Fréttablaðið - 04.11.2005, Page 34

FÖSTUDAGUR 4. nóvember 2005 5
Ávexti á að geyma á köldum stað,
þá haldast þeir ferskir lengur.
Vissir ávextir eins og bananar og
mangó skemmast þó er þeir eru
geymdir á of köldum stað. Þegar
ávextir eru þroskaður bragðast
þeir best. Óþroskað-
ir ávextir geta verið
súrir, grænir og harð-
ir á meðan þroskaðir
ávextir eru fallegir á
litinn, sætir og safa-
ríkir. Ávextir þroskast
meðal annars fyrir til-
stilli lífræna efnasam-
bandsins etýls. Þegar
ávextir eru geymdir
á köldum stað hægir
á framleiðslu þess og
hægir þess vegna á
þroskanum.
Nokkrir ávextir
gefa frá sér það mikið
af etýli að það getur
haft slæm áhrif á aðrar
tegundir af ávöxtum
eða grænmeti. Etýl-
ið frá eplum getur til
dæmis haft þau áhrif á
tómata að þeir þroskist
of hratt. Einnig getur
það haft þau áhrif á
gulrætur að þær verða
beiskar.
Grænmeti geymist
best í pappírspokum
eða plastíláti. Raki getur auð-
veldlega myndast í bökkum sem
maður kaupir með til dæmis
sveppum eða paprikum. Rakt
grænmeti rotnar fljótt og mygl-
ar og þess vegna er best að opna
slíkar pakkningar strax eða gera
gat á umbúðinar. Plastfilman á
bökkunum hefur þó þann kost að
hún kemur í veg fyrir að græn-
metið þorni.
Athuga ber að það eru alltaf
bakteríur á yfirborði grænmetis.
Skítugt grænmeti á þess vegna
að geyma aðskilið frá öðrum
fæðutegundum. Eins og ávextir
er grænmeti vitaskuld bragð-
best þroskað. Birta flýtir fyrir
þroska grænmetis og því getur
verið gott að geyma óþroskað
grænmeti á björtum stað, vilji
maður flýta fyrir þroska þess.
Kartöflur á hins vegar að geyma
á dimmum stað, þær skemmast
ef þær eru geymdar á björtum
stað. Grænmeti geymist best
og lengst á köldum stað, ísskáp-
urinn er góður geymslustaður
en köld geymsla kemur einnig
sterklega til greina.
Geymsla á græn-
meti og ávöxtum
Geymsluþol grænmetis og ávaxta er mjög háð því hvernig það er
geymt. Ekki á sama geymsluaðferðin við allar tegundir. Almennt er
mælt með að maður kaupi ávexti og grænmeti eins ferskt og hægt er.
Nú getur almenningur á höfuð-
borgarsvæðinu fengið ávexti og
grænmeti sent heim á fimmtu-
dagskvöldum.
„Vöruúrvalið hjá okkur saman-
stendur af ávöxtum og græn-
meti, ávaxtabökkum, grænmet-
isbökkum, partýbökkum og svo
túnfisks-, rækju- og hummus-
salati. Við leggjum áherslu á
gæðavöru og til dæmis eru
rækjusalötin okkar með risa-
rækju að stórum hluta. Einnig
notum við kotasælu og sýrðan
rjóma en ekki majones í salötin,“
segir Haukur Magnússon, sem á
fyrirtækið Ávaxtabílinn ásamt
konu sinni Soffíu Marteins-
dóttur. Hann segir dreifinguna í
heimahús eingöngu fara fram á
fimmtudagskvöldum til að byrja
með og standa frá 18-22. „Við
getum ekki sagt til um hvenær
vörurnar berast á þessu tímabili,
þannig að einhverjar ráðstafarn-
ir þarf að gera ef viðskiptavinur
bregður sér af bæ,“ segir hann
og tekur fram að vörurnar þurfi
að vera búið að panta og greiða
á miðnætti á miðvikudegi. „Við
höfum reynt að hafa úrvalið af
ávöxtum og grænmeti sem mest
en þó verðum við að takmarka
það að einhverju leyti því annars
yrði pökkunin of tímafrek og
flókin. Við viljum gjarnan heyra
frá viðskiptavinum hvers þeir
sakna og reynum þá að bregðast
við því,“ segir Haukur. Þau hjón-
in hafa eins og hálfs árs reynslu
í að reka Ávaxtabílinn en hing-
að til hefur þjónustan eingöngu
snúist um fyrirtæki og stærri
pantanir. Brauðbíllinn er liður
í þeirri þjónustu. Hann fer í
fyrirtæki á föstudagsmorgnum
með nýbakaðar bollur, hollar
ávaxtakökur og salöt eftir pönt-
unum. Heimasíða fyrirtækis-
ins er www.avaxtabillinn.is og
hægt er að panta í símum 517-
0110, 821-4461 og 8200-864 eða
gegnum netfangið avaxtabill-
inn@avaxtabillinn.is.
Ávaxtabíllinn með
sendingar í heimahús
Sýnishorn af bökkunum sem Ávaxtabíllinn er með.
Sannarlega freistandi.
Ávextir bragðast best þroskaðir.