Fréttablaðið - 04.11.2005, Síða 25

4. nóvember 2005 FÖSTUDAGUR24
UMRÆÐAN
PRÓFKJÖR SJÁLF-
STÆÐISFLOKKSINS
STEINN KÁRASON
Umhverfismál snúast fyrst
og fremst um gæðastjórnun.
Ef þessi mál eru tekin skyn-
samlegum tökum næst efna-
hagslegur, umhverfislegur og
samfélagslegur ávinningur.
Allir græða.
Prófkjör Sjálfstæðisflokksins í
Reykjavík sem hefst í dag er eitt
hið mikilvægasta sem lengi hefur
verið haldið. Lykillinn að sterkum
lista er að frambjóðendur hafi sem
fjölbreyttasta reynslu og víða skír-
skotun því mikilvægt er að hann
endurspegli reykvískt samfélag
sem allra best. Ungir sem aldnir,
fjölskyldufólk og einhleypir, konur
og karlar, ólíkir þjóðfélagshópar
og atvinnugreinar þurfa að finna
samhljóm með þeim frambjóð-
endum sem valdir verða á listann.
Slíkur listi mun sigra í borgar-
stjórnarkosningum næsta vor.
Val og frelsi
Reykjavík er stórkostleg borg
og í henni býr kraftur sem þarf
að virkja með valmöguleikum og
auknu frelsi. Reykjavík á að vera
leiðandi á öllum sviðum og taka
frumkvæði í helstu málum á sveit-
arstjórnarstigi.
Sérstök þörf er á að taka á mál-
efnum aldraðra. Þau á að flytja
frá heilbrigðisráðuneytinu til
félagsmálaráðuneytisins enda er
um félagsmál að ræða. Þjónusta
við aldraða byggist á nánd og á að
vera á sveitarstjórnarstigi.
Auka þarf valmöguleika for-
eldra með ung börn með því að
efla dagvistarþjónustu og auka
val þeirra. Í Reykjavík eru góðir
skólar með frábærum kennurum
en það þarf að gera enn betur og
skapa rúm fyrir fjölbreytileika
svo að einstaklingurinn njóti sín
sem best. Lifandi menning á að
blómstra í Reykjavík og blómleg
listsköpun að bera hróður borgar-
innar sem víðast.
Það þarf að gera stórátak í
skipulagsmálum og taka sérstak-
lega á lóðamálum og samgöngu-
málum. Það á að vera rúm fyrir
einkabílinn í borginni auk þess að
almenningssamgöngur og hjól-
reiðar eiga að vera raunverulegur
valkostur. Vandamálið í skipulags-
málum er einfaldlega að ákvarð-
anir hafa ekki verið teknar um
þau mál sem á brenna. Leiðarljós
Reykjavíkurborgar á að vera að
einkarekstur sé almennt farsælli
en opinber rekstur. Það á að nýta
fyrirtæki borgarinnar til að annast
þjónustuþætti hennar.
Fjölbreytt reynsla í fyrirrúmi
Í dag og á morgun er hátíð í bæ
er sjálfstæðisfólk fjölmennir á
kjörstað og sýnir styrk sinn í próf-
kjörskosningu. Það verður nýtt
upphaf að betri borg þegar við
veljum lista frambjóðenda með
fjölbreytta reynslu til að leiða
Reykjavík inn í nýja tíma.
Höfundur er lögfræðingur og
býður sig fram í 2. sæti í prófkjöri
Sjálfstæðisflokksins í Reykjavík.
Enn ætla ég að leggja orð í belg
um Fréttablaðið, jafnvel þó það
gangi nærri að æra óstöðugan.
Sigurjón M. Egilsson, fréttastjóri
blaðsins, sendi mér eina eiturpill-
una enn á miðvikudag. Ég læt mér
það í léttu rúmi liggja en hann
segir að samtal okkar á útmán-
uðum 2003 um bókanir Baugs á
ritstjórn Fréttablaðsins sé hugar-
burður og ímyndanir. Gott og vel.
