Fréttablaðið - 14.01.2005, Blaðsíða 40
28 14. janúar 2005 FÖSTUDAGUR
Tími til að vakna og lykta af kaffinu …
... Landsliðsnefnd HSÍ hefur á ný tekist að komast í blöðin vegna slælegra vinnubragða. Skemmst er að minnast þess að þeir sváfu Þyrnirósarsvefni í
landsliðsþjálfaramálum eftir Ólympíuleikana. Sá sofandaháttur gerði það að verkum að ekki reyndist unnt að ganga frá landsleikjum hér heima á Íslandi fyrir
HM í Túnis. Íslendingar verða því að bíða marga mánuði í viðbót til þess að sjá „strákana okkar“ leika á heimavelli undir stjórn Viggós Sigurðssonar. Nú á að
draga hælana í máli Jaliesky Garcia og þess í stað þarf landsliðsþjálfarinn að standa í eldlínunni í fjölmiðlum þegar kraftar hans ættu allir að fara í að
undirbúa liðið sem best fyrir HM. sport@frettabladid.is
HVAÐ? HVENÆR? HVAR?
11 12 13 14 15 16 17
Föstudagur
JANÚAR
HANDBOLTI Íslenska handboltalands-
liðið fór til Spánar í gær þar sem
lokaundirbúningurinn fyrir HM í
Túnis fer fram. Þar mun liðið æfa
og spila þrjá æfingaleiki – gegn
Spánverjum, Frökkum og Egypt-
um – áður en haldið verður til
Afríku þar sem Ísland spilar
fyrsta leik sinn í heimsmeistara-
mótinu gegn Tékkum 23. janúar.
Viggó Sigurðsson landsliðsþjálfari
gengur hreint til verks. Þrátt fyrir
að vera með nýtt og lítt reynt
landslið setur hann stefnuna hátt.
Það á að vera meðal sex efstu, sem
yrði ekki ónýtur árangur.
„Vissulega hefði ég getað keyrt
niður allar væntingar fyrir mótið
ef ég vildi,“ sagði Viggó. „Ég er
ekki sammála slíkum vinnubrögð-
um. Ég aftur á móti hef trú á mér
og landsliðshópnum og tel okkur
tvímælalaust geta endað á meðal
sex efstu á mótinu.“
Þetta er ekki í fyrsta skipti
sem Viggó notar þessa taktík því
hann gerði slíkt hið sama þegar
hann tók við þýska félaginu
Wuppertal fyrir tæpum áratug
síðan. Þá sagðist Viggó ætla að
fara beint upp með liðið, sem
hafði innan sinna raða leikmenn
sem voru að stíga sín fyrstu spor
í atvinnumennsku – Ólaf Stefáns-
son og Dag Sigurðsson – í bland
við reynda refi eins og Geir
Sveinsson.
„Það var hlegið að mér í Þýska-
landi. Það skipti mig engu því við
kláruðum mótið með stæl og fór-
um beint upp í úrvalsdeild. Þessi
taktík virkar tvímælaust og menn
verða að hafa trú á því sem þeir
eru að gera,“ sagði Viggó, sem tók
við landsliðinu af Guðmundi Guð-
mundssyni eftir Ólympíuleikana.
Mörgum fannst rétt að stokka
liðið upp eftir ÓL og Viggó var
einn þeirra. Hann sagði stjórn
HSÍ frá sínum fyrirætlunum með
landsliðshópinn og stjórn Hand-
knattleikssambandsins sagði við
það tilefni að rétt væri að stefna á
góðan árangur á HM árið 2007.
Það vildi Viggó ekki hlusta á.
