Fréttablaðið - 01.12.2005, Blaðsíða 30

1. desember 2005 FIMMTUDAGUR30
BRÉF TIL BLAÐSINS
AVS rannsóknasjóður í sjávarútvegi starfar á vegum sjávarútvegsráðuneytisins
Auglýst er eftir umsóknum í styrki til rannsókna- og þróunarverkefna i sjávárútvegi.
Lögð verður áhersla á verkefni sem snerta fiskeldi, líftækni, veiðar, vinnslu, búnað,
gæði og markaði.
Styrkir AVS rannsóknasjóðs eru til hagnýtra rannsókna og ætlaðir einstaklingum,
fyrirtækjum, rannsókna-, þróunar- og háskólastofnunum. Stjórn sjóðsins
forgangsraðar styrkjum til rannsókna i þágu verkefna sem auka verðmæti
sjávarfangs og styrkja samkeppnishæfni sjávarútvegsins.
Umsóknir skulu hafa borist
AVS rannsóknasjóðnum í
síðasta lagi 1. febrúar 2006
Skúlagötu 4,
101 Reykjavík
Netfang: avs@avs.is
Styrkir til rannsókna– og
þróunarverkefna í sjávarútvegi
rannsóknasjóður
í sjávarútvegi AVS
Nánari upplýsingar er að finna á heimasíðu, www.avs.is þar sem nálgast má leiðbeiningar
um gerð umsókna.
GÆFUSPOR - GILDIN Í LÍFINU
JPV gaf út bók eftir mig sem
nefnist Gæfuspor - gildin í líf-
inu og er í stuttu máli um dyggð-
ir einstaklinga og tilfinningar,
hamingju og rósemd, tímahug-
tök og friðarmenningu. Mér er
hún ofarlega í huga því ég vil
fylgja henni úr garði og helst
ekki sleppa af henni hendinni
fyrr en í öruggri höfn. Ég er
þó nokkuð beðinn um að segja
frá henni og lesa upp úr henni
hjá félögum eða á sérstökum
upplestrarkvöldum. Gæfuspor
er skrifuð handa almenningi og
markmið hennar er að styðja
þá viðleitni að bæta sjálfan sig.
UMHVERFISMÁL
Ég starfa á Umhverfissviði
Reykjavíkurborgar en þar erum
við með öfluga vitundarvakn-
ingu í umhverfismálum. Henni
er skipt í þrjá meginliði: Sam-
göngur, neyslu og umgengni.
Umræðan um samgöngur
hefur verið öflug undanfarið
en nú beinum við sjónum að
neyslu í hnattrænu samhengi.
Mér finnst mikilvægt að það
komist til skila að hegðun og
viðhorf neytenda í einu landi
getur haft merkingu fyrir fólk
í öðru landi. Það er blekking að
rífa hluti úr samhengi.
UPPELDI
Mér finnst of mikil áhersla
lögð á boð og bönn þegar allt er
komið í óefni. Fremur ætti að
kenna börnum siðfræði. Lang-
tímaverkefnið að mínu mati er
að efla hæfileika barna til að tjá
hugsanir sínar og skoðanir og
þar með vera við stjórnvölinn
í eigin lífi. Efla ætti hæfileika
þeirra til að taka ábyrgð á gerð-
um sínum og umhverfi og hæfi-
leikann til að skilja og bregðast
við á málefnalegan hátt, með
því að taka þátt í margvíslegum
samskiptum og ákvörðunum.
Foreldrar eiga því að æfa börn-
in í að draga réttar ályktanir en
til að geta tekið rétta ákvörðun
þarf þekkingu á þrennu: sjálf-
um sér, öðrum og aðstæðum.
FRIÐARMENNING
Ég hugsa mikið um ráð til að það
verði friður á jörðu. Allar þjóð-
ir þurfa að líta í eigin barm og
spyrja sig: „Hvaða fræðsluefni
eflir friðinn? Hvaða dyggðir og
tilfinningar þarf að rækta?“ Frek-
ar ættu þær að eyða almannafé
í menntun heldur en hernað.
Kenna ætti börnum að setja sig
í spor annarra, rækta með þeim
samkennd með öðrum. Að setja
sig í spor annarra er að gera til-
raun til að skilja þá. Friðsemd-
in sem skapast milli fólks sem
lærir þetta er ekki háð vopnahléi
heldur jákvæðum samskiptum.
Friður er áralöng menntun frá
barnæsku til manndómsára.
Slíkt uppeldi verðskuldar heitið
friðarferli.
EFST Í HUGA
GUNNARS HERSVEINS,
RITHÖFUNDAR OG UPPLÝSINGA-
FULLTRÚA UMHVERFISSVIÐS
REYKJAVÍKURBORGAR.
