Fréttablaðið - 02.01.2006, Qupperneq 57

Lost-stjarnan Michelle Rodriguez er í vondum málum. Hún var handtekin á
dögunum fyrir ölvun við akstur og hefur
með því líklega brotið skilorð
að mati lögreglunnar. ,,Við
teljum að með þessu
umferðarlagabroti sínu hafi
hún brotið skilorð. Þetta
getur þýtt að hún þurfi
að dúsa í fangelsi
í um 18 mánuði,“
sagði talsmaður
lögreglunnar í
Los Angeles.
Leikkonan Christina Applegate er komin með nýjan kærasta upp á
arminn. Sá heppni heitir Lee Grivas og er
ljósmyndari og sjómaður.
Hittist parið í gegnum
sameiginlegan vin. ,,Við
erum mjög ánægð
með hvort annað.
Við tökum bara
eitt skref í einu. Við
njótum félagsskaps
hvors annars og það
er nóg í bili,“ sagði
leikkonan að lokum.
Ljósmyndarinn sem klessti á bíl Lindsay Lohan fyrr á árinu hefur
verið sýknaður af öllum ákærum.
Komst dómari í Kaliforníu að því að
ljósmyndarinn hefði ekki gert neitt af sér.
,,Áreksturinn var ekki af neinum ásetningi,
þetta var hreint og beint
slys,“ sagði saksóknarinn
William Hogdmann við
fjölmiðla. Lohan sagði
að áreksturinn hefði
átt sér stað þegar
hún var að reyna að
stinga ljósmyndarann
af á bíl sínum.
FRÉTTIR AF FÓLKI
Lokað í dag
550 5000
AUGLÝSINGASÍMI