Fréttablaðið - 25.05.2006, Page 32

25. maí 2006 FIMMTUDAGUR32
Sveitarstjórnarkosningar fram-
undan og loforðalistarnir fylla
síður blaðanna. Frambjóðendur
keppast við að telja okkur trú um
að þeir hafi fyrstir komið með
þetta málefnið eða hitt. Æskan og
gjaldfrjálsir skólar, hið besta mál
en samt gleymist það dýrmætasta
sem við bjóðum í dag, fyrir utan
kærleikann: Það er engin her-
skylda á Íslandi. Börnin okkar
verða ekki öguð af þar til gerðum
stofnunum til að þramma um í
hermannaklossum og svara kall-
inu þegar þar að kemur. Guði sé
lof.
Svo er það gamla fólkið. Oft er
þörf en nú nauðsyn og þó öryrkj-
arnir eigi sama atvinnurekanda og
kjörin svipuð, er minna um þá
talað en skyldi. Ég er mjög sáttur
við þá umræðu, að við þorum að
horfast í augu við þá staðreynd að
á Íslandi sé til fátækt. Sú skoðun
viðmælanda Fréttablaðsins fyrir
örstuttu sem var á þá leið að ekki
væri æskileg fyrirmynd, foreldri
með brotna sjálfsmynd, finnst
mér kuldaleg. Með þessu er líka
verið að fullyrða að foreldri verði
að uppfylla einhver ytri og innri
skilyrði til þess að vera í nálægð
við börnin sín sem er auðvitað
fjarstæða. Börn og foreldrar eru
sú máttarstoð sem allt okkar sam-
félag byggir á og skiptir því engu
hver er málhaltur, snauður, skuld-
settur eða kvalinn. Hinu er ég hins
vegar sammála að foreldri á ekki
að líða fyrir fátækt sína þegar að
börnunum kemur. En það eru fleiri
sem mættu fá athygli frambjóð-
enda og þá er ég að tala um
atvinnulausa, skjólstæðinga fjöl-
skylduþjónustunnar, meðlags-
greiðendur, skuldsetta og aðra
samfélagshópa sem eiga um sárt
að binda.
Þau tíðindi berast, að í dag eigi
að fara að skoða fyrir alvöru þann
hóp sem ekki nýtir réttindi sín, þá
möguleika sem kerfið býður, opna
augu hans til að sækja og fá, finna
þá afskiptu og umkomulausu til að
gleðjast með og lifa og njóta,
minnka ofrausn þeirra sem fá en
ekki þurfa og svo má áfram telja.
Þetta er frábært!
Það næsta á loforðalistanum
er: Það þarf að byggja. Flest öll
mein samfélagsins fá sömu lausn-
ina: Það þarf að byggja til að eyða
biðlistum, það þarf að byggja tón-
listarhús og þorp fyrir aldraða.
Svo þarf auðvitað að leggja vegi út
um allt og jafnvel í rándýrum loft-
brúm eða stokkum neðansjávar ef
þurfa þykir. Auðsældin vellur upp
úr hverjum vasa.
Og bráðum förum við að byggja
yfir þá sem þjást af einsemd og af
löngun til að verða einhvers nýtir
en þurfa þó í raun aðeins örlitla
athygli og smá hlýju frá þér eða
mér. Svona á nú góðsemin sér
margar hliðar.
Við á Reykjanesbæjarlistanum
höfum lagt fram mjög athyglis-
verða tillögu til að verja bæjar-
félagið okkar atvinnuleysi sem
gæti komið í framhaldi af burtför
hersins.
Við viljum að krókaveiðar verði
gerðar frjálsar fyrir heimamenn í
kringum Reykjanesið allt að 6 sjó-
mílur út. Hér reynir á skilning
stjórnvalda hvort hagsmunir ein-
stakra þurfi ekki stundum að víkja
fyrir heildinni, að beiðni okkar
verði tekin til alvarlegrar athug-
unar. Ef af yrði myndi þessi lausn
mörgu breyta til góðs hér á svæð-
inu.
