Fréttablaðið - 23.12.2005, Blaðsíða 70

23. desember 2005 FÖSTUDAGUR58
Í kvöld verður hin árlega friðar-
ganga gengin frá þremur stöðum á
landinu. Á Ísafirði verður hist rétt
fyrir klukkan sex hjá Ísafjarðar-
kirkju og gengið niður á Silfurtorg.
Á Akureyri er mæting hjá MA
klukkan átta.
Í Reykjavík hefst gangan
klukkan sex og verður gengið frá
Hlemmi niður á Ingólfstorg þar
sem haldinn verður smá fundur.
Þar mun sr. Bjarni Karlsson flytja
ávarp en fundarstjóri verður Birg-
itta Jónsdóttir. Að venju eru það
kór Menntaskólans við Hamrahlíð
og Hamrahlíðarkórinn sem leiða
gönguna undir stjórn Þorgerðar
Ingólfsdóttur.
26 ár eru liðin síðan friðargang-
an var fyrst haldin og fer hópurinn
sem tekur þátt sífellt stækkandi þó
að auðvitað fari þátttakan mikið
eftir veðri. Hjónakornin Steinunn
Þóra Árnadóttir og Stefán Pálsson
hafa verið drjúg í skipulagningu
göngunnar í ár og segir Steinunn
að hún hitti yfirleitt mikið af fólki
sem fari alltaf í gönguna. „Það
segir að jólin séu ekkert komin
fyrr en friðargöngunni sé lokið,“
segir Steinunn en hún hvetur fólk
til að mæta tímanlega og mæta
hlýlega klætt. „Ekki samt koma í
fínustu fötunum,“ bætir hún við en
kertasala hefst klukkan korter yfir
fimm við Hlemm.
Steinunni finnst friðargangan
vera bráðnauðsynleg því hún sýni
samborgurum og ekki síst stjórn-
völdum hug þátttakenda gagnvart
stríði. „Þessi ganga á að sýna að við
erum ekki sátt við stríð og ekki síst
að við viljum ekki vera þátttakend-
ur í stríði,“ útskýrir hún og bætir
jafnframt við að gangan sé enn
fremur kærkomin hvíld frá jóla-
stressinu og gefi fólki tækifæri til
að íhuga stöðu heimsmála. - fgg
1
6 7 8
10
13
119
12
15
16
18
21
20
17
14
19
2 3 4 5
REYKJAVÍKURNÆTUR HARPA PÉTURSDÓTTIR VILL AÐ VIÐ BREYTUM SÖGUNNI
Typpakeppnin
STÓR HUMAR
HÖRPUSKEL
RISARÆKJUR
„Ég hef ekki efni á að kaupa Holly-
wood-hjólhýsavagn, og þess vegna
keyri ég um á Toyta Corolla með
þrjá kassa aftur í. Einn þeirra
er fullur af hárkollum, einn af
tískudóti og sá þriðji er fullur af
gerviblóði og latexi,“ segir Áslaug
Dröfn Sigurðardóttir, sem er ein af
fáum Íslendingum sem lært hafa
kvikmyndaförðun. Hún útskrifað-
ist nýlega úr James Watt College
í Edinborg, og hennar fyrsta verk-
efni eftir að hún kom heim var að
starfa við mynd Clints Eastwood,
Flags of Our Fathers. „Ég sótti
bara um. Það var mikið af leik-
urum í myndinni og því vantaði
marga. Það voru sex Íslendingar
fengnir til að farða og við skipt-
um með okkur vöktum, þrjú og
þrjú í einu. En eftir því sem her-
mennirnir í myndinni voru drepn-
ir varð minna fyrir okkur að gera.
Við vorum mest í því að skíta út
strákana og gera smá skrámur á
þá. Hollywood-stjörnurnar komu
hins vegar með eigið förðunarfólk
með sér.“
Það hefur verið góð byrjun
á ferlinum að vinna fyrir Clint
Eastwood. „Við grínuðumst með
það að maður hittir fleira heims-
frægt fólk á fjórum mánuðum hér
heima en á tveimur mánuðum úti.
Þó rekur systir mín bar í Edinborg
sem er við hliðina á uppáhaldsveit-
ingastað Seans Connery, og maður
sá hann því nokkrum sinnum.“
En hvað kom til að hún lagði
fyrir sig kvikmyndaförðun?“
„Ég lærði hárgreiðslu hér
heima en langaði til að gera eitt-
hvað annað en bara klippa fólk. Ég
fór út í framhaldsnám í förðun,
sem var fyrst og fremst verklegt,
og þar var boðið upp á alls konar
námsskeið. Mér fannst skemmti-
legast að læra að gera blóð og lim-
lestingar. Ég vann líka við að gera
stuttmyndir í Skotlandi og þar var
mikill „splatter“, ég var mikið að
leika mér með pulsukjöt og svona.
