Fréttablaðið - 23.12.2005, Blaðsíða 58

Björgvin Franz Gíslason leikari: ,,Við
hjónin gefum alltaf til Mæðrastyrks-
nefndar fyrir jólin. Svo reynir maður
að gera sem mest fyrir aðra á þessum
árstíma.“
GERIR ÞÚ GÓÐVERK
UM JÓLIN?
Benni Hemm Hemm tónlistarmað-
ur: ,,Ætli maður reyni það ekki. Ég er
nú reyndar ekki kominn í jólaskapið
ennþá en jólin eru heldur ekki komin.
Ég verð bara að segja það að ég er
ekki búinn að plana góðverkin fyrir
þessi jól. Þau verða þó vafalaust ein-
hver.“
Kristín Björk Kristjánsdóttir (kira
kira) listamaður: ,,Það er nú ekkert
skipulagt en vonandi verður það bara
sjálfkrafa. Vonandi er maður nú mann-
eskja til þess að gera eitthvað fyrir
náungann, helst allt árið. Jólin eru auð-
vitað mikill kærleikstími og ef einhvern
tímann er tími til að gefa í varðandi góð-
mennsku og glaðværð þá er það núna.
Kannski var mitt góðverk það að vera
hluti af jólaseríu Tilraunaeldhússins og
kæta með því landann sem mest.“
Valdís Gunnarsdóttir útvarpskona: Já,
ég geri góðverk fyrir þessi jól. Til dæmis
báðum við hlustendur að benda okkur
á þrjár fjölskyldur sem eiga um sárt að
binda eða eru í neyð fyrir þessi jól. Við
fengum síðan til liðs við okkur nokkur
fyrirtæki og núna eru 110 manns búnir
að senda okkur póst. Ég er því að vona
að við getum glatt einhverja fjölskyldu
hér í bænum á sunnudaginn. Maður
reynir því að gera eins og maður getur
fyrir aðra.“
Auðunn Blöndal sjónvarpsmaður og
sprellari: ,,Já, ég reyni að gera eins og
ég get. Undanfarin ár höfum við sett
pakka undir tréð í Kringlunni og það
er mitt góðverk á jólunum.“
Gunnar Hansson leikari: ,,Ég reyni
bara að gleðja fjölskyldu mína og mína
nánustu. Reyndar er ég alltaf með eina
stúlku í Afríku sem ég styð en það er
nú bara svona heilt yfir allt árið, ekkert
sérstaklega í kringum jólin.“
Nanna Kristín Magnúsdóttir leik-
kona: ,,Já en ég vil helst ekki segja frá
því svo að viðkomandi komist ekki að
því fyrirfram. En auðvitað reyni ég að
gera almenn góðverk líka.“
Hilmar Oddsson kvikmyndaleikstjóri:
,,Ég reyni frekar að láta gott af mér
leiða en slæmt yfir allt árið en jólin eru
auðvitað svolítið viðkvæmari tími en
ella fyrir þá sem eiga erfitt. Ég reyni að
vera almennilegur við mína nánustu
en ég hef hins vegar ekki gefið stórar
upphæðir til hjálparstarfs eða hjálpað
gamalli konu yfir götu en ég reyni að
gefa af mér hlýju á þessum árstíma.“
Ísafjörður Hafnarbúðin S. 456-3245.
Reyðarfjörður Molinn S. 474-1400.
Höfn H. Hafnarbraut 34 S. 478-2216
Reykjavík Faxafen 12 S. 533-1550
Akureyri Strandgata 3 S. 464-4450
Keflavík Hafnargata 25 S. 421-3322
23. desember 2005 FÖSTUDAGUR46