Fréttablaðið - 04.11.2005, Side 92

FÖSTUDAGUR 4. nóvember 2005 51
KÖRFUBOLTI Ítalska liðið Ribera
vann auðveldan sigur á Hauk-
astúlkum í Evrópukeppni kvenna
í gær en gestirnir skoruðu fyrstu
þrettán stig leiksins og og var
strax ljóst í hvað stefndi. Hauka-
liðið virkaði stressað og agaleysi
varð þeim að falli í skelfilegum
fyrri hálfleik þar sem þær skor-
uðu aðeins sautján stig. ,,Það má
heldur betur segja að við höfum
mætt ofjörlum okkar hér í kvöld“
sagði Ágúst Björgvinsson, þjálfari
Hauka, eftir leikinn. ,,Við vorum
ekki nálægt því að spila okkar
leik og við byrjuðum mjög illa og
mætum hálf sofandi til leiks. Við
tókum okkur aðeins á í seinni hálf-
leik og héldum þessu í 40 stigum
og þeim undir 90 stigum.“ Helena
Sverrisdóttir fyrirliði dró vagninn
í sóknarleik Hauka en hún skoraði
sautján stig og var langbesti leik-
maður Hauka í leiknum. Ágúst var
ekki ýkja sáttur við leik Hauka en
játti því að leikurinn færi beint
í ört stækkandi reynslubanka
Haukanna. ,,Jú að sjálfsögðu. Við
megum ekki vera of svartsýn held-
ur bara horfa fram á veginn. Fram-
haldið er spennandi, við förum til
Spánar næst og mætum sterku liði
Caja Canarias en við erum bjart-
sýn á að ná góðum úrslitum þar.“
Sandro Orlando, þjálfari Ribeira,
var ánægður með sitt lið sem
hann segir miklu sterkara en lið
Hauka: ,,Ég er mjög ánægður með
sigurinn. Haukar eru með ungt og
efnilegt lið en það er greinilegt að
ég er með miklu sterkara lið. Við
tókum fast á þeim og sigurinn var
á endanum mjög auðveldur.“
hjalti@frettabladid.is
Haukar biðu lægri hlut í Evrópukeppninni í gær:
Ribeira klassa ofar en Haukar
KOMDU MEÐ BOLTANN! Kesha Tardy hjá Haukum sést hér kljást um boltann við einn
leikmanna Ribeira. FRÉTTABLAÐIÐ/E.ÓL