Fréttablaðið - 23.12.2005, Blaðsíða 16

23. desember 2005 FÖSTUDAGUR16
nær og fjær
„ORÐRÉTT“
Komdu í spennandi heim
afþreyingar og upplýsinga
Smelltu þér á www.ogvodafone.is, farðu í næstu verslun Og Vodafone
eða hringdu í 1414 fyrir nánari upplýsingar.
ÍS
LE
N
SK
A
A
U
G
LÝ
SI
N
G
A
ST
O
FA
N
/S
IA
.I
S
O
G
V
3
06
37

12
/2
00
5

KOMDU Í SPENNANDI HEIM
AFÞREYINGAR OG UPPLÝSINGA
14.900 kr.
NOKIA 6020
SÍMI
„Engin breyting er gerð á safn-
aðarstarfi hjá okkur, ef samkomu
ber upp á aðfangadag höldum við
hana eins og hvern annan dag“,
segir Svanberg K. Jakobsson
kynningarfulltrúi Votta Jehóva,
sem ekki halda jól.
„Jólin eru jú upprunalega
heiðin hátíð eins og allir vita,
ekki er minnst einum staf á það í
Biblíunni hvenær Kristur fædd-
ist. Þar er hvergi minnst á að fæð-
ingardegi hans skuli fagnað.“
Vottar Jehóva eiga margir
hverjir ættingja sem halda jólin
hátíðleg, en Svanberg segir enga
árekstra verða þess vegna. „Við
fettum ekki fingur út í þá sem
halda jól, alls ekki. Hver gerir
eins og honum þykir best. Þetta
kemur í raun lítið við okkur, Ég
fæ oft að heyra að ég sé hepp-
inn að sleppa við stressið,“ segir
Svanberg og brosir. „Börnunum
reynist þetta erfitt en við reyn-
um að fyrirbyggja það með góðri
uppfræðslu. Útskýrum hvers
vegna við höldum ekki jól svo
þau geti svarað spurningum
félaganna. Fólk má ekki halda
við gerum okkur ekki glaðan dag
þó það sé ekki í tengslum við jól
og afmæli. Eins gefum við börn-
unum okkar gjafir, þó það beri
ekki upp á þessa daga.“
SVANBERG K. JAKOBSSON
Fær oft að heyra að hann sé
heppinn að sleppa við jólastressið.
Vottar Jehóva og jólahátíðin:
Jólin koma lítið við okkur
Góðar kveðjur
„Toyota-umboðið verður
áfram í góðum höndum.
Morgunblaðið þakkar Páli
Samúelssyni og fjölskyldu
hans góð samskipti í ára-
tugi.“
INNHERJI Í MORGUNBLAÐINU.
Hvorki meira né
minna
„Ég fordæmi Kjaradóm og
það er lífsnauðsynlegt að
koma í veg fyrir að úrskurð-
ur hans nái fram að ganga.“
EINAR ODDUR KRISTJÁNSSON
ALÞINGISMAÐUR Í FRÉTTABLAÐINU
Séra Hjálmar Jónsson dóm-
kirkjuprestur segir Íslend-
inga geta stutt þurfandi enn
betur en nú er gert og sér
ekki ástæðu til að ergja sig
á jólasveinum, sem hann
segir hluta jólaflórunnar.
Hjálmar segir kirkjustarfið hafa
verið líflegt á aðventunni. „Eftir-
væntingin eftir jólunum hefur að
sjálfsögðu verið áberandi í öllu en
samt sem áður er aðventan góður
tími út af fyrir sig. Íslendingar eru
mjög einhuga í því að halda gleðileg
jól eiginlega alveg óháð því hvaða
áherslur þeir hafa að öðru leyti í
lífi sínu. Fátt sameinar þjóðina eins
vel og jólahaldið.“
Hjálmar er ekki andsnúinn
jólasveinum frekar en öðrum jóla-
hefðum. „Jólasveinar eru hluti af
umgjörð og ímynd jólanna. Ég sé
ekki ástæðu til að fjargviðrast út
af þeim. Þetta er bara hluti af flór-
unni og maður hlýtur að sýna því
umburðarlyndi. Þeir vilja fyrst og
fremst gleðja,“ segir hann og finn-
ur fyrir gleðinni í jólamánuðinum.