Höfundur er í 3. sæti Reykja-
nesbæjarlistans.
Hvað veldur, hvað heldur?
UMRÆÐAN
KOSNINGAR
KONRÁÐ K. BJÖRGÚLFSSON
FRAMBJÓÐANDI
Fá sveitarfélög búa yfir jafn mikl-
um möguleikum og Árborg. Vöxt-
urinn hefur komið ýmsum á óvart,
enda fjölgar um 1 íbúa á degi
hverjum. D-listinn í Árborg hefur
lagt áherslu á að tekið sé myndar-
lega á fjölguninni, enda lítum við á
hana sem tækifæri - ekki vanda-
mál.
Árborg er einstaklega vel stað-
sett til framtíðar. Sífellt fleirum
er ljóst að höfuðborgin og nánasta
nágrenni eru að komast í þrot hvað
rými varðar. Bættar samgöngur
og aukin bílaeign gefur Íslending-
um aukið val í búsetu. Á sama tíma
hefur lóðaverð í Reykjavík þrýst
fjölskyldufólki til að skoða nýja
búsetukosti. Uppbyggingin á
Reykjanesi undir stjórn D-listans
hefur gengið hratt og vel. Þá hefur
Akranes komið fram sem trúverð-
ugur búsetukostur fyrir þá sem
sækja vinnu á höfuðborgarsvæð-
inu. Árborg hefur alla burði til að
vera fyrsti valkostur fólks sem
lítur á nýja kosti í nágrenni höfuð-
borgarinnar, en til að svo megi
verða þarf að hugsa stórt og hugsa
í samhengi.
Íbúar í Árborg eiga réttmæta
kröfu á fyrsta flokks þjónustu sem
stenst fullan samjöfnuð við helstu
sveitarfélög landsins. Biðlistar á
leikskólum eru tímaskekkja á
tímum umræðu um gjaldfrjálsa
leikskóla. Við viljum samþætta
skólastarfið og tengja skólastig
betur. Við viljum að Árborg verði
leiðandi í málefnum eldri borgara
og leggjum til að sveitarfélagið
fari í samningaviðræður við ríkið
að kosningum loknum. Þá þarf að
lyfta grettistaki í íþróttamálum,
sem hafa setið á hakanum, auk
þess sem skipulagsmál og frá-
gangur gatna bíða bættra vinnu-
bragða.
Við sem skipum framboðslista
D-listans í Árborg höfum óbilandi
trú á framtíð sveitarfélagsins.
Íbúarnir eiga skilið að fá aukið
svigrúm til athafna og lægri álög-
ur til framkvæmda. Frambjóðend-
ur D-listans hafa breiðan bak-
grunn, eru með yfirgripsmikla
reynslu af sveitarstjórnarmálum,
menntamálum og fyrirtækja-
rekstri.
Þann 27. maí hafa kjósendur í
Árborg tvo skýra valkosti; annars
vegar núverandi bæjarstjórnar-
meirihluta og hins vegar D-list-
ann. Við óskum eftir umboði kjós-
enda til að fá að vinna - fyrir
Árborg.
Höfundur skipar 3. sæti á lista
Sjálfstæðisflokksins í Árborg.
Fyrir Árborg
UMRÆÐAN
KOSNINGAR
SNORRI FINNLAUGSSON
FRAMBJÓÐANDI
Með fasteignalánum bankanna
hækkaði íbúðaverð um allt land,
ekki síst á höfuðborgarsvæðinu.
Veðskuldir heimilana hafa vaxið
mikið í kjölfarið og heimili fólks
sjálfsagt aldrei verið veðsettari.
Við þetta bætist svo að verðbólga
hefur rokið upp og stendur nú í
einum 15 prósentum, sem hefur
sjálfkrafa hækkað lán fólks sem
því nemur.
Það er því mikilvægt að jafn-
vægi náist á fasteignamarkaði án
þess að hrun verði á fasteigna-
verði.
