Fréttablaðið - 28.01.2006, Page 66

28. janúar 2006 LAUGARDAGUR46
utlit@frettabladid.is
Ekki veit ég hvort félagar mínir eru almennt svona þunglyndir eða
hvort þetta er bara svona undarlegur janúar. Meira að segja „hressu
týpurnar“ hafa átt í vandræðum með hið innra sjálf og „ljótan“ hefur
herjað á marga. Fyrir þá sem ekki þekkja fyrirbærið þá er það alþekkt
meðal kvenna. Þetta er andlegt ástand. Auðvitað væri best að heim-
sækja sálfræðing einu sinni í mánuði, en það er ekki á allra færi. Það
getur verið erfitt að drífa sig af stað og fólk lumar á milljón ástæðum
til að slá því á frest.
Það getur þó verið svolítið flókið að fóta sig í tilverunni þegar „ljótan“
ræður ríkjum, sérstaklega þar sem aðrir koma ekki auga á hana. Marg-
ar konur bregða á það ráð að eyða peningum þegar „ljótan“ bankar upp
á. Auðvitað er hægt að gleðjast yfir nýjum stígvélum eða glossi sem
stækkar varirnar.
Þegar öllu er á botninn hvolft læknar þetta þó ekki „ljótuna“, en getur
haldið henni í skefjum í ákveðinn tíma. Mislangan þó.
Af hverju haldið þið að konur sturlist á útsölum?
Þegar „ljótan“ yfirtekur líf mitt þá tek ég til í fata-
skápnum mínum. Sortera hið liðna frá því sem
mér líkar og vil eiga áfram. Oft breyti ég fötum
til að endurlífga þau, stytti, þrengi eða skreyti.
Um daginn fann ég til dæmis nokkurra ára
gamlar svartar sparibuxur inni í fataskáp.
Þegar ég var komin í þær við háhælaða skó
og skyrtu leið mér eins og ég væri í einkennis-
búningi. Fannst ég eins og bitur miðaldra leið-
indaskjóða. Þegar ég girti þær hinsvegar ofan í
stígvélin þá voru þær flottar og minntu ekki vit-
und á einkennisbúning. Þarna eignaðist ég því
splunkunýjar buxur án þess að taka upp veskið.
Það er ein af þessum fullkomnu aðferðum til að
drepa „ljótu“.
Stundum er þetta líka spurning um að raða
eftir litum í fataskápinn svo fötin virki girnileg
á slánni líkt og gert er í kvenfatabúðum.
Sundferðir gera líka drepið „ljótu“
ásamt jógatímum og trimmferðum út
í náttúruna. Svo má líka taka Siennu
Miller á þetta. Skipta algerlega um
hárgreiðslu, henda öllum gömlu föt-
unum sínum og birtast á ný eins og
endurgerð af Díönu prinsessu. Það
getur varla klikkað!
Nú er farið að birta til í tísku-verslunum bæjarins enda útsölurnar brátt á enda.
Nýju vörurnar koma með
kærkominn og ferskan
blæ í búðirnar enda
eflaust flestir orðnir
leiðir á gömlu haust-
vörunum.
Þegar nýju flík-
urnar eru skoðaðar
og búðirnar þræddar
er áberandi hversu róm-
antískt yfirbragð sumar-
flíkurnar hafa. Blúndur og
útsaumur allsráðandi ásamt
perlum og slaufum. Litirnir
sem greinilega verða vin-
sælir í sumar eru fölbleikur,
fölgrænn, gráblár og bein-
hvítur. Það eru augljóslega bjartir
tímar framundan og þó að sumarið
sé langt í frá komið þá er dásam-
legt að geta klætt sig í fallegar og
rómantískar flíkur eins og þessar
núna í janúar hinum dimma.
Anna Sui virðist hafa hitt nagl-
ann á höfuðið með sumarlínu
sinni fyrir þetta árið, enda ein-
kennir þessi litasamsetning
fötin frá henni, flæðandi
sumarkjólar og róm-
antísk blómamunst-
ur. Slíkar flíkur
voru líka áberandi
hjá hönnuðum
eins og Phoebe
Philo hjá Chloé,
Dolce & Gabbana
og Celine. Til að ná
þessu rómantíska og
örlítið sveitalega útliti
er málið að hafa hárið
sem náttúrulegast.
Fermingargreiðslur
eða stífur hnútur í hár-
inu eru á bannlistanum en frjálsir
lokkar og örlítið tjásulegt hár er
það sem koma skal. Förðunin er
náttúruleg og látlaus.

hilda@frettabladid.is
Ferskir straumar í tískunni
MÓÐUR VIKUNNAR
> MARTA MARÍA FER YFIR MÁLIN
Spáir þú mikið í tískuna? Nei, ekki í
dægursveiflur en í stærra samhengi. Ég hef
alltaf haft áhuga á fallegri hönnun.

