Fréttablaðið - 10.09.2006, Page 2

2 10. september 2006 SUNNUDAGUR
NOREGUR, AP Loka þurfti litlum
kjarnakljúfi í Noregi aðfaranótt
laugardags, þegar aðvörunarbjöllur
fóru í gang vegna leka. Vart varð við
aukna geislun í klefa sem kjarna-
kljúfurinn, sem notaður er til rann-
sókna, er í og slokknaði þá sjálf-
krafa á honum.
Í fréttatilkynningu sem Geisla-
varnir norska ríkisins sendu frá sér
í gærdag segir að ekki hafi mælst
geislun yfir viðmiðunarmörkum
utan við klefann. Málið er í rann-
sókn og er talið líklegt að aukin
geislun í klefanum hafi stafað af
leka á kælivatni.
Norsk stjórnvöld leggja bann við
kjarnorkuverum og kjarnorkuvopn-
um á norskri grundu en þó eru tveir
kjarnakljúfar reknir þar í rannsókn-
arskyni.
Atvikið átti sér stað í kjarna-
kljúfi við norsku Orku- og tækni-
stofnunina í Kjeller við Lillehamm-
er, um tuttugu kílómetrum
norðaustur Ósló.
Enginn var inni í salnum þegar
bjöllurnar fóru í gang. „Það var
aldrei nein hætta á ferðum,“ segir
Atle Valseth, öryggisstjóri við stofn-
unina, við Expressen.
Kjarnakljúfurinn, sem kallast
JEEP II, var gangsettur árið 1966 og
er knúinn af auðguðu úrani. Er hann
notaður til rannsókna í eðlisfræði
og læknisfræði. - sdg
LOFTHELGIN Flugmálastjórn gæti
séð um eftirlit með allri flugum-
ferð í íslenskri lofthelgi, líka
óþekktum flugvélum sem ekki
senda frá sér merki. „Við gætum
haft eftirlit með allri flugumferð,
jafnvel þeirri sem ekki gerir endi-
lega vart við sig,“ segir Þorgeir
Pálsson flugmálastjóri. Þorgeir
segist ekkert geta sagt hvað það
myndi kosta ef Flugmálastjórn
tæki við en eftirlit Bandaríkjahers
kostar rúman milljarð á ári.
„Við fylgjumst með umferð
flugvéla sem senda frá sér auð-
kenni sitt með ratsjánni og eru
vinveittar í þeim skilningi að þær
vilja láta sjá sig. Þessar flugvélar
fljúga eftir flugheimildum og vilja
og verða að tryggja öryggi sitt
með því að halda aðskilnaði frá
annarri umferð,“ segir hann en
vill ekki leggja mat á það hvort
nauðsynlegt sé fyrir Íslendinga að
halda eftirliti Varnarliðsins áfram.
„Það er hernaðarlegs eðlis og allt
önnur sjónarmið sem koma upp en
við flugumferðarstjórn.“
Varnarliðið hætti að fylgjast
með merkjum frá ratsjárstöðvum
fyrir nokkrum vikum og hefur það
ekki haft nein áhrif á flugumferð-
arstjórn. „Það skiptir máli að vita
hvar þessar flugvélar eru til að
geta eftir atvikum beint borgara-
legri umferð frá henni ef um slíkt
er að ræða. En mér vitanlega
hefur ekki verið um slíka umferð
að ræða á undanförnum árum,“
segir Þorgeir.
Ágúst Ólafur Ágústsson, vara-
formaður Samfylkingarinnar, telur
nauðsynlegt að fylgjast með allri
flugumferð við Ísland, svæðið sé
stórt og flugumferðin ekkert einka-
mál einnar þjóðar. „Þetta er hags-
munamál allra Nató-ríkjanna. Það
er ólíklegt að eitthvað gerist en við
þurfum að vera viðbúin. Við þurf-
um að vona það besta en búast við
því versta,“ segir hann og telur
eðlilegt að Nató komi að kostnaðin-
um og hvetur til þess að málið verði
tekið upp í utanríkismálanefnd.
