Fréttablaðið - 25.05.2006, Side 47

[ ]
Nú eru bjartar sumarvikur
fram undan með tilheyrandi
sólarlandaferðum, siglingum,
útivist og fjallgöngum. Þá
er nauðsynlegt að huga að
verndun húðarinnar.
„Kuldi og blástur kælir oft húðina
hér á Íslandi og því áttar fólk sig
oft ekki á því fyrr en að kvöldi dags
að það er orðið brunnið af sólinni.
Kælingin dregur úr þeim óþægind-
um af sterkri sól sem maður finnur
fyrir í miklum hita. Enda kemur
fólk oft skaðbrunnið til okkar lækn-
anna og hefur alls ekki áttað sig á
því að það væri einhver ástæða til
þess að fara varlega.“ Þetta segir
Bárður Sigurgeirsson, læknir á
húðdeild, þegar hann er spurður út
í séríslenskar aðstæður hvað varð-
ar verndun húðar. Hann bendir líka
á að hér á landi og einkum upp til
fjalla sé loftið hreint og tært.
Einnig að mikið endurkast sé frá
jöklum og vötnum. Þar þurfi ekki
sól til að fólk geti brunnið.
Bárður segir tíðni sortuæxla
mjög háa hér á landi, með því
hæsta sem gerist í heiminum, eink-
um hjá ungum konum. „Það er eitt-
hvað sem ungar íslenskar konur
gera sem kynsystur þeirra í öðrum
löndum gera minna af. Við lækn-
arnir teljum að það sé ljósabekkja-
notkunin. Kannski hafa þær ekki
farið nógu varlega í sínum sólar-
landaferðum og svo eru þessir fáu
sólardagar sem við fáum gernýttir.
Fólk vill nota þá vel ef spáin er
slæm fyrir næstu tvær vikurnar.
Það virðist vera mjög slæmt fyrir
húðina þegar menn fá óhóflega sól
öðru hvoru.“
En hvað er til ráða? „Ég segi
stundum að þetta sé eins og með
umferðina. Við vitum að hún er
hættuleg. Þó myndi Umferðarráð
ekki ráðleggja fólki að vera heima
heldur keyra varlega og nota
öryggisbeltin. Við húðlæknar
gerum slíkt hið sama. Að keyra
varlega þýðir að vera ekki úti í sól-
inni þegar hún er hæst á lofti og
sólarvörnin er beltin. Við ráðleggj-
um fólki að nota vörn sem er 20 til
25. Bæði kemur hún í veg fyrir sól-
bruna og dregur úr líkum á húð-
krabbameini svo og úr öldrun húð-
arinnar. Við viljum öll vera ungleg
lengi. Enda sjáum við að snyrti-
vörufyrirtækin eru flest komin
með sólarvörn 15 í sín krem. Fyrir-
sætur sem hafa lifibrauð af útliti
sínu eru allar orðnar kríthvítar.
Þær vita að sólin veldur hrukkum.
Auðvitað er frábært þegar sólríkir
dagar koma og ég hvet sem flesta
til að vera úti og njóta þeirra af
skynsemi.“
gun@frettabladid.is
Þótt hitastig sé lágt getur
sólin verið varasöm
Hér hefur eitthvað gleymst.
Bárður Sigurgeirsson húðlæknir hvetur fólk til að njóta sólarinnar af skynsemi, klæða hana af sér og nota góða vörn. FRÉTTABLAÐIÐ/STEFÁN
Eyjólfur Örn Jónsson var rang-
lega titlaður höfundar greinar um
prófkvíða sem birtist á þriðjudag.
Hið rétta er að Björn Harðarson var
höfundur pistilsins. Báðir eru þeir
aðstandendur vefjarins persona.is
en pistill frá aðstandendum vefjarins
birtist í heilsuþættinum á hverjum
þriðjudegi.
Leiðrétting
Björn Harðarson sálfræðingur skrifaði
pistil um prófkvíða sem birtist í Allt-
blaðinu í fyrradag.
Foreldrar í Bretlandi eru
uggandi yfir tilskipunum heil-
brigðisyfirvalda um að öll fjög-
urra og tíu ára börn skuli vigtuð
til að kanna offituvandamál.
Heilbrigðisyfirvöld í Bretlandi hafa
fyrirskipað að öll börn á aldrinum
fjögurra til tíu ára skuli vigtuð. Til-
gangurinn með því er að ganga úr
skugga um hvort börnin eigi við
offituvandamál að stríða. Börnin
verða þá mæld og vigtuð þegar þau
hefja skólagöngu og aftur þegar
þau eru orðin tíu ára. Niðurstöður
vigtunarinnar verða svo sendar for-
eldrum og heilbrigðisyfirvöldum.
Fram kemur á fréttavef BBC að
þrátt fyrir þessa vigtun fái foreldr-
ar of feitra barna engar leiðbeining-
ar eða neina hjálp til að takast á við
vandamálið og snúa því við. Yfir-
völd segja framkvæmd mæling-
anna veita yfirvöldum upplýsingar
um svæðisbundin offituvandamál
ásamt því að mælingarnar muni
veita foreldrum áreiðanlegar sam-
anburðarupplýsingar.
Foreldrar geta neitað að taka
þátt en margir telja athæfið ýkta
forræðishyggju og það geti leitt til
þess að börn í yfirvigt verði lögð í
einelti.
Bresk börn á vigtina
Bresk heilbrigðisyfirvöld skipa fyrir að börn
skuli mæld vegna offitu en veita foreldrum
enga frekari hjálp við vandanum.
Hvítir blettir á nöglum eru ekki merki um næringarskort að
neinu leyti. Blettirnir eru kalkútfellingar sem myndast ef nýmynd-
aður naglmassi verður fyrir einhvers konar hnjaski.