Fréttablaðið - 23.12.2005, Blaðsíða 54

23. desember 2005 FÖSTUDAGUR42
tonlist@frettabladid.is
> Í SPILARANUM HJÁ RITSTJÓRNINNI
Singapore Sling: Taste the Blood of Singapore Sling,
Íslensk börn af ýmsum uppruna: Úr vísnabók heims-
ins, Kimono: Artic Death Ship, L´amour fou: Íslensku
lögin og Jim Noir: Tower of Love.
Lagið We are the Champ-
ions með bresku hljóm-
sveitinni Queen hefur verið
kjörið besta lag allra tíma í
fjölþjóðlegri skoðanakönn-
un sem var gerð í 66 lönd-
um og þýdd yfir á tuttugu
mismunandi tungumál.
Lagið Toxic með poppprinsessunni
Britney Spears lenti í öðru sæti
í könnuninni og í því þriðja varð
Billie Jean með Michael Jackson.
Í fjórða sæti kom síðan slagarinn
Hotel California með The Eagles.
We are the Champions er að
finna á sjöttu plötu Queen, News
of the World, frá árinu 1977 og
kemur þar á eftir öðrum slagara,
We Will Rock You. Bæði þessi lög
voru síðar meir notuð sem loka-
lögin á tónleikum Queen við frá-
bærar undirtektir.
Allar götur frá útgáfu þess
hefur lagið verið notað sem sigur-
lag þegar titlar eða miklir sigrar
hafa unnist á íþróttakappleikum,
sérstaklega í fótbolta. Þetta er
lag sem allir geta sungið með en
eflaust eru einhverjir komnir með
ógeð á því enda afar mikið notað í
íþróttaheiminum.
„Ég verð að fá fólk yfir á mitt
band, annars eru tónleikarnir ekki
vel heppnaðir,“ sagði söngvarinn
Freddie Mercury í viðtali árið 1985
um We Are the Champions. „Mitt
starf er að skemmta fólki. Það er
skylda mín og allt snýst þetta um
að hafa stjórn á hlutunum. We
are the Champions varð vinsælt
á meðal fótboltaáhangenda af því
að það er lag um sigurvegara. Ég
trúi því samt ekki ennþá að eng-
inn hafi samið nýtt lag í staðinn
fyrir þetta,“ sagði hann.
We Are the Champions var að
mestu samið af Mercury. Hann
bjó til melódíuna á píanó en síðar
meir bættu trommarinn Roger
Taylor og bassaleikarinn John
Deacon sínum hugmyndum við
auk þess sem Brian May bjó til
gítarhlutann, sem endaði í gríð-
arlegu sólói. Söngurinn í laginu
er mjög krefjandi og á tónleikum
bað Mercury trommuleikarann
Taylor oft um að syngja hæstu
nóturnar í laginu.
„Ég var að hugsa um fótbolta
þegar ég samdi það,“ sagði Mer-
cury, sem lést úr alnæmi árið
1991, aðeins 45 ára. „Ég vildi lag
sem fengi fólk til að taka þátt,
eitthvað sem aðdáendurnir gætu
sungið. Það var ætlað fjöldanum.“
Brian May hafði þetta að segja
um lagið í viðtali árið 1991: „Ég
get alveg skilið að fólk segi að We
Are the Champions sé hrokafullt
lag. En það er ekki um að Queen
séu meistarar heldur um að við
séum það öll. Þegar við tókum
lagið á tónleikum var eins og við
værum á fótboltaleik en samt voru
allir á staðnum í sama liði.“
We are the Champions
valið besta lag allra tíma
Rokkhljómsveitin Douglas Wilson gaf nýver-
ið út sína fyrstu plötu sem ber heitið Stuck
in a World.
Platan inniheldur afrakstur fjögurra ára
samstarfs og verður honum fylgt eftir á kom-
andi vikum og mánuðum með tónleikahaldi
hérlendis. Meðlimir Douglas Wilson eru
allir Norðlendingar en ætla að flytja suður
á næstunni og mun þá gefast fleiri tækifæri
til tónleikahalds á höfuðborgarsvæðinu.
„Við höfum aðallega spilað fyrir norðan. Við
búum allir utan við Akureyri en höfuðstöðv-
arnar okkur eru á Akureyri,“ segir Einar Máni
Friðriksson, meðlimur Douglas Wilson.
