Fréttablaðið - 01.12.2005, Blaðsíða 86

1. desember 2005 FIMMTUDAGUR58
1
6 7 8
10
13
119
12
15
16
18
21
20
17
14
19
2 3 4 5
1 dálkur 9.9.2005 15:22 Page 9
Í kvöld hefst nýtt jóladagatal á Stöð
2 sem ber heitið Galdrabókin. Leik-
stjóri þess er Inga Lísa Middleton
og höfundur tónlistar er Margrét
Örnólfsdóttir en gefinn verður út
geisladiskur með tónlistinni. Þá
verður auðvitað gefið út dagatal
en það verður að borðspili þegar
síðasti glugginn hefur verið opn-
aður 24.desember og ætti því að
stytta yngstu kynslóðinni stundirn-
ar þegar hún bíður eftir jólunum.
Bernd Ogordnik hannar brúðurnar
en hann er jafnframt yfirbrúðu-
stjórnandi. Galdrabókin fjallar um
ævintýri Alexenders sem kemst
yfir bók sem flytur hann yfir í heim
töfra og galdra.
„Við erum eiginlega búin að vera
í jólaskapi í tvö ár,“ segir Inga Lísa
og hlær. Þetta er ekki í fyrsta skipti
sem leikstjórinn kemur að gerð jóla-
dagatals því hún leikstýrði Klæng
sniðuga sem var á dagskrá RÚV
árið 1997 og var endursýnt 2004.
„Mér fannst þetta format skemmti-
legt þá og vildi vinna við það aftur,“
útskýrir leikstjórinn þegar hún er
spurð af hverju hún sé að gera jóla-
dagatal á ný. „Ég kom síðan að máli
við Margréti Örnólfsdóttur í janúar
2004 og við fórum að vinna að þessu
saman,“ bætir hún við.
Hugmyndin að Galdrabókinni
kviknaði í kirkju á Englandi þar sem
gangasenur úr Hogwart-skólanum í
Harry Potter myndunum voru tekn-
ar. „Mig langaði til að gera eitthvað
sem tengdist töfrum og göldrum og
hugmyndin að Galdrabókinni dundi
yfir,“ segir Inga Lísa en meðal
þeirra kosta sem bókin býr yfir er
að hún svarar öllum spurningum
þess sem ræður yfir henni.
Brúðurnar sem koma fyrir í
jóladagatalinu eru mjög sérstakar.
„Bernd hannaði nýja gerð af brúð-
um en þær eru sambland hand- og
strengjabrúða,“ útskýrir Inga Lísa.
„Það eru strengir inni í brúðunum
sem stjórna andlitshreyfingunum
en það verður til þess að leikur
þeirra er mjög lifandi,“ bætir hún
við. Ogrodnik stjórnar sjálfur hluta
brúðanna en hafði sér til aðstoðar
danska, norska og íslenska brúðu-
stjórnendur.
Hvort Galdrabókin yrði endur-
sýnd næstu átta árin sagðist Inga
hafa fullt af hugmyndum að nýjum
ævintýrum sem gætu orðið að
nýjum jóladagatölum í framtíðinni.
freyrgigja@frettabladid.is
INGA LÍSA MIDDLETON: Í JÓLASKAPI SÍÐUSTU TVÖ ÁR
Hugmyndin kviknaði
í Hogwart-skólanum
LÁRÉTT 2 neglt 6 sem 8 langur 9 fúadý 11
óreiða 12 færa 14 yfirstéttar 16 tveir eins 17
nár 18 geislahjúpur 20 ung 21 auðveld.
LÓÐRÉTT 1 goggs 3 skammstöfun 4 sárabindi
5 traust 7 rekaviður 10 hvíld 13 frostskemmd
15 greinilegur 16 blekking 19 bardagi.
LAUSN
HRÓSIÐ
...fær Guðni Ágústsson fyrir
að taka mjólkinni frá Mjólku
fagnandi.
ALEXANDER OG FÉLAGAR Þeir koma höndum yfir galdrabók sem flytur þá yfir í heim töfra og galdra. Brúðurnar eru sambland hand- og
strengjabrúða og voru hannaðar sérstaklega fyrir jóladagatalið.
