Fréttablaðið - 14.01.2005, Blaðsíða 44

– Amazon.com
– Amazon.com
– Amazon.com
50 fyrstu sem kaupa einhverja af bókunum úr Bálki
Hrakfalla í Pennanum-Eymundsson fá miða fyrir tvo á
Lemony Snicket's Unfortunate Events,
kvikmynd sem byggir á fyrstu þremur bókunum.
Væntanlegí janúar
Taktu þátt í skemmtilegum leik á www.edda.is
– Fullt af skemmtilegum vinningum, dregið vikulega.
Hrakfallatilboð
2 fyrir 1
Ef þú kaupir aðra færðu
hina fría
B íómiði fylgir
Skelfilega skemmtilegar hrakfallasögur um
þrjú indæl en óheppin systkini og óstjórnlega
ósvífinn frænda þeirra – nú líka í bíó.
Ekki missa af þeim!
Vinsælasti bókaflokkur
heims – milljónir eintaka
seldar um allan heim!
32 14. janúar 2005 FÖSTUDAGUR
Gamanmyndin Lemony Snicket’s
A Series of Unfortunate Events
með Jim Carrey í aðalhlutverki
verður frumsýnd í dag. Myndin
fjallar um þrjá munaðarlausa
krakka; Violet, Klaus og Sunny,
sem missa foreldra sína í dular-
fullum eldsvoða. Fjarskyldur ætt-
ingi þeirra, Ólafur greifi, tekur þá
að sér en er ekki allur þar sem
hann er séður. Hann vill hrifsa frá
þeim auðæfi sem foreldrar þeirra
létu eftir sig og beitir til þess
öllum brögðum. Frændi þeirra
Monty og frænkan óttaslegna
Josephine koma einnig við sögu í
myndinni.
Með önnur hlutverk fara
Meryl Streep, Jude Law, Emily
Browning, Liam Aiken, Kara
Hoffman og Shelby Hoffman.
Leikstjóri er Brad Silberling og
Rick Heinrichs er maðurinn á bak
við sérstakt útlit myndarinnar.
Hann hefur áður séð um útlit
mynda á borð við Sleepy Hollow
eftir Tim Burton.
Myndin er byggð á þremur
bókum eftir Lemony Snicket, sem
er dulnefni rithöfundarins Daniel
Handler. Tvær þeirra hafa komið
út í íslenskri þýðingu og er sú
þriðja, sem nefnist Stóri glugg-
inn, á leiðinni. ■
SKELFIRINN ÓLAFUR Jim Carrey og
Meryl Streep í hlutverkum Ólafs greifa og
Josephine.
Ólafur greifi vill auðæfin
Ómissandi á DVD
Cabin Feaver: Leikstjórinn Eli Roth sýnir með þessu byrjandaverkefni
sínu að hann er til alls líklegur þegar kemur að hryllingsmyndum. Hug-
myndina að þessari fékk hann á Íslandi árið 1991 en það er langt síðan
það hefur tekist jafn vel að blanda saman gríni og viðbjóði í mynd af
þessu tagi. Frábær skemmtun fyrir þá sem fíla góðan hroll.
„Make a married woman laugh and you’re
halfway there.“
- Michael Caine var með allt á hreinu í Alfie árið 1966.
Frönsk kvikmyndahátíð hefst í
Háskólabíói í dag og lýkur 31.
janúar. Alls verða níu kvikmyndir
sýndar en það eru Alliance
Française, Háskólabíó, Bergvík
og Eff ehf sem hafa veg og vanda
af hátíðinni og leggja henni til
myndirnar.
Opnunarmyndin verður sýnd
klukkan 19.30 í kvöld og nefnist
hún Un long dimanche de fian-
cailles, eða Langa trúlofunin. Hún
er eftir hinn virta leikstjóra Jean-
Pierre Jeunet, sem síðast gerði
hina eftirminnilegu Amelie fyrir
þremur árum. Myndin er byggð á
samnefndri metsölubók eftir
Sebastien Japrisot sem út kom í
Frakklandi árið 1994.
Audrey Tautou fer með aðal-
hlutverkið í þessari mynd rétt
eins og í Amelie. Hún leikur unga
baráttukonu, Mathild, sem leitar
að unnasta sínum í lok fyrri
heimsstyrjaldarinnar. Hún leggur
allt í sölurnar og hefur hún eld-
móðinn, vonina og ástina að vopni
enda staðráðin í að endurheimta
ást lífs síns. Myndin hefur fengið
lofsamlega dóma og þykir Jean-
Pierre Jeunet hafa tekist einstak-
lega vel að sýna stríðshryllinginn
á raunsæjan hátt.