„Ég sagði bara við þá að ég
væri að fara til Túnis eftir tvo og
hálfan mánuð til þess að ná ár-
angri. Ég er það metnaðarfullur
að ég vil ekki þykjast vera að
byggja upp í einhvern tíma bara
svo ég fái vinnufrið. Ég held líka
að þetta sé rétta leiðin. Það var
orðin allt of mikil svartsýni í
gangi. Ég hef trú á þessu liði og að
við náum góðum árangri í Túnis,“
sagð Viggó Sigurðsson landsliðs-
þjálfari. henry@frettabladid.is
HVERGI SMEYKUR Viggó Sigurðsson fagnar hér sigri gegn heims- og Ólympíumeist-
urum Króatíu. Hann ætlar sér stóra hluti í Túnis.
Hef trú á mér og liðinu
Viggó Sigurðsson er hvergi smeykur fyrir HM í Túnis. Hann ætlar að rífa
handboltalandsliðið upp og koma því í fremstu röð á nýjan leik.■ ■ LEIKIR
19.15 ÍA og Þór Þorlákshöfn
mætast á Akranesi í 1. deild karla
í körfubolta.
19.15 Stjarnan og Breiðablik
mætast í Ásgarði í 1. deild karla í
körfubolta.
19.15 Höttur og Drangur mætast á
Egilsstöðum í 1. deild karla í
körfubolta.
■ ■ SJÓNVARP
17.45 Olíssport á Sýn.
18.00 Upphitun á Skjá einum.
19.00 Gillette-sportpakkinn á Sýn.
19.30 Motorworld á Sýn.
20.00 World Supercross á Sýn.
21.00 World Series of Poker á Sýn.
01.00 NBA-boltinn á Sýn. Bein
útsending frá leik San Antonio
Spurs og Dallas Mavericks í NBA-
deildinni í körfubolta.
ÚR ÍÞRÓTTAHEIMINUM
S M Á R A L I N D
Sími 517 7007
ÚTSALA
– 30-70%
LEIKIR GÆRDAGSINS
Intersportdeildin:
FJÖLNIR–KFÍ 122–83
Stig Fjölnis:Nemanja Sovic 29, Pálmar
Ragnarsson, 21 (6 frák, 6 stoðs, 6 stolnir, 4 varin
á 22 mínútum), Hjalti Vilhjálmsson 20, Jeb Ivey
18 (8 stoðs.), Darrel Flake 15 (12 frák.)
Stig KFÍ: Joshua Helm 46 (19 frák.), Tom Hull 13
(7 stoðs.), Baldur Ingi Jónasson 12 (5 stoðs.).
TINDASTÓLL–HAUKAR 79–74
Stig Tindastóls: Svavar Birgisson 28 (7 frák.),
Bethuel Fletcher 18 (11 stoðs.), Brian Thompson
18 (12 frák, 6 stolnir).
Stig Hauka:Mirco Virijevic 21 (15 frák.), Michael
Manciel 17 (20 frák.), John Waller 15.
HAMAR/SELFOSS–GRINDAVÍK 106–97
NJARÐVÍK–ÍR 87–91
SKALLAGRÍMUR–KR 93–72
DHL-deild kvenna:
STJARNAN–GRÓTTA/KR 26–20
Mörk Stjörnunnar: Anna Bryndís Blöndal 7, Kristín
Guðmundsdóttir 6, Elzbieta Kowal 5, Ásdís
Sigurðardóttir 4, Elísabet Gunnarsdóttir 2, Hekla
Daðadóttir 2.
Mörk Gróttu/KR: Arna Gunnarsdóttir 6, Anna
Úrsúla Guðmundsdóttir 5, Eva Margrét
Kristinsdóttir 3, Inga Dís Sigurðardóttir 2, Íris Ásta
Pétursdóttir 2, Kristín Þórðardóttir, Ragna Karen
Sigurðardóttir 1.
Bikarkeppni Evrópu í
körfuknattleik:
FRIBOURG-KEFLAVÍK 103-95
Stig Keflavíkur: Anthony Glover 46 (12 frák.), Jón
N. Hafsteinsson 18 (8 frák.), Nick Bradford 16,
Magnús Þór Gunnarsson 8, Arnar F. Jónsson 4,
Gunnar Einarsson 3, Sverrir Sverrisson 2.
