Fréttablaðið - 14.01.2005, Síða 47
Nýlega kom út hljómdiskur á
vegum Óperukórsins í Reykjavík.
Um er að ræða upptöku á tónleik-
um Sinfóníuhljómsveitar Íslands í
Háskólabíói árið 1998, þar sem Ó-
perukórinn söng ýmsar þekktar
tónlistarperlur úr óperum undir
stjórn Garðars Cortez. Einsöng
syngja þau Ólöf Kolbrún Harðar-
dóttir og Renato Francesconi. Þá
kemur Karlakórinn Fóstbræður til
liðs við Óperukórinn í nokkrum at-
riðum.
Viðfangsefnin eru að sjálfsögðu
valin með tilliti til þess að kórinn
fái að spreyta sig og þau eru ekki af
verri endanum. Má þar nefna m.a.
„ Freudig begrussen „ úr ó-
perunni Tannhauser eftir Richard
Wagner, „Una vela“ og „Fuoco di
gioia“ úr óperunni Otello og
„Gloria all’Egitto“ úr óperunni
Aida, báðar eftir Giuseppe Verdi;
valsinn og söng sveitastúlknanna
úr óperunni Évgení Ónegín eftir
Pjotr Tsjæ-kofskí og Polovetska
dansa úr óperunni Ígór fursti eftir
Alexander Borodín. Þessi verk eru
ekki aðeins fögur og vinsæl heldur
einnig rík og á köflum margslungin
tónlist, sem ekki er heiglum hent að
flytja. Stjórnandinn Garðar Cortez
hefur lengi verið kunnur fyrir
áræði og það sýnir hann hér. Hann
staðfestir einnig að hann stendur
undir því sem hann tekur sér fyrir
hendur því að hljómsveitarstjórn
hans á diskum er yfirleitt með
miklum ágætum og ekki annað að
heyra en hann hafi fullt vald á
þessum kröfuhörðu viðfangsefn-
um. Það er mikill fengur að Svítu
Jóns Ásgeirssonar fyrir kór og
hljómsveit úr Galdra-Lofti og
Þrymskviðu. Þetta er vel samin
og falleg tónlist og vekur til um-
hugsunar um það sem verið gæti
hér á landi ef tækist að vekja þjóð-
ina af sínum lágmenningarlega
doða. Jón Ásgeirsson er merkur
frumkvöðull í miklu starfi sem
óunnið er og bíður íslenskra tón-
skálda. Það er að nýta bókmennta-
arfinn til óperusmíði. Um þessar
mundir eru Íslendingar svo ríkir að
þeir vita ekki sitt rjúkandi ráð og
eyða fé í hverja hugsanlega vit-
leysu. Íslensk ópera virðist því mið-
ur enn standa utan þess sem leyfi-
legt er.
Óperukórinn er greinilega vel
skipaður raddfólki, einkum virðast
kvenraddirnar í kórnum vera öfl-
ugar. Kórinn hljómar mjög vel í at-
riðunum úr Évgení Ónegín og
Polovetsku dönsunum svo dæmi
séu nefnd. Ekki má gleyma að
minnast á framlag Ólafar Kolbrún-
ar Harðardóttur í Inneggiamo eftir
Pietro Mascagni. Rödd hennar er
einstaklega falleg og sannkölluð
guðsgjöf. Sinfóníuhljómsveit Ís-
lands á stórt framlag á þessum
diski og gott. Málmblásarar hljóm-
sveitarinnar eru meðal þeirra sem
fara á kostum í ýmsum stöðum. Ef
til vill er það atriði sem best heppn-
ast í heild kaflinn úr Tannhauser.
Þar falla allir þættir saman í sann-
færandi túlkun. ■
FÖSTUDAGUR 14. janúar 2005 35
Veisla óperukórsins
TÓNLIST
FINNUR TORFI STEFÁNSSON
Veisla óperukórsins
Óperukórinn/Sinfóníuhljómsveit
Íslands/Ólöf Kolbrún Harðardóttir og
Renato Francesconi, Karlakórinn Fóst-
bræður/stjórnandi: Garðar Cortez
ÓPERUKÓRINN Greinilega vel skipaður
raddfólki.
Áfram Ausa
– Stólarnir
hætta
Síðasti möguleiki til að sjá þessar
tvær leikhúsperlur á einu kvöldi
verður á laugardagskvöldið 15.
janúar. Eftir það verður haldið
áfram sýningum á Ausu á Litla
sviðinu í Borgarleikhúsinu.
Verkið er samstarfsverkefni
Leikfélags Reykjavíkur og Leik-
félags Akureyrar. Það var frum-
sýnt á Akureyri í haust, en sýning-
ar hófust í Borgarleikhúsinu í des-
ember.
Ausa Steinberg er óvenjulegt
leikrit um níu ára einhverfan of-
vita sem sér lífið og dauðann í
öðru ljósi en við flest. Hún er í
senn heillandi, fyndin og ótrúlega
skemmtileg. Ausa elskar óperu-
tónlist. Hún er með krabbamein
og þráir að deyja eins og dívan á
sviðinu við dynjandi lófatak
áhorfenda.
Ausa Steinberg var uppruna-
lega flutt sem útvarpsleikrit hjá
BBC í Bretlandi. Fá verk hafa
hlotið önnur eins viðbrögð og
Ausa og var leikritið ítrekað end-
urflutt. Hérlendis endurtók sagan
sig þegar Útvarpsleikhúsið flutti
verkið fyrir nokkrum árum, því
flutningurinn kallaði á greinar-
skrif og endurflutning. Höfundur-
inn Lee Hall var tilnefndur til
Óskarsverðlauna fyrir kvik-
myndahandritið af Billy Elliot.
Hann er einnig höfundur Eldað
með Elvis sem sýnt hefur verið á
Íslandi undanfarið. ■
Síðasta
sýningarhelgi
Síðasta sýningarhelgi á Íslenskri
myndlist; um veruleikann, mann-
inn og ímyndina verður í Lista-
safni Íslands 14. og 15. janúar. Á
sýningunni gefur að sjá mikla
fjölbreytni í verkum listamann-
anna. Miðlun upplýsinga með
nýstárlegum hætti, með notkun
farsíma og nettengingar. ■