Fréttablaðið - 30.11.2005, Blaðsíða 6

6 30. nóvember 2005 MIÐVIKUDAGUR
Fundarstjóri verður Sigurður Brynjólfsson,
forseti verkfræðideildar.
Allir velkomnir.
Stjórn VHÍ
Dagskrá:
16:00 Setning.
Valgerður Sverrisdóttir, iðnaðarráðherra.
16:10 Verkfræðileg nálgun við banka.
Sigurjón Þ. Árnason, bankastjóri Landsbanka Íslands.
16:30 Súrefnisrannsóknir og sprotafyrirtæki.
Samstarf verkfræðinga og lækna í lífverkfræði.
Einar Stefánsson, Landspítali – Háskólasjúkrahús.
16:50 Viðurkenning fyrir framlag til verkfræðirannsókna
á Íslandi.
Magnús Þór Jónsson, formaður stjórnar VHÍ.
16:55 Viðurkenningar fyrir framúrskarandi verkefni í
framhaldsnámi við verkfræðideild.
Agnar Már Jónsson, forstjóri Opinna kerfa ehf.
17:00 Ársskýrsla Verkfræðistofnunar HÍ.
Magnús Þór Jónsson, formaður stjórnar VHÍ.
17:10 Léttar veitingar og spjall.
Ársfundur Verkfræðistofnunar Háskóla Íslands
verður haldinn í Öskju, Sturlugötu 7, miðvikudaginn
30. nóvember, frá kl. 16:00–18:00.
ÁRSFUNDUR
F
í
t
o
n
/
S
Í
A

F
I
0
1
5
3
7
0
KJÖRKASSINN
Á að leggja niður Íbúðarlána-
sjóð?
Já 15,3%
Nei 84,7%
SPURNING DAGSINS Í DAG:
Á ríkið að jafna rafmagnskosnað
fyrirtækja eftir landshlutum?
Segðu þína skoðun á visir.is
DANMÖRK Tveir Pólverjar hafa verið
úrskurðaðir í einangrunarvist fram
á Þorláksmessu vegna morðsins á
ungum Gambíumanni sem fannst
látinn á hótelherbergi í Kaupmanna-
höfn í fyrradag.
Tvær pólskar konur voru einnig
úrskurðaðar í varðhald en Pólverj-
arnir eru allir sagðir hafa verið á
hótelinu á sama tíma og morðið var
framið.
Sá myrti hafði dvalið á hótelinu
um nokkurt skeið. Vitni heyrðu
mikinn hávaða frá herbergi hans
nokkrum tímum áður en hann fann-
st látinn. Hann var með mikla áver-
ka á höfði eftir hníf. Þá hafði verðið
sparkað í höfuð hans og háls. ■
Hótelmorðið í Danmörku:
Fjórir Pólverjar
í gæsluvarðhald
DÓMSMÁL Tekist var á um mörkin
milli tjáningarfrelsis og friðhelgi
einkalífsins í Héraðsdómi Reykja-
víkur í gær. Til aðalmeðferðar var
mál Jónínu Benediktsdóttur gegn
Kára Jónassyni, ritstjóra Frétta-
blaðsins, vegna birtingar blaðsins
á efni sem byggt var á tölvupóstum
sem Jónína hafði sent. Bæði tján-
ingarfrelsið og friðhelgi einkalífs-
ins eru stjórnarskrárbundin rétt-
indi borgara þessa lands.
Í málflutningi Hróbjarts Jón-
atanssonar, lögmanns Jónínu, rök-
studdi hann að réttlætanlegt væri
að setja tjáningarfrelsinu skorður
og vitnaði í stjórnarskrána þar
sem segir að tjáningarfrelsinu
megi setja skorður til þess að
vernda allsherjarreglu og ríkis-
öryggi ásamt því að vernda heilsu
fólks, siðgæði og mannorð. Jónína
sagði í vitnastúku gróflega hafa
verið brotið á friðhelgi einkalífs
síns með fréttaflutningi byggðum
á tölvubréfunum umræddu.
Hróbjartur krefst refsingar
yfir Kára, fyrir hönd Jónínu, á
þeim forsendum að ritstjóri sé
ábyrgur fyrir því efni sem ekki er
skilmerkilega auðkennt með höf-
undarnafni. Skýrar heimildir séu
fyrir því að refsa mönnum fyrir
að hnýsast í það sem þeim kemur
ekki við án nægilegrar ástæðu.
Jón Magnússon, verjandi Kára
Jónassonar, benti á að staðfest-
ingar á innihaldi tölvubréfanna
hefði verið leitað hjá þeim sem
nafngreindir voru, áður en frétt-
ir voru fluttar af málinu. Ein-
ungis það sem taldist fréttnæmt
í innihaldi tölvubréfanna hefði
verið birt, en aðrar upplýsingar
sem hefðu varðað einkahagi fólks
hefðu verið látnar kyrrar.
„Það er umhugsunarefni,
virðulegur dómur, hvort hægt er
að halda því fram að hér sé um
bréf stefnanda að ræða,“ sagði
Jón meðal annars í málflutningi
sínum og benti á að ekki væri aug-
ljóst hvort sendandi eða viðtak-
andi ætti bréfin.
Jónína Benediktsdóttir full-
yrti í vitnastúku að Fréttablaðið
hefði hlíft eigendum sínum með
því að vitna ekki í tölvupóst sem
Jón Ásgeir Jóhannesson, forstjóri
Baugs, ku hafa sent Jóni Gerald
Sullenberger. Hvorki Kári Jón-
asson né Sigurjón M. Egilsson,
fréttaritstjóri Fréttablaðsins,
könnuðust við að þetta tölvubréf
hefði tilheyrt þeim gögnum sem
tekist er á um. Jónína neitaði að tjá
sig um innihald þessa tölvubréfs í
vitnastúku og kröfu Jón Magnús-
sonar um að þetta tölvubréf yrði
lagt fyrir dóminn var hafnað af
Hróbjarti og Jónínu.
