Fréttablaðið - 04.11.2005, Qupperneq 26

FÖSTUDAGUR 4. nóvember 2005 25
Rætt var um einokun og auðhringa
í Silfri Egils 23. október. Viðmæl-
endur Egils Helgasonar voru Ingi-
björg Sólrún Gísladóttir, formaður
Samfylkingarinnar, og Valgerður
Sverrisdóttir, iðnaðar- og viðskipta-
ráðherra. Var m.a. rætt um baráttu
Morgunblaðsins og Sjálfstæðis-
flokksins fyrir því, að sett verði lög
um auðhringa. Valgerður taldi að
nýsett lög um samkeppniseftirlit
nægðu og segja mætti, að þar væri
um að ræða lög gegn hringamynd-
un. Samkeppnisreglur EES tækju
einnig til Íslands. Ingibjörg Sólrún
sagði, að nýsett lög um samkeppn-
iseftirlit væru veikari en eldri
lög um samkeppnisstofun. Stjórn-
armeirihluti Sjálfstæðisflokks og
Framsóknar hefði veikt lögin á
alþingi. Samfylkingin hefði verið
andvíg því að veikja lögin. Það
væri því alrangt sem haldið væri
fram í Morgunblaðinu, að það stæði
á Samfylkingunni í þessu efni.
Fram kom í þætti Egils að nefnd-
in sem samdi álit og frumvarp um
samkeppniseftirlit hefði lagt fram
strangara lagafrumvarp heldur en
ráðherra og þingmeirihluti stjórn-
arinnar hefði viljað samþykkja.
Samfylkingin hefði viljað sam-
þykkja strangari útgáfuna.
Af framangreindu er ljóst að
Sjálfstæðisflokkurinn og Morgun-
blaðið eru á villigötum í málflutn-
ingi sínum um einokun og auð-
hringa. Talað er eins og það vanti
lög um þessi mál. En það er nýbúið
að setja lög um þetta efni. Í þess-
um lögum eru heimildir til þess
að breyta skipulagi fyrirtækja, ef
þau brjóta lög um samkeppnismál.
Það eru nægar heimildir í lögunum
um aðgerðir gegn fyrirtækjum, ef
þau gerast sek um skaðlegar sam-
keppnishömlur. Hins vegar verða
menn að gera sér ljóst að það er
ekki bannað að reka stór fyrirtæki
ef þau fara að settum reglum.
Það kom skýrt fram í Silfri
Egils að Framsókn vill ekki setja
strangari lög um samkeppnismál
en þegar hafa verið sett. Framsókn
vill heldur ekki strangari lög um
eignarhald á fjölmiðlum en sátt
náðist um milli allra flokka í fjöl-
miðlanefndinni. Svo virðist því,
sem forysta Sjálfstæðisflokks-
ins og fyrrverandi formaður tali
fyrir daufum eyrum þegar krafist
er strangari ákvæða um einokun,
auðhringa og fjölmiðla. Raunar er
krafa forustu Sjálfstæðisflokks-
ins undarleg þegar haft er í huga,
að nýlega er búið að setja lög um
samkeppniseftirlit. Sjálfstæðis-
flokkurinn átti fulla aðild að þeirri
lagasetningu og flutti engar tillög-
ur um að ganga lengra en gert var.
Svo virðist því sem „krafa“ forustu
Sjálfstæðisflokksins nú um lög
gegn hringamyndun sé sett fram
til málamynda,sennilega til þess
að þóknast fyrrverandi formanni
flokksins.
AF NETINU
Einokun og auðhringar
UMRÆÐAN
SAMKEPPNIS-
HÖMLUR
BJÖRGVIN GUÐMUNDSSON
Af framangreindu er ljóst
að Sjálfstæðisflokkurinn
og Morgunblaðið eru á
villigötum í málflutningi
sínum um einokun og
auðhringa.
Geir styður Vilhjálm Þ.
Geir [Haarde] formaður [Sjálfstæðis-
flokksins] hefur nú látið þau boð út ganga
um flokkinn að hann styðji Vilhjálm Þ.