Þó svo að Utah Jazz hafi ekkifláð feitan gölt í NBA-körfu-
boltanum í vetur, þá tókst lið-
inu að leggja San Antonio
Spurs og Phoenix Suns að
velli í vikunni en liðin tvö
eru í tveimur efstu sætum
deildarinnar. Leikurinn
gegn Suns var með
fjörugra móti og má geta
þess að varamannabekk-
ur Jazz skoraði 67 stig á móti
6 stigum hjá Suns. Lokatölur
urðu 115-08 og fimmta tap Suns
staðreynd. Mehmet Okur var stiga-
hæstur Jazz með 21 stig og tók 17
fráköst. Quentin Richardson skoraði
24 stig fyrir Phoenix Suns sem held-
ur toppsæti vesturdeildarinnar, þrátt
fyrir tapið.
Jayson Williams, sem lék meðNew Jersey Nets í NBA-boltanum
en þurfti frá að hverfa vegna hné-
meiðsla, skrifaði undir samning við
CBA-liðið Idaho Stampede og mun
leika sinn fyrsta leik á miðvikudaginn
kemur. Williams, sem er 37 ára
gamall, vonast til að CBA geti nýst
honum sem stökkpallur inn í NBA-
deildina. Williams varð manni að
bana 14. febrúar árið 2002 með
voðaskoti og reyndi að hylma yfir at-
burðinn. Réttað verður í málinu á
nýjan leik í mars.
Adrian Mutu, sem fékk7 mánaða keppnis-
bann fyrir kókaínneyslu,
hefur skrifað undir fimm
ára samning við Juvent-
us. Hinn 25 ára gamli
Mutu var rekinn frá
Chelsea eftir að hann
féll á lyfjaprófi í októ-
ber á síðasta ári. Hann
verður ekki leikfær
með Juventus fyrr en að banninu
loknu 18. maí nk. Mutu er ekki
ókunnugur ítalskri grundu því hann
lék á sínum tíma með Inter-
nazionale, Verona og Parma áður en
hann var seldur til Chelsea í ágúst
2003 fyrir 15,8 milljónir punda.
Sam Allardyce hjáBolton hefur stað-
fest að hann hafi
mikinn áhuga á að
klófesta Senegalann
Amdy Faye frá
Portsmouth. Faye,
sem er 27 ára
gamall, var nálægt
því að ganga til liðs við Aston Villa en
liðin tvö náðu ekki samkomulagi og
því féll samningurinn um sjálfan sig.
Willie Mackay, umboðsmaður Faye,
sagði kappann tilbúinn að semja á
sínum eigin forsendum. „Það þýðir
þó ekki að hann sé tilbúinn að segja
skilið við Portsmouth,“ sagði
Mackay.
Í tilkynningu frá Millwall kemur framað forráðamenn liðsins hafa bætt
Dave Bassett við í hóp þjálfara liðs-
ins. Bassett, sem hefur verið viðloð-
andi knattspyrnuþjálfun síðan 1981
og verið á mála hjá Wimbledon og
Sheffield United, mun starfa sem að-
stoðarmaður Dennis Wise og Ray
Wilkins.
Ryan Giggs snýr aftur á leikvöllinn með
félögum sínum í
Manchester United þegar
liðið sækir Liverpool heim á
Anfield Road á morgun í
ensku úrvalsdeildinni í
knattspyrnu. Giggs varð
fyrir meiðslum á fæti þeg-
ar United mætti Totten-
ham fyrir rúmri viku. Alex
Ferguson, knattspyrnu-
stjóri United, sagði Giggs hafa æft
með liðinu í fyrradag og hann vænti
þess að vera tilbúinn gegn Liverpool.
Þá mun varnarjaxlinn Rio Ferdinand
einnig leika með liðinu á ný eftir að
hafa misst af tveimur leikjum.
