Fréttablaðið - 14.01.2005, Qupperneq 43
31FÖSTUDAGUR 14. janúar 2005
■ TÓNLIST ■ TÖLVULEIKIR
Chris Martin, söngvari bresku
hljómsveitarinnar Coldplay, seg-
ir að gerð þriðju plötu sveitarinn-
ar hafi verið eitt erfiðasta verk-
efni sem hann hafi tekist á við.
Sveitin er að leggja lokahönd á
plötuna, sem er væntanleg í búð-
ir í vor. Síðasta plata Coldplay, A
Rush of Blood to the Head, kom
út fyrir þremur árum og naut
mikilla vinsælda. Meðlimir sveit-
arinnar hafa játað að erfitt hafi
verið að fylgja eftir svo góðri
plötu. Hættu þeir meðal annars
samstarfi við upptökustjóra sinn
til langs tíma, Ken Nelson, og
fengu Danton Supple í hans stað.
Martin er ánægður með nýju
lögin. „Við erum búnir að semja
nokkur hrikalega góð lög. Ég held
að við náum ekki að toppa þessa
plötu. Ég segi þetta alltaf en núna
meina ég það,“ sagði hann.
Platan er sögð vera mikil
framþróun frá þeirri síðustu. Þar
má greina áhrif frá raftónlist átt-
unda áratugarins, David Bowie,
Bob Dylan og Brian Eno. ■
Fjölda nýrra laga eftir þekkta
listamenn er að finna í tölvuleikn-
um Gran Turismo 4, sem verður
gefinn út á PlayStation 2 síðar á ár-
inu. Lögin spanna samtals tvær
klukkustundir og eru þau af ýms-
um toga.
Í opnunarmyndskeiði leiksins
hljómar lagið Reason Is Treason
með hljómsveitinni Kasabian, sem
var nýverið tilnefnd til þriggja
Brit-verðlauna. Einnig er þar að
finna lagið Only I Want með hljóm-
sveitinni Eagles of Death Metal.
Einn af meðlimum þeirrar sveitar
er Josh Homme, söngvari Queens
of the Stone Age. Lagið Shatter
með Feeder fær einnig að hljóma
eins og í Gran Turismo 3. ■
JULIA ROBERTS Leikkonan Julia Roberts
vill leika í kvikmynd eftir metsölubókinni
The Family Way.
Vill leika í fjöl-
skyldumynd
Leikkonan vinsæla Julia Roberts
hafði svo mikla ánægju af því að
eignast börn að hún hefur í
hyggju að leika í kvikmynd sem
mun fjalla um móðurhlutverkið
og fjölskylduna.
Roberts, sem eignaðist tví-
burana Phinneaeus Walter og
Hazel Patricia í nóvember, vonast
til að fá réttinn til að gera kvik-
mynd eftir metsölubókinni The
Family Way eftir breska höfund-
inn Tony Parsons. Samningavið-
ræður standa nú yfir en ekkert er
í hendi enn sem komið er. ■
NICOLE KIDMAN Er hrædd um að
kannski sé henni bara ætlað að eyða
ævinni ein.
Nicole segist háð
karlmönnum
Nicole Kidman hefur viðurkennt að
vera háð „líkamsvexti karlmanna“
en heldur að henni sé kannski ætlað
að eyða ævinni ein. „Það væri mjög
auðvelt að segja að ég óskaði að ég
hrifist af konum, en ég geri það
ekki. Ég meina ég elska konur en
líkamlega gera þær ekki neitt fyrir
mig. Ég elska hvernig karlmaður
hugsar. Ég elska það hvernig karl-
maður lyktar og hvernig hann lítur
út. Ég er gjörsamlega ánetjuð lík-
amsvexti karlmanna!“ segir Kidm-
an í viðtali við Playboy.
Hún neitar þar að ræða fyrrver-
andi eiginmann sinn, Tom Cruise,
sem hún kallar Thomas vegna mik-
illar virðingar sinnar í hans garð.
Hún segist aldrei munu koma fram
á rauða dreglinum nema „með
manneskju sem ég hef ákveðið að
eyða ævinni með“ og lýsir hennar
fullkomna manni sem „heillandi
manneskju, þolinmóðum og ein-
hverjum sem leitar að öðruvísi hlut-
um.“ Hún bætir þó við: „Kannski er
mér ætlað að eyða ævinni ein.“ Að-
spurð hvort hún myndi aftur verða
ástfangin af leikara segir hún: „Nei,
aldrei nokkurn tíma!“ Kidman hef-
ur nýlega verið orðuð við fyrrver-
andi kærasta Liz Hurley, milljóner-
ann Steve Bing. ■
COLDPLAY
Hljómsveitin Coldplay gefur á
næstunni út sína þriðju plötu.
Kasabian og Homme í tölvuleik
QUEENS OF THE STONE AGE Josh
Homme, söngvari Queens of the Stone
Age, er einnig í hljómsveitinni Eagles of
Death Metal.
Eitt erfiðasta verkefnið til þessa