„Ratsjárstofnun gegnir mikil-
vægu hlutverki. Það skiptir máli
fyrir Ísland hvað varðar borgara-
legt flug, varnir og öryggi á norð-
urhöfum að starfsemin haldi
áfram. Við erum í viðræðum við
Bandaríkjamenn um varnir og
viðskilnaðinn hér. Það er ekki
komin niðurstaða í þær viðræður,“
segir Valgerður Sverrisdóttir
utanríkismálaráðherra.
ghs@frettabladid.is
SPURNING DAGSINS
Kveikt í plastkari
Kveikt var í plastkari í Skeifunni í
Reykjavík á fimmta tímanum í gær-
morgun. Slökkvilið höfuðborgarsvæð-
isins var sent á vettvang og gekk
greiðlega að slökkva eldinn.
LÖGREGLUFRÉTTIR
ÁSTRALÍA, AP Jarðarför krókódíla-
fangarans Steves Irwin, sem lést
eftir að hafa fengið brodd úr hala
stingskötu í hjartastað á mánu-
daginn, verður haldin í kyrrþey á
næstu dögum að sögn umboðs-
manns Irwinw.
Ástralskir fjölmiðlar greindu
frá því í gær að lík Irwin hefði
verið flutt í Australia Zoo-
skriðdýragarðinn, sem faðir hans
stofnaði á áttunda áratugnum, þar
sem lítil minningarathöfn var
haldin.
Almenningur mun fá tækifæri
til að votta honum virðingu sína
við stóra minningarathöfn sem
verður haldin fljótlega eftir
jarðarförina. - sdg
Krókódílafangarinn kvaddur:
Var minnst í
skriðdýragarði
SKRIÐDÝRAGARÐURINN Fjölmargir hafa
lagt leið sína að skriðdýragarðinum til
að votta minningu krókódílafangarans
virðingu sína. MYND/AP
SÖFNUN Metþátttaka var í söfnun
Rauða kross Íslands, Göngum til
góðs, sem fór fram í gær. Að
þessu sinni var safnað fyrir
börn í sunnanverðri Afríku sem
misst hafa foreldra sína úr
alnæmi. Sjálfboðaliðar gengu
hús úr húsi í gær og söfnuðu
fjárframlögum en einnig er
hægt að gefa með því að hringja
í söfnunarnúmer.
„Þetta gekk betur en við
þorðum að vona,“ segir Sólveig
Ólafsdóttir, sviðsstjóri hjá
Rauða kross Íslands. „Við
settum markið á tvö þúsund og
fimm hundruð sjálfboðaliða og
náðum því.“
Tölur úr söfnuninni birtast í
dag en talningu lauk ekki fyrr
en í nótt. - sþs
Göngum til góðs:
Aldrei fleiri
sjálfboðaliðar
SAFNAÐ Í BAUK Meðal þeirra sem styrktu söfnunina var þessi unga Akureyrarmær
sem lét pening í bauk forseta Íslands á Glerártorgi.
Leki varð í smáum kjarnakljúfi sem notaður er til rannsókna:
Kjarnakljúfi lokað í Noregi
ÞORGEIR PÁLS-
SON FLUGMÁLA-
STJÓRI
Segist ekki geta
sagt til um hvað
það myndi kosta
stofnunina að
taka yfir eftirlittið.
Flugmálastjórn gæti
tekið við eftirlitinu
Flugumferðarstjórn hefur ekki orðið fyrir neinum áhrifum þó að herinn hafi
hætt eftirliti með flugumferð. Flugmálastjórn gæti tekið við eftirlitshlutverk-
inu, að mati flugmálastjóra. Varaformaður Samfylkingarinnar vill að Nató
HERÞOTA Á KEFLAVÍKURFLUGVELLI Það hefur ekki haft nein áhrif á flugumferðarstjórn þó að varnarliðið hafi ekki sinnt eftirliti
með óþekktum flugvélum í íslenskri lofthelgi síðustu vikur.
Guðjón, er sundrung í Frjáls-
lynda flokknum?
Nei, þar er sko engin sundrung.“
Guðjón Arnar Kristjánsson alþingismaður
og flokksbróðir hans Sigurjón Þórðarson
eru báðir miklir sundkappar. Guðjón
syndir að minnsta kosti tvisvar í viku sér
til heilsubótar en segir Sigurjón mun
meiri sundgarp.
ALÞJÓÐAKJARNORKUMÁLASTOFNUNIN
Samvkæmt venju mun Alþjóðakjarn-
orkumálastofnunin taka málið til
skoðunar.
HÁTÍÐ Grafarvogsbúar gerðu sér
glaðan dag í gær þegar haldið var
upp á Grafarvogsdaginn.
