Fréttablaðið - 07.10.2006, Qupperneq 46

■■■■ { heilsublaðið } ■■■■■■■■■■■■■■■■■■■■■■■■■■■■■■■■■■■■■■■■■■■■■■■2
„Upphafið að þessu má rekja til þess
að við vildum fá fólkið í Fíladelfíu-
söfnuðinum til að hreyfa sig meira
saman. Þannig kviknaði hugmynd-
in að þessum tímum og ég fékk það
í gegn hjá stjórnendum Lauga að
prófa þetta einu sinni í viku. Það er
skemmst frá því að segja að þetta
hefur gengið rosalega vel og fjöldinn
hefur verið frá 18 upp í 30 manns í
hverjum tíma,“ segir einkaþjálfar-
inn Guðbjörn Herbert Gunnarsson,
stjórnandi World Class Gospel tím-
anna sem haldnir eru á laugardög-
um í Laugum og er nýjasta viðbótin
í fjölbreytta dagskrá líkamsræktar-
stöðvarinnar.
Tímanum, sem er rúmlega
klukkutíma langur, er skipt í tvennt
að sögn Guðbjörns. „Fyrst tökum við
þrekhring sem reynir á allan líkam-
ann og í síðari hlutanum er farið í
spinning. Þetta er mikil keyrsla sem
tekur vel á þol, styrk og þrekþjálfun
og þetta er líklega í kringum hálft
kíló sem fólk brennir í þessum tíma,”
segir Guðbjörn glottandi, en hann er
sjálfur meðlimur í söfnuðinum.
Margir velta því sjálfsagt fyrir
sér hvernig er að æfa undir tónum
gospel-tónlistar, sem er óumdeilan-
lega nokkuð frábrugðin danstón-
listinni sem venjulega glymur undir
í sambærilegum tímum. Guðbjörn
segir það vissulega mikið listaverk
að finna lög sem henta en bætir
við að þau sem sjái um tónlistina í
tímanum, þau Óskar Einarsson og
Hrönn Svansdóttir, sem eru fólkið á
bakvið Gospelkór Reykjavíkur, hafi
unnið hálfgert kraftaverk. „Þetta er
alveg æðislega gaman og mjög auð-
velt að hreyfa sig í takt við tónlist-
ina,“ bætir hann við.
Óskar segir sjálfur að það sé í
raun ekkert betra en að hreyfa sig
með undirspili gospel-tónlistarinnar.
„Í svona þreki þarf náttúrlega mikla
orku og gospel-tónlist er yfirfull af
þessari orku. Það má eiginlega segja
að með svona tónlist verði æfing-
arnar nánast helmingi auðveldari og
skemmtilegri. Þetta er alveg yndis-
legt,“ segir Óskar.
World Class Gospel er haldið á
laugardögum kl. 14 í Laugum og er
tíminn opinn öllum.
Gospelið slær í gegn í
World Class í Laugum
Mikið heilsuátak hófst hjá meðlimum Fíladelfíusafnaðarins á Íslandi í sumar sem segja
má að hafi náð hámarki í lok sumars þegar líkamsræktarstöðin Laugar byrjaði með
sérstaka tíma, World Class Gospel, sem boðið er upp á einu sinni í viku.
Einkaþjálfarinn Guðbjörn Herbert Gunnarsson og tónlistarmennirnir Óskar Einarsson og Hrönn Svansdóttir sjást hér taka á því í ræktinni.
Þau eru hugmyndasmiðirnir á bak við World Class Gospel. FRÉTTABLAÐIÐ/ANTON BRINK
„Það er náttúrlega rosaleg hugar-
farsbreyting að gera þetta eins og
ég gerði það, þetta veldur miklu
álagi á skrokkinn og það þýðir ekki
neitt að ætla sér að fara í ræktina
og borða áfram það sama og maður
gerði,“ segir hann.
„Að mínu mati verður maður að
byrja á því að hugsa sér einhvern
mat sem manni finnst góður á
bragðið og spyrja sig svo, hvernig
getur maður breytt honum í holl-
meti og haft hann áfram góðan?