„Hvað voru bréf frá Jóni
Ásgeiri til Jóns Geralds að gera
í pósthólfi Jónínu Benediktsdótt-
ur?“ spyr Jón Magnússon. „Ég
sá aldrei þetta bréf. Það er með
ólíkindum að einungis Jónína viti
um þetta bréf. Því var augljóslega
hafnað að leggja fram þetta bréf
vegna þess að bréfið er ekki til.
Þetta er della,“ bætir Jón Magn-
ússon við.
Málið var lagt í dóm og er
úrskurðar að vænta fljótlega á
nýju ári.
saj@frettabladid.is
Tekist á um frelsi til
tjáningar og einkalífs
Lögmaður Jónínu Benediktsdóttir, telur réttlætanlegt að setja tjáningarfrelsinu
skorður til að vernda friðhelgi einkalífsins. Lögmaður Fréttablaðsins vísar til
tjáningarfrelsis og upplýsingahlutverks fjölmiðla í máli Jónínu gegn blaðinu.
JÓNÍNA BENEDIKTSDÓTTIR OG HRÓBJARTUR JÓNATANSSON Jónína
neitaði að upplýsa um innihald tölvubréfs frá Jóni Ásgeiri Jóhannes-
syni til Jóns Geralds Sullenberger í dómnum. FRÉTTABLAÐIÐ/HEIÐA
JÓN MAGNÚSSON OG KÁRI JÓNASSON Kári sagðist ekki hafa séð
bréf frá Jóni Ásgeiri til Jóns Geralds meðal gagnanna. Jón Magnús-
son telur líklegast að bréfið sé ekki til. FRÉTTABLAÐIÐ/HEIÐA
STJÓRNMÁL „Ég hef tekið ákvörðun
um að fella reglugerðina úr gildi
strax og það verður greitt út eins
og áður var til áramóta,“ segir Jón
Kristjánsson heilbrigðisráðherra.
Hann ákvað í gær í kjölfar mikill-
ar andstöðu með þá ákvörðun að
skerða bótagreiðslur til öryrkja og
ellilífeyrisþega að fella reglugerð
þess efnis úr gildi og greiða áfram
bætur til þeirra sem samkvæmt
henni höfðu ekki fengið greiðslur
síðustu tvo mánuði ársins.
Áfram verður um skerðingu að
ræða hjá þeim sem nýtt hafa sér
að fullu bótarétt sinn. Það munu
vera um 80 einstaklingar en sú
skerðing verður aðeins 20 prósent
í stað þeirrar hundrað prósenta
skerðingar sem fyrirhuguð var
samkvæmt reglugerðinni.
Reglugerðin vakti hörð við-
brögð Landssambands eldri borg-
ara sem rituðu ráðherra bréf þar
sem skorað var á hann að draga
hana til baka, Jón segir mikil-
vægt að koma í veg fyrir að bætur
falli alfarið niður hjá hópi fólks
síðustu tvo mánuði ársins og þess
vegna hafi hann dregið hana til
baka. „Ég mun skipa í framhald-
inu vinnuhóp til að fara nánar
yfir framkvæmdina sem mun
ljúka störfum í lok janúar og þar
sem farið verður yfir mál þeirra
80 öryrkja sem fullnýtt hafa sér
bótaréttinn og hefðu orðið fyrir
skerðingu.“
- aöe
Reglugerð um skerðingu bótagreiðslna öryrkja og aldraðra felld úr gildi:
Allir fá bætur áfram út árið
DRÓ Í LAND Vegna mikilla mótmæla hefur
heilbrigðisráðherra fellt úr gildi reglugerð
um skerðingu bóta öryrkja og ellilífeyris-
þega.
ATVINNUMÁL „Fljótt á litið sýnist
mér að þriðja greinin í frumvarpi
ráðherrans sé til þess fallin að
brjóta í bága við frjálst flæði þjón-
ustu eins og samningurinn um
evrópska efnahagsvæðið kveður
á um,“ segir Eggert B. Ólafsson,
lögfræðingur og fyrrverandi yfir-
maður eftirlitsskrifstofu EFTA.
Þar á Eggert við frumvarp
það sem Árni Magnússon, félags-
málaráðherra, hefur lagt fram á
Alþingi um starfsmannaleigur en
um þær hafa engin lög gilt hing-
að til og er frumvarpinu ætlað að
bæta úr því.
Þriðja grein þess kveður á um
að sérhver starfsmannaleiga sem
veitir þjónustu hérlendis lengur
en tíu daga á ári skuli hafa sér-
stakan fulltrúa hér á landi. Þetta
segir Eggert þýða aukinn kostnað
fyrir starfsmannaleigurnar, geti
skapað verri starfsskilyrði og þar
með brotið ákvæði EES-samn-
ingsins sem kveður á um frjálst
flæði þjónustu. „Þetta er skilj-
anlegt ákvæði en að miða við tíu
daga er heldur gróft að mínu mati
og stenst vart ákvæðin um frjálst
flæði þjónustu.“ - aöe
Lögfræðingur telur alvarlega vankanta á frumvarpi um starfsmannaleigur:
Stenst varla EES-samninginn
VERKAMENN Á KÁRAHNJÚKUM Lengi hefur
þess verið beðið af mörgum að lög yrðu
sett á erlendar starfsmannaleigur eins og
þær sem hafa séð Impregilo fyrir vinnuafli
á Kárahnjúkum.