Fréttablaðið - 05.05.2006, Blaðsíða 28

5. maí 2006 FÖSTUDAGUR28
Í framhaldi af þeirri vinnu sem
hrundið var af stað með íbúaþingi
og samkeppni um endurskipulagn-
ingu miðbæjarins sem félagið
Akureyri í öndvegi stóð fyrir
hefur mikil umræða átt sér stað
um skiplagsmál á Akureyri og er
það vel. Skipulagmál eru flókinn
og vandasamur málaflokkur og
það hvernig til tekst skiptir alla
íbúa miklu máli og ræður miklu
um þróun og uppbyggingu byggð-
ar. Því ber að fagna allri umræðu
og skoðanaskiptum um þennan
mikilvæga málaflokk.
Hver bað um að síki yrði grafið?
Það er mikill misskilningur hjá
vini mínum Ragnari Sverrissyni
ef hann heldur að það standi ein-
hver allsherjar hallelújakór Akur-
eyringa á bak við þá hugmynd að
grafa síki upp í miðbæ Akureyrar
til að mynda skjól og sól. Ég ætla
a.m.k. að fullyrða að síki eitt og
sér myndar hvorugt. Hvort sem
Ragnari líkar betur eða verr þá
eru um þennan þátt í þeim skipu-
lagshugmyndum sem nú eru til
umfjöllunar mjög skiptar skoðan-
ir.
Fráleitar kostnaðartölur
Ragnar kallar þá þær tölur sem ég
sló fram sem áætlaðan kostnað við
gerð þessa mannvirkis bull og
vísar þar til „vandaðrar áætlunar“
frá Siglingamálastofnun um að
kostnaðurinn við gerð síkisins
verði 250 milljónir. Ég skal fús-
lega viðurkenna að þetta er gróf
áætlun og a.m.k hærri talan gæti
verið of há ef alls aðhalds er gætt,
en ég fullyrði þó að 250 milljónir
eru út úr korti.
Miðað við verð á lengdarmetra
í stálþili og viðlegukant þá kostar
síkið og umgjörð ekki undir 350
milljónum. Þá á eftir að reikna
með gerð brúar yfir fjórar akrein-
ar Glerárgötunnar með tilheyr-
andi breytingum og hækkun á
Glerárgötunni, flutning á öllum
lögnum sem um þetta svæði liggja,
niðurrif, flutning og endurbygg-
ingu á skólpdælustöðinni, gerð
göngubrúar yfir fremsta hluta sík-
isins, lýsingu á svæðinu, tengingu
við önnur svæði í miðbænum
o.s.frv.
Snjöll lausn orðin að pólitísku
bitbeini
Samfylkingin telur að þessa miklu
fjármuni eigi að nýta til þarfari
þjónustu við bæjarbúa. Um það
snýst pólitík, Ragnar minn, að
verulegu leyti. Að forgangsraða
verkefnum. Það er því heimsins
eðlilegasti hlutur að það sem einn
telur snjalla lausn og beri að ráð-
ast í strax sé ekki á forgangslista
stjórnmálaafls sem telur önnur
verkefni í bæjarfélaginu brýnni.
Eins og fram kemur í minni
grein telur Samfylkingin á Akur-
eyri margar af þeim hugmyndum
sem verið hafa til umfjöllunar
varðandi uppbyggingu miðbæjar-
ins áhugaverðar. Við teljum óráð
að mjókka Glerárgötuna sem þá
um leið segir að þeir bygginga-
reitir sem auglýstir voru fyrir
skemmstu eru stærri en við vilj-
um sjá á þessu svæði. Það er ekki
þar með sagt að ekki megi byggja
á hluta bílastæða miðbæjarins.
Þær framkvæmdir verða þó að
taka tillit til þess að Akureyringar
eiga í dag 11.400 bíla sem notaðir
eru daglega og þeir þurfa pláss.
Tillögur að endurskipulagningu
Það voru sendar inn um 150 tillög-
ur að endurskipulagningu mið-
bæjarins á Akureyri í þeirri hug-
myndasamkeppni sem Akureyri í
öndvegi stóð fyrir. Aðeins ein
þessara tillagna, sú sem fékk
fyrstu verðlaun dómnefndar (ekki
Akureyringa), gerði ráð fyrir því
að grafið yrði síki inn í miðbæ
Akureyrar. Sú tillaga sem unnið
hefur verið eftir við endurskoðun
aðalskipulagsins er samsuða úr
nokkrum þeirra hugmynda sem
verðlaun fengu í keppninni. Sam-
fylkingin er einfaldlega þeirrar
skoðunar að hægt sé að búa til lif-
andi og skemmtilegan miðbæ á
Akureyri án þess að hundruðum
milljóna sé varið í þennan eina
þátt einnar af þeim 150 tillögum
sem bárust í hugmyndasamkeppn-
inni.