Hvernig myndirðu lýsa stílnum þínum?
Sportlegur, einfaldur, í besta falli klassískur,
nokkuð kæruleysislegur og tímalaus.
Uppáhaldshönnuðir eða fatamerki? Coco
Chanel er sá hönnuður sem mér hefur þótt
mest til koma. Hún var ekki bara hönnuður
heldur tískuhugsuður.
Flottustu litirnir? Ég hugsa meira um
efni og snið en liti. Ég hugsa um liti út
frá fötunum sjálfum. Hallast almennt að
dökkbláu og dökkum litum en vil hafa
hvítt með. Svo er það eitthvað með gráar
peysur...
Hverju ertu veikust fyrir? Fallegum efnum
(kasmír, silki og rúskinni) og einföldum
sniðum. Öllu sem er notalegt að vera í. Stór-
um peysum, skyrtum, gallabuxum, jökkum
og leðurstígvélum og ljósum karlmannleg-
um rykfrökkum. Á einn svoleiðis frá afa.
Hvað finnst þér flottast í tískunni núna?
Það sem er flott er flott, algerlega óháð
tísku.
Uppáhaldsverslun? Í Reykjavík finnst mér
skemmtilegast að fara í búð í Bankastræt-
inu. Sævar Karl mætti gefa mér afslátt fyrir
að segja þetta.
Hvað eyðir þú miklum peningum í föt
á mánuði? Ég kaupi ekki föt í hverjum
mánuði.
Hvaða flíkur gætir þú ekki verið án?
Brúnu kaðlapeysunar minnar sem ég
keypti í Stokkhólmi fyrir 20 árum.
Uppáhaldsflík? Fimmtán ára gömul,
vaxborin Barbour-úlpa sem krakkarnir
eru búnir að banna mér að ganga í. Mér
finnst hún töff. Flottustu fötin eru þau
sem maður getur notað árum saman.
Ljótasta flík sem þú hefur keypt þér?
Dettur helst í hug „eighties eróbikk“-bún-
ingur. Herdís dóttir mín og Margrét Edda
vinkona hennar vöktu mig um
miðja nótt um daginn til að
leita að honum og nota
hann eina ferðina enn
fyrir einhverja uppákomu
í MR.
SMEKKURINN HERDÍS ÞORGEIRSDÓTTIR, PRÓFESSOR VIÐ LAGADEILD Á BIFRÖST
Coco Chanel var tískuhugsuður
PRJÓNAPEYSA
í dýrðlega
sægrænum lit.
Vila.
TUÐRA Stílhrein
og flott taska sem
rúmar allt. Úr Vila.
STUTTBUXUR Flottar stutt-
buxur eru algjör nauðsyn
í sumar og sóma sér vel
með sokkabuxum og
stígvélum. Úr Oasis.
STUTT fölbleik peysa
úr Oasis sem færi vel
við sætan sumarkjól.
SUMARLEGUR Ómót-
stæðilegur toppur
úr Oasis. FRÉTTABLAÐ-
IÐ/PJETUR
MEÐ FYLLTUM HÆL Sætir háhælaskór úr Bossanova.
RYKFRAKKI Þeir verða
svakalega flottir í sumar
að því er tískufræðingar
segja. Þessi er úr Vila.
PERLUR Fara þær
einhvern tíma úr tísku.
Þessar fást í Oasis.
NÆLA Í skemmtilega
gamaldags stíl. Úr
Oasis.
FÍNLEG Blússa
í blágrænum
lit frá Oasis.
POSTULÍN
Sætur kjóll með
fallegu mynstri
sem minnir helst á
dýrindis postulín.
Fæst í Oasis.
ANNA SUI Sætur
blómakjóll sem
smellpassar inn í
tískustraumana sem nú
má sjá í verslununum.
NORDICPHOTOS/GETTYIMAGES
ANNA SUI
Rómantískt og
fallegt.
Endurbætt útgáfa
Skeifan 4
S. 588 1818
FR
ÉT
TA
B
LA
Ð
IÐ
/
> Aviator sólgleraugu
...verða sjúklega nauðsynleg
í sumar. Vertu á undan öllum
öðrum og sýndu þau núna!