Um mig fer hrollur þegar ég
les lóðastefnu sjálfstæðismanna,
þeir hyggjast ausa út 10.000
lóðum á Geldinganesi, 6.000 í
Örfirisey, 10 þúsund í Vatnsmýr-
inni auk þúsundum lóða í Úlfar-
sárdal. Þessar úthlutanir eiga að
hefjast í haust og lýkur 2008.
Rétt er að hafa í huga að
íbúum á höfuðborgarsvæðinu
hefur samkvæmt Hagstofu
Íslands fjölgað um 9.000 síðustu
4 ár.
Ég fæ ekki séð hvernig sjálf-
stæðismenn ætla að koma þess-
um lóðum út, því ef aðeins verður
um einbýlishúsalóðir að ræða og
miðað er við 3,7 einstaklinga í
kjarnafjölskyldu þyrfti að tvö-
falda fjölda Reykvíkinga. En ef
um blandaða byggð einbýlis- og
fjölbýlishúsa er að ræða þyrfti að
fjórfalda fjölda Reykvíkinga til
að byggja allar þessar lóðir.
Þegar við bætist að sjálfstæð-
ismenn ætla að hefja að nýju til
vegsemdar gjafalóðastefnu sína
er einsýnt að verðmæti húsnæðis
í Reykjavík mun hrynja með
skelfilegum afleiðingum fyrir
þær fjölskyldur í borginni sem
eiga húsnæði.
Stefna Samfylkingarinnar er
skýr. Við munum tryggja eðlilegt
framboð á lóðum, við munum
úthluta lóðum sem sérstaklega
verða ætlaðar undir leiguhúsnæði.
Þannig viljum við tryggja að heil-
brigður leigumarkaður þrífist í
Reykjavík á sama tíma og við stuðl-
um að því að verð á húsnæðismark-
aði nái mjúkri lendingu, án þess að
um hrun verði að ræða með ófyrir-
sjáanlegum afleiðingum fyrir fast-
eignaeigendur í borginni.
Höfundur er í 6. sæti á lista
Samfylkingarinnar í Reykjavík.
Verðhrun yfirvofandi?
UMRÆÐAN
KOSNINGAR
SIGRÚN ELSA SMÁRADÓTTIR
FRAMBJÓÐANDI
Langferðir ehf., Holtasmára 1, 201 Kópavogur
Sólin og ströndin
í Búlgaríu
Tilboð
Apollo Smile eru óvissuferðir fyrir þá sem
vilja fyrst og fremst komast í sólina og á
ströndina en leggja síður áherslu á gististaði.
Við tryggjum gistingu í tví- eða þríbýli og þú
getur valið um gæði gistingarinnar
Óvissuferð 36.600 kr.
· Við tryggjum svefnpláss með lágmarksþægindum.
Verð miðast við 2 viknadvöl.
Apollo Smile 39.700 kr.
· Gististaðurinn fær 2 sólir í gæðakerfi okkar.
Verð miðast við vikudvöl.
Apollo Smile 3 sólir 42.700 kr.
· Gististaðurinn fær 3 sólir í gæðakerfi Apollo (milli-flokkur með
sundlaug). Verð miðast við vikudvöl.
5 100 300 www.apollo.is
Bæklingar liggja frammi
á völdum Esso-stöðvum:
Reykjavík: Ártúnshöfði, Fossvogur og Geirsgata.
Hafnarfjörður: Lækjargata
Keflavík: Hafnargata
Akureyri: Leiruvegur
Náðu þér
í bækling!
Brottfarir:
6. júní: 2 vikur
13. júní: 1, 2 og 3 vikur
20. júní: 1, 2 og 3 vikur
27. júní: 1, 2 og 3 vikur
* Verð miðast við bókun á netinu. Lesið um nánari skilmála óvissuferða á heimasíðu okkar. Óvissuferðir eru án fæðis og ferða til og frá flugvelli ytra
36.600 kr.
á mann í 2 vikur 6. júní í tví- eða þríbýli með öllum sköttum
Bókaðu
núna!
www.apol
lo.is
550 5000
AUGLÝSINGASÍMI