Fréttablaðið - 30.11.2005, Blaðsíða 14

30. nóvember 2005 MIÐVIKUDAGUR14
nær og fjær
„ORÐRÉTT“
Steingrímur Sigurjónsson,
byggingafræðingur, húsa-
smíðameistari og hópferða-
bílstjóri, leggur til að komið
verði á fót þjónustuskiptum
milli námsmanna utan af
landi og eldri borgara í
Reykjavík. Námsmennirnir
fái að búa hjá eldri borg-
urunum og annist í stað
innkaup og annað smálegt
auk þess að gæta þeirra og
híbýlanna.
„Eldra fólk á að fá að vera heima
hjá sér eins lengi og hægt er,“
segir Steingrímur Sigurjónsson
sem þekkir þjónustuskipti eldri
borgara og námsmanna af eigin
raun. Þegar hann var við nám í
Kaupmannahöfn árið 1972 bjó
hann hjá hinni þekktu leikkonu
Clöru Pontoppidan sem þá var
níræð. „Clara treysti mér fyrir
sínu lífi, sínum eigum og sínu
húsi. Slíkt traust er nauðsynlegt,“
segir Steingrímur. Clara auglýsti
eftir húshjálp og bauð í staðinn
húsnæði og Steingrímur, sem ein-
mitt var í húsnæðisleit þáði vist-
ina. Nú, 33 árum síðar, vill hann
innleiða slíkt þjónustuskiptakerfi
á Íslandi; eldri borgurum jafnt
sem auralitlum námsmönnum af
landsbyggðinni til hagsbóta.
Steingrímur sér fyrir sér að
gegn fríu húsnæði annist náms-
mennirnir innkaup og vinni létt-
ari verk. Að auki þurfi þeir að
gæta að líðan eldri borgarans og
passa upp á íbúð hans og aðrar
eigur. Kerfið sé tilvalið, ekki síst í
ljósi þess að margir eldri borgarar
eigi rúmgóðar íbúðir með lausum
herbergjum.
„Ég hef rætt þetta við Félags-
þjónustuna í Reykjavík og þar
var hugmyndinni tekið vel,“ segir
Steingrímur og bætir við að milli-
ganga sveitarfélaga sé forsenda
verkefnisins. „Það verður að
taka afstöðu til umsækjandans
og svo þyrfti að vera nefnd til að
skera úr um eða jafna ágreining.“
Steingrímur segir að helst þyr-
ftu námsmennirnir að vera með
hreint sakavottorð. Og sjálfur er
hann reiðubúinn að stýra verkinu
ef af verður. „Ég myndi gera það
ef ég yrði beðinn um það. Ég hef
náttúrulega góða reynslu síðan
í Danmörku hér um árið,“ segir
hann.
Bros færist yfir andlit Stein-
gríms þegar hann hugsar til Clöru
Pontoppidan og ársins góða í Höfn.
„Milli okkar var mjög gott sam-
band og henni fannst mikið öryggi
af mér. Í níræðisafmælinu sínu
kynnti hún mig meira að segja
sem varðhundinn sinn en það var
vegna þess að ég passaði húsið líka
að næturlagi.“ Steingrímur rifjar
upp að leikkonan aldna hafi grátið
þegar hann fluttist frá henni. Slík-
ir voru kærleikarnir.
Og byggingafræðingurinn,
húsasmíðameistarinn og hóp-
ferðabílstjórinn hugmyndaríki
þarf ekki að hugsa sig tvisvar um
þegar hann er spurður hvort hann
gæti hugsað sér að hafa námsmann
utan af landi á heimili sínu þegar
hann sjálfan tekur að reskjast.
„Engin spurning, ég myndi hýsa
ungling ef ég hefði til þess hús-
næði. Í því er fólgið mikið öryggi,
til dæmis ef ég myndi detta eða
eitthvað slíkt.“
bjorn@frettabladid.is
STEINGRÍMUR SIGURJÓNSSON Ætlar sjálfur að hýsa námsmann utan af landi þegar hann
kemst á efri ár, að því gefnu að hann hafi til þess húsnæði. „Í því er fólgið mikið öryggi, til
dæmis ef ég myndi detta eða eitthvað slíkt.“ FRÉTTABLAÐIÐ/HEIÐA
Námsmenn utan af landi annist
og gæti eldri borgara í Reykjavík
Sannkallaður klettur
„Sá steinn er vandfund-
inn sem af einlægni
stendur jafn fast og
örugglega og sjálfur
Hólmsteinninn.“
Friðbjörn Orri Ketilsson,
framkvæmdastjóri Frjálshyggju-
félagsins, í grein í Morgunblaðinu
um Hannes Hólmstein Gissurarson.
Ómerkilegur gaur
„Ég held að það hafi ekki
verið hugmynd hans að
finna hina einu réttu, alls
ekki.“
Aldís Búadóttir, móðir Írisar
Eddu Heimisdóttur sem tók þátt í
Íslenska Bachelornum en afþakkaði
rós. DV.
„Það eru helst bókasöfnin
sem hafa keypt bækur,
almenningur er ekki enn
farinn af stað,“ segir
Sigurður Friðriksson,
kaupmaður í Bókaversl-
un Stefáns Þórarinssonar
á Húsavík og býst ekki
við að fólk fari að kaupa
bækur að ráði fyrr en líða
tekur á desember.
