Fréttablaðið - 01.12.2005, Blaðsíða 74

74 28. janúar 2005 FÖSTUDAGURFIMMTUDAGUR 1. desember 2005 46
maturogvin@frettabladid.is
Hvaða matar getur þú síst verið án?
,,Ég verð að nefna hafragraut í því tilliti.“
Hvað er besta máltíð sem þú hefur fengið?
,,Ætli það sé ekki argentínsk grýta sem ég fékk
hjá mömmu. Þetta er nautakjötsréttur sem
móðir mín bjó alltaf til. Í þessu var nautahakk,
kartöflustrimlar og apríkósur ofan á.“
Er einhver matur sem þér finnst vondur? ,,Já,
ég verð yfirleitt að fara úr húsi þega svið eru
borðuð. Þegar ég var sex ára kom ég til Íslands.
Þá var hent fyrir framan mig sviðakjamma
og mér sagt að ég ætti að sanna að ég væri
sannur Íslendingur og borða þetta. Ég öskraði
og hef ekki hætt að öskra síðan.“
Hvað leynist í eldhússkápunum? ,,Ég bý nú
með dóttur minni sem er af soja-latte kynslóð-
inni þannig að það er voða mikið af baunum
og heilsufæði. Einnig er mikið af ávöxtum
og grænmeti og alls konar
skrýtnum tegundum af tei.
Þá má ekki gleyma rán-
dýru heilsuvörunum sem
skemmast í skápunum.“
Hvað borðar þú til að láta
þér líða betur? ,,Þá fer ég
bara á Aktu-taktu og fæ
mér beikonborgara
og læt ekki nokkurn
mann vita af því.“
Hvað áttu alltaf
til í ísskápnum?
,,Ávexti og græn-
meti ásamt
sojamjólk
og skyri.
Þá er
ég að tala um hreint KEA skyr. Ég kaupi aldrei
nokkurn tímann bragðbætt skyr.
Ef þú værir fastur á eyðieyju, hvaða mat
mundir þú taka með þér? ,,Ég mundi taka
eitthvað viðbjóðslega vont heilsufæði eins og
til dæmis svona prótínstöng. Það verður að
vera hollt og vont.“
Hvað er það skrítnasta sem þú hefur borð-
að? ,,Það voru saltaðar og þurrk-
aðar bjöllur. Það er Frakki í
fjölskyldunni sem bauð
einu sinni upp á þurrk-
aðar bjöllur. Þetta er eins
konar kokkteilsnakk sem
maður borðar sem hvert
annað snarl.“
MATGÆÐINGURINN ÁRNI PÉTUR GUÐJÓNSSON LEIKARI
Fyrsti söludagur á Beaujolais
Nouveau í Frakklandi var í síð-
ustu viku. Þá hófst kapphlaup
um allan heim hjá söluaðilum til
að koma víninu sem allra fyrst
til vínunnenda. Hér á landi buðu
nokkur veitingahús upp á fyrstu
uppskeru 2005 af Bouchard Aine
Beaujolais Nouveau frá fyrsta
degi, og má nefna Perluna, Hótel
Hérað og Hótel Flúðir. Nú er vínið
komið í vínbúðir og getur almenn-
ingur prófað þennan nýja árgang
sem þykir mjög góður,
magnið er 30% minna
en í fyrra en gæðin
sögð töluvert meiri.
Beaujolais Nouveau er
fyrsta vínið af uppskeru
haustsins sem drukkið er.
Nouveau þýðir nýtt og Beaujolais
er nafnið á héraðinu sem er í Búrg-
úndí. Hér á Íslandi hefur myndast
mikil Nouveau-hefð undanfarinn
áratug og verður vínið á boðstól-
um strax á fyrsta leyfilega degi
hér á landi. Vinsældir
Nouveau hafa aukist
stöðugt og má ætla að allt
að 20.000 flöskur af Nouveau-víni
frá héraðinu seljist hér á landi á
næstu mánuðum.
BEAUJOLAIS NOUVEAU:
Komið í vínbúðir
Dr. Loosen Riesling frá hinum þekkta víngerðarmanni
Ernst Loosen, hefur slegið í gegn að undanförnu og fengið
frábæra dóma. Víntímaritið Wine Spectator fjallar um
vínið í desemberhefti blaðsins og gefur víninu 88 punkta
af 100 mögulegum sem hlýtur að teljast
einstakt fyrir vín sem
kostar aðeins 840 kr. í
vínbúðum.
Dr. Loosen Riesling er
til í flöskum en einnig
í þriggja lítra kössum í
Heiðrúnu og Kringlunni.
Flöskuvínið er á kynning-
arverði á hátíðardögum í
vínbúðum og kassavínið
lækkaði í verði í dag, 1.
desember, og kostar nú
3.150 kr. Árið hefur ann-
ars verið viðburðaríkt
hjá Ernst Loosen en hann
var valinn maður ársins
hjá hinu virta víntímariti
Decanter fyrr á árinu.