Ég þurfti eitt sinn að skella pulsu-
kjöti framan í leikara, og svo kom
í ljós að var grænmetisæta.“
Áslaug vinnur sjálfstætt og
er til í slaginn á Toyotunni. „Ég
er eiginlega með allt sem til þarf
í bílnum og get því tekið að mér
hvað sem er. Svo er þetta líka eins
og stór snyrtitaska ef maður fer
óvænt á djammið.“
Það geta þó hættur fylgt því að
vera að keyra um með leikmuni í
bílnum.
„Einn kennarinn minn í Skot-
landi stoppaði á rauðu ljósi og
maður á næsta bíl leit inn um
gluggan. Þegar hann sá limlest lík
í baksætinu hringdi hann í lögg-
una. Kennarinn brýndi það því
fyrir okkur að vera ekki að keyra
um með sjáanlega líkamsparta.“
Áslaug hefur hlotið alþjóðlegt
uppeldi, því átta mánaða gömul
flutti hún til Mombasa í Kenía, og
var þar í fjögur og hálft ár meðan
faðir hennar vann við þróunar-
starf. Þaðan fluttu þau til Dorset
í Bretlandi. Áslaug hefur síðan
verið duglega að ferðast. Hún
flutti til Danmerkur ein síns liðs
aðeins 16 ára gömul og hefur síðan
búið á Ítalíu jafnt sem Skotlandi.
En hvað hefur hún verið að gera
í kjölfarið á Eastwood?
„Ég hef unnið við förðun í aug-
lýsingum hjá Pegasus og Saga
film, og ég tók þátt í æfingu hjá
flugbjörgunarsveitinni við að búa
til gervisár þar sem flugbjörgun-
armenn þurfa að venjast ýmsu.
Svo vann ég við forvarnarauglýs-
ingu varðandi flugelda, þar sem
ég þurfti að láta líta út fyrir að
strákur hafi fengið flugelda í and-
litið. Það er ekki mikil „splatter“-
menning hér heima, en kannski
breytist það eftir að Eli Roth kom
hingað með Hostel. Vonandi verð-
ur þá meira að farða í íslenskum
bíómyndum en bara glóðuraugu.“
valurg@frettablaðið.is
ÁSLAUG DRÖFN SIGURÐARDÓTTIR: ÚR HÁRGREIÐSLU Í FÖRÐUN
Setti skít og skrámur á
hermenn Eastwoods
ÁSLAUG DRÖFN SIGURÐARDÓTTIR Lærði hárgreiðslu en langaði að gera eitthvað annað og
sneri sér að kvikmyndaförðun.
Það er alltaf sama sagan. Ég spyr mig aftur og aftur,
af hverju erum við stöðugt í typpakeppni, störu-
keppni og endalausri samkeppni?
Það er alveg sama hvað maður upplifir. Í hvert
skipti sem ég kynnist nýjum manni upplifi ég það að
annaðhvort okkar er „on top“ eða hinum æðri eins
og við segjum upp á góðri íslensku. Það er alveg
merkilegt hvað maður er endalaust að reyna að vera
meiri töffari en hinn og gerir allt til þess eins að ná
því fram sem maður er að sækjast eftir. Innst inni
hefur takmarkið aldrei verið að vinna þann sem ég
hef verið að deita í töffarakeppninni en ég skal alveg
viðurkenna það að til að byrja með hef ég alltaf
verið mjög kappsöm í þessari annars mjög asnalegu
keppni. Mér er mest í mun að virðast hafa meira að
gera, eiga fleiri vini og vera meira ómissandi en sá
sem ég er að hitta.
Eins og ég hef líka oft sagt áður er þetta málefni
sem fæstir vilja viðurkenna. En þegar maður pælir í
því held ég að ég hafi sjaldan hlustað á vin eða vin-
konu sækja sér ráðleggingar öðruvísi en til þess að
virka meiri töffari en hinn. Sem dæmi hef ég heyrt
og sjálf sagt þessar setningar: Heldur hann að ég
hafi ekkert betra að gera ef ég vil svona oft vera með
honum, finnst henni ég vera hrikalega „desperat“ ef
ég hringi aftur án þess að hún hafi hringt í millitíð-
inni“ og „heldur hann að ég sé hrikalega einmana ef
ég býð honum út að borða“? Hvað er þetta annað
en typpakeppni?
Fólk hefur tekið þessa keppni í hæstu hæðir til
að ná takmarkinu og endað svo sem taparar. Er ekki
meira kúl að sýna það sem manni virkilega finnst og
enda svo sem sigurvegari?
Ég held að það væri miklu vænlegra að venja
okkur af þessum ósið og láta í ljós hvernig okkur
líður. Frasar eins og: „Vá hvað mig langar að vera
með þér í kvöld“ og „Hrikalega vildi ég að þú værir
hjá mér“ láta öllum líða vel. Ég held að við getum
verið sammála að okkur langar öllum
að líða vel.
Það sorglega við þetta er
að þegar einhver sýnir þessa
hegðun finnst okkur við hafa
yfirhöndina og við hættum
að vilja það sem við vorum
upprunalega að sækjast
eftir. Ég vil meina að þetta
sé eitthvað sem við getum
vanið okkur af. Er einhver
ósammála ég bara spyr?