TÓNLIST
Ég hef mikla trú á íslenskri tónlist og finnst hún alveg
sambærileg við það sem best gerist í útlöndum. Mitt
helsta átrúnaðargoð þar er Björgvin Halldórsson en
þessa dagana er ég einmitt með nýja söngvasafnið hans
í spilaranum. Frá því að ég fór að muna eftir mér hefur
Elvis verið eftirlætis tónlistarmaðurinn minn og enginn
sem kemst með tærnar þar sem hann hefur hælana. Ég
hlusta mikið á Elvis heima og er byrjaður að koma mér
upp DVD-safni með því besta af hans ferli. Þess á milli
hlusta ég sem fyrr segir á allt íslenskt, en ekki síst úr
dægurlagaheiminum, bæði fyrr og nú.
BÓK
Ég les því miður ekki nóg og vildi hafa meiri tíma til
að glugga oftar í bækur. Skemmtilegastar þykja mér
ævisögur tónlistarmanna og er nú að ljúka við ævisögu
Péturs heitins Kristjánssonar; Pétur Poppari. Það er frá-
bær lesning enda var Pétur einstakur maður, orginal og
skemmtilegur.
BÚÐ
Uppáhaldsbúðin mín er nátt-
úrlega Elvis á Vatnsstígnum.
Ég er mikill skyrtumaður og
þar má finna ótrúlega flottar
kúrekaskyrtur og annan lit-
ríkan fatnað sem henta vel
skemmtikröftum og þeim
sem vilja klæða sig áberandi
vel. Annars eru það helst
fataverslanir sem draga mig
að með budduna.
BÍÓMYND
Ég er rómantísk sál og hef einna mest dálæti á róman-
tískum gamanmyndum. Fer þó alltof sjaldan í bíó miðað
við ánægjuna sem því fylgir. Sá síðast The 40 Year Old
Virgin, sem var frábærlega fyndin. Aðalleikarinn Steve
Carell var drepfyndinn í hlutverki sínu, en virtist enga
grein gera sér fyrir því.
BORG
New York og Memphis í Tennessee eru báðar frábær-
ar heim að sækja, en ég fór ísérstaka pílagrímsför
til Memphis á árinu til að heimsækja Graceland. Ég
gisti á Heartbreak Hotel skammt frá einstöku heimili
kóngsins og öll stemning þar ólýsanleg. Oft verður
maður vitni að því að fólk reyni að lítilsvirða minn-
ingu Elvis Presley og einblína á það sem miður fór
á ævi hans, en þarna er virðingin takmarkalaus og
einlæg. Engar feitar eftirhermur eða læti; bara friður,
fegurð og gæsahúð yfir því að vera á þessum sögu-
lega stað.
VERKEFNI
Nú snýst allt um nýju dúett-plötuna okkar Guðrúnu
Gunnarsdóttur, en hún situr nú í öðru sæti metsölulist-
ans. Við fylgjum henni eftir með tónleikahaldi og höfum
fyllt húsin hvað eftir annað. Þá er ég í sýningu Björgvins
Halldórssonar á Broadway, sem er stakt listaverk og
mikil skemmtun.
AÐ MÍNU SKAPI FRIÐRIK ÓMAR HJÖRLEIFSSON TÓNLISTARMAÐUR
Elvis, Graceland og íslenskt popp
FRIÐRIK ÓMAR
HJÖRLEIFSSON,
TÓNLISTARMAÐUR
LÁRÉTT: 2 fest, 6 er, 8 hár, 9 fen, 11 rú, 12
skáka, 14 aðals, 16 tt, 17lík, 18 ára, 20 ný, 21
létt.
LÓÐRÉTT: 1 nefs, 3 eh, 4 sáralín, 5 trú, 7 rek-
atré, 10 náð, 13 kal, 15 skýr, 16 tál, 19 at.
FRÉTTIR AF FÓLKI
Tilnefningar til Íslensku bókmennta-verðlaunanna 2005
verða kynntar í beinni
útsendingu í Kastljósi
klukkan 19 í kvöld.
Tilnefningarnar hafa í
gegnum árin átt það
til að leka út og birtast
í fjölmiðlum fyrir form-
lega tilkynningu,
Félagi íslenskra
bókaútgefenda
til nokkurs ama.