DR. LOOSEN:
Frábærir dómar
,,Að mínu mati er best af öllu að
elda villibráð. Það er hið mikla
náttúrubragð af kjötinu sem
heillar mig svo rosalega,“ segir
Hermann Grétarsson, kokkur á
Hótel Holti, sem að þessu sinni
lætur okkur í té uppskrift vikunn-
ar. Kemur því ekki á óvart að sú
uppskrift sem varð fyrir valinu
hjá Hermanni sé hreindýr. ,,Það
er mikið beðið um villibráð og
hreindýrið er vinsælasti villibráð-
arrétturinn hér á Holtinu,“ segir
Hermann og bætir því við að oft
tali menn um að kjötið verði betra
eftir því sem menn séu tengdari
bráðinni. ,,Það er engin tilviljun
að menn tali um að bráð sem þeir
skjóta sjálfir bragðist hreinlega
betur en það hráefni sem fæst úti
úr búð. Það er allavega öruggt að
maður setur meiri alúð og metnað
í eldamennskuna“.
Hermann, sem kjörinn var
matreiðslunemi ársins 2003, segir
hráefni Holtsins vera það besta
sem völ er á. ,,Við erum bara
með íslenskt hreindýr sem er það
besta í heiminum í dag. Það virð-
ist bara vera eitthvað við þau dýr
sem eru hér uppi á hálendinu að
þessi sterki keimur sem af kjötinu
kemur virðist heilla Íslendinga
sem aðra.“
Spurður um hvers vegna kokk-
starfið hafi orðið fyrir valinu er
Hermann fljótur að svara. ,,Mér
hefur alltaf fundist gaman að elda
alveg síðan ég var lítill patti. Ég
ólst auðvitað upp við matargerð
móður minnar og áhuginn fyrir
mat hefur bara vaxið með árun-
um. Það lá því beint við að þetta
starf yrði fyrir valinu“ segir Her-
mann. ,,Það sem er svo skemmti-
legt við starfið er auðvitað hvað
það er gefandi. Þá eru möguleik-
arnir líka endalausir. Það er alltaf
hægt að koma með nýja nálgun á
sömu hráefnin svo úr verður eitt-
hvað alveg öðruvísi og sérstakt.
Þannig er í raun aldrei hægt að
segja að maður sé búinn að læra
allt sem hægt er að læra um mat
því að það er alltaf einhver annar
sem kemur með örlítið öðruvísi
nálgun á sömu hlutina. Það sem
fundið er upp í dag verður einhver
annar búinn að finna upp aftur á
morgun, en bara á örlítið annan
hátt. Það er náttúrulega frábært“.
Spurður um hvað honum finnst
algjör nauðsyn að eiga í skápunum
heima stendur ekki á svari. ,,Það
sem er alltaf til í mínum ísskáp er
Parma-skinka, foie-gras og hvít-
vín. Þetta eru lífsnauðsynlegir
hlutir að eiga segir Hermann að
lokum og hlær.
Ofnbakaður hreindýravöðvi „
Manjari „ með kastaníukremi
og sætkartöfluturni
Fyrir 5 manns
Hreindýr
1100 gr hreindýravöðvi
Svartur pipar
Salt
Olía til steikingar
Vöðvinn er snyrtur, steiktur á pönnu og
ofnbakaður að eigin smekk.
Kastaníukrem
170 gr soðnar kastaníur
50 ml rjómi
50 ml kókosmjólk
1 msk smjör
Salt
Pipar
Hneturnar eru soðnar í rjómanum og
svo eru þær settar í matvinnsluvél með
smjörinu þar til fallegri áferð er náð. Þá er
kremið smakkað til með salti og pipar.
Sætkartöfluturn
200 gr flysjaðar kartöflur
400 gr flysjaðar sætar kartöflur
30 gr rifinn parmesanostur
30 gr brætt ósaltað smjör
Salt
Kartöflurnar eru skornar í sneiðar, settar í
skál og velt upp úr salti og smjöri. Smjör-
pappír er settur í þar til gert form sem
kartöflunum er raðað í. Parmesanosturinn
er rifinn á milli laga til að fá bragð og
bindingu. Farg er sett á kartöflurnar og
þær eldaðar við 150° í 40 mín. og kældar.
Kartöflurnar eru svo teknar úr forminu og
skornar eftir smekk og hitaðar upp með
steikinni.
Villibráðin heillar mest
HERMANN GRÉTARSSON, KOKKUR Á HÓTEL HOLTI MATREIÐIR LJÚFFENGT HREINDÝRAKJÖT EN HANN ER MJÖG HRIFINN AF VILLIBRÁÐ.
> Íslensk jól...
...skreyttu með jólakúlunni í ár sem hönnuð er af Ólöfu Erlu
Bjarnadóttur í Kirsuberjatrénu.
Þurrkaðar kokkteilbjöllur
- góð vinkona
Pallíettur
á jólafötin
5
6
9
0
6
9
1
2
0
0
0
0
8
47. tbl. 67. árg., 30. nó
vember 2005.
Danski kúrinn
Sjáið uppskriftirnar
Aðeins
599 kr.
Næturvinna
húðarinnar
Ef þér verður illt
af jólahlaðborðinu!
Lífsreynslusaga • Heils
a • • Matur
• Krossgáturg•á~t
Birgitta Jónsdóttir g
erir upp
við sorgina og fordó
mana
Faðir og maki
sviptu sig lífi
Skreyta allt
hátt og lágt
4 jólakonur í stuði
Konur á
dekurkvöldi
Brynja er
hamskeri
Eina konan sem
stoppar upp dýr
Verslunarstjóri
á Strikinu
Hefðir og siðir
á aðventunni
00 Vikan47tbl.'
05-1 18.11.200
5 10:32 Page
1
Er komin út
lau. 3. des. kl. 17:00
Síðasta sýning fyrir jól
Frábær skemmtun
fyrir alla aldurshópa