Douglas Wilson vekur gjarnan mikla
athygli fyrir framkomu og um tónlist sína
segjast meðlimir sjálfir spila breskt rokk
í anda Muse, Placebo og Radiohead þó
einnig votti fyrir Guns N‘ Roses áhrifum á
köflum. Eru þeir nú undir smásjánni hjá hol-
lensku útgáfufyrirtæki en gert er ráð fyrir að
Stuck in a World verði dreift þar í landi á
komandi ári og ef til vill víðar ef samningar
nást. Samhliða því er gert ráð fyrir tónleika-
ferð ytra á vegum umboðsmanna útgáfu-
fyrirtækisins. „Þeir hafa verið að sýna okkur
nokkurn áhuga og við erum að vinna í því
að taka næsta skref og fá að gefa úti,“ segir
Einar Máni.
Undir smásjá Hollendinga
BESTU LÖG ALLRA TÍMA
1. We Are the Champions Queen
2. Toxic Britney Spears
3. Billie Jean Michael Jackson
4. Hotel California The Eagles
5. La Tortura Shakira
6. Smells Like Teen Spirit Nirvana
7. Yesterday Bítlarnir
8. One U2
9. Imagine John Lennon
10. Sultans of Swing Dire Straits
> popptextinn
„We are the champions
− my friends
And we´ll keep on
fighting − till the end
We are the champions,
we are the champions
No time for losers
´cause we are the campions − of
the world“
FREDDY MERCURY HEFUR ENGAN TÍMA
FYRIR AUMINGJA Í HINU ÓDAUÐLEGA
WE ARE THE CHAMPIONS.
> Plata vikunnar
MUGISON: LITTLE TRIP
„Smekkleg plata sem
stendur vel fyrir sínu
ein og sér, og líklega
besta kvikmyndatón-
list Íslendings til þessa.“ VG
Lög með Eminem hafa verið notuð
til að pynta fanga í fangabúðum sem
Bandaríkjamenn hafa starfrækt í
Afganistan undanfarin ár.
Að sögn eins fanga frá
Eþíópíu var hann í haldi í
fangelsinu í kolniðamyrkri
og látinn hlusta á lag eftir
Eminem og Dr. Dre sam-
fleytt í tuttugu daga. Eftir
það var laginu skipt út fyrir
hræðilegan draugahlátur og
hrekkjavökuhljóð. Fangarnir
voru víst hlekkjaðir við veggi,
fengu ekkert að sofa og síðan
voru græjurnar settar í botn.
Eminem í
pyntingar
DOUGLAS WILSON Hljómsveitin Douglas Wilson gaf
nýverið út plötuna Stuck in a World.
EMINEM Rapparinn Eminem er notaður
sem pyntingartæki í Afganistan.
Platan Jólin eru að koma með
þeim systkinum KK og Ellen
hefur selst í yfir 5.000 einstök-
um og táknar það gullsölu. Af því
tilefni komu þau fram í Bókabúð
Máls og menningar við Laugaveg
og spiluðu nokkur lög ásamt því að
veita gullplötunni viðtöku. Jólin
eru að koma er fyrsta platan sem
þau KK og Ellen gera saman. Þau
hafa unnið saman áður að gerð
einstakra laga í gegnum árin sem
hafa náð almannahylli, eins og
When I Think of Angels.
Meira gull
FREDDIE MERCURY Söngvar-
inn goðsagnarkenndi samdi
We Are the Champions fyrir
aðdáendur Queen.
Söngkonan Gwen Stefani úr No
Doubt er ófrísk af sínu fyrstu
barni. Stefani, sem er tilnefnd til
fimm Grammy-verðlauna fyrir
plötuna Love.Angel.Music.Baby,
er gift Gavin Rossdale, söngvara
rokksveitarinnar Bush.
Þau giftu sig fyrir þremur
árum en barnið er vænt-
anlegt í heiminn í júní.
Rossdale á fyrir sextán
ára dóttur frá sambandi
sínu með tískuhönnuðin-
um Pearl Lowe. Hann fékk
að vita að hann væri faðir
hennar á síðasta ári eftir
að hafa tekið DNA-próf því
til sönnunar.
Gwen Stefani
ófrísk