Fréttablaðið - 14.01.2005, Qupperneq 15

15FÖSTUDAGUR 14. janúar 2005
Íbúðalánasjóður segir banka og sparisjóði
hafa þrýst fasteignaverði upp:
Vill að sveitarfélög
auki lóðaframboð
FASTEIGNIR Með því að auka lóða-
framboð geta sveitarfélögin,
sérstaklega á höfuðborgar-
svæðinu, minnkað þrýstinginn
sem verið hefur á fasteigna-
verð. Þetta kemur fram í nýrri
mánaðarskýrslu Íbúðalánasjóðs.
„Í áformum Íbúðalánasjóðs
um hófsama hækkun hámarks-
lána og 90 prósenta veðsetning-
arhlutfall var tillit tekið til fast-
eignamarkaðarins og stöðu ís-
lensks efnahagslífs,“ segir í
skýrslunni. „Innkoma banka og
sparisjóða á fasteignalána-
markað hefur hins vegar leitt
til hækkunar á fasteignaverði
og aukið þrýsting á verðbólgu.“
Edda Rós Karlsdóttir, for-
stöðumaður greiningardeildar
Landsbanka Íslands, segir alveg
rétt að innkoma banka á fast-
eignalánamarkað hafi haft áhrif
á fasteignaverð. Hins vegar
megi ekki gleyma því að Íbúða-
lánasjóður hafi sjálfur átt upp-
tökin þegar hann tilkynnti að
boðið yrði upp á 90 prósenta lán.
Edda Rós segist taka undir með
Íbúðalánasjóði hvað aukna lóða-
úthlutun snertir.
„Það er mikilvægt að einblína
ekki bara á aukna eftirspurn eft-
ir húsnæði heldur líka framboð-
ið. Það er mikilvægt að greiða
fyrir aukinni uppbyggingu. Það
myndi án efa hafa áhrif á fast-
eignaverðið.“ - th
Miltisbrandurinn í Reykjavík:
Umhverfisráð ræðir
þörf aðgerða
HEILBRIGÐISMÁL Umhverfisráð
Reykjavíkurborgar hefur kallað
eftir upplýsingum frá yfirvöldum
dýralækninga um þá staði í höfuð-
borginni þar sem grunur leikur á að
skepnur sem drápust af miltis-
brandi hafi verið grafnar, að sögn
Katrínar Jakobsdóttur, starfandi
formanns ráðsins. „Við ætlum að
ræða þessar upplýsingar á fundi og
láta kanna hvort ástæða sé til að-
gerða,“ sagði hún.
Vitað er að kýr sem drápust af
miltisbrandi voru huslaðar undir
Hlemmi og á svæðinu sem Austur-
bæjarapótek stendur á, eins og
fram kom í blaðinu í gær. Miltis-
brandsgróin geta lifað í jörðu í að
minnsta kosti tvö hundruð ár, lík-
lega lengur að því er fram hefur
komið hjá vísindamönnum. Vágest-
urinn barst hingað til lands vel
fyrir aldamótin 1900 með ósútuðum
húðum frá Afríku.
Katrín sagði nauðsynlegt að vita
hvar miltisbrandsveikar skepnur
hefðu verið grafnar. Þær upplýs-
ingar yrðu hafðar til hliðsjónar ef
raska þyrfti jarðvegi í borginni
vegna framkvæmda eða bilana. - jss
Manndráp:
Drápu barn
með salti
BRETLAND, AP Bresk hjón hafa
verið dæmd til fimm ára fang-
elsisvistar fyrir að verða
þriggja ára dreng að bana. Þau
íhuguðu að ættleiða drenginn.
Úr því varð ekki en þau drápu
hann þess í stað með því að eitra
fyrir honum með salti og veita
honum banvænan höfuðáverka.
Hjónin fengu drenginn til sín
í þrettán vikur til reynslu áður
en til formlegrar ættleiðingar
kæmi. Eftir fimm vikna dvöl hjá
hjónunum var hann fluttur á
sjúkrahús eftir að hafa fundist í
dauðadái á heimili sínu. Í ljós
kom að hjónin höfðu neytt þrjár
til fjórar teskeiðar af salti ofan í
hann til að refsa honum fyrir
óþekkt. Hjónin voru ósátt við að
hann uppfyllti ekki vonir þeirra
um þægilegt fjölskyldulíf. ■
Of mikill hávaði:
Kvartað yfir
ástarleikjum
SVÍÞJÓÐ, AP Íbúum fjölbýlishúss í
Borlänge í norðvesturhluta Svíþjóð-
ar varð ekki að ósk sinni þegar
leigusali þeirra neitaði að flytja út
hávært par sem býr í húsinu.
Nágrannarnir kvörtuðu sáran
undan því að ástarleikjum þeirra
fylgdi svo mikill hávaði að það
truflaði þá í erli dagsins. Leigusal-
inn sagðist ekkert geta gert svo
lengi sem parið iðkaði ástarleiki
sína á daginn þar sem ekkert bann-
aði hávaða sem bærist milli íbúða á
daginn, öðruvísi væri farið ef fólkið
iðkaði ástarleikina, með tilheyrandi
hávaða, á kvöldin eða að næturlagi,
það væri bannað með lögum. ■
UPPBYGGING Í NORÐLINGAHOLTI
Framkvæmdir við nýtt hverfi í Norðlingaholti hófust árið 2003. Samkvæmt skipulagi er
gert ráð fyrir 929 íbúðum í hverfinu.
KATRÍN JAKOBSDÓTTIR
Umhverfisráð tekur miltisbrandinn í Reykjavík fyrir á fundi þegar umbeðnar upplýsingar
liggja fyrir.