„Ég skynja meiri gleði í kringum
jólin og mér finnst vera minna um
vandamál. Fólk leyfir sér kannski
að gleyma þeim um stundarsakir
eða yfirstígur þau jafnvel.“
En ekki hafa það allir jafngott.
„Það kemur auðvitað til mín fólk
sem á sannarlega í erfiðleikum,“
segir Hjálmar og bætir við að það
sé þó jákvætt þegar fólk er tilbúið
að leita aðstoðar. „Svo eru aftur
hinir sem eru of stoltir til að leita til
nokkurs manns með erfiðleika sína.
Það er kannski sárast að ná ekki
með stuðninginn til þess fólks.“
Hjálmar segir okkur ekki mega
gleyma þeim bágstaddari á gleði-
tímum. „Mér eru eftirminnilegar
ferðir sem ég fór til þróunarlanda
fyrr á árinu. Eftir slíkt verður
maður aldrei samur. Íslending-
ar eru duglegir og kraftmiklir og
standa sig vel en við mættum nota
meiri hluta af okkar velsæld og
efnum til að hjálpa öðrum þjóðum
sem standa okkur langt að baki,“
segir presturinn en vill þó ekki
útvega fólki samviskubit.
„Ríkidæmi okkar sem þjóðar er
ekki tekið af öðrum og það er ekki
okkur að kenna að aðrar þjóðir
standa okkur að baki en við gætum
hins vegar og ættum að leggja
meira af mörkum.“
Jólaundirbúningur Hjálmars
hefst ekki í lok október með aug-
lýsingum stórverslana og jólaskap-
ið lætur ekki á sér kræla fyrr en
í upphafi aðventu. Þrátt fyrir að
margir leggi sitt lóð á vogarskál-
arnar til að gera jólin að einskonar
neyslusvalli þá er honum jafnhlýtt
til hátíðar ljóss og friðar eftir sem
áður.
„Auðvitað eru einhverjir sem
kunna sér aldrei hóf – kunna ekki
að stilla sig og kunna ekki fótum
sínum forráð – en það er ekki jólun-
um sjálfum að kenna,“ segir Hjálm-
ar. Hann segir okkur þó almennt
vel í stakk búin til að takast á við
hátíðina. „Mér virðist sem við séum
bærilega vel undirbúin undir að
eiga góð, friðsæl og falleg jól.“
Að lokum biður Hjálmar Íslend-
inga vel að lifa og segir mikilvægt
að þeir njóti samvista hver annars
yfir hátíðirnar. „Ég vil óska þess
að allir eigi gleðileg og heilög jól –
að fólk finni sjálft sig og njóti þess
sem það á í samfélagi hvert við
annað. Við erum í sífelldri snert-
ingu við fólk í kringum okkur og
lifum lífi okkar svo mikið í gegnum
annað fólk. Við erum eins og lítil
fjölskylda og það er alveg frábært
hvað við erum samstillt gagnvart
jólunum.“ stigur@frettabladid.is
SÉRA HJÁLMAR JÓNSSON DÓMKIRKJUPRESTUR er ánægður í aðdraganda jólanna þótt hann honum finnist að ýmsu mega huga.
Hann kennir jólunum sjálfum ekki um neyslumenningu þjóðarinnar og óskar landsmönnum öllum gleðilegrar hátíðar.
Jólahaldið sameinar þjóðina
„Við gleðjumst og tökum þátt í
jólahátíðinni með kristnum bræðr-
um okkar, engin spurning,“ segir
Salmann Tamimi, formaður félags
múslima á Íslandi.
„Ég veit um fjölmargar mús-
limafjölskyldur sem setja upp
skraut og gefa gjafir á þessum tíma.
