Vefur ÁTVR
Annar með hass
og hinn með kókaín
Íslendingarnir tveir sem sitja í gæsluvarðhaldi í Þýskalandi eftir að sjö kíló af hassi og kókaíni
fundust um borð í Hauki ÍS eru taldir hafa keypt efnin fyrir rúmar átta milljónir. Kókaínið
var í tösku annars mannanna en hassið í farangri hins.
FÍKNIEFNIN Í HÖNDUM LÖGREGLUNNAR Í BREMERHAVEN
Wolfgang Harlos, upplýsingafulltrúi lögreglunnar í Bremerhaven, sýnir hér hassið og
kókaínið sem fundust um borð í Hauki ÍS.
FR
ÉT
TA
B
LA
Ð
IÐ
/N
O
R
D
SE
E
ZE
IT
-