Að vísu er minni fréttastjórans
afar brigðult því hann man ekki
langan fund okkar vorið 2004. En
samt, gott og vel.
Fréttastjórinn ber sig illa. Ég
fari fram eingöngu með hugar-
burð og ímyndanir. Lengra nái
málið ekki. En er svo?
Í þrjú ár hefur Fréttablaðið
haldið því fram að Davíð Odds-
son hafi staðið á bak við pólit-
ískt samsæri gegn Baugi. Þetta
er í anda dæmalausra ummæla
Jóns Ásgeirs Jóhannessonar um
að Davíð Oddsson hafi hringt í
einkavin sinn Jón Steinar Gunn-
laugsson sem hafi haft upp á Jóni
Geraldi Sullenberger til þess að
kæra Baug af óvild einni saman!
Hefur blaðið lagt fram haldbær-
ar sannanir um ásakanir sínar
og eiganda síns? Svarið er nei,
alls engar. Samt höfum við orðið
vitni að einum mestu ofsóknum
Íslandssögunnar í anda Þjóðvilj-
ans sáluga. Persónuofsóknir og
níð á hendur einstaklingi ¿ og
mönnum honum tengdum.
Á útmánuðum 2003 lagði blað-
ið fram bókun í stjórn Baugs um
umræður á Alþingi. Þetta átti
að renna stoðum undir ásakanir
um pólitísk afskipti ásamt stað-
hæfingu af einkafundi í Lund-
únum um að nafn Jóns Geralds
hafi borið á góma! Bókun í stjórn
Baugs átti að renna stoðum undir
pólitískt samsæri! Satt best væri
þetta broslegt, ef málið væri ekki
svo alvarlegt.
Hitt atriðið sem Fréttablaðið
hefur er að Styrmir Gunnarsson,
ritstjóri Morgunblaðsins, benti
Jóni Gerald Sullenberger á lög-
menn á sama tíma og maðurinn
var hundeltur af Baugi í Amer-
íku; með spæjara og her lögfræð-
inga á hælunum! Einn þessara
lögmanna var Jón Steinar Gunn-
laugsson. Ég hefði gert það sama
í sporum Styrmis. Ég hefði reynt
að koma til hjálpar manni sem
hundeltur var af stærsta auð-
hring landsins.
Fréttastjórinn talar um hugar-
burð og ímyndanir! Hefur mað-
urinn enga sómakennd?
Af hugarburði og ímyndun
Fyrir fjórum árum var ég í meist-
aranámi við Álaborgarháskóla í
Danmörku og vann þá meðal ann-
arra verkefna, rannsóknarverk-
efni sem var úttekt á umhverfis-
stefnu Álaborgar.
Borgaryfirvöld í Álaborg settu
sér það markmið að gera borgina
að umhverfisvænstu borg Evr-
ópu í upphafi 21. aldar.
Sem skref að þessu marki,
bauð Álaborg til og var gestgjafi
fyrstu „Evrópuráðstefnunnar
um sjálfbærar borgir og bæi“
árið 1994, þar sem yfir 600 þátt-
takendur undirrituðu sáttmála
evrópskra borga og bæja um
sjálfbæra þróun, svokallaðan
Álaborgarsáttmála.
Um margra ára skeið hafa
borgarfirvöld í Álaborg átt góða
samvinnu við almenning og fyr-
irtæki um markmiðssetningu
og aðgerðir sem leiða til sjálf-
bærra lausna á fjölda viðfangs-
efna. Öll verkefni og áætlanir á
vegum borgarinnar verða að fara
í umhverfismat og borgarráð
Álaborgar útbýr jafnan fjárhags-
áætlun í samræmi við umhverfis-
stefnu sína.