Það hefur bara ekkert með trúna að
gera hjá okkur. Það er fullvel vitað
að Jesús, sem einnig er okkar spá-
maður, fæddist ekki þennan dag.
En ef kristnir vilja koma saman í
fögnuði er ekkert því til fyrirstöðu
að múslimar fagni með. Sjálfur er
ég fæddur og uppalinn í Jerúsalem
og hef búið með kristnu fólki allt
mitt líf og þykir því ekkert eðli-
legra,“ segir Salmann sem þver-
tekur fyrir að til árekstra komi um
jólin hjá íslömskum Íslendingum
og kristnum.
„Þetta snýst að miklu leyti um
ljósin og fegurðina í skammdeg-
inu. Svo dregst maður jafnvel
dálítið inn í neyslugeðveikina sem
fylgir þessu. Í því sambandi er þó
mikilvægast að huga að þeim sem
minna mega sín og þeirra sem eru
einir yfir jólin, það getur verið
erfitt hlutskipti.“ - dac
Múslimar á Íslandi:
Gleðjast og
taka þátt
SALMANN TAMIMI Óskar öllum gleðilegra
jóla, óháð trú þeirra.
„Það var látið reyna á þolrifin,“ segir Kristín Jóhannesdóttir,
skólastjóri Kvikmyndaskóla Íslands, sem útskrifaði tíu nem-
endur við hátíðlega athöfn í Háskólabíó síðasta laugardag.
„Það var unnið hörðum höndum enda miklar þrautir lagðar
fyrir nemendur og ég held það hafi skilað sér í heildstæðri
fallegri niðurstöðu. Ég held ég geti hiklaust sagt að þetta
hafi verið góður árgangur.“ Kristín hefði þó gjarnan viljað
sjá meiri umfjöllun um útskriftina. „Fleiri blaðamenn hefðu
mátt láta sjá sig. Það væri eðlilegt að fylgst væri nánar með
framtíðarleikstjórum landsins,“ segir Kristín nokkuð hvöss
og blaðamaður spyr skömmustulega hver áhuginn sé
fyrir skólanum. „Hann er í mikilli aukningu nýlega.
Við tökum inn tólf manns tvisvar á ári og er um
tveggja ára nám að ræða.“
Því næst berst talið að þeim íslensku kvikmynd-
um sem sýndar verða á næstunni. „Ég er alltaf
óskaplega spennt þegar nýjar íslenskar kvikmynd-
ir koma í sýningu, það er í raun alltaf gríðarlegur
atburður. Það er ör þróun sem ég sé í íslenskri
kvikmyndagerð og landslagið er í mikilli mótun um þessar
mundir. Umræða um innlendu kvikmyndagerðina er svo ekki
síður mikilvæg, kvikmyndagerðarmennirnir verða að fá við-
brögð og gagnrýni.“
„Almennri umræðu um alla kvikmyndagerð er í raun
ábótavant hjá okkur,“ heldur Kristín áfram og nú hitn-
ar henni í hamsi. „Sérstaklega í ljósi þeirrar einhæfni og
fábreytni sem hér ríkir í kvikmyndahúsum. Það er eina sem
boðið er upp á er amerískt efni, og meira að segja mjög tak-
markað brot af því sem þar er framleitt. Þetta er nán-
ast skaðræði og mjög alvarlegt mál orðið. Drepur
niður alla frjóa og frumlega hugsun og nú á ég
ekki einungis við í kvikmyndagerð. Ég er að
tala um uppeldið, þetta mikla fjöldasköpunar-
svið hefur áhrif út í þjóðfélagið, á frumleika í
viðskiptum og iðnaði og svo framvegis. En ég
gæti nú talað heilsíðu grein um þetta,“ segir
Kristín og hlær.
HVAÐ ER AÐ FRÉTTA? KRISTÍN JÓHANNESDÓTTIR SKÓLASTJÓRI KVIKMYNDASKÓLANS
Sárvantar umræðu um kvikmyndagerð