Mér finnst til dæmis gott að fá mér
KFC, þá prófaði ég í staðinn að
heilsteikja kjúkling og ekki krydda
hann mikið, ég skipti út frönskun-
um fyrir grænmeti og ef mig lang-
ar í hrísgrjón, þá hef ég þau brún.
Þetta hefur virkað mjög vel fyrir
mig.“
Davíð segir ekki alltaf nauðsyn-
legt að fá sér einkaþjálfara til að
byrja með, hann mælir í stað þess
með því að hver finni sér sinn hraða
til þess að byrja á. „Það er gott að
fara með mp3-spilara í ræktina
og hlusta á einhverja uppbyggj-
andi tónlist um leið. Það virkaði
til dæmis rosalega vel fyrir mig að
hlusta á Whitesnake, það er svona
hetjumúsík og góð til þess að svitna
við.“
Að hans mati er gott fyrir fólk
sem er með veikleika fyrir mat að
breyta mataræðinu þannig að það
borði kolvetnaríkasta matinn fyrir
hádegi, þannig geti það brennt því
yfir daginn. „Ég mæli líka alfarið
með heilsuklúbbum þar sem fólk á
svipuðu róli æfir saman og hvet-
ur hvert annað áfram. Þetta virk-
ar mjög vel á fólk, þarna er verið
að halda tölfræðinni til haga og ef
maður fer að þyngjast allt í einu
getur maður kannski logið að sjálf-
um sér, en ekki að heilsuklúbbnum
sínum.“
Hver þarf að
finna sinn takt
Tónlistarmaðurinn Davíð Smári hefur síðastliðin misseri
gjörbreytt lífsstíl sínum til hins betra. Hann er tugum
kílóa léttari en áður og hefur óbilandi áhuga á heilsu-
rækt. Hann segir hugarfarsbreytingu forsendu þess að
breyta um lífsstíl.
Davíð Smári segir mikilvægt skref í átt til betra lífernis að finna sér hollan mat sem manni finnst góður á bragðið. FRÉTTABLAÐIÐ/VILHELM
Margir halda að Maður lifandi í
Borgartúni sé lítið meira en versl-
un og veitingastaður. Því fer hins
vegar fjarri því allt frá stofnun
fyrirtækisins haustið 2004 hefur
það staðið fyrir reglulegum fyrir-
lestrum í samvinnu við sérfræð-
inga frá ýmsum sviðum heilsugeir-
ans á Íslandi. Nú er svo komið að
margir mismunandi fyrirlestrar eru
á dagskrá í hverri viku, en þeir eru
haldnir í sal fyrirtækisins í kjallara
höfuðstöðvanna í Borgartúni.
„Við lítum svo á að þessir fyrir-
lestrar séu hluti af okkar starf-
semi og stór þáttur í því að breiða
út boðskap okkar. Fyrirlestrarnir
eiga það sameiginlegt að tengjast
heilsu og hollu líferni, í eins víðum
skilningi og það getur orðið,“ segir
Hjördís Ásberg, framkvæmdastjóri
Manns lifandi.
Fjölbreytnin er í fyrirrúmi hjá
Manni lifandi og sem dæmi má
nefna að í október er hægt að sækja
fyrirlestra um blómadropa og jóga,
lífvirk náttúruefni, austurlensk-
ar lækningar og eiturefnaúrgang,
svo eitthvað sé nefnt. Þá er einnig
með reglulegu millibili boðið upp
á matreiðslunámskeið þar sem líf-
rænt hráefni er í hávegum haft.
„Fyrirlestrunum fer sífellt fjölg-
andi og er ásóknin í þá stöðugt að
aukast. Sem dæmi voru hér 130
manns á fyrirlestri sl. mánudag, þó
svo að sá fjöldi hafi nánast verið
einsdæmi,“ segir Hjördís.
Fjölmargir áhugaverðir fyrirlestr-
ar eru á dagskrá á næstu vikum og
er hægt að nálgast upplýsingar um
þá á heimasíðu Maður lifandi. Verði
er haldið í lágmarki og er yfirleitt á
bilinu 1.000-1.500 krónur.
Fjöldi fyrirlestra í
hverri viku
Heilsufyrirtækið Maður lifandi breiðir út boðskapinn.
Fyrirlestrum í Manni lifandi hefur sífellt verið að fjölga í takt við vaxandi eftirspurn.