Ég ætla því að koma
með þá tillögu að við ölum
þetta upp í börnunum okkar,
breytum sögunni og tryggjum
að þeim líði vel þegar þau
vaxa úr grasi sjálf. Gangi ykkur
vel!
LÁRÉTT
2 vörumerki 6 sláturfélag 8 mas 9
pota 11 í röð 12 fold 14 óróleg 16
tveir eins 17 efni 18 drulla 20 í röð
21 skjótur.
LÓÐRÉTT
1 innsog 3 hljóm 4 töfrar 5 æst 7
súla 10 umfram 13 gagn 15 drasl 16
kóf 19 slá.
LAUSN
[ VEISTU SVARIÐ ]
1 Endurfæðingu sólar
á vetrarsólstöðum.
2 1.626.722 krónur.
3 Landsnet.
LÁRÉTT: 2 lógó, 6 ss, 8 mal, 9 ota, 11
lm, 12 grund, 14 ókyrr, 16 kk, 17 tau,
18 aur, 20 rs, 21 frár.
LÓÐRÉTT: 1 ísog, 3 óm, 4 galdrar, 5
ólm, 7 strókur, 10 auk, 13 nyt, 15 rusl,
16 kaf, 19 rá.
HRÓSIÐ
...fá meðlimir ungliðahreyfing-
ar Samtakanna ´78 sem færðu
biskupi Íslands, herra Karli
Sigurbjörnssyni, jólapakka
sem innihélt regnbogatrefil og
heimildarmynd sem fjallar um
þá erfiðleika sem fylgja því þegar
ungt fólk kemur út úr skápnum.
FRÉTTIR AF FÓLKI
Jóhannes Jónsson í Bónus hlaut á dögunum verðlaun ísfirskrar alþýðu
fyrstur manna en til verðlaunanna var
stofnað í haust á ársafmæli Heima-
stjórnarhátíðar alþýðunnar á Ísafirði. Á
fréttavefnum bb.is segir að við stofnun
verðlaunanna hafi verið ákveðið að
veita þau fyrirtækjum, einstaklingum
eða stofnunum sem hafa lagt mikið
af mörkum til stuðnings mannlífs og
byggðar á Ísafirði. Það vekur athygli að
Jóhannes er Reykvíkingur í húð og hár
og býr á Akureyri en það breytir því ekki
að Ísfirðingar hugsa hlýtt til hans þar
sem matvöruverð í bænum snarlækk-
aði eftir að Bónus opnaði þar verslun.
Jóhannes hefur ekki komist
vestur til þess að taka á
móti verðlaununum, meðal
annars vegna þess að flug
hefur fallið niður, en
hans bíður málverk
eftir Reyni Torfason,
bæjarlistamann
Ísafjarðar.
Það er heilmikið líf í fangelsinu á Litla-Hrauni í kringum jólin. Í
dag heimsækja félagar í skákfélaginu
Hróknum fangana heim og slegið
verður upp skákmóti á vegum Hróksins
og Frelsingjans, sem er skákfélag fanga
á Hrauninu. Hinrik Danielsen, nýjasti
íslenski stórmeistarinn og skólastjóri
Hróksins, og Hrafn Jökulsson, fráfarandi
forseti Hróksins, fara fyrir gestaliðinu og
munu án efa þurfa að taka á honum
stóra sínum vegna þess að á Litla-
Hrauni leynast firnasterkir skákmenn.
Árni Höskuldsson gullsmiður leggur til
verðlaunagripi en þar fyrir utan koma
Hróksmenn klyfjaðir jólagjöfum til fang-
anna sem fá bókagjafir frá Eddu útgáfu
og Sölku, geisladiska frá Skífunni og
Penninn sendir föngunum skáktölvur. Þá
fá allir blóm frá Blómaverkstæði Binna.
Skákmótið hefst klukkan eitt og hefur
Valtý Sigurðssyni fangelsismálastjóra
verið boðið að keppa á mótinu og hann
stefnir að því að mæta. Komi hins vegar
jólaannnir í veg fyrir það biður hann
fyrir bestu kveðjur til þeirra sem dvelja
á Hrauninu. Svo mætir Bubbi Morthens
að sjálfsögðu á Litla-Hraun á aðfanga-
dag og heldur sína árlegu jólatónleika
þannig að það verður
lítið um dauðar stundir
í fangelsinu fyrir jól.
Þess má svo geta að
á jóladag sýnir frétta-
stöðin NFS sérstakan
þátt um lífið í fangelsinu á
aðventunni. ÞÞ
Friðargangan hreinsar hugann
STEINUNN ÞÓRA ÁRNADÓTTIR Er í skipu-
lagsnefndinni fyrir friðargönguna í ár en
þetta er í 26. skiptið sem hún er haldin í
Reykjavík. FRÉTTABLAÐIÐ / E.ÓL
1 dálkur 9.9.2005 15:19 Page 6