Austuríski skíðamaðurinn HansKnauss á yfir höfði sér tveggja
ára keppnisbann eftir að hann féll á
lyfjaprófi. Steralyfið nandrolone
fannst í blóði hans. Knauss, sem er
33 ára, segist saklaus af þessum
ásökunum. „Ég hef aldrei tekið inn
lyf og mun aldrei gera það. Ég er
sanngjarn íþróttamaður,“ sagði
Knauss.
Jóhann Ingi Gunnarsson, formaður landsliðsnefndar HSÍ, um mál Garcia:
Fær tækifæri til að skýra mál sitt
HANDBOLTI „Ég vil nú ekki líta svo á
að hann hafi kallað mig lygara
heldur frekar að íþróttafrétta-
maðurinn hafi lagt honum orð í
munn,“ segir Viggó Sigurðsson,
landsliðsþjálfari í handknattleik.
Í viðtali við Jaliesky Garcia í
þættinum Olíssporti í fyrrakvöld
vísaði hann því alfarið á bug að
hann hafi flúið til Púertó Ríkó í því
skyni að losna við skyldur sínar
gagnvart handknattleikslandslið-
inu en framundan er heimsmeist-
arakeppnin í handbolta.
Jaliesky Garcia var hluti af
þeim hóp sem þangað átti að fara
en eftir að hafa horfið sjónum til
Kúbu án þess að láta kóng né
Viggó Sigurðsson vita situr hann
eftir með sárt ennið og vildi
meina að um misskilning hefði
verið að ræða.
Sagði hann Viggó Sigurðsson
ljúga þegar hann talaði um að
hann hefði farið til síns heima
með það að markmiði að sleppa
þáttöku með landsliðinu á HM í
Túnis.
Jóhann Ingi Gunnarsson,
íþróttasálfræðingur og formaður
landsliðsnefndarinnar í hand-
knattleik, vill meina að öll sú um-
ræða sem skapast hafi um García
undanfarna daga hafi verið of til-
finningarík og vill ekki draga dóm
um mál hans fyrr en það verði
skoðað ofan í kjölinn að loknu
mótinu í Túnis.
„Þetta verður skoðað eftir
mótið en á þessari stundu vil ég
ekki draga of sterkar ályktanir af
þessari fjarveru hans. Nú er stað-
an hins vegar sú að það er nóg að
gera fyrir heimsmeistaramótið og
ekki gefst tími til að fara yfir
málin fyrr en síðar.
Ég vil meina að García hafi
staðið sig vel fyrir Íslands hönd í
fortíðinni og hann fær tækifæri
til að skýra mál sitt þegar þar að
kemur.“ - aöe
FR
ÉT
TA
B
LA
Ð
IÐ
/T
O
M
M
Y
H
O
LL
Fundað um framtíð fótboltans í febrúar:
Breytingar ekki útilokaðar
FÓTBOLTI Tvær breytingar sem
varða framtíð knattspyrnunnar
verða hvað mest ræddar þegar
sérstök nefnd Alþjóða knatt-
spyrnusambandsins kemur saman
í febrúar. Annars vegar verður
rædd sú tillaga að breyta rang-
stöðureglum í boltanum á þann
hátt að ekki sé um rangstöðu að
ræða nema sóknarmaður sé fyrir
innan vítateig andstæðinga sinna.
Yrði það mikil breyting frá nú-
verandi kerfi þar sem sóknar-
maður getur verið dæmdur rang-
stæður hvar sem er á vallarhelm-
ingi mótherjans.
Hins vegar á einnig að ræða
mál málanna þessa dagana sem er
hvenær bolti er inni í marki og
hvenær ekki. Eins og komið hefur
fram í kjölfar atviksins í leik
Manchester United og Tottenham
hafa þær raddir gerst háværari
sem vilja nýta tæknina til að
skera úr um hvort boltinn hefur
farið inn fyrir línuna eður ei og
munu menn á fundinum taka það
mál alvarlega. - aöe
BREYTTAR ÁHERSLUR Í næsta mánuði
verður fundað um reglur og mögulegar
breytingar á fótboltanum.
M
un
d/
AP