Hátíðarhöldin fóru fram í og við
Borgarholtsskóla og heppnaðist
dagurinn vel. Frítt var í strætó á
meðan hátíðahöldunum stóð, en
með því var verið að hvetja gesti
til að skilja bílinn eftir heima og
taka strætó.
Grafarvogsdagurinn hefur
verið haldinn á hverju ári síðan
1998 og var þemað í ár „ABC -
Mennt er máttur“. - sþs
Grafarvogsdagurinn:
Mennt er máttur
í Grafarvoginum
Í LEIKTÆKI Þessar stúlkur skemmtu sér
augljóslega vel á Grafarvogsdeginum
sem var haldinn hátíðlegur í gær.
SLÖKKVILIÐ Eldur kviknaði í
kjallara íbúðarhúss á Hlíðarvegi í
Kópavogi um sexleytið í gær-
morgun. Íbúar kjallarans urðu
eldsins varir og komu sér út af
sjálfsdáðum. Það sama gerði
fjögurra manna fjölskylda sem
býr á efri hæð hússins. Tveir
voru fluttir á sjúkrahús vegna
gruns um reykeitrun.
Að sögn talsmanns slökkviliðs
höfuðborgarsvæðisins var
eldurinn ekki mikill en talsvert
um reyk. Reykkafarar fóru inn í
kjallarann og var húsið reykræst
í kjölfarið. Ekki liggur fyrir hvert
tjónið er af völdum elds, reyks og
sóts. - sþs
Eldur í íbúðarhúsi í Kópavogi:
Íbúar komust út
af sjálfsdáðum
HOLLAND Hollenskur prestur
hefur viðurkennt að hafa staðið
fyrir sprengjugabbi í síma í
tilraun til að
koma í veg fyrir
tónleika
bandarísku
söngkonunnar
Madonnu.
Presturinn
notaði heimilis-
símann og var
því handtekinn
fljótlega.
Sýning Madonnu
þar sem krossfesting er sett á
svið hefur farið fyrir brjóstið á
kristnum mönnum á Ítalíu og í
Þýskalandi en sýningarnar fara
samt fram í Amsterdam í dag og
á morgun. Símahótunin er fyrsta
afbrot prestsins og því er líklegt
að hann fái ekki þunga refsingu,
að sögn BBC. - ghs
Sprengjugabb úr heimasíma:
Prestur hótar
Madonnu
MADONNA
Ók á staur á Akureyri
Ökumaður ók á staur við Kaupvangs-
stræti á Akureyri á fimmta tímanum í
gærmorgun. Hann slasaðist ekki og er
grunaður um ölvunarakstur. Málið var
afgreitt um morguninn og ökumann-
inum sleppt að því loknu.
MIÐ-AUSTURLÖND Ehud Olmert,
forsætisráðherra Ísraels, segist
tilbúinn til formlegra viðræðna
við Mahmoud Abbas, forseta
Palestínumanna. Olmert tilkynnti
þetta að loknum fundi sínum með
Tony Blair, forsætisráðherra
Bretlands, sem fór fram í
Jerúsalem í gær.
Olmert sagðist vilja hitta Abbas
til að vinna að árangursríkri
framvindu mála og að helsta
forgangsverkefnið væri að láta
lausan ísraelska hermanninn
Gilad Shalit, sem var rænt í sumar
af herskáum Palestínumönnum.
Olmert og Abbas hafa ekki hist
síðan Olmert tók við sem
forsætisráðherra. - sdg
Deila Ísraels og Palestínu:
Olmert vill fund
með Abbas
FINNLAND Yfir hálf milljón Finna
þjáist af mígreni. Þó að verkurinn
sé einstaklega erfiður reynir stór
hluti af sjúklingunum að bjarga
sér sjálfir og leita ekki til læknis.
Þetta kemur fram á fréttavef
Helsingin Sanomat.
Mígreni er algengara en astmi
eða sykursýki í Evrópu, að mati
finnsku mígrenisamtakanna.
Tíundi hver maður þjáist af
mígreni. Mígreni er algengara
hjá konum en körlum og getur
höfuðverkurinn tengst sjón og
slæmri líðan. - ghs
Finnland:
Hálf milljón
með mígreni
Lögreglustjórafélag Íslands
Stofnfundur Lögreglustjórafélags
Íslands var haldinn í gær. Í félaginu
eru allir lögreglustjórar og aðstoðar-
lögreglustjórar sem sinna munu þeim
störfum eftir 1. janúar 2007.
FÉLAGSMÁL