Vilhjálmsson í prófkjörinu í Reykjavík.
Á Gíslavæng raða sér hinsvegar Davíðs-
menn hver af öðrum, og því er tekist á
um meira en fyrsta sætið á D-listanum
í sveitarstjórnarkosningum í Reykjavík-
urhreppi 2006: Sjálf forysta flokksins er
undir. Sigur Vilhjálms festir Geir í sessi
sem formann en vinni Gísli er hætt við að
sú skoðun styrkist enn innan flokksins og
utan að Geir sé millibilsformaður þangað
til gardinn kringum Davíð hefur valið sér
foringja úr næstu kynslóð á eftir.
Mörður Árnason á mordur.is
Bleikt og blátt
Það virðist hafa verið ákveðið að krydda
Bleikt og blátt aðeins á ný og fólk er
þegar byrjað að amast við því. Löggan
er farin að skoða blaðið. Það hljómar
dálítið eins og í gamla daga. Í flestum
bókabúðum landsins eru til sölu erlend
tímarit með myndum af fólki í samför-
um. Þó að fæstir viðurkenni að þeir hafi
áhuga á slíku efni þá selst það gríðarlega
mikið (í öðru formi, a.m.k., ég veist svo
sem ekki hvort þessi tilteknu blöð seljast
mikið). Staðreyndin er sú að til er mikið
af konum og körlum sem hafa ánægju
af að horfa á myndir af meðbræðrum
sínum við kynferðislegar aðstæður. Í
slíku myndefni er í seinni tíð ekki lögð
minni áhersla á útmálun karllíkamans
en kvenlíkamans. Gamalkunnugur mál-
flutningur um hlutgervingu konunnar
og skort á virðingu fyrir henni með slíku
efni er nokkuð mikil einföldun. Og þó er
málið ósköp einfalt: fólk með eðlilega
náttúru laðast að þessu efni, náttúru
sinnar vegna en ekki til þess að kúga og
niðurlægja konur.
Ágúst Borgþór Sverrisson á agust-
borgthor.blogspot.com
Dæmigerð vitleysisumræða
Dæmigerð vitleysisumræða hefur farið
fram í fréttatímum undanfarin kvöld. Það
hefur nefnilega „heyrst af fyrirtækjum
sem ætla ekki að greiða þeim konum full
laun sem tóku sér frí úr vinnu á kvenna-
frídaginn“. Formaður Verslunarmanna-
félags Reykjavíkur hefur meira að segja
verið í fréttum og talið það vera siðferð-
islega skyldu fyrirtækjanna að borga
starfsfólkinu fyrir að leggja niður störf og
fara í bæinn - og geta menn velt fyrir sér
hvort aðrar kröfugerðir sem félagið gerir
undir hans formennsku eru byggðar á
svipuðum rökum. Hvernig er hægt að
telja það sérstakt réttindamál að fá greitt
fyrir það að leggja niður störf? Segjum
nú til gamans að bæjarferð kvennanna
hafi verið eðlileg og rökræn aðgerð,
rökstudd með staðreyndum en ekki
upphrópunum ímyndun og tilfinningu;
að málstaðurinn hafi einfaldlega verið
góður. En hverju myndi það breyta? Geta
menn tekið sér launuð frí að vild til þess
að fara á fundi um hugðarefni sín, bara
ef þau eru nógu góð?
Vefþjóðviljinn á andriki.is
Hvað á maður að gera?
Nú lifum við í stanslausum fréttaflutningi
af fuglaflensu; það er vetur sem kemur
snemma og er óvenju kaldur; manni er
sagt að flensan geti komið fljótlega, eftir
nokkur ár, kannski alls ekki. Þetta á að
vera mesta heilsufarsógn sem steðjar
að mannkyninu. Hvað á maður að gera
þegar svona vofir yfir? Getur maður treyst
því að yfirvöldin hugsi fyrir manni, að
læknisþjónusta og annað bregðist ekki?
Egill Helgason á visir.is