Höfundur skipar 4. sæti á fram-
boðslista Samfylkingarinnar á
Akureyri.
Er síki
allsherjarlausn?
UMRÆÐAN
RAGNARI SVERR-
ISSYNI KAUP-
MANNI SVARAÐ
ÁSGEIR MAGNÚSSON
FRAMBJÓÐANDI
Bakþankar Davíðs Þórs Jónsson-
ar í sunnudagsblaði Fréttablaðs-
ins 30. apríl sl. eru um fordóma
og fer hann sérstaklega inn á for-
dóma sína, og glímu sína við þá,
gagnvart heimavistarskólum úti
á landi. Tilgreinir hann Mennta-
skólann að Laugarvatni sérstak-
lega þar sem dóttir hans sýndi því
áhuga að sækja um námsvist í
þeim framhaldsskóla.
Vonandi verður það ekki
þannig í hugum þeirra sem lásu
bakþanka Davíðs Þórs að sleggju-
dómar þeir sem hann notar sem
áhöld í gagnrýni sinni verði það
sem sitji eftir í hugum fólks eftir
lesturinn og gagnrýni hans á for-
dómana snúist upp í andhverfu
sína. Sú hætta er þó fyrir hendi,
vegna framsetningar hans í grein-
inni. Jafnvel má vera að Davíð
Þór hafi skaðað það góða starf
sem unnið er í heimavistarskól-
um úti á landi og lítillækkað
starfsmenn og nemendur Mennta-
skólans að Laugarvatni, fyrr og
nú.
Vonandi vekur grein Davíðs
Þórs fólk þó öllu frekar til
umhugsunar um eigin fordóma
og þekkingarskort á því hvað og
hvernig það er að búa og starfa
úti á landi og á því hvernig heima-
vistarskólar eru, því fordómar
eru börn vanþekkingarinnar.
Hvernig er Menntaskólinn að
Laugarvatni, heimavistarskóli á
hentugum stað í sveit? Besta
svarið fæst með því að kynna sér
viðhorf þeirra sem hafa útskrif-
ast þaðan sem stúdentar, hvað
viðskiptavinurinn hefur að segja,
hvaða reynslu hann hefur. Það er
vænlegt til árangurs að kynna sér
heimasíðu skólans og koma í
heimsókn á staðinn. Skoða skól-
ann og það sem hann hefur fram
að færa. Kynna sér aðbúnað,
námsframboð, starfsfólk og þjón-
ustu. Það er nefnilega þannig í
dag að framhaldsskólar landsins
eru í samkeppnisumhverfi og
ímynd þeirra er eitt það mikil-
vægasta í markaðssetningunni.
Þeir eru stofnanir í þjónustu
almennings og eru og eiga að vera
mjög vandir að virðingu sinni.
Mjög öflugt og faglegt starf er
unnið í Menntaskólanum að
Laugarvatni. Kennarar eru nán-
ast allir með réttindi framhalds-
skólakennara, langflestir þeirra
með framhaldsnám eftir bachelor-
gráðu og margir þeirra með mast-
ers-gráðu. Þegar starf er auglýst
sækja að jafnaði vel menntaðir og
reyndir framhaldsskólakennarar
um. Þeir eru að sækja um starf í
góðum skóla þar sem gerðar eru
kröfur. Vel er haldið utan um
heimavistarmál, þrír starfsmenn
eru þar í vistargæslu á vöktum,
félags- og íþróttalíf er öflugt og
skólinn útskrifar góða stúdenta
vel undirbúna fyrir nám í háskól-
um. Gengi nemenda úr ML í
háskólanámi sýnir að þeir eru
mjög vel staddir faglega og
félagslega. Öflugt kynningarstarf
er unnið, þar sem sérstaklega er
vísað til sérstöðu skólans sem
bekkjarkerfisskóla með stúdents-
brautirnar þrjár, skóla sem er
með starfs- og námsaðstæður á
við það besta sem þekkist, skóla
þar sem ævilöng vinátta myndast
nemenda í millum og milli nem-
enda og starfsmanna. Þetta er
menntaskóli með mikla sögu og
ríkar hefðir en um leið skóli sem
er nútímalegur og í mikilli þróun
tæknilega. Það er góður undir-
búningur undir nám í háskólum
og sérskólum hérlendis sem
erlendis, undir lífið og þátttöku í
lýðræðisþjóðfélagi að fara í
Menntaskólann að Laugarvatni
og útskrifast þaðan sem stúdent.
