Fréttablaðið - 30.11.2005, Blaðsíða 23

30. nóvember 2005 MIÐVIKUDAGUR 3
Ævintýraleg gönguferð um hin
glæstu Himalajafjöll er á döf-
inni um næstu páska á vegum
Ferðaskrifstofu Guðmundar
Jónassonar. Fararstjóri er
Helgi Benediktsson sem er
hagvanur á þessum slóðum.
„Ég er búinn að fara margar ferðir
til Nepal á undanförnum áratugum
til ýmissa svæða. Sá hluti þess sem
nú á að heimsækja er einn sá vin-
sælasti enda býr hann yfir hæstu
byggðu bólum í heimi og einstakri
fjallasýn,“ segir Helgi og breiðir
úr myndum máli sínu til stuðnings.
Hann segir reyndar að meira verði
gert en að virða fjöllin fyrir sér úr
fjarlægð því förinni sé heitið upp á
einn tindinn sem heiti Khala Pattar
og er í 5.650 metra hæð. Gengið er
eftir stígum alla leið, í gegnum öll
gróðurbelti, úr um þrjátíu gráðu
dagshita neðst í allt niður í fimmtán
gráðu frost að nóttu til. „Veðrið er
lengst af eins og blítt sumarveður
á Fróni og lyngrósin er í blóma upp
um allar hlíðar,“ segir Helgi. Hann
tekur líka fram að þótt landslagið
sé að sjálfsögðu ævintýralegt þá sé
mannlífið ekki síður heillandi á þess-
um slóðum. Beðinn að lýsa aðeins
ferðatilhögun þá segir hann flogið
frá London til Kathmandu og þaðan
til Lukla. „Þar hefst ævintýrið þegar
við lendum á litla flugvellinum,“
segir hann og heldur áfram. „Við
göngum næstu dagana um heim-
kynni Sherpanna, um þorp þeirra
og klaustur og horfum í fjarska á
Everest og Ama Dablam. Einn dag
höldum við kyrru fyrir í Namche
Bazaar til að aðlagast þynnra lofti en
hápunktur ferðarinnar fyrir marga
er útsýnið sem opnast frá tindi Kala
Pattar að ógleymdri þeirri frábæru
upplifun að hafa lagt þessa leið að
baki þegar komið er aftur til Kath-
mandu.“
Helga er bent á að enn sé langt
til páska. Hann segir á móti nauð-
synlegt að hafa tímann fyrir sér
enda þurfi að panta innanlandsflug
í Nepal með fyrirvara og til að njóta
ferðarinnar sé gott að vera líkam-
lega vel á sig kominn. „Sumir þurfa
að undirbúa sig sérstaklega. Við
berum samt ekkert sjálf nema létta
poka með fötum og nesti til dagsins
og þetta er flestum fært sem hafa
einhverja reynslu af gönguferðum,“
tekur hann fram. gun@frettabladid.is
Gengið við hæstu byggðu ból í heimi
Helgi er oft búinn að fara til Nepal áður. Gist er í tjöldum og matreiðslumaður sér um veitingarnar.
Gengið er á stígum alla leið og lengst af í þægilegum hita.
Á morgun ætlar útivistarrækt-
in að ganga á Ægisíðu og hefst
ferðin klukkan 18.00. Lagt er
af stað frá bílastæðinu þar sem
Skógræktarfélag Reykjavíkur var í
Fossvogi. Gengið verður vestur með
Öskjuhlíð, um Nauthólsvíkina og
út með Skerjafirði og að Ægisíðu.
Sama leið er gengin til baka og tekur
gangan rúma klukkustund.
Þátttaka í útivistarræktinni er öllum
opin og er markmið hennar að
skapa skemmtilegan félagsskap og
byggja upp gönguþol. Útivistarræktin
er kjörinn félagsskapur til að kynnast
útivistarfíklum og margir í þessum
hópi fara saman í lengri útivistarferð-
ir eða taka þátt í öðru félagsstarfi
Útivistar.
ferðir }
Fólkið er glaðlegt og litríkt á þessum slóðum.
Arkað á Ægisíðu
ÚTIVISTARRÆKTIN ÆTLAR ENN SEM
FYRR AÐ ARKA ÆGISÍÐU.
Næsta vor mun Orlando Sanford
International Airport verða miðstöð
fyrir starfsemi Icelandair í Orlando.
Í síðustu viku undirritaði Icelandair
samning þess efnis að flytja
miðstöð starfsemi sinnar í Orlando
af Orlando International Airport
til Orlando Sanford International
Airport.
Aðstandendur alþjóðaflugvallar-
ins Sanford buðu Icelandair góð
kjör í þeim tilgangi að fá viðskipti
félagsins yfir til sín. Icelandair fær til
að mynda markaðsstyrk sem nemur
um fimm milljónum króna árlega.
Einnig sömdu félögin um að Ice-
landair komi ekki til með að greiða
lendingargjöld fyrstu sex mánuði
samningstímabilsins. Breytingarnar
taka gildi næsta vor og mun fyrsta
flug Icelandair verða í lok mars á
næsta ári.
Skipt um flugvöll
ICLANDAIR FLYTUR SIG UM SET.