Borgarráð Álaborgar leggur
þunga áherslu á að fjárhagsáætl-
unin sé í samræmi við aðgerða-
áætlun og að unnt sé að mæla,
vega og meta þann árangur sem
stefnt er að. Ásamt þessu er
unnið grænt bókhald til að unnt
sé að mæla orku og auðlindanotn-
un og þar með spara og draga
úr mengun. Á þennan hátt setja
bæði íbúarnir og þeir sem um
stjórnvölinn halda, fingurinn á
púlsinn, til að fylgjast með fjár-
streymi og framgangi aðgerða til
umhverfisbóta.
Einnig er leitað leiða til að
endurskapa og viðhalda náttúru-
legum svæðum og einkennum
þeirra, en skapa jafnframt nægj-
anlegt rými fyrir íbúabyggð,
vegi, iðnað og landbúnað innan
borgarmarkanna.
Stóru viðfangsefnin hjá borg-
aryfirvöldum í Álaborg snúast
um að tryggja gæði neysluvatns
og að frárennslismál- og sorpmál
séu í góðu lagi. Brýn úrlausnar-
efni bíða einnig á sviði umferð-
armála sem tengist að sjálfsögðu
loftmengun. Mikill flöskuháls
myndast í umferðinni m.a. vegna
umferðar yfir og undir Lima-
fjörð, en ein jarðgöng og ein
brú anna vart umferðarþunga á
álagstímum. Úrbætur í þessum
efnum voru í bígerð þegar rann-
sókn minni lauk.
Álaborgarar hafa unnið vel
að umhverfismálum sínum í
meira en áratug og hefur orðið
býsna vel ágengt að mínu mati.
Við Reykvíkingar ættum að nýta
okkur það sem þeir hafa gert vel.
Verndarsvæði vatnsbóla hefur
verið stækkað og betur varið
fyrir aðsteðjandi mengun. Vel er
staðið að hreinsun á frárennsl-
isvatni. Sorpflokkun er í góðu
horfi. Umferð gengur greiðlega
fyrir sig. Gróður umvefur göngu-
stígakerfið sem er fyrsta flokks.
Aðstaða til útivistar, ræktunar-
starfs og útitónleika er góð.
En hver er staða Reykjavíkur?
Furðu vekur hve skammt á veg
umhverfimál eru komin í Reykja-
vík miðað við það sem best ger-
ist annars staðar. Að mínu mati
stendur Reykjavík Álaborg langt
að baki á þessu sviði. Það sem er
mest áberandi er vanþróað sam-
göngukerfi í Reykjavík, þ.m.t.
göngu- og hjólreiðastígar. Afar
brýnt er að huga betur að vatns-
verndarmálum. Hreint og heil-
næmt vatn er undirstaða alls heil-
brigðis. Frárennslismálum þarf
einnig að sinna betur. Sorpflokk-
un og endurvinnsla í Reykjvík er
afskaplega ótrúverðug fyrir íbúa
og fyrirtæki og í raun á frum-
stigi. Sundurlaus vinstri öflin
hafa sofið á verðinum í umhverf-
ismálum. Mál er að linni.
Allra brýnasta verkefnið á
þessu sviði er þess vegna að
samþætta umhverfissjónarmið
í heildarstefnumótun og rekstur
Reykjavíkurborgar. Þörf er á auk-
inni fræðslu og almennri þáttöku
starfsmanna og íbúa borgarinnar
í umbótastarfi. Móta þarf stefnu
sem sífellt á að endurskoða og
bæta. Gera betur í dag en í gær.
Umhverfismál snúast fyrst
og fremst um gæðastjórnun. Ef
þessi mál eru tekin skynsamleg-
um tökum næst efnahagslegur,
umhverfislegur og samfélags-
legur ávinningur. Allir græða. Á
þessum nótum vil ég vinna.
Höfundur er garðyrkju-, við-
skipta- og umhverfisstjórnunar-
fræðingur og starfar sem háskóla-
kennari og ráðgjafi. Hann gefur
kost á sér í 5. sæti á framboðs-
lista Sjálfstæðisflokksins í kom-
andi prófkjöri.
