Fréttablaðið - 04.11.2005, Page 80

4. október 2005 FÖSTUDAGUR
TÓNLIST
[ UMSÖGN ]
Það verður bara að viðurkenn-
ast að maður verður nú ekki oft
var við góðar hljómsveitir frá
Danmörku. Kannski hefur tón-
list Aqua sokkið of djúpt ofan í
þjóðarvitundina og nær kálað
skapandi hugsun? En blessunar-
lega eru til nokkur dæmi þess að
framsækin tónlist sé að sækja í
sig veðrið þar, eins og við heyrð-
um greinilega á nýliðinni Airwa-
ves-hátíð.
Ein sveitin sem stendur upp
úr er Mew. Hún eru ekkert svo
ólík okkar eigin Ensími, nema
hvað hljómur hennar er kannski
örlítið skítugri og ekki jafn hlað-
inn hamrandi bjöguðum gítur-
um. Sem gefur söngnum meira
pláss í tónlistinni.
Sveitin vakti á sér athygli
fyrir tveimur árum með frum-
raun sem þótti vel yfir meðal-
lagi. Nú kemur fylgifiskur henn-
ar, And the Glass Handed Kites,
og sveitin á eflaust eftir að vaxa
meira eftir þessa útgáfu. Þessi
plata hljómar svolítið eins og
Ensími hefði ákveðið að gera ein-
hvers konar epíska rokkóperu,
þar sem öll lögin renna yfir í það
næsta. Mew er þó kannski með
frumlegri kaflaskiptingar og
taktpælingar. En þessar sveitir
eru alveg merkilega líkar. Í laga-
smíðum, útsetningum og radd-
beitingu söngvaranna.
Tónlist Mew rennur í gegn
eins og lest á miklum hraða í
gegnum flatt landslag. Mikið um
dreymandi raddanir og epískar
hljómborðslínur. Þetta er nánast
fullkomin tónlist til þess að hafa
í tækinu í bílnum, þegar maður
ekur yfir hundrað á milli kaup-
staða.
Liðsmenn Mew voru greini-
lega aldir upp við nýbylgjurokk
tíunda áratugarins, eins og
kristallast í því að gamla kemp-
an J Mascis úr Dinosaur Jr syng-
ur í tveimur lögum. Gaman að
heyra í honum aftur. Önnur plata
Mew er metnaðarfullt verk með
eindæmum en einsleit á köflum.
Getur þess vegna orðið frekar
erfitt að renna í gegn frá upphafi
til enda, án þess að þurfa að taka
sér smá tepásu.
Engu að síður hljóta það að
teljast gleðitíðindi að ungir
Danir séu byrjaðir að taka tón-
list alvarlega. Það eru greinilega
ekki bara pylsur og bjórkútar í
Danmörku eftir allt saman.
Mew bjargar
Danmörku
MEW: AND THE GLASS HANDED KITES
NIÐURSTAÐA: Önnur plata Mew er nægi-
lega sterk til þess að halda þeim áhuga
sem þeir lokkuðu að sér með frumraun
sinni. Sönnun þess að það er ekki allt of
ligeglad og halló í Danmörku.
Sjötta hljóðversplata tónlistar-
mannsins og ólátabelgsins Robbie
Williams er komin út. Platan nefn-
ist Intensive Care, Gjörgæsla, og
er hans fyrsta síðan Escapology
kom út fyrir þremur árum.
„Hvað textagerðina varðar
er þetta besta platan sem ég hef
gert,“ segir Robbie. „Samt segi
ég það í hvert sinn sem ég gef út
plötu en ég held ég meini það í
þetta sinn. Ég er að minnsta kosti
mjög ánægður með hana. Platan
hefur gefið mér nýja sýn á fram-
tíðina.“
Robbie Williams hefur náð 21
lagi á topp tíu smáskífulistans í
Bretlandi. Alls hefur Robbie selt
yfir 35 milljónir platna í heimin-
um og hefur líklega aldrei verið
vinsælli.
Intensive Care hefur að geyma
tólf ný lög, þar á meðal smáskífu-
lagið Trippin. Með plötunni fylgir
DVD-mynddiskur með heimildar-
mynd um gerð hennar og mynd-
band við lagið Make Me Pure.
Bestu
textarnir
ROBBIE WILLIAMS Tónlistarmaðurinn
Robbie Williams gefur út sína sjöttu hljóð-
versplötu.