Barna-Eurovision
Þann 26. nóvember sl. var haldin Evrov-
ision-söngkeppni barna í Belgíu. Þetta er
þriðja árið sem þessi keppni fer fram og
Ísland hefur aldrei verið með. Keppnin
er ekki einu sinni sýnd í sjónvarpinu hér.
Af hverju er Ísland ekki með í þessari
keppni? Það væri svo gaman. Ég hef séð
þessa keppni í sjónvarpinu úti í Svíþjóð
þar sem pabbi og unnusta hans búa. Á
síðasta ári vann spænsk stelpa sem heitir
María Isabel. Það er rosalega gaman að
þessari keppni.
Ásdís Birna Bjarnadóttir 9 ára.
Tvær ástæður eru mér ofarlega
í huga þegar ég finn mig knúinn
sem kristinn mann til þess að
styðja réttindabaráttu samkyn-
hneigðra. Annarsvegar hef ég þá
vissu að hjónabandið sé heilagt,
og hinsvegar þá trú að biblían sé
óskeikul.
Það er kristin trú og almenn
reynsla að hjónabandið er heil-
agt. Trúnaðurinn sem ríkir milli
maka, virðingin og kærleikurinn
sem skapast í gagnkvæmu trausti
og samhjálp gerir hjónabandið
heilagt. „Heilagt hjónaband“ segj-
um við og meinum það skjól sem
við finnum, öryggið sem ríkir á
heimili góðra hjóna. Þannig verð-
ur heimilið líka helgidómur, því
helgidómur er einfaldlega staður
þar sem er pláss fyrir fólk og gott
er að vaxa og dafna. Heilagleiki
hjónabands og heimilis er þannig
hagnýtt hugtak og við vitum vel
hvað það merkir. Þessi heilagleiki
ræðst hvorki af líkamsbyggingu
hjónanna sem á heimilinu búa né
heldur af kirkjulegum athöfnum
eins og hjónavígslu. Hið heilaga
hjónaband stafar af gagnkvæm-
um og langreyndum trúnaði, ást
og virðingu sem kemur líkams-
gerð hjónanna, kynferði þeirra og
hugsanlegum kirkjuferðum ekk-
ert sérstaklega við.
Í annan stað skiptir mig miklu
að taka fram að það er kristin
trú að biblían er óskeikul. Biblí-
an bendir óskeikullega á Jesú
Krist og þá nýju lífsmöguleika
sem allri veröld er boðið vegna
hans. Án alls vafa bendir biblían á
Jesú Krist sem gefið hefur líf sitt
fyrir heiminn og sigrað dauðann í
upprisu sinni, svo að við megum
óhrædd lifa og getum óhrædd dáið
í trú á hann. Óskeikulleiki heil-
agrar ritningar er þannig fólginn
í erindi hennar, fagnaðarerindinu,
en ekki í bókstöfunum sem í bók-
inni standa. Gleðifrétt kristinn-
ar trúar er sú að Guð hefur sætt
heiminn við sig og gerst einn af
okkur svo að við megum kannast
hvað við annað. Okkur er óhætt að
opna augun betur og betur fyrir
þeirri staðreynd að við erum á
samleið með öllu sem lifir, öllum
manneskjum, dýrum og annari
náttúru.
Því er það kristin sannfær-
ing mín að kirkja Jesú hljóti að
virða réttindi og skyldur samkyn-
hneigðra para, nú, þegar sú ein-
falda vitneskja er orðin almenn-
ingseign að samkynhneigð er hluti
af hinni dásamlegu fjölbreytni
sköpunarverksins. ■
Hjónabandið er heilagt
og biblían óskeikul
SENDIÐ OKKUR LÍNU
Við hvetjum lesendur til að senda okk-
ur línu og leggja orð í belg um málefni
líðandi stundar. Greinar og bréf skulu
vera stutt og gagnorð. Eingöngu er tek-
ið á móti efni sem sent er frá Skoðana-
síðunni á visir.is. Þar eru nánari leið-
beiningar. Ritstjórn ákveður hvort efni
birtist í Fréttablaðinu eða Vísi eða í
báðum miðlunum að hluta eða í heild.
Áskilinn er réttur til leiðréttinga og til
að stytta efni.
UMRÆÐAN
KIRKJAN OG
SAMKYNHNEIGÐIR
BJARNI KARLSSON
SÓKNARPRESTUR LAUGARNESKIRKJU.
Heilagleiki hjónabands og
heimilis er þannig hagnýtt hug-
tak og við vitum vel hvað það
merkir. Þessi heilagleiki ræðst
hvorki af líkamsbyggingu hjón-
anna sem á heimilinu búa né
heldur af kirkjulegum athöfn-
um eins og hjónavígslu.