Kvikmyndin Les choristes, eða
Kórinn, er framlag Frakka til
Óskarsins í ár. Sagan gerist 1948
og fjallar um atvinnulausan tón-
listarkennara sem fær vinnu við
heimavistarskóla þar sem harður
agi og harðræði ríkir. Hann getur
engan veginn sætt sig við þetta
harðfylgi og ákveður að safna
saman nemendum og kynna fyrir
þeim mátt og fegurð tónlistarinn-
ar.
Gamanmyndin Tais toi, eða
Grjóthaltu kjafti, skartar hinum
heimsfrægu leikurum Jean Reno,
sem sló í gegn í Leon, og Gérard
Depardieu. Titilpersónurnar eru
gjörólíkir afbrotamenn sem verða
fyrir gráglettni örlaganna, klefa-
félagar í rammgirtu fangelsi.
Marie-Jo og ástirnar tvær seg-
ir frá því er Marie-Jo reynir að
svifta sig lífi í lautarferð. Hún
elskar Daniel, eiginmann sinn út
af lífinu en finnur fyrir sömu
ástríðu í garð Marcos, ástmanns
síns. En það er ekki hægt að elska
tvær persónur í einu...
Son frère, eða Bróðirinn, fjall-
ar um Thomas sem veikist af
ólæknandi blóðsjúkdómi. Skelf-
ingu lostinn kemur hann við hjá
bróður sínum Luc sem hann hefur
ekki séð lengi og skýrir honum frá
veikindum sínum. Þegar veikindi
Thomasar ágerast fyllast þeir
báðir örvæntingu og ekkert annað
kemst að.
Le coeur des hommes, eða
Hjartans mál, segir frá vinunum
Alex, Antoine, Jeff og Manu sem
allir standa á tímamótum í lífinu.
Þeir hittast reglulega til þess að
spjalla saman, rífast eða hlæja.
Röð atburða verður til þess að
tengja þá enn sterkari böndum.
A la petite semaine, eða Frá
degi til dags, fjallar um Jacques
sem eyðir fyrstu vikunni sinni
sem frjáls maður eftir fimm ára
fangelsisvist í félagsskap gamalla
kunningja í Saint-Ouen í útjaðri
Parísar. Þessi mynd lýsir daglegu
lífi smákrimma og er laus við
allar klisjur um undirheimana.
Filles uniques, eða Einkadætur,
segir frá dómaranum Carole sem
er svolítið stíf. Tina er aftur á
móti óforbetranlegur þjófur sem
á að baki tveggja mánaða fanga-
vist og er langt frá því að vera
stíf. Þessar tvær konur hittast í
dómshúsinu og verða óaðskiljan-
legar.
Spennumyndin Le convoyeur,
eða Peningabíllinn, fjallar um
peningaflutningafyrirtæki sem á
í miklum vandræðum. Þrír pen-
ingabílar þess hafa verið rændir á
árinu. Allir starfsmenn voru
drepnir á hroðalegan hátt. Grunur
er á að maður sem vinnur hjá
fyrirtækinu tengist þjófunum.
Meðlimir Alliance française
geta keypt sérstakan kvik-
myndapassa fyrir 2500 krónur á
allar níu myndirnar. Til að sjá
nánari dagskrá má slá inn netslóð-
ina: http://af.ismennt.is/ ■
Níu myndir á franskri
kvikmyndahátíð
Finding Neverland
Internet Movie Database 8,3 af 10
Rottentomatoes.com 84% = Fersk
Metacritic.com 67 af 100
Lemony Snicket’s A Series
of Unfortunate Events
Internet Movie Database 6,7 af 10
Rottentomatoes.com 69% = Fersk
Metacritic.com 62 af 100
FRUMSÝNDAR UM HELGINA
(DÓMAR Í ERLENDUM MIÐLUM)
LANGA TRÚLOFUNIN Audrey Tautou fer með aðalhlutverkið í Un long dimanche de fiancailles. Hún lék einnig í hinni eftirminnilegu
mynd Amelie.
MYNDIRNAR NÍU Á FRÖNSKU KVIKMYNDAHÁTÍÐINNI:
Langa trúlofunin – Un long dimanche de fiançailles eftir Jeunet
Frá degi til dags – A la petite semaine eftir Sam Karmann
Hjartans mál – Le cúur des hommes eftir Marc Esposito
Grjóthaltu kjafti – Tais toi eftir Francis Veber
Einkadætur – Filles uniques eftir Pierre Jolivet
Marie- Jo og ástirnar tvær – Marie Jo et ses deux amours eftir Robert Guediguian
Kórinn – Les choristes eftir Christophe Barratier
Bróðirinn – Son frère eftir Patrice Chéreau
Peningabíllinn – Le convoyeur eftir Nicolas Boukrief