Fréttablaðið - 14.01.2005, Síða 36

Jón Reykdal listmálari er sextug-
ur í dag. Tímamótin hringdu í
hann og spurðu hvað hann hygð-
ist gera á afmælisdaginn.
„Ég verð heima. Ég segi ekki
eins og einn sundfélagi minn sem
sagðist mundu verða að heiman á
afmælisdaginn en tekið væri á
móti gjöfum í kjallaranum. Nei,
ég verð heima og elda handa nán-
ustu fjölskyldu. Dóttir mín sem
búsett er í Bandaríkjunum hefur
verið hérna undanfarið og maður
hefur verið að snúast í kringum
barnabörnin.“
Og hvað verðurðu með í matinn?
„Smálúðu í saffransósu. Ég
hafði hugsað mér að ná í nokkra
stóra humra líka og kannski verð-
ur líka smávegis af reyktum laxi
í sósunni. Það er ekki alveg
ákveðið hvort þetta verður fiski-
tvenna eða fiskiþrenna. Þessi
uppskrift var í Gestgjafanum
fyrir nokkrum árum, einn af tutt-
ugu bestu réttum ársins, og ég
elda þetta alltaf nokkrum sinnum
á ári, með tilbrigðum.“
Ertu eitthvað að sýna núna?
„Já, ég er með sýningu þessa
dagana í Hallgrímskirkju. Ég
sýndi líka hjá Ófeigi í fyrra og við
Jóhanna kona mín sýndum saman
í ASÍ 2001.“
Ertu í olíu eða vatnslitum?
„Olían á nú eiginlega hug minn
allan um þessar mundir. En ég
tek líka alltaf í vatnslitina. Þetta
er svona í syrpum. Vatnslitirnir
eru þannig að maður verður að
stunda þá. Maður er eins og hljóð-
færaleikari, verður að gera eitt-
hvað á hverjum degi. Og stundum
hef ég gert það. En núna er ég
mest í olíunni. Og svo stunda ég
kennslu. Við Jóhanna erum lekt-
orar við Kennaraháskólann og
það er gott skjól, sérstaklega þeg-
ar markaðurinn fyrir myndlist er
jafn þröngur og nú er hér. Íslend-
ingar eru öfgafólk í þessu eins og
öðru. Fyrir nokkrum árum var
mikill markaður fyrir myndlist,
grafíkin seldist vel en svo datt
þetta alveg niður. Myndlistar-
markaðurinn er afskaplega dapur
hér um þessar mundir og þá er
gott að hafa eitthvað annað að
fást við og vera ekki algjörlega
kominn upp á myndasölu. En
maður er náttúrlega alltaf jafn
glaður ef einhver kaupir af
manni mynd.“ ■
24 14. janúar 2005 FÖSTUDAGUR
ALBERT SCHWEITZER (1875-1965)
fæddist þennan dag.
Smálúða í saffransósu
JÓN REYKDAL LISTMÁLARI: ER SEXTUGUR Í DAG
“Maður þarf ekki að vera engill til
þess að verða dýrlingur.“
Margir töldu hann dýrling í lifanda lífi.
timamot@frettabladid.is
Þennan dag árið 1896 fluttist Ítal-
inn Carlo Ponzi til Bandaríkjanna.
Ponzi þessi fann upp á viðskipta-
svikum sem síðan eru við hann
kennd og hafa tíðkast allt fram á
okkar daga. Í meira en tuttugu ár
reyndi hann að afla sér viðurværis
í Nýja heiminum, þvældist úr
einu starfi í annað en gaf aldrei
upp á bátinn drauminn um að
efnast. Loks fann hann ráð til
þess árið 1919. Hann sagði vin-
um og fjárfestum að hann gæti
tryggt þeim 50% ávöxtun á þrem
mánuðum á fé sem honum væri
treyst fyrir. Ef hann var spurður
sagðist hann fjárfesta í alþjóðleg-
um póstávísunum. Fáir kunnu skil
á þeim fjárfestingarkosti. Ponzi
stóð við fyrirheit sín við fyrstu fjár-
festana og brátt tóku peningarnir
að streyma inn. Þúsundir manna
komu á skrifstofuna til hans og
seðlum var troðið í allar hirslur og
skúffur. Þegar lætin voru mest var
Ponzi að taka á móti 200.000
dollurum á dag.
Ponzi fór nú að eyða og njóta lífs-
ins. Þrjár milljónir dollara notaði
hann til kaupa á ráðandi hlut í
Hanover Trust-fjármálafyrirtækinu.
En nú var athygli fjármálaeftirlits-
ins vakin. Í bókunum sást að ekki
var um neinar raunverulegar fjár-
festingar að ræða. Þúsundir fjár-
festa heimtuðu fé sitt til baka og
allt hrundi. Ponzi reyndi að afla
fjár í spilavíti en var handtekinn
og dæmdur í fangelsi fyrir svik.
1934 var hann rekinn úr landi til
Ítalíu, þar sem hann átti skamm-
vinna vist í fjármálaráðuneyti
Mussolinis en flýði eftir fjárdrátt til
Brasilíu og dó þar 1949.
