Fréttablaðið - 02.01.2006, Side 18

18 2. janúar 2006 MÁNUDAGUR
MYNDIR ÁRSINS 2005
MÁLUÐU BÆINN BLEIKAN Konur minntu á að þær eru ekki best
geymdar bak við eldavélina þegar þær lögðu niður störf í október
og fjölmenntu í tugþúsunda tali niður í miðbæ og létu í sér heyra.
FRÉTTABLAÐIÐ/ HEIÐA
UNGUR NEMUR GAMALL TEMUR Fylgismenn Múhameðs spámanns er víða að finna og líka í Ármúlanum. Þar eiga
múslimar á Íslandi sér samastað og koma þar saman til bænahalds að sínum sið. FRÉTTABLAÐIÐ/VILHELM
AÐ VERA EÐA EKKI VERA ... FORMAÐUR Svilfólkið og samherjarnir Ingibjörg Sólrún Gísladóttir tókust á um for-
mannsstól Samfylkingarinnar á árinu eftir einhverja lengstu kosningabaráttu sem um getur. Ingibjörg Sólrún stóð
uppi sem öruggur sigurvegari en Össur tók tapinu með reisn og gerðist ötull bloggari í kjölfarið. FRÉTTABLAÐIÐ/HARI
SJÓSLYS Á VIÐEYJARSUNDI Hörmulegt sjólys varð á Viðeyjarsundi í sept-
ember þegar skemmtibátur steytti á skeri að næturlagi með þeim afleiðing-
um að tvennt fórst en þrennt komst af meira og minna slasað. Rannsókn
leiddi í ljós að skipstjórinn var ölvaður við stjórn bátsins. FRÉTTABLAÐIÐ/TEITUR
BAUGSMENN Í FJÖLMIÐLAFÁRI Baugsmál voru ofarlega á baugi síðari hluta ársins eftir að ríkissaksóknari birti Jóni Ásgeiri Jóhannessyni og öðrum forsvars-
mönnum fyrirtækisins ákærur í 40 liðum fyrir margs konar fjármálamisferli. Héraðsdómur Reykjavíkur vísaði 32 liðum málsins frá vegna vanreifunar en
átta liðir standa eftir og bíða meðferðar fyrir dómstólum. Þá er alls ekki útilokað að saksóknaraembættið höfði nýtt mál á hendur stjórnendum Baugs en
sérstakur saksóknari hefur málið til skoðunar. FRÉTTABLAÐIÐ/E.ÓL
EIÐUR FYLGDI HJARTANU Eggert Skúlason hjólaði hringveginn til styrktar
samtökunum Hjartaheill í sumar. Eiður Smári Guðjohnsen hjólaði fyrsta
spölinn með honum í júníbyrjun og aðdáendurnir létu sig vitaskuld ekki
vanta.
HIN NÝJA ÁSÝND FRAMSÓKNAR Framsóknarflokkurinn hélt flokksþing sitt
með pomp og prakt í febrúar þar sem gildum fjölmenningarsamfélagsins
var hampað í hvívetna og munu ófáir framsóknarmenn hafa skráð sig á
magadansnámskeið í Kramhúsinu eftir að boðið var upp á slíka sýningu á
þinginu. FRÉTTABLAÐIÐ/ VALLI