Allir græða á vistvænni borg
Sterkur listi þarf breiða skírskotun
Landspítalinn þótti af mörgum of
stór þegar hann var byggður um
1930. Nú sækja menn með spítal-
ann í suðurátt til flugvallarins enda
vilja allir sem stækka vilja við sig
og byggja meira, fara inn á miðjan
flugvöllinn. Þar virðist vera nóg
pláss. Byggja þar.
Höfundur þessarar greinar vill að
umráðasvæði Landspítalans stækki
í norður jafnvel alla leið að Sund-
höllinni. Núna er talað um að selja
Heilsugæslustöð Reykjavíkur sem
er norðan Landspítalans og hentar
LSH vel.
Þarna eru þrjár götur norðan Land-
spítalans. Þessar götur eru Leifs-
gata og Egilsgata og Eiríksgata.
Þær ætti að kaupa upp og sameina
lóð Landspítalans. Alltaf er verið
að tala um að sjúkrahótel vanti.
Fólk gæti farið fyrr af Landspítala
ef pláss væri nóg meðan fólk jafn-
aði sig örlítið. Fólk getur ekki farið
beint út á götuna ef það býr eitt
í íbúð. Landspítalinn myndi hafa
fleiri sjúkrarúm ef hann gæti strax
flutt sjúklinga í næsta hús ef aðeins
þarf að líta til þeirra reglulega.
Þessi umræða er ekki um öll þessi
nýju áform um að brjóta upp götur,
byggja á flugvelli o.s.frv.
Svo er það hræðilegur hlutur að
selja og rífa Heilsugæslustöðina
eins og gera á. Þetta er fallegt hús.
Setur svip á bæinn. Þetta er hús
sem og myndi passa Landspítala vel
fyrir ýmsa starfsemi. Nota húsið.
Húsin við Eiríksgötu, Leifsgötu og
Egilsgötu norðan hafa næg verk-
efni, henta t.d. sem bílageymslur
sem vantar alveg og myndu líklega
tvöfalda afköst Landspítalans sem
sjúkragistihúss. Ekki selja og rífa
Heilsuverndarstöðina. Nota hana.
Höfundur er hæstaréttarlög-
maður.
Heilsuverndarstöðina áfram
LÚÐVÍK GIZURARSON
HEILSUVERNDARSTÖÐIN VIÐ BARÓNSSTÍG
UMRÆÐAN
PRÓFKJÖR SJÁLF-
STÆÐISFLOKKSINS
JÚLÍUS VÍFILL INGVARSSON
Lykillinn að sterkum lista er
að frambjóðendur hafi sem
fjölbreyttasta reynslu og víða
skírskotun því mikilvægt er
að hann endurspegli reykvískt
samfélag sem allra best.
UMRÆÐAN
BAUGUR OG
FRÉTTABLAÐIÐ
HALLUR HALLSSON
FRÉTTAMAÐUR
Ég hefði gert það sama í
sporum Styrmis. Ég hefði reynt
að koma til hjálpar manni
sem hundeltur var af stærsta
auðhring landsins.
60%
Þú nærð til rúmlega helmingi fleiri
Íslendinga á aldrinum 20–40 ára með því að
auglýsa í atvinnublaði Fréttablaðsins frekar
en atvinnublaði Morgunblaðsins.
AUGLÝSTU
EFTIR STARFSFÓLKI
Á RÉTTUM STAÐ
Lestur sunnudaga*
37%
*20–40 ára Íslendingar. Gallup júní 2005.
Á sunnudögum fylgja bæði Morgunblaðinu og Fréttablaðinu
sérblöð inni í aðalblöðunum sem fjalla um atvinnumál.
Rúmlega 60% 20–40 ára Íslendinga fletta ekki sunnudags-
blaði Morgunblaðsins. Láttu ekki fyrirtæki þitt verða af
góðum starfsmanni með því að auglýsa á röngum stað.