Það er val starfsmanna skól-
ans að starfa og búa á Laugar-
vatni eða í nágrenni, vegna þess
að þar líður þeim og fjölskyldum
þeirra vel. Það er val þeirra að
búa úti á landi. Það er einnig val
nemenda ML að sækja einmitt í
þann skóla, vegna þess að hann
veitir góðan undirbúning fyrir
háskólanám, þar eru áhugasamir
nemendur og góðir starfsmenn.
Að lokum vil ég bjóða Davíð
Þór og dóttur hans hjartanlega
velkomin í heimsókn í Laugardal-
inn, þann fagra fjallasal, til að
kynna sér málin. Það er besta
vopnið gegn fordómum. Mannlíf
úti á landi er öflugt, menning fjöl-
breytt og gróskumikil og það eru
góðir framhaldsskólar úti á landi.
Það er gott að búa úti á landi. Það
er gott að vera nemandi eða
starfsmaður í Menntaskólanum
að Laugarvatni.
Fordómar eða fræðsla
UMRÆÐAN
BAKÞÖNKUM
SVARAÐ
HALLDÓR PÁLL HALLDÓRSSON
SKÓLAMEISTARI MENNTASKÓLANS AÐ
LAUGARVATNI
Vonandi vekur grein Davíðs
Þórs fólk þó öllu frekar til um-
hugsunar um eigin fordóma og
þekkingarskort á því hvað og
hvernig það er að búa og starfa
úti á landi og á því hvernig
heimavistarskólar eru, því
fordómar eru börn vanþekk-
ingarinnar.
Í Fréttablaðinu hinn 1. maí birtist
heilsíðuauglýsing frá Alþýðusam-
bandi Íslands þar sem tíundaðir
eru áfangasigrar þess í réttinda-
baráttu launafólks. Tilefnið er 90
ára afmæli sambandsins og er
auðvitað allt gott um það að segja
að haldið sé upp á merkan áfanga í
sögu verkalýðsbaráttu.
Það sem stakk í augu við lestur
auglýsingarinnar var sú staðhæf-
ing að launajafnrétti hefði komist
á árið 1948. Allar tiltækar upplýs-
ingar um laun á Íslandi sýna svo
ekki verður um villst að launa-
munur karla og kvenna er hér
meiri en á hinum Norðurlöndun-
um og er hann þó töluverður þar.
Ég velti því fyrir mér hvaða til-
gangi slík tilhæfulaus auglýsing
þjóni? Hafi einhver gert mistök,
þá eiga íslenskar konur heimtingu
á því að ASÍ biðjast afsökunar á
birtingunni. Það er með öllu óþol-
andi að í byrjun 21. aldar sé ekki
meiri þekking á jafnréttismálum
innan ASÍ en birtist í þessari aug-
lýsingu. Launamunur kynjanna er
eitt af stærstu félagslegu mein-
semdum í íslensku samfélagi.
Framsækin og meðvituð verka-
lýðshreyfing ætti að gera útrým-
ingu launamunar karla og kvenna
að forgangsverkefni sínu, sérstak-
lega í ljósi þess að meirihluti
félagsfólks er konur.
Þess má geta að aðilar vinnu-
markaðarins og stjórnvöld í Finn-
landi settu sér það markmið í
kjarasamningum sem gerðir voru
árið 2005 að draga úr launamun
milli karla og kvenna um fimm
prósentustig fyrir 2015.
Ég undirrituð er félagskona í
Eflingu og hef þar af leiðandi tekið
þátt í að fjármagna gerð þessarar
auglýsingar. Peningar verkalýðs-
hreyfingarinnar koma frá okkur
félagsmönnum hennar og í ljósi
þess krefst ég skjótra og afdrátt-
arlausra svara við þeim spurning-
um sem ég hef hér sett fram.
Opið bréf til forseta ASÍ
UMRÆÐAN
SIGURBJÖRG ÁSGEIRSDÓTTIR BENSÍNAF-
GREIÐSLUKONA SKRIFAR UM LAUNAMUN
550 5000
AUGLÝSINGASÍMI