Ekkert virðist þó
hafa spurst út í
ár en bókaspek-
ingar hafa þó vitaskuld dundað sér við
að spá fyrir um niðurstöðuna. Þannig
birtir Silja Aðalsteinsdóttir, ritstjóri
Tímarits Máls og menningar, sína spá á
heimasíðunni www.tmm.is. Silja byggir
spádóm sinn ekki að öllu leyti
á eigin lestri og styðst
einnig við umsögn fjöl-
miðla um bækur. Silja
veðjar á Argóarflísina
eftir Sjón, Sólskinshest
eftir Steinunni Sigurð-
ardóttur, Rokland
Hallgríms Helga-
sonar, Sumarljós,
og svo kemur nóttin
eftir Jón Kalman
Stefánsson og Yosoy
eftir Guðrúnu Evu
Mínervudóttur.
Heyrst hefur að skólastjóri Vesturbæj-arskóla hafi kallað foreldra á fund
nýlega þar sem hann tjáði áhyggjur sínar
af nemendum í sjö ára bekk. Áhyggj-
urnar voru þær að krakkarnir hefðu
óeðlilega miklar áhyggjur og skoðanir
á kvótakerfi landsins. Skólastjórinn
fylgist greinilega ekki nægilega mikið
með rokkheiminum en sonur Björns
Blöndal í pönkbandinu Rass er einmitt í
Vesturbæjarskóla og hann og vinir hans
hafa yndi af því að syngja hástöfum
„Burt með helvítis kvótann“ á göngum
skólans. Gott að skólayfirvöld séu að
hafa áhyggjur af skoðunum barna svona
snemma á lífsleiðinni.
Á annan í jólum byrjar nýr spurn-
ingaþáttur á Stöð 2 sem ber heitið
Meistarinn. Þar mun Logi Berg-
mann Eiðsson leita logandi ljósi
að „gáfaðasta“ manni Íslands.
Nýverið fóru fram próf á fjórum
stöðum um land allt og tóku alls
250 manns þátt þar af 190 á höf-
uðborgarsvæðinu. „Það var mikil
stemning,“ segir Logi Bergmann
þegar hann var spurður hvernig
til hefði tekist. „Grunnhugmynd-
in er að finna hver sé bestur í
spurningakeppnum,“ útskýrir
Logi. Meistarinn er ekki þáttur að
erlendri fyrirmynd heldur ramm-
íslensk dagskrárgerð. „Það verð-
ur allt gert til að halda spennunni
út allan þáttinn,“ segir Logi sem
sjálfur er fullur eftirvæntingar
fyrir þættinum.
22 keppendur eru skráðir til
leiks í Meistaranum. Sextán voru
valdir úr úrtökuprófunum en
sex voru sérvaldir. Samkvæmt
heimildum Fréttablaðsins eru
margir þeirra þjóðþekktir fyrir
kunnáttu sína á spurningasvið-
inu og má þar nefna Gettu betur-
dómaranna Stefán Pálsson og
Ólínu Þorvarðardóttur. Alþingis-
maðurinn og ofurheilinn Mörður
Árnason ætlar einnig að mæta
til leiks samkvæmt heimildum
blaðsins en þegar hefur verið
dregið hverjir lenda saman og
lofar Logi að enginn ætti að vera
svikinn af fyrstu rimmunni. Þá
upplýsir hann að feðgar hafi
komist í gegnum prófin og því
gæti allt eins orðið mikil fjöl-
skyldudramatík í þáttunum ef
þeir lentu hvor á móti öðrum.
Sá sem stendur einn uppi hrepp-
ir titilinn Meistarinn og fimm
milljónir íslenskra króna. - fgg
Þekkt gáfumenni meðal
þátttakenda í Meistaranum
MÖRÐUR ÁRNASON Er einn þeirra sem
munu keppa um titilinn Meistarinn en auk
hans má nefna Stefán Pálsson og Ólínu
Þorvarðardóttur sem eflaust ætla að láta
mikið að sér kveða. FRÉTTABLAÐIÐ/STEFÁN
Finnur Ingólfsson
Hefur ekki
skilað
diplómata-
passanum
DV2x10 30.11.2005 19:27 Page 1