Þó má sjá hvert stefnir. „Fólk
er spennt fyrir Íslandsatlasinum
þótt hann sé dýr,“ segir Sigurður.
Bókin kostar tæpar tuttugu
þúsund krónur en er
nú á tilboði. „Svo hefur
fólk áhuga á Auði Eir og
barnabókinni Hænur
eru hermikrákur,“ segir
hann.
Húsvíkingar eru í
takti við það sem gerist
í bóksölu annars staðar
því bókin um Auði Eir
og Íslandsatlasinn eru í
þriðja og fjórða sæti á metsölulista
Pennans og Hænur og hermikrák-
ur er í öðru sæti á barnabókalist-
anum, á eftir Harry Potter. ■
HÚSAVÍK Fallegt er um að litast í bænum við Skjálfanda. Bærinn er talinn draga nafn sitt af
þeirri staðreynd að Garðar Svavarsson reisti sér hús í víkinni forðum daga. FRÉTTABLAÐIÐ/GVA
Bóksalan í Bókaverslun Stefáns Þórarinssonar:
Fer rólega af stað
Meirihluti þátttakenda í nýlegri
skoðanakönnun á vef útvarpsstöðv-
arinnar Útvarps Sögu vill að Gústaf
A. Níelsson hefji störf á stöðinni á
nýjan leik. Spurt var: Vilt þú hafa
Gústaf Níelsson sem þáttastjórn-
anda áfram á Útvarpi Sögu? 178
greiddu atkvæði og sögðu 115
eða 65,6 prósent já en 63 eða 35,4
prósent nei.
Óhætt er að segja að gustað hafi
af Gústaf í útvarpinu; hann var
óhræddur við að segja sína skoðun
á mönnum og málefnum þó oft færi
hún í bága við álit meirihlutans.
Fyrir nokkru gekk Gústaf á dyr en
litlum sögum fer af ástæðum þess.
Gústaf reyndi fyrir sér í pólitík-
inni á dögunum, tók þátt í prófkjöri
Sjálfstæðisflokksins fyrir borgar-
stjórnarkosningarnar í vor en náði
ekki tilætluðum árangri. ■
GÚSTAF NÍELSSON Hlustendur Útvarps
Sögu vilja hann í loftið á ný.
Könnun á vef Útvarps Sögu:
65 prósent vilja
Gústaf í loftið
FETAÐ Í FÓTSPOR FORFÖÐUR Albert fursti
II af Mónakó ætlar að fara fyrir leiðangri
manna á norðurpólinn í apríl á næsta ári
en þá verða hundrað ár síðan langalangafi
hans, Albert I, fór á pólinn. Albert II greindi
frá áformum sínum á blaðamannafundi á
mánudag. FRÉTTABLAÐIÐ/AP
„Ég er nú bara að temja hross og njóta góða veðursins í
sveitinni,“ segir Drífa Kristjánsdóttir, hrossabóndi og forstöðu-
maður meðferðarheimilisins á Torfastöðum í Biskupstungna-
hreppi. „Við erum með um 40 hross og erum að byggja
hesthús undir þau. Það er riða á næsta bæ og við urðum að
skera allt fé sem við vorum með. Við ákváðum því að breyta
fjárhúsunum í lúxushesthús og því verkefni er að ljúka. Það
er mikil spenna sem því fylgir og við erum að hamast við að
klára að byggja hesthúsið, hálfgerð þrælkunarvinna á okkur.“
Starfsemi meðferðarheimilisins á Torfastöðum liggur niðri
þessa dagana, en Drífa og eiginmaður hennar, Ólafur Ein-
arsson, sögðu upp samningi við ríkið um rekstur þess fyrir
nokkru.
Meðferðarheimilið var stofnað fyrir tuttugu og fimm árum og
þegar Drífa er spurð hvort að þau hjónin ætli að byrja aftur
með starfsemi meðferðarheimilisins segir hún það ekki vera á
döfinni þessa dagana. „Núna er það bara hrossabúskapurinn,“
segir hún.
Þegar Drífa er spurð hvort eitthvað sérstakt
sé framundan í tilefni jólanna segir hún
að Skálholtskór, sem hún er meðlimur í,
sé í ströngum æfingum fyrir jólatónleika
sem kórinn ætlar að halda 10. desember
næstkomandi.
Á jólunum koma margar fjölskyldur
saman og eiga góða stund. Drífa
segir að hennar fjölskylda haldi
jólin alltaf hátíðlega, þegar hún er
spurð um hefðir þar á bæ. „Það
nú aðallega samvera með fjöl-
skyldunni og að njóta þess að
fá alla heim um jólin og borða
rjúpur. Við fengum engar rjúp-
ur í fyrra, en við erum mikið
rjúpnafólk og allir hlakka til að
borða þær í ár.“
HVAÐ ER AÐ FRÉTTA? DRÍFA KRISTJÁNSDÓTTIR, FORSTÖÐUMAÐUR Á MEÐFERÐARHEIMILINU Á TORFASTÖÐUM
Blómlegur hrossabúskapur
Tölvupóstsmálið í héraðsdómi
Jónína
grét í
dómsal
Buguð kona, segir
ritstjóri Fréttablaðsins
DV2x15 29.11.2005 20:23 Page 1