Píramídasvik að hætti Ponzis hafa
viðgengist æ síðan.
14. JANÚAR 1896 Ponzi, sem fann
upp píramídasvikin, kemur til
Bandaríkjanna.
ÞETTA GERÐIST MERKISATBURÐIR
1814 Danmörk lætur Noreg af
hendi til Svíþjóðar með Kíl-
arfriðargerðinni.
1914 Fyrsti T-Fordinn rennur af
færibandinu.
1918 Læknafélag Íslands stofnað.
1923 Mikið tjón á hafnarmann-
virkjum í Reykjavík og víðar
um Vesturland í óviðri. Ell-
efu manns farast.
1939 Noregur gerir tilkall til
spildu á Suðurheimskaut-
inu, „Lands Maud drottn-
ingar“.
1960 Elvis Presley hækkaður í
tign í hernum. Verður lið-
þjálfi.
1976 Ólafur Jóhann Sigurðsson
fær bókmenntaverðlaun
Norðurlandaráðs, fyrstur Ís-
lendinga.
1990 Simpson-fjölskyldan hefur
göngu sína á Fox-sjón-
varpsstöðinni.
Ponzi-svikabragðið
Tilkynningar um
merkisatburði, stórafmæli,
andlát og jarðarfarir
í smáletursdálkinn hér að
ofan má senda á netfangið
timamot@frettabladid.is.
Auglýsingar á að senda á
auglysingar@frettabladid.is
eða hringja í síma
550 5000.
Ástkær eiginmaður minn, faðir okkar, stjúpfaðir,
tengdafaðir, afi og langafi,
Eiríkur Einarsson
bóndi Hallskoti, Fljótshlíð,
Stefanía Guðmundsdóttir, Einar Eiríksson, Ásmundur Eiríksson,
Júlía Adólfsdóttir, Kolbeinn Guðmannsson, Elísa Adólfsdóttir,
Halla Bergmann, Brynjólfur Tómasson, Hólmfríður Ásmundsdóttir,
barnabörn og barnabarnabörn.
verður jarðsunginn frá Hlíðarendakirkju í Fljótshlíð laugardaginn
15. janúar og hefst athöfnin klukkan 14.
Útför frænda okkar
Gunnars Páls Björnssonar
frá Grjótnesi,
fer fram frá Snartastaðakirkju
laugardaginn 15. janúar kl. 14.
Aðstandendur.
AFMÆLI
Einar Hákonarson listmálari er sextugur
í dag.
Tryggvi Felixson, fram-
kvæmdastjóri Land-
verndar, er fimmtugur í
dag.
Halldór Gunnarsson, sóknarprestur í
Holti undir Eyjafjöllum,
er 64 ára.
Jónína Michaelsdóttir blaðamaður
er 62 ára.
Stefán Örn Stefánsson arkitekt
er 58 ára.
Helgi Magnússon við-
skiptafræðingur er 56
ára í dag.
JARÐARFARIR
11.00 Kristín Sigurvinsdóttir Georges,
Mentor, Ohio, Bandaríkjunum,
verður jarðsungin frá Keflavíkur-
kirkju.
13.00 Þuríður Axelsdóttir sjúkraliði,
Marklandi 2, Reykjavík, verður
jarðsungin frá Bústaðakirkju.
13.00 Sigríður Bergsteinsdóttir, Hring-
braut 23, Reykjavík, verður jarð-
sungin frá Dómkirkjunni.
13.00 Jóhannes Ólafsson, Ásum 4,
Hveragerði, áður Ásum í Staf-
holtstungum, verður jarðsunginn
frá Fossvogskirkju.
13.30 Jón Sigurðsson, fyrrv. bifreiðaeft-
irlitsmaður, Austurvegi 31, Sel-
fossi, verður jarðsunginn frá Sel-
fosskirkju.
14.00 Ólöf Björnsdóttir, Garðvangi,
Garði, áður Hringbraut 67, Kefla-
vík, verður jarðsungin frá Keflavík-
urkirkju.
15.00 Jóhann Ásmundsson, safnstjóri
Minjasafns Egils Ólafssonar,
Hnjóti, Örlygshöfn, verður jarð-
sunginn frá Grafarvogskirkju.
ANDLÁT
Jóhann Oddsson, Hríseyjargötu 15, Ak-
ureyri, lést miðvikudaginn 5. janúar.
Ólafur Tryggvason, fyrrv. bóndi og org-
anisti, Ytra-Hvarfi, lést fimmtudaginn 6.
janúar.
Jón Ingvarsson, Silfurtúni, Búðardal, lést
sunnudaginn 9. janúar.
Ragnar Örn, Fellsmúla 11, Reykjavík,
lést þriðjudaginn 11. janúar.
Sveinn Cecil Jónsson, Ólafsfirði, lést
þriðjudaginn 11. janúar.
Jórunn Karlsdóttir, Brúarási 7, Reykja-
vík, lést þriðjudaginn 11. janúar.
JÓN REYKDAL Íslendingar eru öfgafólk.
FR
ÉT
TA
B
LA
Ð
IÐ
/V
IL
H
EL
M