Fréttablaðið - 30.11.2005, Blaðsíða 68

30. nóvember 2005 MIÐVIKUDAGUR
Síðasta laugardag kepptu fjór-
tán gullfallegar stúlkur í Ford-
keppninni sem haldin var í Loft-
kastalanum. Keppnin hefur þótt
vera stökkpallur ungra stúlkna
inn í fyrirsætuheiminn enda
hafa margar þeirra sem sigrað
hafa á árum áður komist langt
í bransanum. Sú sem fór með
sigur af hólmi í Fordkeppn-
inni árið 2005 var Matthildur
Lind Matthíasdóttir, sextán ára
nemandi við Menntaskólann
í Reykjavík. Í öðru sæti varð
Laufey Mjöll Helgadóttir og
Lára Margrét Möller í þriðja
sæti. Bryndís Helgadóttir var
valin andlit Kea-skyrs.
Flottar Fordstelpur
ÚRSLITIN Frá vinstri: Matthildur Lind Matthíasdóttir, Laufey Mjöll Helgadóttir, Lára Margrét
Möller og Bryndís Helgadóttir.
TÖFF Vala Hafstad var töff í keppninni. KYNNARNIR Þau stóðu sig með prýði, Sóley Kristjánsdóttir og Frosti Logason.
FLOTT Helga Lovísa K. Einarsdóttir stígur hér á svið. LÁRA MARGRÉT MÖLLER Hún var glæsileg í
Loftkastalanum og hreppti þriðja sætið.
Í fyrradag vaknaði ég í félagsmiðstöðinni
Skjólið við það að græjurnar í plötu-
snúðaklefanum voru enn þá í gangi
eftir að Ragnar hafði verið að hlusta á
dúndrandi rokk alla nóttina. Hvernig
hann getur sofnað við þetta fæ ég aldrei
skilið. Skari Rót keyrði frá „Blúnduósi“ á
þriggja og hálfs tonna bílnum okkar eins
og hann væri að keppa í BMX-hjóla-
keppni. Fréttirnar voru þó þær að okkur
tókst að villast.
Við keyrðum út legþröngan afleggjara
sem leiddi okkur að sveitakofa. Við
ætluðum ekki að verða eldri þegar
við sáum gamla konu reyna að slá
frostlagða jörðina sína með handknú-
inni slátturvél. Við skellihlógum eins og
vitleysingar alla leiðina á Sauðárkrók.
Kannski hefðum við átt að segja henni
hvaða árstími var en við hlógum alltof
mikið til að geta talað.
Það var alveg komin tími á að þrífa
sveitta líkama okkar þannig að við
tókum stefnuna á sundlaugina. Nema
Ragnar náttúrulega. Hann harðneitaði
að þrífa sig og fór í staðinn í kaupfélagið
að kaupa geisladiska. Eftir æðislegan
heitan pott fórum við í skólann til að
stilla upp. Þar reyndust rokkguðirnir
okkur heldur betur hliðhollir. Það
hafði verið leiksýning og okkur bauðst
kolsvört sviðsmynd, hljóðkerfi, fullt af
ljósum og æðislegur ljósamaður, sem
eyddi drjúgum tíma í það að undirbúa
ljósa“show“ fyrir kvöldið. Kærar þakkir
meistari ljósamaður! Tónleikarnir voru
æðislegir og við fundum allir fyrir því
hversu gott er að taka svona útferð/túr.
Núna erum við komnir í gírinn, gott
form og getum spilað heila tónleika á
fullum krafti án þess að vera eins og
handónýtir heróínsjúklingar eftir á.
Eftir tónleika og rót er alltaf gott að fá
sér öl, stundum einn, stundum tvo og
stundum alltof marga. Ég veit ekki alveg
hvernig þetta verður í kvöld en Silli er
með glottið sitt ofan í bjórkassanum
sínum, Arnar farinn að sveifla hafnar-
boltakylfunni sinni í aftursætinu, Ragnar
borðar snakk með sinnepi en Skari Rót
er enn þá að hlæja að bóndakonunni.
Sjálfum lýst mér best á að prufa pöbb-
inn og sjá til hvað gerist þar.
Kv. Egill
SIGN BLOGGAR FRÁ FERÐ SINNI UM LANDIÐ:
Rokkguðirnir reynast okkur hliðhollir